پنشن فنڈ ریگولیٹری اینڈ ڈیولپمنٹ اتھارٹی (پی ایف آر ڈی اے) نے ایک اعلی سطحی کمیٹی تشکیل دی ہے، جسے نیشنل پنشن سسٹم (این پی ایس) کے تحت یقینی ادائیگیوں کیلئے ایک فریم ورک بنانے کے لئے رہنما اصول اور ضابطے تیار کرنے کا کام سونپا گیا ہے ۔  یہ اقدام پی ایف آر ڈی اے ایکٹ کی دفعات کے مطابق ہے اور اس کا مقصد سبسکرائبرز کے لئے ریٹائرمنٹ آمدنی کی سکیورٹی کو بڑھانا ہے۔

اس کمیٹی کی تشکیل وکست بھارت 2047 کے وسیع تر وژن کی طرف پی ایف آر ڈی اے کا ایک اہم قدم ہے ، جہاں ہر شہری اپنے بڑھاپے میں  حقیقی مالی آزادی اور وقار حاصل کرے گا۔

کمیٹی کی قیادت اور تشکیل

کمیٹی کی صدارت ڈاکٹر ایم.ایس.ساہو کریں گے، جو ڈاکٹر ساہو ریگولیٹری چیمبرز کے بانی اور انسولونسی اینڈ بینکرپسی بورڈ آف انڈیا (آئی بی بی آئی) کےسابق چیئرپرسن  ہیں۔ 15 رکنی پینل میں مختلف شعبوں کے ماہرین،جن میں قانونی، مالی تخمینہ لگانےوالے، مالیات، انشورنس، کیپیٹل مارکیٹس اور علمی حلقے شامل ہیں۔اس کےعلاوہ جامع مشاورت کو یقینی بنانے کے لئے کمیٹی کوفیڈبیک اور صلاح کیلئے بیرونی ماہرین یا ثالثوں کو بطور مہمان خصوصی مدعو کرنے کا اختیار دیاگیا ہے۔

کلیدی مقاصد اور حوالہ کی شرائط

یہ کمیٹی منظم پنشن ادائیگیوں سے متعلق ایک قائمہ مشاورتی کمیٹی کے طور پر تشکیل دی گئی ہے ۔ اس کا بنیادی مینڈیٹ درج ذیل اہم نکات پر مشتمل ہے:

• فریم ورک کی تیاری: یقینی ادائیگیوں کے لیے قواعد و ضوابط تیار کرنا ، جس میں پینشن اسکیموں کے امکانات پر غور شامل ہے، جیسا کہ پی ایف آر ڈی اے کی مشاورتی دستاویز مورخہ 30 ستمبر 2025 میں اجاگر کیا گیا ہے۔
• بلارکاوٹ منتقلی: سبسکرائبرز کے لیے جمع کرنے کے مرحلے سے ادائیگی کے مرحلے  میں ہموار اور مکمل منتقلی کو یقینی بنانا۔
• مارکیٹ پر مبنی ضمانت: قانونی طور پر قابل نفاذ اور بازار پر مبنی ضمانت کو یقینی بنانے کے لیے نوویشن اور تصفیے کے تصورات پر غور کرنا ۔
• آپریشنل ڈیزائن: فراہم کنندگان کیلئے لاک ان پیریڈز ، نکاسی کی حدود ، قیمتوں کا تعین کرنے کا طریقہ کار اور فراہم کنندگان کے لیے فیس کے ڈھانچے  جیسے اصول واضح کرنا۔
• رسک اور قانونی نگرانی: مضبوط رسک مینجمنٹ (سرمایہ اور سالوینسی کی ضروریات) کا قیام اور ان ادائیگیوں کے لیے ٹیکس کے مضمرات کی جانچ کرنا جن کے لیے کسی سبسکرائبر کو این پی ایس فن تعمیر سے باہر نکلنے کی ضرورت نہیں ہے ۔
• صارفین کا تحفظ: غلط فروخت کو روکنے اور یقین دہانی اور مارکیٹ پر مبنی گارنٹی کی نوعیت کے حوالے سے صارفین کی توقعات کو سنبھالنے کے لیے معیاری ڈِسکلوزر فریم ورک تیار کرنا ۔

۔۔۔۔۔۔۔۔۔۔۔

ش ح۔ک ا۔ت ح۔

U-506