প্রধানমন্ত্রীগী লোইশঙ
প্রধান মন্ত্রীনা ইথিল পীরিবা সাইক্লিংগী মাইপাকপা অসিদা শ্রী এস. সুরেশ কুমারজীদা নুংঙাইবা ফোংদোকখ্রে
प्रविष्टि तिथि:
01 JAN 2026 10:01PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি বেঙ্গলুরুদগী কন্যাকুমারী ফাওবা মাইপাক্না সাইকল থৌখিবা, শ্রী সুরেশ কুমারজীগী শীংথানীংঙাই ওইবা মাইপাকপগীদমক থাগৎখ্রে।
শ্রী মোদীনা হায়খি মদুদি মসিগী মাইপাকপা অসি শীংথানীংঙাই ওইবা অমসুং ইথিল পীরিবা ওইবা খক্তা নত্তনা শ্রী সুরেশ কুমারজীগী অখাং কনবা অমসুং হনবা লৈত্রবা থৌনা লৈবগী খুদম অমসু ওইরি, মরু ওইনা মসি অচৌবা হকশেলগী শীংনবা অমা মায়োক্নবা মতুংদা পাংথোকপা ঙমখিবনি।
পি.এম.না হায়খি অসিগুম্বা খোঙথাং অসিনা ফিতনেসকী অমসুং পুন্না য়েংবদা খুন্নাইগী অচেৎপা ফিরেপকী মরু ওইবা পাউজেল পুরি।
প্রধান মন্ত্রীনা হকথেংননা শ্রী সুরেশ কুমার জীগা ৱারী শাখি অমসুং মসিগী মাইপাকপা অসিগীদমক মহাক্কী মফমদা নুংঙাইবা ফোংদোক্লদুনা খোঙচৎ অসি ওইথোকপা ঙমহনখিবা থৌনা অমসুং অখাং কনবা অদুবু থাগৎখি।
Xকী তোঙান-তোঙানবা পোস্তশিংদা শ্রী মোদীনা ইখি:
“শ্রী এস. সুরেশ কুমারজীগী বেঙ্গলুরুদগী কন্যাকুমারী ফাওবা সাইকল থৌদুনা চৎখিবা অসি শীংথানীংঙাই ওই অমসুং ইথিল পীনীংঙাই ওই। মরু ওইবা ৱাফমদি মহাক্না হকশেলফী শীংনবা মায়োক্নরবা মতুংদা মসিনা মহাক্কী অখাং কনবা অমসুং হনবা লৈত্রবা থৌনা উৎলিবা অসিনি। মসিনা ফিতনেসকী মরু ওইবা পাউজেলসু পীরি।
মহাক্কা লোয়ননা ৱারী শারে অমসুং মাইপাকপা অসিগীদমক মহাক্কী মফমদা নুংঙাইবা ফোংদোকখ্রে।
@nimmasuresh
https://timesofindia.indiatimes.com/city/bengaluru/age-illness-no-bar-at-70-bengaluru-legislator-pedals-702km-to-kanyakumari-in-five-days/articleshow/126258645.cms#
***
(रिलीज़ आईडी: 2210662)
आगंतुक पटल : 11