دیہی تبدیلی کو مہمیز کرنے اور ملک بھر میں سیلف ہیلپ گروپس (ایس ایچ جیز) اور دیہی گھروں کے لیے مالی، ڈیجیٹل اور لاجسٹک خدمات کو وسعت دینے کی جانب ایک اہم قدم کے طور پر، محکمہ ڈاک (ڈی او پی) اور وزارت دیہی ترقی (ایم او آر ڈی) نے آج جامع اور پائیدار دیہی ترقی کی حمایت میں تعاون کو گہرا کرنے کے لیے مفاہمت نامے پر دستخط کیے۔

(محکمہ ڈاک کانئی دہلی میں وزارت دیہی ترقی کے ساتھ اشتراک)

یہ مفاہمت نامہ شمال مشرقی خطے کے مواصلات و ترقی کےمرکزی وزیر ، جناب جیوترادتیہ ایم سندھیا، اور دیہی ترقی، زراعت و کسانوں کی بہبود کےمرکزی وزیر ، جناب شیوراج سنگھ چوہان کی موجودگی میں دستخط کی گئی۔

یہ تعاون عزت مآب وزیر اعظم کے تصور کے مطابق حکومت کے وژن سے آہنگ ہے، جس کا مقصد ’’ڈاک سیوا، جن سیوا‘‘ کو مضبوط بنانا اور انڈیا پوسٹ کو دیہی معیشت کے ایک اہم محرک کے طور پر قائم کرنا ہے۔ یہ یونین بجٹ 2025–26 میں بیان کردہ ترجیحات کی بھی عکاسی کرتا ہے، جو بھارت کے دیہی علاقوں میں مالیاتی شمولیت، ڈیجیٹل بااختیاری اور روزگار کے مواقع کو فروغ دینے کے لیے انڈیا پوسٹ کی بے مثال رسائی کو فروغ دینے پر زور دیتی ہے۔

اپنے وسیع نیٹ ورک کے ساتھ جس میں 1.5 لاکھ سے زائد دیہی ڈاک خانے، انڈیا پوسٹ پیمنٹس بینک (آئی پی پی بی) اور تقریبا 2.4 لاکھ گرامین ڈاک سیوک شامل ہیں، محکمہ ڈاک مالی اور ڈیجیٹل خدمات کی آخری میل فراہمی کو ممکن بنانے میں اہم کردار ادا کرے گا۔ اس شراکت داری کا مقصد مالی شمولیت کو بڑھانا، کاروباری صلاحیت کو فروغ دینا، ڈیجیٹل صلاحیتوں کو مضبوط بنانا اور ملک بھر میں دیہی خواتین، سیلف ہیلپ گروپس اور کمیونٹی اداروں کے لیے مارکیٹ تک رسائی کو بہتر بنانا ہے۔

مفاہمت نامےکے تحت، آئی پی پی بی اپنے ڈیجیٹل فعال پلیٹ فارم کے ذریعے دروازے تک بینکوں کی خدمات بشمول بچت، ادائیگیاں اور ترسیلات زر فراہم کرے گا۔ ایس ایچ جی کے اراکین کو مزید بااختیار بنانے کے لیے، الیکٹرانک ٹیبلٹس اور پوائنٹ آف سیل مشینیں فراہم کی جائیں گی تاکہ ڈیجیٹل لین دین بغیر کسی رکاوٹ کے ممکن ہو سکے، کیش لیس ادائیگیوں کو فروغ دیا جا سکے اور جڑوں کی سطح پر ریکارڈ رکھنے کو بہتر بنایا جا سکے۔ ایس ایچ جی کے ارکان کو بھی سرٹیفکیٹس جاری کیے جائیں گے تاکہ ان کی شرکت کو باضابطہ طور پر تسلیم کیا جا سکے اور مالی و مارکیٹ کے روابط میں ان کی ساکھ کو بڑھایا جا سکے۔

محکمہ ڈاک اپنے وسیع نیٹ ورک اور گرامین ڈاک سیوک کے ذریعے آخری میل سروس کی فراہمی کو یقینی بنائے گا، جس سے دور دراز اور کم سہولیات والے علاقوں میں بھی رسائی ممکن ہو گی۔ ایس ایچ جی مصنوعات کے لیے مارکیٹ تک رسائی کو ڈاک گھر نریات کیندروں کے ذریعے مضبوط کیا جائے گا، جو دیہی اداروں کے لیے ملکی اور بین الاقوامی مارکیٹنگ اور برآمدی مواقع کو آسان بنائے گا۔

یہ تعاون دیہی علاقوں میں آدھار میں داخلے اور اپ ڈیٹ سرگرمیوں کی بھی معاونت کرے گا، جس سے وزارت دیہی ترقی کی مختلف اسکیموں کے لیے بینیفشری کی تصدیق آسان ہوگی۔ انشورنس کوریج کو پوسٹل لائف انشورنس (پی ایل آئی) اور رورل پوسٹل لائف انشورنس (آر پی ایل آئی) کے فروغ کے ذریعے بڑھایا جائے گا، جس میں ایس ایچ جی کے اراکین کو انشورنس ایجنٹس کے طور پر کام کرنے کے مواقع بھی شامل ہیں۔

انڈیا پوسٹ پیمنٹس بینک صلاحیت سازی کی مزید حمایت کرے گا، ایس ایچ جی میں خواتین کو بزنس کورسپونڈنٹ کے طور پر شامل اور تربیت دے کر، نئی روزگار کے مواقع پیدا کرے گا، مالی خواندگی کو بڑھائے گا اور دیہی کمیونٹیز میں ڈیجیٹل اپنانے کو تیز کرے گا۔

یہ بین الوزارتی شراکت داری محکمہ ڈاک کے بدلتے ہوئے کردار کو اجاگر کرتی ہے، جو ایک قابل اعتماد، ٹیکنالوجی سے لیس اور شہری مرکز ادارے کے طور پر ہے، جو جامع ترقی، خواتین کی قیادت میں ترقی اور دیہی خوشحالی میں فیصلہ کن کردار ادا کرتا ہے۔

***

(ش ح – ع ا)

U. No. 249