Press Release:Press Information Bureau

PIB Headquarters

ஸ்டார்ட் அப் இந்தியா திட்டத்தின் பத்து ஆண்டுகள் - புதுமையை ஊக்குவித்து வளர்ச்சியை அதிகரிக்கும் திட்டம்

प्रविष्टि तिथि: 15 JAN 2026 2:21PM by PIB Chennai

2026 ஜனவரி 16 அன்று கொண்டாடப்படும் தேசிய புத்தொழில் தினம், ஸ்டார்ட்அப் இந்தியா முன்முயற்சியின் பத்து ஆண்டு நிறைவைக் குறிக்கிறது. தொழில்முனைவோரை ஊக்குவிப்பதற்கான கொள்கை உந்துதலாக 2016-ல் இத்திட்டம் தொடங்கப்பட்டது. தற்போது உலகின் மிகப்பெரிய, மிகவும் மாறுபட்ட புத்தொழில் சூழல் அமைப்புகளில் ஒன்றாக இந்தியா உருவெடுத்துள்ளது. "ஸ்டார்ட்அப் இந்தியா" திட்டத்தால் இந்தியாவின் ஸ்டார்ட் அப் சூழல் அமைப்பில் மாற்றத்தை ஏற்படுத்தும் தாக்கம் ஏற்பட்டுள்ளது. பொருளாதார நவீனமயமாக்கலுடன் உள்ளடக்கிய பிராந்திய வளர்ச்சியை இணைத்து, 2047-ம் ஆண்டுக்குள் வளர்ச்சி அடைந்த பாரதம் என்ற இலக்கை அடைவதற்கான பயணத்தில் இது முக்கிய பங்கு வகிக்கிறது.

டிசம்பர் 2025 நிலவரப்படி 2 லட்சத்திற்கும் மேற்பட்ட புத்தொழில் நிறுவனங்களுடன், உலகின் மிகப்பெரிய புத்தொழில் சூழல் அமைப்புகளில் ஒன்றாக இந்தியா வேகமாக வளர்ச்சியடைந்துள்ளது. பெங்களூரு, ஹைதராபாத், மும்பை, தில்லி போன்ற முக்கிய நகரங்கள் இதில் முன்னணியில் உள்ளன. அதே நேரத்தில், சிறிய நகரங்களும் நிலையான வேகத்தில் வளர்ந்து வருகின்றன. சுமார் 50% புத்தொழில் நிறுவனங்கள் இரண்டாம் நிலை, மூன்றாம் நிலை நகரங்களிலிருந்து உருவாகின்றன. இது தொழில்முனைவோர் சூழலில் ஜனநாயகமயமாக்கலை பிரதிபலிக்கிறது.

வேளாண் தொழில்நுட்பம், தொலை மருத்துவம், நிதி, சுற்றுலா, கல்வி தொழில்நுட்பம் ஆகியவற்றில் தீர்வுகளைப் பயன்படுத்துவதன் மூலம், வளர்ச்சி இடைவெளிகளை நேரடியாக நிவர்த்தி செய்யப்படுகிறது. கிராமப்புற வாழ்வாதாரத்தை ஆதரிப்பதன் மூலம், புத்தொழில் நிறுவனங்கள் இந்தியாவின் கிராமப்புற-நகர்ப்புற பிளவை நீக்கி அவற்றை இணைத்து வருகின்றன . இதில், பெண்கள் தலைமையிலான புத்தொழலில் நிறுவனங்கள், உள்ளடக்கிய வளர்ச்சியின் முக்கிய பகுதியாக வளர்ந்து வருகின்றன. டிசம்பர் 2025 நிலவரப்படி 45% க்கும் மேற்பட்ட அங்கீகரிக்கப்பட்ட புத்தொழில் நிறுவனங்கள் குறைந்தது ஒரு பெண் இயக்குநரைக் கொண்டுள்ளன.

ஸ்டார்ட்அப் இந்தியா திட்டம் பத்து ஆண்டுகளை நிறைவு செய்யும் வேளையில், நாட்டின் புத்தொழில் சூழல் அமைப்பு ஒரு திருப்புமுனையை ஏற்படுத்தியுள்ளது. விரைவான, நிலையான வளர்ச்சியுடன் இது தீர்க்கமாக முன்னேறி வருகிறது. வளர்ச்சி அடைந்த பாரதம் என்ற பரந்த தொலைநோக்குப் பார்வையுடன், புத்தொழில் நிறுவனங்கள் நாட்டின் வளர்ச்சிப் பாதையின் மையமாக உள்ளன. அவை வளர்ச்சியின் ஊக்க சக்திகளாகவும், சிறந்த பொருளாதார முன்னேற்றத்தின் நீடித்த அடையாளங்களாகவும் செயல்படுகின்றன.

மேலும் விவரங்களுக்கு கீழ்க்கண்ட இணையதள இணைப்புகளைப் பார்க்கவும்: https://www.pib.gov.in/PressReleasePage.aspx?PRID=2214872&reg=3&lang=1

https://www.pib.gov.in/PressReleasePage.aspx?PRID=2098452®=3&lang=2

https://www.pib.gov.in/PressReleasePage.aspx?PRID=2038380®=3&lang=2

https://www.pib.gov.in/PressReleasePage.aspx?PRID=2201280®=3&lang=1

https://www.startupindia.gov.in/content/sih/en/startup-scheme.html

AU4149_fl3i6c.pdf

https://www.pib.gov.in/Pressreleaseshare.aspx?PRID=1895966®=3&lang=2

https://investorconnect.startupindia.gov.in/

https://www.startupindia.gov.in/srf/

AU1507_iPkDqy.pdf

AU4149_fl3i6c.pdf

https://www.indiabudget.gov.in/economicsurvey/doc/echapter.pdf