ಜಾಗತಿಕ ಇಂಧನ ವಲಯಕ್ಕೆ ನಿರ್ಣಾಯಕ ಹಂತವಾಗಲಿರುವ ವಿಶ್ವದಾದ್ಯಂತದ ವಿವಿಧ ದೇಶಗಳ ಸಚಿವರು, ಜಾಗತಿಕ ಸಂಸ್ಥೆಗಳ ಸಿಇಒಗಳು, ನೀತಿ ನಿರೂಪಕರು, ಹಣಕಾಸು ಸಂಸ್ಥೆಗಳು, ಶೈಕ್ಷಣಿಕ ಮತ್ತು ತಂತ್ರಜ್ಞಾನ ಪೂರೈಕೆದಾರರನ್ನು ಒಟ್ಟುಗೂಡಿಸುವ ಭಾರತ ಇಂಧನ ಸಪ್ತಾಹ (ಐ.ಇ.ಡಬ್ಲ್ಯೂ.) ಸಮಾವೇಶ ಜನವರಿ 27–30 2026 ರವರೆಗೆ ಗೋವಾದಲ್ಲಿ ನಡೆಯಲಿದೆ. ವರ್ಷದ ಮೊದಲ ಪ್ರಮುಖ ಅಂತರರಾಷ್ಟ್ರೀಯ ಇಂಧನ ಸಭೆ ಇದಾಗಿದೆ. ಭಾರತ ಇಂಧನ ಸಪ್ತಾಹ (ಐ.ಇ.ಡಬ್ಲ್ಯೂ.) 2026 - ಇಂಧನ ಭದ್ರತೆಯನ್ನು ಬಲಪಡಿಸುವುದು, ಹೂಡಿಕೆಯನ್ನು ವೇಗಗೊಳಿಸುವುದು ಮತ್ತು ಡಿಕಾರ್ಬೊನೈಸೇಶನ್‌ ಗಾಗಿ ಪ್ರಾಯೋಗಿಕ ಮತ್ತು ಸ್ಕೇಲೆಬಲ್ ಮಾರ್ಗಗಳನ್ನು ಮುನ್ನಡೆಸುವುದರ ಮೇಲೆ ಸಭೆ ಕೇಂದ್ರೀಕರಿಸುತ್ತದೆ.

ಜಾಗತಿಕ ಇಂಧನ ವ್ಯವಸ್ಥೆಗಳು ಹೆಚ್ಚುತ್ತಿರುವ ಬೇಡಿಕೆ, ಭೌಗೋಳಿಕ ರಾಜಕೀಯ ಅನಿಶ್ಚಿತತೆ ಮತ್ತು ಹವಾಮಾನ ಬದ್ಧತೆಗಳನ್ನು ವೇಗಗೊಳಿಸುವುದರಿಂದ, ಭಾರತ ಇಂಧನ ಸಪ್ತಾಹ (ಐ.ಇ.ಡಬ್ಲ್ಯೂ.) 2026 ಸಂವಾದ ಮತ್ತು ಸಹಕಾರಕ್ಕಾಗಿ ಪ್ರಮುಖ ವೇದಿಕೆಯಾಗಿ ಕಾರ್ಯನಿರ್ವಹಿಸುತ್ತದೆ. ಹಿಂದಿನ ಆವೃತ್ತಿಗಳನ್ನು ಆಧರಿಸಿ, ಈ ಕಾರ್ಯಕ್ರಮವು 120ಕ್ಕೂ ಹೆಚ್ಚು ದೇಶಗಳಿಂದ ಭಾಗವಹಿಸುವವರನ್ನು ಸ್ವಾಗತಿಸುವ ನಿರೀಕ್ಷೆಯಿದೆ. 2025ರ ಆವೃತ್ತಿಯಲ್ಲಿ 68,000ಕ್ಕೂ ಹೆಚ್ಚು ಭಾಗವಹಿಸುವವರು, 570 ಪ್ರದರ್ಶಕರು ಮತ್ತು 5,400 ಸಮ್ಮೇಳನ ಪ್ರತಿನಿಧಿಗಳು ಭಾಗವಹಿಸಿದ್ದರು, 540ಕ್ಕೂ ಹೆಚ್ಚು ಜಾಗತಿಕ ಭಾಷಣಕಾರರನ್ನು ಒಳಗೊಂಡ 100 ಸಮ್ಮೇಳನ ಅಧಿವೇಶನಗಳು ನಡೆದವು. 2026 ರ ಆವೃತ್ತಿಯು ಮತ್ತಷ್ಟು ವಿಸ್ತರಿಸಲಿದೆ, ಇದು ವಿಶ್ವದ ಪ್ರಮುಖ ಇಂಧನ ಸಂವಾದ ವೇದಿಕೆಗಳಲ್ಲಿ ಭಾರತ ಇಂಧನ ಸಪ್ತಾಹ (ಐ.ಇ.ಡಬ್ಲ್ಯೂ.) ಪ್ರಮುಖ ಸ್ಥಾನವನ್ನು ಇನ್ನೂ ಉತ್ತಮ ರೀತಿಯಲ್ಲಿ ಬಲಪಡಿಸುತ್ತದೆ.

