হৌদোকপগী ৱারোল

ভারত সরকারনা গুরু গোবিন্দ সিংহজীগী মচানুপা সাহিবজাদা জোরাৱর সিংহজী অমসুং সাহিবজাদা ফতেহ সিংহজীনা থৌনা ফনা থৱাই থাখিবগী নীংশিং থৌরম ওইনা চহি খুদিংগী দিসেম্বর ২৬তা বীর বাল দিবস পাংথোকই। মসিগী পান্দমদি লৈবাক অসিগী নহা ওইরিবা হেরো অনি অসিগী থৌনা অমসুং কত্থোকপবু ইকায় খুম্নবা অমসুং ঙসিগী নহা ওইরিবা মীওইশিংদা খুদম ওইরবা থৌনা অমসুং কৎথোকপগী ৱাখল্লোন অসি পোকহন্নবা হোৎনবনি।

পুৱারীগী ওইবা কন্তেক্স

গুরু গোবিন্দ সিংহজীগী খ্বাইদগী নহা ওইরিবা মচানুপা অনি, সহিবজাদা জোরাৱর সিংহজী অমসুং সহিবজাদা ফতেহ সিংহজীবু দিসেম্বর ২৬, ১৭০৪দা সিরহিন্দ (হৌজিক্কী ফতেহগর সাহিব, পঞ্জাব) দা হিংলিঙৈদা মখোয়না মখোয়গী থাজবা থাদোক্নবা হোৎনবদা য়াখিদবগীদমক নমদুনা হাৎপীখি।

সাহিবজাদনা থৱাই কত্থোকখিবা অসি লৈবাক অসিগী থাজবা, থৌনা অমসুং লমচৎ শাজৎকী অচেৎপা খুদম অমনি। মসি শিখ গুরুশিংগী হেরিতেজ, মখোয়গী থৌনা অমসুং কত্থোকপগী ইকাই খুম্নরবা খুদম অমনি। অসিগুম্বা চহি নৌজরবসু নহা ওইরিবা হেরোশিংনা অচুম্বা অমসুং ইকাই খুম্নববু শিংনবা কয়া লাক্লবসু থুগাইখিদে, অমসুং মখোয়গী থাজবশিং অদুগী মতুং ইন্না মখোয়না মপাঙ্গল কনবা ঙমখি। মখোয়গী কত্থোকপা অসিনা মীরোল কয়াদা ইথিল পীদুনা লাক্লি অমসুং লৈবাক অসিগী পুৱারীদা মরুওইবা মফম অমা কন্দুনা লৈরি। নুমিৎ অসি গুরুদ্বারশিংদা মখোয়গী থৌনা অমসুং কত্থোকপা অদুগী ইকায় খুম্নবা উৎনবগীদমক লাই খুরুম্বা অমসুং কীর্তন পাংথোক্নৈ।

পান্দম অমসুং ঙাক্না চৎপা

হৌরকপা মতমদগী, বীর বাল দিবস অসি লৈবাক শীনবা থুংনা নহা ওইরিবা শহিদ অনীগী থৌনা অদুগী ইকায় খুম্নবা উৎনবা অমসুং ঙসিগী নহা ওইরিবা মীওইশিংবু মখোয়গী কত্থোকপশিংগী মরমদা খঙহন্নবা পাংথোক্লি। প্রোগ্রাম কয়া অমা, মরু ওইনা লৈবাক শিনবা থুংনা লৈরিবা স্কুলশিংদা পাংথোক্লি। মসিগী মনুংদা ইসে রাইতিং, ক্বিজশিং, দিবেৎশিং, ৱারী শানবগী সেসনশিং, আর্ত প্রোগ্রামশিং, নহারোলশিংগী মার্চশিং, মীয়ামগী মফমদা ইকায় খুম্নবা উৎপা, কলচরেল পর্ফোমেন্সশিং, অমসুং নুমিৎ অসিগী শরুক য়াবা অমসুং ইনক্লুসিব ওইবা মওং মতৌবু ময়েক শেংনা তাক্লিবা নহারোল-কেন্দ্রিক অতোপ্পা থবক থৌরমশিং য়াওরি। থৌরমশিং অসিদা পুৱারীগী ওইবা কত্থোকপশিংবু হৌজিক্কী মতমগী সিভিক ভেল্যুশিংগা শম্নহল্লিবা ইকাই খুম্নবা অমসুং ৱারোলশিংসু য়াওরি। থৌরম অসিনা ভারতকী নহারোলশিংগী অখন্নবা হৈশিংবা, ক্রিএতিবিতী অমসুং এচিবমেন্তশিং উৎনবা প্লেৎফোর্ম অমা ওইরি।

প্রধান মন্ত্রী শ্রী নরেন্দ্র মোদীনা থৌরম অদুদা ৱা ঙাংখি। মহাক্না লৈবাক অসিগী মঙাল লৈবা তুংলমচৎকী য়ুম্ফম ওইরিবা অঙাংশিংবু মপাঙ্গল কনখৎহনবগী মরুওইবা অদু অমুক হন্না ফোংদোকখি।

প্রধান মন্ত্রী রাস্ত্রিয় বাল পুরস্কার (পি.এম.আর.বি.পি.)

