مقدمہ

حکومت ہند ہر سال 26 دسمبر کو گرو گووند سنگھ کے دو سب سے چھوٹے پسران صاحبزادہ زورآور سنگھ اور صاحبزادہ فتح سنگھ کی شہادت کی یاد میں ویر بال دیوس مناتی ہے ۔  اس کا مقصد ملک کے دو نوجوان ہیروز کی بہادری کا احترام کرنا اور آج کے نوجوانوں میں مثالی ہمت اور قربانی کا جذبہ پیدا کرنے میں مدد کرنا ہے ۔

تاریخی پس منظر

سکھ مت کے دسویں گرو ، گرو گووند سنگھ کے دو سب سے چھوٹے پسران ، صاحبزادہ زورآور سنگھ اور صاحبزادہ فتح سنگھ کو جبر کے تحت اپنے عقیدے کو ترک کرنے سے انکار کرنے پر 26 دسمبر 1704 کو سرہند (موجودہ فتح گڑھ صاحب ، پنجاب) میں شہید کر دیا گیا تھا ۔

نوعمرصاحبزادوں کی یہ شہادت ملک کے لیے پختہ اعتقاد ، ہمت اور اخلاقی طاقت کی پائیدار علامت شمار ہوتی ہے۔  یہ سکھ گروؤں کی وراثت،  ان کی ہمت اور لگن کی قابل احترام اور پُرجوش علامت ہے ۔   اتنی کم عمر میں بھی نوجوان بہادروں نے بے مثال جرأت کے ساتھ خوف پر سچائی اور وقار کا انتخاب کیا ۔  ان کی قربانیوں سے نسلوں کو تحریک ملتی رہتی ہے اور انہیں ملک کی اجتماعی تاریخی سرگزشت میں مرکزی مقام حاصل ہے ۔  یہ تاریخی دن گرودواروں میں ان کی بہادری کے احترام اور یاد میں دعاؤں اور کیرتن کے ساتھ منایا جاتا ہے ۔

مقاصد اور اہتمام

ویر بال دیوس کو آغاز سے ہی دو نوعمر شہیدوں کی بہادری کا احترام کرنے اور آج کے نوجوانوں کو ان کی قربانی سے واقف کرنے کے لیے پورے ملک میں منایا جاتا رہا ہے ۔ اس موقع پر، خاص طور پر ملک بھر کے اسکولوں میں متعدد پروگرام منعقد کیے جاتے ہیں ۔  ان میں مضمون نگاری ، کوئز ، مباحثے ، قصہ گوئی کے سیشن ، آرٹ پروگرام ، یوتھ مارچ ، اور عوامی خراج عقیدت، ثقافتی پرفارمنس ، اور نوجوانوں پر مرکوز دیگر سرگرمیاں شامل ہیں، جن سے اس دن کی شراکت اور جامع نوعیت اجاگر ہوتی ہے ۔  تقریبات میں تاریخی قربانی کو عصری معاشرتی اقدار سےجوڑنے کے لئےخراج عقیدت اور تقاریر کی نشستیں بھی پیش کی جاتی ہیں۔  یہ تقریب ہندوستان کے نوجوانوں کی غیر معمولی خوبیوں ، تخلیقی صلاحیتوں اور کامیابیوں کو ظاہر کرنے کا ایک اہم پلیٹ فارم شمار ہوتی ہے۔

وزیر اعظم نریندر مودی ملک کے روشن مستقبل کی بنیاد کی حیثیت رکھنے والے بچوں کو بااختیار بنانے کی اہمیت پر زور دیتے ہوئے اس موقع پر شرکت کرتے ہیں۔

پردھان منتری راشٹریہ بال پرسکار (پی ایم آر بی پی)