ಭಾರತ ಸರ್ಕಾರದ ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಸಚಿವಾಲಯದ ಆಶ್ರಯದಲ್ಲಿ ಮತ್ತು ಭಾರತೀಯ ಪೆಟ್ರೋಲಿಯಂ ಉದ್ಯಮ ಒಕ್ಕೂಟ (ಎಫ್.ಐ.ಪಿಐ) ಮತ್ತು ಡಿಎಂಜಿ ಕಾರ್ಯಕ್ರಮಗಳಿಂದ ಜಂಟಿಯಾಗಿ ಆಯೋಜಿಸಲ್ಪಡುವ ಭಾರತ ಇಂಧನ ಸಪ್ತಾಹ (ಐ.ಇ.ಡಬ್ಲ್ಯೂ.) 2026 ಇಂಧನ ಭದ್ರತೆ, ಕೈಗೆಟುಕುವಿಕೆ ಮತ್ತು ಸುಸ್ಥಿರತೆಯ ಕುರಿತು ಸಹಕಾರಕ್ಕಾಗಿ ತಟಸ್ಥ ಮತ್ತು ಜಾಗತಿಕವಾಗಿ ಸಂಪರ್ಕಿತ ವೇದಿಕೆಯನ್ನು ಕೂಡ ಒದಗಿಸುತ್ತದೆ. ಅಮೆರಿಕ, ಯುರೋಪ್, ಮಧ್ಯಪ್ರಾಚ್ಯ, ಆಫ್ರಿಕಾ ಮತ್ತು ಏಷ್ಯಾ-ಪೆಸಿಫಿಕ್ ಪ್ರದೇಶದ ನಿಯೋಗಗಳು ಭಾಗವಹಿಸುವ ನಿರೀಕ್ಷೆಯಿದೆ, ಇದು ಜಾಗತಿಕ ಇಂಧನ ರಾಜತಾಂತ್ರಿಕತೆಯಲ್ಲಿ ಭಾರತ ಇಂಧನ ಸಪ್ತಾಹದ ಬೆಳೆಯುತ್ತಿರುವ ಪಾತ್ರವನ್ನು ಒತ್ತಿಹೇಳುತ್ತದೆ.

ಅಂತರರಾಷ್ಟ್ರೀಯ ಇಂಧನ ಸಂಸ್ಥೆಯ ವಿಶ್ವ ಇಂಧನ ಔಟ್‌ಲುಕ್ 2025 ರ ವರದಿ ಪ್ರಕಾರ, 2050 ರ ವೇಳೆಗೆ ಜಾಗತಿಕ ಹೆಚ್ಚುತ್ತಿರುವ ಇಂಧನ ಬೇಡಿಕೆಯಲ್ಲಿ ಭಾರತವು ಕೇವಲ ಶೇ. 23 ಕ್ಕಿಂತ ಹೆಚ್ಚು ಪಾಲನ್ನು ಹೊಂದುವ ನಿರೀಕ್ಷೆಯಿದೆ, ಇದು ಯಾವುದೇ ದೇಶಕ್ಕೆ ಇದು ಅತ್ಯಂತ ದೊಡ್ಡದಾಗಿದೆ. ಈ ಹಿನ್ನೆಲೆಯಲ್ಲಿ, ಭಾರತ ಇಂಧನ ಸಪ್ತಾಹ (ಐ.ಇ.ಡಬ್ಲ್ಯೂ.)  2026 ನೀತಿ ನಿರೂಪಕರು ಮತ್ತು ಉದ್ಯಮ ನಾಯಕರನ್ನು ಒಟ್ಟುಗೂಡಿಸಿ ಸ್ಥಿತಿಸ್ಥಾಪಕ ಇಂಧನ ವ್ಯವಸ್ಥೆಗಳನ್ನು ಬಲಪಡಿಸುವ ಮತ್ತು ಶುದ್ಧ ಇಂಧನ ಪರಿವರ್ತನೆಯನ್ನು ವೇಗಗೊಳಿಸುವ ಬಗ್ಗೆ ಚರ್ಚಿಸಲಿದ್ದಾರೆ. 