প্রধান মন্ত্রী রাস্ত্রিয় বাল পুরস্কার (পি.এম.আর.বি.পি.) অসি মখল কয়াগী লমশিংদা অঙাংশিং (চহি ১৮গী মখাদা) গী অখন্নবা এচিবমেন্তশিং শকখঙনবা ভারতকী রাস্ত্রপতিনা চহি খুদিংগী পীবা মমিং লৈরবা নেস্নেল লেবেল এৱার্দ অমনি।

এৱার্দ অসিনা কাংলুপ তরুক্তা মাইপাক্লবা নহা ওইরিবশিংবু ইকায় খুম্নবা উৎলি: ব্রেভরী, সোসিএল সর্ভিস, এনভাইরনমেন্ত, শান্নখোৎনবা, আর্ত অমসুং কলচর, অমসুং সাইন্স অমসুং তেক্নোলোজী। মসিগী পান্দমদি তোঙান-তোঙানবা লমশিংদা নেস্নেল লেভেলদা মখোয়গী শিংথানিংঙাই ওইবা কন্ত্রিব্যুসনশিংবু মশক খঙদোক্তুনা অঙাংশিংবু সেলেব্রেট তৌবা, পুক্নিং থৌগৎপা অমসুং ইথিল পীনবনি। মসিনা লৈবাক শীনবা থুংনা লৈরিবা মরুপ-মপাংশিংবু অশেংবা পুন্সিগী রোল মোদেলশিং উৎতুনা পুক্নিং থৌগৎনবা পান্দমসু থম্লি। ইনোৎ পীনিংঙাই ওইবা থবকশিংবু ময়েক শেংনা উৎতুনা, এৱার্দ অসিনা ইনোবেসন, সর্ভিস অমসুং পেরসেয়রগী কলচর অমা প্রমোৎ তৌই। খোঙথাং অসিগী খুত্থাংদা, ভারত সরকারনা অঙাংশিংগী য়াইফ-থৌরাং, অপুনবা চাউখৎপা অমসুং নহা ওইরিবা মাইপাক্লিবা মীওইশিংগী মরক্তা লৈবাক্কী চাউথোকচবা পোকহন্নবা হোৎনরি।

ইলিজিবিলিটি ক্রাইটেরিয়াশীং

এৱার্দ অসি ভারত্তা লৈবা অমসুং চহি ৫ অমসুং ১৮গী মরক্তা লৈবা ভারত মচাশিংদা পীরি। মখোয়বু নোমিনেৎ তৌরিবা থবক, থৌদোক নত্ত্রগা মায় পাকপা অদু এপ্লিকেসনগী অরোইবা তাং অদুগী মমাংগী চহি অনিগী মনুংদা থোক্লম্বা ওইগদবনি

নোমিনেসন অমসুং সেলেক্সন

সেলেক্সন অসি পি.এম.আর.বি.পি.গী কমিতীনা পাংথোকই। মসিগী কমিতী অসি নুপী অমসুং অঙাং চাউখৎ থৌরাংগী মন্ত্রীনা শেম্মী অমসুং এম.দবল্যু.সি.দি.গী সেক্রেতরীনা লুচিংই। এৱার্দশিং অসি কম্মিতীগী রিকমেন্দেসনদা য়ুম্ফম ওইদুনা, অখন্নবা মগুন অমসুং মাইপাকপগী খুন্নাইদা ওইহনবা শাফুদা য়ুম্ফম ওইদুনা পীগনি অমসুং মসি নুপী অমসুং অঙাং চাউখৎপগী ইকাই খুম্নরবা মন্ত্রীনা অয়াবা পীগনি।

এৱার্দশিংগী মশিং

চহিগী ওইনা মশিং য়াম্লবদা মনা ২৫ পীগনি। পি.এম.আর.বি.পি.গী কমিতীনা অখন্নবা ফিভমশিংদা মসিগী লিমিৎ অসি কোমথোকপা য়াই। এৱার্দ খুদিংমক্তা মেদল অমসুং সর্টিফিকেট অমা লৈ।

শিরবা মতুংদা পীবা মনা

এৱার্দ অসি মহৌশানা লৈখিদ্রবা মতুংদা পীদে। অদুম ওইনমক, য়াম্না তাঙনা থোকপা অমসুং তঙাই ফদবা কেসশিংদা, PMRBP কমিতীনা পোস্থমস কনফরমেসন অমা খনবা য়াই।

চহি অসিদা রাজ্য অমসুং য়ুনিয়ন তেরিতোরী ১৮গী অঙাং ২০ প্রধান মন্ত্রী রাস্ত্রিয় বাল পুরস্কারগীদমক খনগৎখ্রে। এৱার্দশিং অসি ভারতকী রাস্ত্রপতি শ্রীমতি দ্রৌবদি মুর্মুনা ২০২৫গী দিসেম্বর ২৬তা ন্যু দিল্লীগী বিজ্ঞান ভবনদা অয়ুক পুং ১০ তাবা মতমদা পাংথোকখিবা অখন্নবা থৌরম অমদা খুৎশিন্নখি।

