২০২৫ চনত বিনিয়োগ আৰু ৰাজহুৱা সম্পত্তি ব্যৱস্থাপনা বিভাগ (ডিআইপিএএম)-য়ে ৰাজহুৱা সম্পত্তি শক্তিশালী কৰা, কেন্দ্ৰীয় ৰাজহুৱা খণ্ড উদ্যোগসমূহ (চিপিএছই)-ত প্ৰমূল্য সৃষ্টিৰ প্ৰৱণতা বৃদ্ধি কৰা আৰু ফলপ্ৰসূ মূলধন ব্যৱস্থাপনা, কৌশলগত নিৰ্বিনিয়োজন আৰু লক্ষ্যভিত্তিক সামৰ্থ্য বৰ্দ্ধনমূলক উদ্যোগসমূহৰ জৰিয়তে বজাৰ-কেন্দ্ৰিক সংস্কাৰ অধিক গভীৰ কৰাৰ ক্ষেত্ৰত এক গুৰুত্বপূর্ণ ভূমিকা অব্যাহত ৰাখিছে।

চিপিএছইসমূহৰ পৰা অধিক লভ্যাংশ প্ৰাপ্তি

বিনিয়োগ-নিৰ্নিয়োজনৰ জৰিয়তে চিপিএছইসমূহত চৰকাৰী অংশীদাৰিত্ব ধীৰে ধীৰে হ্ৰাস পাই থকা সত্ত্বেও ২০২০–২১ বিত্তীয় বছৰৰ পৰা লভ্যাংশ পৰিশোধ ধাৰাবাহিকভাৱে বৃদ্ধি পাইছে। এই বৃদ্ধিৰ মূল কাৰণ হৈছে চৰকাৰৰ দক্ষ মূলধন ব্যৱস্থাপনা নীতি, উন্নত দায়িত্ববোধ ব্যৱস্থা আৰু নিৰ্বিনিয়োজন লেনদেনসমূহ সঠিক ব্যৱধানত সম্পন্ন কৰা।

চিপিএছইসমূহৰ পৰা লাভ কৰা লভ্যাংশ হৈছে অনা কৰ ৰাজহৰ এক গুৰুত্বপূর্ণ উৎস। বৰ্তমান লভ্যাংশ পৰিশোধসমূহ চিপিএছইসমূহৰ মূলধন ব্যৱস্থাপনা আৰু লভ্যাংশ পৰ্যবেক্ষণ কমিটি (চিএমচিডিচি) নামৰ আন্তঃমন্ত্ৰালয় মঞ্চত সংগঠিত আৰু গঠিত পদ্ধতিত আলোচনা কৰা হয়। যোৱা পাঁচ বছৰত চিপিএছইসমূহৰ লভ্যাংশ পৰিশোধত উল্লেখযোগ্য উন্নতি দেখা গৈছে।

যোৱা পাঁচটা বিত্তীয় বছৰত চিপিএছইসমূহৰ পৰা প্ৰাপ্ত মুঠ লভ্যাংশ ধাৰাবাহিকভাৱে ঊৰ্ধ্বমুখী ধাৰা প্ৰদৰ্শন কৰিছে আৰু প্ৰতিবছৰে সংশোধিত পূৰ্বানুমান (আৰই) অতিক্ৰম কৰিছে:

ইয়ে চিপিএছইসমূহৰ লভ্যাংশ পৰিশোধত এক উল্লেখযোগ্য উন্নতি প্ৰদৰ্শন কৰে, যিটো হৈছে ফলপ্ৰসূ মূলধন ব্যৱস্থাপনা আৰু উন্নত আৰ্থিক কাৰ্যক্ষমতাৰ প্ৰতিফলন।

