ہندوستان کے نائب صدر جناب سی پی رادھا کرشنن نے آج نئی دہلی کے تاریخی گاندھی آشرم میں ہریجن سیوک سنگھ کا دورہ کیا، جہاں انہوں نے مہادیو دیسائی لائبریری کی توسیع کا افتتاح کیا۔

نائب صدر جمہوریہ نے آشرم کے اندر واقع کستوربا میوزیم کا بھی دورہ کیا جہاں مہاتما گاندھی اور کستوربا گاندھی 1930 اور 1940 کی دہائیوں میں دہلی کے اپنے دوروں کے دوران قیام  کیاتھا۔ اس دورے کو انتہائی جذباتی قرار دیتے ہوئے نائب صدر جمہوریہ نے کہا کہ آشرم میں چہل قدمی، جس میں کستوربا با کے استعمال کردہ سادہ گھر اور باورچی خانے شامل ہیں، ہندوستان کے لیڈروں کی سادگی، قربانی اور غیر متزلزل عزائم کی طرف سے کی گئی سادگی کی زندگی کی ایک طاقتور یاد دہانی پیش کرتے ہیں۔

اجلاس سے خطاب کرتے ہوئے نائب صدر جمہوریہ نے کہا کہ مہادیو دیسائی لائبریری کی توسیع کا افتتاح محض ایک  فزیکل مقام کی توسیع نہیں ہے بلکہ اس یقین کی تصدیق ہے کہ علم سماجی تبدیلی کا سب سے زیادہ اورپائیدار  وسیلہ ہے۔

مہاتما گاندھی کی ذاتی تبدیلی کی عکاسی کرتے ہوئے نائب صدر نے یاد کیا کہ کس طرح گاندھی جی کے مغربی لباس کو ترک کرنے کے فیصلے کو ہندوستانی کسانوں کی غربت کے ساتھ ان کے مقابلے کی شکل دی گئی تھی،  جس میں  مدورائی ریلوے اسٹیشن پر جہاں انہوں نے صرف لوئن کلاتھ یا دھوتی پہننے کا عزم کیا تھا۔ انہوں نے کہا کہ یہ تبدیلی گاندھی جی کی عوام کے ساتھ شناخت کرنے اور ان کی ترقی کے لیے کام کرنے کے تاحیات عزم کی علامت ہے۔ انہوں نے گاندھی جی کی سودیشی کی وکالت کا بھی حوالہ دیا اوریہ نوٹ کرتے ہوئے کہ کس طرح انہوں نے مانچسٹر میں ہندوستان کی کپاس کی پروسیسنگ کی مخالفت کی اور ہندوستانیوں کو واپس فروخت کی اور اس کے بجائے سودیشی کی حمایت کی۔

ہریجن سیوک سنگھ کو مہاتما گاندھی کے ذریعہ لگائے گئے بیج کے طور پر بیان کرتے ہوئے نائب صدر نے کہا کہ اس کے کام نے تعلیم، بیداری اور خدمت کے ذریعہ اچھوت جیسی سماجی برائیوں پر قابو پانے میں ملک  کی مدد کرکے دیرپا پھل پیدا کیا ہے۔ انہوں نے اس بات پر زور دیا کہ پیدائش اس بات کا تعین نہیں کرتی کہ فرد اچھا ہے یا برا، یہ کردار ہے جو انسان کی تعریف کرتا ہے۔

ہندوستان کے سابق صدر جناب کے آر نارائنن کی زندگی کو یاد کرتے ہوئے نائب صدر نے نوٹ کیا کہ ہریجن سیوک سنگھ نے ان کی تعلیم کی حمایت اور ان کے سفر کی تشکیل میں اہم کردار ادا کیا تھا۔ انہوں نے اس اعتماد کا اظہار کیا کہ  ہریجن سیوک سنگھ مستقبل میں بھی ایسے بہت سے مثالی افراد کی پرورش جاری رکھے گا، انہوں نے مزید کہا کہ معاشرے کی مخلصانہ خدمت سے کردار اور ضمیر والے افراد پیدا ہوتے ہیں۔

فرد اور سماج کے درمیان باہمی تعلق پر روشنی ڈالتے ہوئے نائب صدر جمہوریہ نے کہا کہ جہاں افراد اکثر معاشرہ کے کردار کو نظر انداز کرتے ہیں جو انہیں تشکیل دینے میں ادا کرتا ہے، ہر فرد کا فرض ہے کہ وہ معاشرے کو واپس کرے۔ انہوں نے اس بات پر زور دیا کہ معاشرے  اور قوم کی تعمیر کی خدمت ایک اخلاقی ذمہ داری ہے ۔

نائب صدر جمہوریہ نے ملک کے لیے گجرات کے تعاون کی بھی تعریف کی اور اس نے ہندوستان کو دیے گئے تین عظیم شخصیات کے لیے اظہار تشکر کیا - ملک کی آزادی کے لیے مہاتما گاندھی، قومی اتحاد کے لیے سردار ولبھ بھائی پٹیل، اور ملک کی ترقی کے لیے وزیر اعظم جناب نریندر مودی۔

پروگرام کے دوران نائب صدر جمہوریہ نے گاندھیائی  برادری کے لیے پروفیسر ڈاکٹر شنکر کمار سانیال کی تصنیف کردہ کتاب “Age of Enlightenment: Mahatma Gandhi’s Vision”‘روشن خیالی کا دور: مہاتما گاندھی کا ویژن’ کا اجرا کیا۔ انہوں نے مہاتما گاندھی، ٹھاکر باپا اور ونوبا بھاوے کو بھی پھول چڑھائے۔

اس موقع پر سرکردہ شخصیات میں میں پروفیسر ڈاکٹر شنکر کمار سانیال، صدر ہریجن سیوک سنگھ؛  جناب نریش یادو، سابق ممبر پارلیمنٹ اور نائب صدر، ہریجن سیوک سنگھ؛  جناب  لکشمی داس، سابق چیئرمین، کے وی آئی سی اور نائب صدر، ہریجن سیوک سنگھ؛ اور دیگر معززین موجود تھے۔

*****

ش ح – ظ  ا- ج  

UR No. 815