২০২৫গী দিসেম্বর ২৬তা ভারত মান্দপম, ন্যু দিল্লীদা বীর বাল দিবস ২০২৫গী নেস্নেল লেবেল প্রোগ্রাম অমা পাংথোকখি। প্রধান মন্ত্রী শ্রী নরেন্দ্র মোদীনা ভারতকী অঙাংশিং অমসুং নহারোলশিংদা ৱা ঙাংখি অমসুং লৈবাক শেমগৎপদা মখোয়গী থৌদাং অদু ফোংদোকখি। থৌরম অদুদা থৌনা, মপাঙ্গল অমসুং থৱায় য়াওদবা থৌনাগী ৱারীশিং শন্দোক্না তাকখি। মসিনা অঙাংশিং অমসুং নহাশিংবু পুক্নিং থৌগৎখি। ভারত সরকারনা বিক্সিত ভারত@২০৪৭গী ৱাখল্লোনগী মতুং ইন্না শক্তি লৈরবা অমসুং থৌদাং লৌবা ঙম্বা নাগরিকশিং শেমগৎনবা অচেৎপা ফিরেপ অদু অমুক হন্না ফোংদোকখি।

স্কুলগী অঙাংশিং, পি.এম.আর.বি.পি.গী এৱার্দিশিং অমসুং লৈবাক শিনবা থুংবদগী লাকপা মকোক থোংবা মীওইশিংনা থৌরম অসিদা শরুক য়াখি।

মখাদা পি.এম.আর.বি.পি. ২০২৫গী এৱার্দিশিংগী লিস্ত, মখোয়গী এৱার্দ কেতগোরীশিং অমসুং এৱার্দকী এচিবমেন্তশিং পীরি।

অরোইবা ৱারোল

বীর বাল দিবস অসি সাহিবজাদগী থৱাইনা পোন্থা পীখিববু নীংশিংবগী থৌরম অসি ইন্সতিত্যুস্নেলাইজ তৌনবা অমসুং পুৱারীগী ওইবা নিংশিংবা অমা ওইনা হৌজিক্কী মতমগী ইথিলগী হৌরকফম অমা ওইহন্নবা মরুওইবা জাতিগী থৌরাং অমনি। চহি খুদিংগী দিসেম্বর ২৬তা পাঙথোকপা নুমিৎ অসিনা ভারত সরকারনা ভেল্যুদা য়ুম্ফম ওইবা এজুকেসন, নহাশিংগী থৌদাং অমসুং পুৱারীগী ওইবা ৱাখল্লোন ঙাক-শেন্দুনা থম্বদা মরুওইবা পীরি। কোওর্দিনেৎ নেস্নেল ইভেন্তশিং অমসুং স্কুলগী থাক্তা পাক শন্না শরুক য়াবগী খুত্থাংদা, বীর বাল দিবস অসি ইকায় খুম্নবা অমসুং তুংলমচৎকীদমক খোংথাং অমা ওইরক্লি। মসিগী পান্দমদি তুংলমচৎকী মীরোলশিংগী মরক্তা থৌনা, ইকাই খুম্নবা অমসুং মোরেলগী মপাঙ্গল হেনগৎহনবনি।

রিফরেন্সশিং

ৱুমেন অমসুং চাইল্ড দিভেলপমেন্ট মিনিষ্ট্রি

https://www.google.com/url?sa=t&source=web&rct=j&opi=89978449&url=https://cdnbbsr.s3waas.gov.in/s371e09b16e21f7b6919bbfc43f6a5b2f0/uploads/2025/05/20250524679249072.pdf&ved=2ahUKEwiasKqkktORAxU22TgGHS1AM3AQFnoECDMQAQ&usg=AOvVaw2WRZpS6y96_70GdCW5sgZL

https://www.google.com/url?sa=t&source=web&rct=j&opi=89978449&url=https://gurunanakcollege.edu.in/2024/1/2/The%2520Four%2520Sahibzadas%2520English.pdf&ved=2ahUKEwijttCq9MORAxWR7jgGHXK1FswQFnoECEUQAQ&usg=AOvVaw2LbXKeZue50Pn425qve8aI

অমৃত কাল

https://amritkaal.nic.in/event-detail?183731

https://www.mygov.in/task/martyrdom-brave-sons-guru-govind-singh-ji-essay-contest/

পি.আই.বী

https://www.pib.gov.in/PressReleseDetailm.aspx?PRID=1990383&reg=3&lang=2

https://www.pib.gov.in/PressReleasePage.aspx?PRID=1991884&reg=3&lang=2https://www.pib.gov.in/PressReleaseIframePage.aspx?PRID=1881187&reg=3&lang=2

***