ಭಾರತದ ಸುಧಾರಣೆ-ಚಾಲಿತ ಇಂಧನ ಚೌಕಟ್ಟು

 ಭಾರತದ ಸುಧಾರಣೆ-ನೇತೃತ್ವದ ಇಂಧನ ಮಾದರಿಯನ್ನು ಇದು ಹೈಲೈಟ್ ಮಾಡುತ್ತದೆ, ಇದು ಆರ್ಥಿಕ ಬೆಳವಣಿಗೆ, ಹವಾಮಾನ ಜವಾಬ್ದಾರಿ ಮತ್ತು ಗ್ರಾಹಕ ರಕ್ಷಣೆಯನ್ನು ಭಾರತ ಇಂಧನ ಸಪ್ತಾಹ (ಐ.ಇ.ಡಬ್ಲ್ಯೂ.)  2026 ಸಮತೋಲನಗೊಳಿಸುತ್ತದೆ. ತೈಲಕ್ಷೇತ್ರಗಳು (ನಿಯಂತ್ರಣ ಮತ್ತು ಅಭಿವೃದ್ಧಿ) ಕಾಯ್ದೆ 2025 ಮತ್ತು ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ನಿಯಮಗಳು, 2025 ರ ಅಡಿಯಲ್ಲಿ ಹೆಗ್ಗುರುತು ಶಾಸಕಾಂಗ ಮತ್ತು ನಿಯಂತ್ರಕ ಸುಧಾರಣೆಗಳು ಅಪ್‌ಸ್ಟ್ರೀಮ್ ಪರಿಸರ ವ್ಯವಸ್ಥೆಯನ್ನು ಬಲಪಡಿಸಿವೆ. ಈ ಸುಧಾರಣೆಗಳು ಪರಿಶೋಧನೆ, ಉತ್ಪಾದನೆ, ಕಾರ್ಬೊನೈಸೇಶನ್ ಮತ್ತು ಸಂಯೋಜಿತ ಇಂಧನ ಯೋಜನೆಗಳನ್ನು ಒಳಗೊಂಡ ಏಕ ಪೆಟ್ರೋಲಿಯಂ ಗುತ್ತಿಗೆಗಳನ್ನು ಒದಗಿಸುತ್ತವೆ; 180 ದಿನಗಳಲ್ಲಿ ಕಡ್ಡಾಯ ಗುತ್ತಿಗೆ ನಿರ್ಧಾರಗಳೊಂದಿಗೆ ಸಮಯ-ಬದ್ಧ ಅನುಮೋದನೆಗಳು; 30 ವರ್ಷಗಳವರೆಗೆ ದೀರ್ಘಾವಧಿಯ ಗುತ್ತಿಗೆ ಸ್ಥಿರತೆ, ಕ್ಷೇತ್ರದ ಆರ್ಥಿಕ ಜೀವನಕ್ಕೆ ವಿಸ್ತರಿಸಬಹುದಾದ; ಮೂಲಸೌಕರ್ಯ ಹಂಚಿಕೆ ಕಾರ್ಯವಿಧಾನಗಳು;  ಮತ್ತು ಹೂಡಿಕೆದಾರರ ಅಪಾಯ-ತಗ್ಗಿಸುವಿಕೆ ಕ್ರಮಗಳು, ಮಧ್ಯಸ್ಥಿಕೆ ಮತ್ತು ಪರಿಹಾರ ಸುರಕ್ಷತೆಗಳು ಸೇರಿದಂತೆ ಹಲವಾರು ಉಪಕ್ರಮಗಳನ್ನು ಕೈಗೊಳ್ಳಲಿದೆ.

