شماریات اور پروگرام کے نفاذ کی وزارت (ایم او ایس پی آئی) صنعتی پیداوار کے اشاریہ (آئی آئی پی) کی بنیاد پر نظرثانی کی مشق کر رہی ہے۔ اس عمل میں ایم او ایس پی آئیطریقہ کار پر نظرثانی کر رہا ہے، ڈیٹا کے نئے ذرائع کو تلاش کر رہا ہے اور ماہرین، ماہرین تعلیم، صارفین اور دیگر اسٹیک ہولڈرز کے ساتھ جامع مشاورت کے بعد تبدیلیاں شامل کر رہا ہے۔

روایتی طور پر آئی آئی پی کو ایک فکسڈ بیس لیس پیئرز فریم ورک کا استعمال کرتے ہوئے مرتب کیا گیا ہے، جس میں سیکٹرل اور انڈسٹری کا وزن بیس سال کی نظرثانی تک برقرار رہتا ہے۔ تاہم، مانگ، ٹیکنالوجی اور پالیسی کی تبدیلیوں کے جواب میں پیداواری تبدیلیوں کے ساتھ، کچھ صنعتیں پھیلتی ہیں، جب کہ دیگر زوال پذیریا غائب ہو جاتی ہیں، اور صنعت کے اندر مکمل طور پر نئی صنعتیںیا پیداواری لائنیں ابھرتی ہیں۔ لہٰذامقررہ وزن آہستہ آہستہ کم متعلقہ ہوتے جاتے ہیں اور اس طرح انڈیکس کی افادیت کو متاثر کرتے ہیں۔ آئی آئی پی کی تالیف کا سلسلہ پر مبنی طریقہ ان تبدیلیوں کو حاصل کرکے بہتر درستگی پیش کرتا ہے،جس سے وزن میں سالانہ اضافہ اور کمی کی اجازت دی جاتی ہے تاکہ حالیہ پیداواری ڈھانچے کی صحیح عکاسی کی جاسکے۔

اس موضوع پر اسٹیک ہولڈر کی مشغولیت کو آسان بنانے کے لیے،ایم او ایس پی آئی نے ایک ڈسکشن پیپر 2.0 تیار کیا ہے: صنعتی پیداوار کے سلسلہ پر مبنی انڈیکس (آئی آئی پی) کو اپنانا جو سلسلہ سے منسلک انڈیکس کے لیے مجوزہ طریقہ کار کا خاکہ پیش کرتا ہے۔ ایم او ایس پی آئیماہرین، ماہرین تعلیم، مرکزی حکومت کی وزارتوں/محکموں، ریاستی حکومتوں، مالیاتی اداروں اور دیگر اسٹیک ہولڈرز سے مجوزہ طریقہ کار پر آراء اور تبصرے طلب کرتا ہے۔

بحث کا مقالہ ایم او ایس پی آئیکی ویب سائٹ www.mospi.gov.in پر دستیاب ہے۔ تبصرے اور تجاویزiipcso[at]nic[dot]in پر 25 جنوری 2026 تک بھیجی جا سکتی ہیں۔

 

*******

ش ح۔ظ ا۔ن ع

U.No:531

(ریلیز آئی ڈی: 2214256) وزیٹر کاؤنٹر : 37