કાયદો અને ન્યાય મંત્રાલય
ભારતના માનનીય રાષ્ટ્રપતિ શ્રીમતી દ્રૌપદી મુર્મુ દ્વારા ભારતના સંવિધાનના સંથાલી ભાષામાં પ્રથમ અનુવાદિત પુસ્તકનું વિમોચન; કાયદા અને ન્યાય મંત્રાલયના વિધાયી વિભાગ દ્વારા પ્રથમ વખત કરાયું પ્રકાશન
પોસ્ટેડ ઓન:
25 DEC 2025 3:07PM by PIB Ahmedabad
25મી ડિસેમ્બર, 2025ના રોજ, સુશાસન દિવસ અને 1925માં પંડિત રઘુનાથ મુર્મુ દ્વારા વિકસિત ઓલ ચિકી લિપિના જન્મ શતાબ્દી વર્ષ નિમિત્તે, કાયદા અને ન્યાય મંત્રાલયના વિધાયી વિભાગ દ્વારા પ્રથમ વખત પ્રકાશિત કરવામાં આવેલા ભારતના સંવિધાનના સંથાલી ભાષામાં અનુવાદનું ભારતના માનનીય રાષ્ટ્રપતિ શ્રીમતી દ્રૌપદી મુર્મુ દ્વારા રાષ્ટ્રપતિ ભવન, નવી દિલ્હી ખાતે વિમોચન કરવામાં આવ્યું છે.
સંથાલી ભાષા, જેને 92મા સુધારા અધિનિયમ, 2003 દ્વારા સંવિધાનની આઠમી અનુસૂચિમાં સામેલ કરવામાં આવી હતી, તે ભારતની સૌથી પ્રાચીન જીવંત ભાષાઓમાંની એક છે. તે ઝારખંડ, ઓડિશા, પશ્ચિમ બંગાળ અને બિહારમાં મોટી સંખ્યામાં આદિવાસી લોકો દ્વારા બોલવામાં આવે છે.
ભારતના માનનીય ઉપરાષ્ટ્રપતિ શ્રી સી.પી. રાધાકૃષ્ણન, કાયદા અને ન્યાય મંત્રાલયના માનનીય રાજ્ય મંત્રી (સ્વતંત્ર પ્રભાર) શ્રી અર્જુન રામ મેઘવાલ અને સંથાલી ભાષી સમુદાયના સભ્યો સહિત અન્ય આમંત્રિતોએ આ પ્રસંગને ગૌરવ અપાવ્યું હતું.
SM/BS/GP/JD
(રીલીઝ આઈડી: 2208493)
મુલાકાતી સંખ્યા : 70