ಶುದ್ಧ ಇಂಧನ ಮತ್ತು ಎಥೆನಾಲ್ ಕಾರ್ಯಕ್ರಮ

ಭಾರತದ ಎಥೆನಾಲ್ ಮಿಶ್ರಣ ಕಾರ್ಯಕ್ರಮವು ಜಾಗತಿಕ ಮಾನದಂಡವಾಗಿ ಹೊರಹೊಮ್ಮಿದೆ, 2014 ರಿಂದ ₹1.59 ಲಕ್ಷ ಕೋಟಿ ಸಂಚಿತ ವಿದೇಶಿ ವಿನಿಮಯ ಉಳಿತಾಯ, 813 ಲಕ್ಷ ಮೆಟ್ರಿಕ್ ಟನ್ ಸಿಒ2 ಹೊರಸೂಸುವಿಕೆಯ ಕಡಿತ, 270 ಲಕ್ಷ ಮೆಟ್ರಿಕ್ ಟನ್ ಕಚ್ಚಾ ತೈಲದ ಪರ್ಯಾಯ, ತೈಲ ಮಾರುಕಟ್ಟೆ ಕಂಪನಿಗಳಿಂದ ಎಥೆನಾಲ್ ಡಿಸ್ಟಿಲರ್‌ಗಳಿಗೆ ₹2.32 ಲಕ್ಷ ಕೋಟಿ ಪಾವತಿಗಳು ಮತ್ತು ₹1.39 ಲಕ್ಷ ಕೋಟಿ ನೇರವಾಗಿ ರೈತರಿಗೆ ಪಾವತಿಸುವುದು ಸೇರಿದಂತೆ ಗಮನಾರ್ಹ ಫಲಿತಾಂಶಗಳನ್ನು ನೀಡಿದೆ. ಜೈವಿಕ ಇಂಧನಗಳು, ಹಸಿರು ಹೈಡ್ರೋಜನ್, ಸುಸ್ಥಿರ ಇಂಧನಗಳು ಮತ್ತು ಉದಯೋನ್ಮುಖ ಕಡಿಮೆ-ಇಂಗಾಲದ ತಂತ್ರಜ್ಞಾನಗಳು ಭಾರತ ಇಂಧನ ಸಪ್ತಾಹ (ಐ.ಇ.ಡಬ್ಲ್ಯೂ.)  2026 ರ ಚರ್ಚೆಗಳಲ್ಲಿ ಪ್ರಮುಖವಾಗಿವೆ.

ಮೂಲಸೌಕರ್ಯ ವಿಸ್ತರಣೆ ಮತ್ತು ಇಂಧನ ಭದ್ರತೆ

ಭಾರತವು ದೀರ್ಘಾವಧಿಯ ಇಂಧನ ಭದ್ರತೆಯನ್ನು ಹೆಚ್ಚಿಸಲು ದೇಶೀಯ ಪರಿಶೋಧನೆ ಮತ್ತು ಮೂಲಸೌಕರ್ಯವನ್ನು ಬಲಪಡಿಸುವುದನ್ನು ಮುಂದುವರೆಸಿದೆ. ಪೆಟ್ರೋಲ್ ಚಿಲ್ಲರೆ ಮಾರಾಟ ಮಳಿಗೆಗಳು 2014 ರಲ್ಲಿ ಸುಮಾರು 52,000 ದಿಂದ 2025 ರಲ್ಲಿ ಒಂದು ಲಕ್ಷಕ್ಕೂ ಹೆಚ್ಚು ವಿಸ್ತರಿಸಿದೆ. ಸಿ.ಎನ್‌.ಜಿ ಕೇಂದ್ರಗಳು ಸುಮಾರು 968 ರಿಂದ 8,477 ಕ್ಕೂ ಹೆಚ್ಚು, ಆದರೆ ಪಿ.ಎನ್‌.ಜಿ ಗೃಹ ಸಂಪರ್ಕಗಳು 25 ಲಕ್ಷದಿಂದ 1.59 ಕೋಟಿಗೂ ಹೆಚ್ಚಾಗಿದೆ. ನೈಸರ್ಗಿಕ ಅನಿಲ ಪೈಪ್‌ ಲೈನ್ ಜಾಲವು ಸುಮಾರು ಶೇ. 66 ರಷ್ಟು ವಿಸ್ತರಿಸಿದೆ, 25,923 ಕಿ.ಮೀ.ಗೆ ತಲುಪಿದೆ ಮತ್ತು ನಗರ ಅನಿಲ ವಿತರಣಾ ವ್ಯಾಪ್ತಿಯು ಈಗ ದ್ವೀಪಗಳನ್ನು ಹೊರತುಪಡಿಸಿ ಇಡೀ ದೇಶಕ್ಕೆ ವಿಸ್ತರಿಸಿದೆ.