মাজাগাঁও ডক শ্বিপবিল্ডাৰ্ছ লিমিটেডত বিক্ৰীৰ প্ৰস্তাৱ (অএফএছ)-ৰ লেনদেন

ডিআইপিএএম-য়ে চিপিএছইসমূহৰ বাবে প্ৰমূল্য সৃষ্টি কৰিবলৈ বিক্ৰীৰ প্ৰস্তাৱ (অএফএছ) ৰ পথো ব্যৱহাৰ কৰিছে। মাজাগাঁও ডক শ্বিপবিল্ডাৰ্ছ লিমিটেড (এমডিএল)-ত ভাৰত চৰকাৰৰ ৮৪.৮৩% অংশীদাৰিত্বৰ পৰা ৩.৬১% পৰিশোধিত ইকুইটী শ্বেয়াৰৰ নিৰ্বিনিয়োজন অএফএছৰ জৰিয়তে সম্পন্ন কৰা হয়। এই অএফএছ লেনদেনটো অনা-খুচৰা শ্ৰেণীৰ বাবে ৪ এপ্ৰিল ২০২৫ আৰু খুচৰা শ্ৰেণীৰ বাবে ৭ এপ্ৰিল ২০২৫ তাৰিখে আৰম্ভ কৰা হৈছিল।  অতিৰিক্ত চাহিদাৰ পৰিপ্ৰেক্ষিতত, অনা-খুচৰা শ্ৰেণীত গ্ৰীন শ্বু বিকল্প (Green Shoe Option) প্ৰয়োগ কৰা হয়। এই লেনদেনৰ জৰিয়তে ভাৰত চৰকাৰে ৩,৬৭৩.৪২ কোটি টকা আয় কৰে। অএফএছ-ৰ পাছত শ্বেয়াৰৰ বজাৰ মূল্যই সাধাৰণতে ঊৰ্ধ্বমুখী ধাৰা প্ৰদৰ্শন কৰিছে, যাৰ ফলত বিনিয়োগকাৰীসকলৰ মূলধনী লাভ বৃদ্ধি পাইছে।

চিপিএছইসমূহত প্ৰমূল্য সৃষ্টি: নেতৃত্ব আৰু সামৰ্থ্য বৰ্দ্ধন

চিপিএছইসমূহত প্ৰমূল্য সৃষ্টি উদ্যোগৰ অংশ হিচাপে, ডিআইপিএএম -য়ে চিপিএছইসমূহৰ ভিতৰত নেতৃত্ব আৰু যোগাযোগ সক্ষমতা উন্নত কৰাৰ বাবে লক্ষ্যভিত্তিক প্ৰচেষ্টা গ্ৰহণ কৰিছে। সামৰ্থ্য বৰ্দ্ধন আয়োগ-ৰ সৈতে সহযোগিতাৰে, ১৭ জানুৱাৰী ২০২৫ তাৰিখে নতুন দিল্লীত “নেতৃত্ব যোগাযোগ দক্ষতা উন্নয়ন” শীৰ্ষক এক কৰ্মশালাৰ আয়োজন কৰা হৈছিল। এই কৰ্মশালাৰ উদ্দেশ্য আছিল অৰ্থ, ব্যৱসায় উন্নয়ন, কৌশল আৰু যোগাযোগ ক্ষেত্ৰত কৰ্মৰত চিপিএছই কাৰ্যনিৰ্বাহক, বিশেষকৈ বিনিয়োগকাৰী আৰু আৰ্থিক বিশ্লেষকসকলৰ সৈতে যোগাযোগৰ ক্ষেত্ৰত থকাসকলক শক্তিশালী কৰা। ই অংশগ্ৰহণকাৰীসকলক যোগাযোগৰ অভাৱ চিনাক্ত কৰিবলৈ সহায় কৰে আৰু প্ৰশিক্ষণ আৰু বাস্তৱ-জগতৰ অনুকৰণমূলক অভিজ্ঞতাৰ জৰিয়তে দক্ষতা বৃদ্ধি কৰে।

ইয়াৰ উপৰিও, বিভাগটোৱে ২৯ আগষ্ট ২০২৫ তাৰিখে নতুন দিল্লীৰ ইণ্ডিয়া হেবিটেট চেণ্টাৰত, এনএছই-ৰ দ্বাৰা পৰিচালিত “আৰ্থিক বজাৰৰ মূল ধাৰণা” শীৰ্ষক এক সামৰ্থ্য বৰ্দ্ধন কাৰ্যসূচী সফলভাৱে আয়োজন কৰে, য’ত বিষয়া আৰু কৰ্মচাৰীসকলে অংশগ্ৰহণ কৰে।

লভ্যাংশৰ ধাৰাবাহিক উন্নতি, সফল বজাৰ-ভিত্তিক নিৰ্বিনিয়োজন আৰু লক্ষ্যভিত্তিক সামৰ্থ্য বৰ্দ্ধনৰ উদ্যোগসমূহৰ জৰিয়তে ২০২৫ চনত ডিআইপিএএম-ৰ পদক্ষেপসমূহে বিত্তীয় শক্তি দৃঢ় কৰা, বিনিয়োগকাৰীসকলৰ বিশ্বাস বৃদ্ধি কৰা আৰু চিপিএছই-সমূহত দীৰ্ঘম্যাদী প্ৰমূল্য সৃষ্টিৰ পৰিৱেশ আগবঢ়োৱাত গুৰুত্বপূর্ণ ভূমিকা পালন কৰিছে।

***

NB/GKP/KB