کوچ کی توسیع  کی کڑی میں اب  گجرات  سے قبل باجوا (وڈودرا) - احمد آباد سیکشن (96 کلومیٹر) پر کامیابی کے ساتھ  کوچ 4.0 کو لانچ کیا گیا ہے۔ یہ پروجیکٹ 17 اسٹیشنوں پر محیط ہے اور اس میں ایک مضبوط سکیورٹی انفراسٹرکچر شامل ہے، جس میں 23 ٹاورز، 20 کوچ بلڈنگ/ ہٹس، 192 کلومیٹر آپٹیکل فائبر کیبل اور 2,872  آر ایف آئی ڈی ٹیگز شامل ہیں۔

اس روٹ پر کوچ سسٹم سے لیس پہلی ٹرین سنکلپ فاسٹ پسنجر (59549/59550) تھی۔ اسے ڈبلیو اے پی-7 لوکوموٹیو (انجن) اور 11ایل ایچ بی کوچز کے ساتھ چلایا گیا۔

کوچ 4.0 اب اس ریل سیکشن پر مکمل طور پر کام کر رہا ہے۔ یہ خود بخود حفاظتی خطرات کو کم کرنے کے لیے ڈیزائن کیا گیا ہے، جس سے خطرے میں سگنل پاسڈ (ایس پی اے ڈی) جیسے حالات کے نتائج کو روکا گیا ہے۔ یہ نظام سیکشنل اسپیڈ، لوپ لائنز اور مستقل رفتار پابندیوں (پی ایس آر ایس) کی نگرانی کرکے خودکار رفتار کنٹرول کو یقینی بناتا ہے۔ یہ سامنے اور پیچھےسے ہونے والے تصادم سے بھی تحفظ فراہم کرتا ہے۔ اضافی حفاظتی خصوصیات میں ہنگامی ایس او ایس کی سہولت اور لیول کراسنگ گیٹس پر خودکار سیٹی بجانا شامل ہیں۔

اب تک کوچ سسٹم کو 2,200 روٹ کلومیٹر سے زیادہ ریل نیٹ ورک پر لاگو کیا جا چکا ہے۔

کوچ ایک خودکار ٹرین پروٹیکشن سسٹم ہے جو مقامی طور پر ہندوستانی ریلویز کے ذریعہ تیار کیا گیا ہے، جو آپریشنل سیفٹی کی اعلیٰ ترین سطح فراہم کرنے کے لیے ڈیزائن کیا گیا ہے۔ یہ سیفٹی انٹیگریٹی لیول-4 (ایس آئی ایل- 4) سے تصدیق شدہ ایک انتہائی ٹیکنالوجی پر مبنی نظام ہے۔ یہ سگنلنگ سسٹمز میں اعلیٰ ترین حفاظتی معیارات میں سے ایک ہے، جو عالمی معیار کی حفاظت اور بھروسے کے لیے ہندوستانی ریلوے کے عزم کی عکاسی کرتا ہے۔

کوچ مقررہ رفتار کی حد سے تجاوز کرنے یا حفاظتی خطرے کی صورت میں خودکار طور پر بریک لگا کر لوکو پائلٹس کی مدد کرتا ہے۔ اس طرح، یہ حادثات کو روکنے اور محفوظ ٹرین آپریشنز کو فروغ دینے میں مدد کرتا ہے، یہاں تک کہ خراب موسمی حالات میں بھی۔ آپریشنل تجربے اور آزاد حفاظتی جائزوں کی بنیاد پر مسلسل بہتری آر ڈی ایس او کے ذریعہ کوچ ورژن 4.0 کی منظوری کا باعث بنی ہے۔کوچ 4.0 ریلوے کی حفاظت میں ایک اہم پیش رفت ہے اور اسے ہندوستان کے متنوع اور اعلی کثافت والے ریل نیٹ ورک کی ضروریات کو پورا کرنے کے لیے ڈیزائن کیا گیا ہے۔

کوچ 4.0 ایک اہم تکنیکی پیش رفت ہے۔ کلیدی اصلاحات میں شامل ہیں:

• مقام کی درستگی میں بہتری، ٹرین کی درست پوزیشن سے باخبر رہنے کو فعال کرنا
• بڑے اور پیچیدہ اسٹیشن یارڈز میں واضح اور زیادہ درست سگنل کی حیثیت کی معلومات فراہم کرنا
• آپٹیکل فائبر کیبل کے ذریعے اسٹیشن سے اسٹیشن کوچ انٹرفیس، تیز اور زیادہ قابل اعتماد مواصلات کو یقینی بنانا
• موجودہ الیکٹرانک انٹر لاکنگ سسٹم کے ساتھ براہ راست انضمام، موجودہ سگنلنگ انفراسٹرکچر کے ساتھ ہموار ہم آہنگی کو یقینی بنانا

یہ اپ گریڈزکوچ 4.0 کو زیادہ مضبوط، جوابدہ اور ہندوستان کے متنوع اور اعلی کثافت والے ریل نیٹ ورک میں بڑے پیمانے پر تعیناتی کے لیے موزوں بناتے ہیں۔ اس نظام کو عالمی حفاظتی معیارات پر پورا اترنے کے لیے انڈیپنڈنٹ سیفٹی اسیسسر (آئی ایس اے ) کی طرف سے بھی تصدیق کی گئی ہے۔

گجرات میں باجوا (وڈودرا) – احمد آباد سیکشن پرکوچ   4.0 کا آغاز ہندوستانی ریلوے کی دیسی حفاظتی ٹیکنالوجیز کو لاگو کرنے کے مسلسل عزم کو تقویت دیتا ہے۔ یہ اقدام مسافروں کی حفاظت کو مضبوط بنانے، آپریشنل اعتبار کو بہتر بنانے اور ملک کے لیے ایک محفوظ اور بہتر ریل نیٹ ورک کے وژن کو آگے بڑھانے کی جانب ایک اہم قدم ہے۔

 

*****

 

ش ح – ظ  ا-رب

UR No. 4032

(रिलीज़ आईडी: 2209782) आगंतुक पटल : 12