ಬೆಲೆ ಸ್ಥಿರತೆ ಮತ್ತು ಗ್ರಾಹಕ ರಕ್ಷಣೆ

ಇಂಧನ ಬೆಲೆಗಳಲ್ಲಿ ಜಾಗತಿಕ ಏರಿಳಿತದ ಹೊರತಾಗಿಯೂ, ಭಾರತವು ಗ್ರಾಹಕರಿಗೆ ಬೆಲೆ ಸ್ಥಿರತೆಯನ್ನು ಕಾಯ್ದುಕೊಂಡಿದೆ. 2021 ರಿಂದ ಪ್ರಮುಖ ಜಾಗತಿಕ ಆರ್ಥಿಕತೆಗಳಲ್ಲಿ ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆಗಳು ಗಮನಾರ್ಹವಾಗಿ ಏರಿದ್ದರೂ, 2025 ರಲ್ಲಿ ದೆಹಲಿಯಲ್ಲಿ ಬೆಲೆಗಳು 2021 ಕ್ಕಿಂತ ಕಡಿಮೆಯಾಗಿಯೇ ಉಳಿದಿವೆ. ಪೆಟ್ರೋಲ್ ಮೇಲೆ ಲೀಟರ್‌ ಗೆ ₹13 ಮತ್ತು ಡೀಸೆಲ್ ಮೇಲೆ ಲೀಟರ್‌ಗೆ ₹16 ರಷ್ಟು ಕೇಂದ್ರ ಅಬಕಾರಿ ಸುಂಕ ಕಡಿತವನ್ನು ಸಂಪೂರ್ಣವಾಗಿ ಗ್ರಾಹಕರಿಗೆ ವರ್ಗಾಯಿಸಲಾಯಿತು ಮತ್ತು ತೈಲ ಮಾರುಕಟ್ಟೆ ಕಂಪನಿಗಳು ಮಾರ್ಚ್ 2024 ರಲ್ಲಿ ಹೆಚ್ಚುವರಿಯಾಗಿ ₹2 ಲೀಟರ್ ಬೆಲೆ ಕಡಿತವನ್ನು ಜಾರಿಗೆ ತಂದವು.  ಪಿಎಂಯುವೈ ಫಲಾನುಭವಿಗಳಿಗೆ ಎಲ್.ಪಿ.ಜಿ ಬೆಲೆಗಳು ಪ್ರತಿ ಸಿಲಿಂಡರ್‌ ಗೆ ಸುಮಾರು ₹553 ರಷ್ಟಿದ್ದು, ಇದು ಜಾಗತಿಕವಾಗಿ ಅತ್ಯಂತ ಕಡಿಮೆಯಾಗಿದೆ.

ಜಾಗತಿಕ ಇಂಧನ ಸಂವಾದಕ್ಕಾಗಿ ವೇದಿಕೆ

ನಾಲ್ಕು ದಿನಗಳಲ್ಲಿ, ಭಾರತ ಇಂಧನ ಸಪ್ತಾಹ (ಐ.ಇ.ಡಬ್ಲ್ಯೂ.) 2026 ಸಚಿವರ ದುಂಡುಮೇಜಿನ ಸಭೆಗಳು, ಸಿಇಒ ಸಂವಾದಗಳು, ಸಾರ್ವಜನಿಕ-ಖಾಸಗಿ ವಲಯದ ಸಂವಹನಗಳು, ತಂತ್ರಜ್ಞಾನ ಪ್ರದರ್ಶನಗಳು, ಪ್ರದರ್ಶನಗಳು, ಸಾಮಾಜಿಕ ಕಾರ್ಯಕ್ರಮಗಳು ಮತ್ತು ಮಾಧ್ಯಮ ತೊಡಗಿಸಿಕೊಳ್ಳುವಿಕೆಗಳನ್ನು ಒಳಗೊಂಡಿರುತ್ತದೆ. ಮೀಸಲಾದ ಅಧಿವೇಶನಗಳು ಹೈಡ್ರೋಜನ್ ಆರ್ಥಿಕತೆಗಳು, ಹಸಿರು ಹಣಕಾಸು, ಸುಸ್ಥಿರ ಇಂಧನಗಳು, ವೃತ್ತಾಕಾರ, ಡಿಜಿಟಲ್ ರೂಪಾಂತರ ಮತ್ತು ಕಾರ್ಯಪಡೆಯ ಅಭಿವೃದ್ಧಿಯ ಮೇಲೆ ಕೇಂದ್ರೀಕರಿಸುತ್ತವೆ. ವಿಸ್ತೃತ ಪ್ರದರ್ಶನವು ಸಂಪೂರ್ಣ ಇಂಧನ ಮೌಲ್ಯ ಸರಪಳಿಯಾದ್ಯಂತ ನೂರಾರು ಕಂಪನಿಗಳ ಸಹಯೋಗವನ್ನು ಆಯೋಜಿಸುತ್ತದೆ, ವ್ಯಾಪಕ ಅಂತರರಾಷ್ಟ್ರೀಯ ಭಾಗವಹಿಸುವಿಕೆ ಮತ್ತು ದೇಶದ ಮಂಟಪಗಳಿಂದ ಬೆಂಬಲಿತವಾಗಿದೆ.