پردھان منتری راشٹریہ بال پرسکار (پی ایم آر بی پی) قومی سطح کا باوقار ایوارڈ ہے جو ہر سال عزت مآب صدر جمہوریہ ہند ک ہاتھوں مختلف شعبوں میں بچوں (18 سال سے کم عمر) کی غیر معمولی کامیابیوں کے اعتراف میں دیا جاتا ہے ۔

یہ ایوارڈ چھ زمروں میں نوجوان بہادروں کو دیا جاتا ہے: بہادری ، سماجی خدمت ، ماحولیات ، کھیل ، فن و ثقافت ، اور سائنس و ٹیکنالوجی۔  اس کا مقصد مختلف شعبوں میں قومی سطح پر بچوں کے شاندار کارناموں کا اعتراف کرکے ان کا جشن منانا ، ان کی حوصلہ افزائی اور ان کو تحریک دیناہے۔  اس کا مقصد حقیقی زندگی کے رول ماڈل پیش کرکے ملک بھر میں بچوں کے ساتھیوں کو متاثر کرنا بھی ہے ۔ متاثر کن کاوشوں کو اجاگر کرکے ، یہ ایوارڈ اختراع ، خدمت اور استقامت کے کلچر کو فروغ دیتا ہے ۔  اس پہل کے ذریعے ، بچوں کی فلاح و بہبود ، مجموعی ترقی ، اور نوجوان بہادروں میں قومی فخر کا جذبہ پروان چڑھانے کے حکومت ہند کےعزم کو تقویت ملتی ہے ۔

اہلیت کا معیار

یہ ایوارڈ ہندوستان میں مقیم  5 سے 18 سال کی عمر کے ہندوستانی شہریوں کو ہرسال 31 جولائی کو دیا جاتا ہے۔  وہ کارنامہ ، واقعہ ، یا حصولیابی جس کے لیے ایوارڈ یافتہ کو نامزد کیا جا رہا ہے ، درخواست کی آخری تاریخ سے دو سال پہلے تک کی مدت کے اندرہونا چاہیے۔

نامزدگی اور انتخاب

ایوارڈ یافتہ کاانتخاب پی ایم آر بی پی کمیٹی کے ذریعے کیا جاتا ہے ، جو وزیربہبود خواتین واطفال کے ذریعہ تشکیل دی جاتی ہے اور اس کی صدارت ایم ڈبلیو سی ڈی کے سکریٹری کرتے ہیں، جس میں ڈومین کے ماہرین بطورممبر شامل ہوتے ہیں ۔  یہ ایوارڈ صرف کمیٹی کی سفارش پر دیے جاتے ہیں ، جو کامیابیوں کی غیر معمولی خوبی اور سماجی اثرات کی بنیاد پر پیش کی جاتی ہے، اور اس پر وزیر بہبود ی خواتین و اطفال کی منظوری حاصل کی جاتی ہے۔

ایوارڈ کی تعداد

ہر سال زیادہ سے زیادہ 25 ایوارڈز دیے جاتے ہیں ۔  پی ایم آر بی پی کمیٹی غیر معمولی معاملات میں اس حد میں نرمی کر سکتی ہے ۔  ہر ایوارڈ ایک میڈل اور ایک سرٹیفکیٹ پر مشتمل ہوتا ہے ۔

پس  مرگ ایوارڈ

یہ ایوارڈ عام طور پر بعد از مرگ نہیں دیا جاتا ہے ۔  تاہم ، نادر اور انتہائی اہلیت کے معاملات میں ، پی ایم آر بی پی کمیٹی بعد از مرگ اعزاز دینے پر غور کر سکتی ہے ۔

اس سال 18 ریاستوں اور مرکز کے زیر انتظام علاقوں کے 20 بچوں کو پردھان منتری راشٹریہ بال پرسکار کے لیے منتخب کیا گیا ہے ۔  یہ ایوارڈ صدر جمہوریہ ہند محترمہ دروپدی مرموکے ہاتھوں ، 26 دسمبر 2025 کو صبح 10:00 بجے وگیان بھون ، نئی دہلی میں منعقدہ ایک خصوصی تقریب کے دوران دیاگیا۔

