કવચના વિસ્તરણના ભાગરૂપે, હવે ગુજરાતના પ્રથમ બાજવા (વડોદરા)-અમદાવાદ વિભાગ (96 કિમી)માં કવચ 4.0 કાર્યરત કરવામાં આવ્યું છે. આ પ્રોજેક્ટમાં 17 સ્ટેશનોનો સમાવેશ થાય છે અને તેમાં 23 ટાવર, 20 કવચ ઇમારતો/હટ્સ, 192 કિમી ઑપ્ટિકલ ફાઇબર કેબલ અને 2,872 આરએફઆઈડી ટૅગ્સની સ્થાપના જેવી મજબૂત માળખાકીય સુવિધાઓ સામેલ છે.

આ રૂટ પર કવચથી સજ્જ પ્રથમ ટ્રેન સંકલ્પ ફાસ્ટ પેસેન્જર (59549/59550) હતી, જે ડબ્લ્યુએપી-7 લોકોમોટિવ્સ અને 11 એલએચબી કોચ સાથે સંચાલિત હતી.

આ સેક્શન પર કવચ 4.0 હવે સંપૂર્ણ રીતે કાર્યરત છે. સલામતીના જોખમોને આપમેળે ઘટાડવા માટે તેની રચના કરવામાં આવી છે. આ સિસ્ટમ સિગ્નલ પાસ્ડ એટ ડેન્જર (એસપીએડી)ને કારણે ઉદ્ભવતા પરિણામોને અટકાવે છે; સેક્શનલ સ્પીડ, લૂપ લાઇન અને પરમેનન્ટ સ્પીડ રિસ્ટ્રિક્શનના સુપરવિઝન સહિત સ્વચાલિત સ્પીડ કંટ્રોલ લાગુ કરે છે; અને હેડ-ઓન તેમજ રીઅર-એન્ડ અથડામણ સામે રક્ષણ પૂરું પાડે છે. વધારાની સલામતી સુવિધાઓમાં એસઓએસ સુવિધા અને લેવલ ક્રોસિંગ ગેટ્સ પર સ્વચાલિત સિસોટીનો સમાવેશ થાય છે.

અત્યાર સુધી, કવચનો 2200 રૂટ કિલોમીટર કરતાં વધુ પર અમલ કરવામાં આવ્યો છે.

કવચ એ ભારતીય રેલવે દ્વારા સ્વદેશી રીતે વિકસાવવામાં આવેલી ઓટોમેટિક ટ્રેન પ્રોટેક્શન (એટીપી) સિસ્ટમ છે, જેને સંચાલન સલામતીનું સર્વોચ્ચ સ્તર પૂરું પાડવા માટે ડિઝાઇન કરવામાં આવી છે. સિગ્નલિંગ સિસ્ટમ્સમાં સલામતીના સર્વોચ્ચ ધોરણોમાંના એક, સેફ્ટી ઇન્ટિગ્રિટી લેવલ-4 (એસઆઈએલ-4) માટે પ્રમાણિત, આ એક અત્યંત ટેક્નોલોજી-સઘન સિસ્ટમ છે, જે વિશ્વ કક્ષાની સલામતી અને વિશ્વસનીયતા પ્રત્યે ભારતીય રેલવેની પ્રતિબદ્ધતાને પ્રતિબિંબિત કરે છે.

કવચ, નિર્ધારિત ગતિ મર્યાદા ઓળંગાઈ જાય અથવા સલામતી જોખમાય તેવી પરિસ્થિતિઓમાં બ્રેક લગાવીને ટ્રેન ચાલકોને મદદ કરે છે, જેથી અકસ્માતોને અટકાવી શકાય અને પ્રતિકૂળ હવામાન પરિસ્થિતિઓમાં પણ ટ્રેનના સલામત સંચાલનને વેગ આપી શકાય. ઓપરેશનલ અનુભવ અને સ્વતંત્ર સલામતી મૂલ્યાંકનના આધારે સતત થયેલા સુધારાને કારણે આરડીએસઓ દ્વારા કવચ વર્ઝન 4.0ને મંજૂરી આપવામાં આવી હતી. કવચ 4.0 રેલવે સલામતીમાં એક મહત્વપૂર્ણ સીમાચિહ્ન છે અને તેને ભારતના વૈવિધ્યસભર અને ઉચ્ચ-ઘનતાવાળા રેલ નેટવર્કની આવશ્યકતાઓને પહોંચી વળવા માટે ડિઝાઇન કરવામાં આવ્યું છે.

કવચ 4.0 તકનીકી પ્રગતિમાં એક મહત્વપૂર્ણ પ્રગતિ રજૂ કરે છે. મુખ્ય સુધારાઓમાં સામેલ છે:

• સ્થાનની સુધારેલી ચોકસાઈ, જેનાથી ટ્રેનોનું ચોક્કસ સ્થાન નક્કી કરી શકાય છે.
• મોટા અને જટિલ સ્ટેશન યાર્ડમાં સિગ્નલ પાસની સુધારેલી માહિતી.
• ઝડપી અને વધુ વિશ્વસનીય સંચાર સુનિશ્ચિત કરવા માટે ઓપ્ટિકલ ફાઇબર કેબલ દ્વારા સ્ટેશનથી સ્ટેશન કવચ ઇન્ટરફેસ.
• હાલની ઇલેક્ટ્રોનિક ઇન્ટરલોકિંગ પ્રણાલીઓ સાથે સીધું એકીકરણ, જે વર્તમાન સિગ્નલિંગ માળખાકીય સુવિધાઓ સાથે નિર્બાધ સંકલનને સક્ષમ કરે છે.

આ સુધારાઓ કવચ 4.0ને ભારતના વૈવિધ્યસભર અને ઉચ્ચ ઘનતાવાળા રેલવે નેટવર્ક પર મોટા પાયે જમાવટ માટે વધુ મજબૂત, પ્રતિભાવશીલ અને યોગ્ય બનાવે છે. સ્વતંત્ર સલામતી મૂલ્યાંકનકાર દ્વારા આ સિસ્ટમને વૈશ્વિક સલામતી ધોરણોને પૂર્ણ કરવા માટે પણ પ્રમાણિત કરવામાં આવી છે.

ગુજરાતના બાજવા (વડોદરા)–અમદાવાદ સેક્શન પર કવચ 4.0ના કાર્યરત થવાથી ઇન્ડિયન રેલવેઝની સ્વદેશી સલામતી તકનીકો તૈનાત કરવા પરનો સતત ભાર મજબૂત બને છે, મુસાફરોની સલામતી સુનિશ્ચિત થાય છે, કાર્યકારી વિશ્વસનીયતામાં સુધારો થાય છે, અને રાષ્ટ્ર માટે સુરક્ષિત તથા વધુ સ્માર્ટ રેલ નેટવર્કના દ્રષ્ટિકોણને આગળ ધપાવે છે.

 

SM/DK/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com

(रिलीज़ आईडी: 2209748) आगंतुक पटल : 23