"ಭಾರತ ಇಂಧನ ಸಪ್ತಾಹ 2026"ದ ಬಗ್ಗೆ

"ಭಾರತ ಇಂಧನ ಸಪ್ತಾಹ 2026" ಎಂಬುದು ದೇಶದ ಪ್ರಮುಖ ಜಾಗತಿಕ ಇಂಧನ ವೇದಿಕೆಯಾಗಿದ್ದು, ಸುರಕ್ಷಿತ, ಸುಸ್ಥಿರ ಮತ್ತು ಕೈಗೆಟುಕುವ ಇಂಧನ ಭವಿಷ್ಯವನ್ನು ಮುನ್ನಡೆಸಲು ಸರ್ಕಾರಿ ನಾಯಕರು, ಉದ್ಯಮ ಕಾರ್ಯನಿರ್ವಾಹಕರು ಮತ್ತು ನಾವೀನ್ಯಕಾರರನ್ನು ಒಟ್ಟುಗೂಡಿಸುತ್ತದೆ. ತಟಸ್ಥ ಅಂತರರಾಷ್ಟ್ರೀಯ ವೇದಿಕೆಯಾಗಿ, ಇದು ಹೂಡಿಕೆ, ನೀತಿ ಜೋಡಣೆ ಮತ್ತು ತಾಂತ್ರಿಕ ಸಹಯೋಗವನ್ನು ಉತ್ತೇಜಿಸುತ್ತದೆ. "ಭಾರತ ಇಂಧನ ಸಪ್ತಾಹ 2026" ಜನವರಿ 27–30, 2026 ರಿಂದ ಗೋವಾದಲ್ಲಿ ನಡೆಯಲಿದೆ.

ನಾಲ್ಕು ದಿನಗಳ ಪರಿಣಿತ ಸಮಾವೇಶ ವಿಷಯದ ಉದ್ದಕ್ಕೂ, ಭಾರತ ಇಂಧನ ಸಪ್ತಾಹ (ಐ.ಇ.ಡಬ್ಲ್ಯೂ.) 2026 ಸಚಿವರ ದುಂಡುಮೇಜಿನ ಸಭೆಗಳು, ಜಾಗತಿಕ ಬಂಡವಾಳ ಹರಿವಿನ ಕುರಿತು ಸಿಇಒ ಸಂವಾದಗಳು, ಸಾರ್ವಜನಿಕ-ಖಾಸಗಿ ವಲಯದ ಸಂವಾದಗಳು, ಬಹುರಾಷ್ಟ್ರೀಯ ಕಂಪನಿಗಳು, ರಾಷ್ಟ್ರೀಯ ಇಂಧನ ಕಂಪನಿಗಳು ಮತ್ತು ಉನ್ನತ-ಬೆಳವಣಿಗೆಯ ಸ್ಟಾರ್ಟ್‌ಅಪ್‌ ಗಳಿಂದ ತಂತ್ರಜ್ಞಾನ ಪ್ರದರ್ಶನಗಳು, ಸಾಮಾಜಿಕ ಕಾರ್ಯಕ್ರಮಗಳು ಮತ್ತು ಮಾಧ್ಯಮ ತೊಡಗಿಸಿಕೊಳ್ಳುವಿಕೆಗಳನ್ನು ಒಳಗೊಂಡಿರುತ್ತದೆ; ಜೊತೆಗೆ ವಿಶಿಷ್ಟ ಪ್ರದರ್ಶನವನ್ನು ಒಳಗೊಂಡಿರುತ್ತದೆ.

ಹೆಚ್ಚಿನ ಮಾಹಿತಿಗಾಗಿ, ಭೇಟಿ ನೀಡಿ: https://www.indiaenergyweek.com/

*****