ویر بال دیوس 2025 کا ایک قومی سطح کا پروگرام 26 دسمبر 2025 کو بھارت منڈپم ، نئی دہلی میں منعقد کیا گیا تھا ، جس میں  وزیر اعظم جناب نریندر مودی نے ہندوستان کے بچوں اور نوجوانوں سے خطاب کیا اور ملک کی تعمیر میں ان کے کردار پر زور دیا ۔  اس پروگرام میں بہادری ، استقامت اور بے لوث خدمات کی کہانیوں کو اجاگر کیا گیا ، بچوں اور نوجوانوں کو تحریک دی گئی اور وکست بھارت@2047 کے وژن کےمطابق  ملک کے باشندوں میں بااختیار اور ذمہ دار شہری کا جذبہ پروان چڑھانے کے لیے حکومت ہند کے عزم کا اعادہ کیا گیا ۔

ملک بھر سے اسکولی بچوں ، پی ایم آر بی پی کے ایوارڈ یافتگان ، اور معززین نے اس پروگرام میں شرکت کی ۔

نیچے پی ایم آر بی پی 2025 کے ایوارڈ یافتگان کی فہرست ان کے کارناموں اور ایوارڈ کے زمروں کے ساتھ درج ہے ۔

خاتمہ

ویر بال دیوس سکھ گرو کے صاحبزادوں کی شہادت کی یاد کو ادارہ جاتی درجہ دینے  اور تاریخی یادگار کو عصری تحریک کے وسیلے میں بدلنے کےاہم قومی اقدام کی نمائندگی کرتا ہے۔ ہر سال 26 دسمبر کو منایا جانے والایہ دن حکومت ہند کے اقدار پر مبنی تعلیم، نوجوانوں کی مشغولیت اور تاریخی شعور کے تحفظ پر زور دینے کی عکاسی کرتا ہے۔ مربوط قومی تقریبات اور اسکول کی سطح پر وسیع پیمانے کی  شرکت کے ذریعے، ویر بال دیوس خراج عقیدت اور مستقبل رخی پہل دونوں کے طور پر ابھرا ہے جس کا مقصد آنے والی نسلوں کے درمیان ہمت، دیانت اور اخلاقی طاقت کو پروان چڑھانا ہے۔

حوالہ جات

وزارت بہبودی خواتین و اطفال

https://www.google.com/url?sa=t&source=web&rct=j&opi=89978449&url=https://cdnbbsr.s3waas.gov.in/s371e09b16e21f7b6919bbfc43f6a5b2f0/uploads/2025/05/20250524679249072.pdf&ved=2ahUKEwiasKqkktORAxU22TgGHS1AM3AQFnoECDMQAQ&usg=AOvVaw2WRZpS6y96_70GdCW5sgZL

https://www.google.com/url?sa=t&source=web&rct=j&opi=89978449&url=https://gurunanakcollege.edu.in/2024/1/2/The%2520Four%2520Sahibzadas%2520English.pdf&ved=2ahUKEwijttCq9MORAxWR7jgGHXK1FswQFnoECEUQAQ&usg=AOvVaw2LbXKeZue50Pn425qve8aI

امرت کال

https://amritkaal.nic.in/event-detail?183731

https://www.mygov.in/task/martyrdom-brave-sons-guru-govind-singh-ji-essay-contest/

پی آئی بی

https://www.pib.gov.in/PressReleseDetailm.aspx?PRID=1990383&reg=3&lang=2

https://www.pib.gov.in/PressReleasePage.aspx?PRID=1991884&reg=3&lang=2https://www.pib.gov.in/PressReleaseIframePage.aspx?PRID=1881187&reg=3&lang=2

پی ڈی ایف دیکھنے کے لئے یہاں کلک کریں

*****

ش ح۔م ش ع۔ م ق ا

U- 14