প্রধান মন্ত্রী শ্রী নরেন্দ্র মোদীনা ২০২৫গী দিসেম্বর ১৯দা নুমিদাংৱাইরম পুং ৪:৩০ তাবদা ভারত মন্দপম, নই দিল্লীদা পাংথোক্কদৌরিবা ত্রেদিস্নেল মেদিসিনগী অনিশুবা দবল্যু.ঐচ.ও. গ্লোবেল সম্মিৎকী লোইশিনবগী থৌরমদা শরুক য়াগনি। লোইশিনবগী থৌরম অদুদা প্রধান মন্ত্রীনা মীয়ামদা ৱা ঙাংগনি। থৌরম অসিনা মালেমগী, সাইন্সতা য়ুম্ফম ওইবা অমসুং মীয়ামদা মীৎয়েং চঙবা ত্রেদিস্নেল মেদিসিন এজেন্দা অমা শেমগৎপদা ভারতকী চাউখৎলক্লিবা লুচিংবগী মশক অমসুং মকোক থোংবা থৌরাংশিংবু ময়েক শেংনা তাকই।

প্রধান মন্ত্রীনা রিসর্স, স্তেন্দার্দাইজেসন, অমসুং মালেমগী ওইবা কোলাবোরেসনগী থোংদা ত্রেদিস্নেল মেদিসিন অমসুং ইন্দিয়ন নোলেজ সিস্তেমবু মরুওইনা লৌনবা মতম পুম্নমক্তা অকনবা ৱাফম থম্লি। ভিজন অসিগী মতুং ইন্না, প্রোগ্রাম অসিগী মনুংদা, প্রধান মন্ত্রীনা আয়ুশ সেক্তরগী মাস্তর দিজিতেল পোর্তেল অমা ওইরিবা মাই আয়ুশ ইন্তিগ্রেতেদ সর্বিসেস পোর্তেল (এম.এ.আই.এস.পি.) য়াওনা আয়ুশকী লমদা মরুওইবা খোংথাং কয়া অমা হৌদোক্কনি। মহাক্না আয়ুশ প্রদক্তশিং অমসুং সর্বিসশিংগী মগুনগী মালেমগী বেঞ্চমার্ক অমা ওইনবা পান্দম থম্লিবা আয়ুশ মার্কসু মায়খুম হাংগনি।

থৌরম অদুদা প্রধান মন্ত্রীনা য়োগগী ত্রেনিংগী মতাংদা দবল্যু.ঐচ.ও.গী তেক্নিকেল রিপোর্ত অমসুং লাইরিক 'ফ্রোম রুত তু গ্লোবেল রিচ: ১১ ইয়র্স ওফ ত্রান্সফোর্মেসন ইন আয়ুশ' ফোঙগনি। ভারতকী ত্রেদিস্নেল মেদিসিনেল হেরিতেজকী মালেমগী ওইবা রেজোনান্সকী খুদম ওইরিবা অশ্বগন্ধাগী কুমহৈগী পোস্তেল স্তাম্প অমসু মহাক্না ফোংগনি।

প্রধান মন্ত্রীনা দিল্লীদা অনৌবা দবল্যু.ঐচ.ও.-সাউথ ইস্ত এসিয়া রিজনেল ওফিস কমপ্লেক্সসু শঙ্গাগনি। মসিদা দবল্যু.ঐচ.ও. ইন্দিয়া কন্ত্রী ওফিসসু লৈগনি। মসি মালেমগী হকশেলগী ওর্গানাইজেসনগা লোয়ননা ভারতকী পার্তনরশিপকী মরুওইবা মাইলস্তোন অমনি।

প্রধান মন্ত্রীনা ২০২১-২০২৫গী চহিশিংদা য়োগকী প্রমোসন অমসুং দিবেলপমেন্তদা শিংথানিংঙাই ওইবা থৌদাং লৌবগীদমক পীবা প্রধান মন্ত্রীগী এৱার্দ ফংলবশিংবু য়োগ অমসুং মসিগী মালেমগী প্রমোসনদা মখোয়গী লেপ্পা লৈতনা থাজবা থম্বা অদুগীদমক থাগৎপা ফোংদোক্কনি। এৱার্দশিং অসিনা য়োগবু তংদু লৈতাবা, মশা-মউ ফবা অমসুং অপুনবগীদমক মতম চুপ্পগী ওইনা চত্থবা থৌওং অমনি হায়না অমুক হন্না ফোংদোক্লি। মসিনা হেন্না হকচাং ফবা অমসুং হেন্না মপাঙ্গল কনবা অনৌবা ভারত অমা শেমগৎপদা মতেং পাংলি।

প্রধান মন্ত্রীনা ত্রেদিস্নেল মেদিসিন দিস্কভরী স্পেসতা চৎকনি। মসি ভারত অমসুং মালেম পুম্বগী ত্রেদিস্নেল মেদিসিনগী লৌশিংগী মখল-মখা কয়া, অকুপ্পা অমসুং হৌজিক মতমগী ওইবা মরী লৈনবা অদু উৎলিবা মফম অমনি।

ৱার্ল্দ হেল্থ ওর্গনাইজেসন (দব্লিয়ু.ঐচ.ও.) অমসুং ভারত সরকারগী আয়ুশ মন্ত্রালয়না পুন্না শীনবা, সমিৎ অসি ২০২৫গী দিসেম্বর ১৭দগী ১৯ ফাওবা 'রিস্তোরিং বেলেন্স: সাইন্স এন্দ প্রাক্টিস ওফ হেল্থ এন্দ ৱেল-ইজ' হায়বা থিমগী মখাদা ন্যু দিল্লীগী ভারত মান্দপমদা পাংথোক্কনি। সম্মিত অসিদা মালেমগী লুচিংবশিং, পোলিসী মেকরশিং, সাইন্তিস্তশিং, প্রেক্তিসনেলশিং, ইন্দিজিনস নোলেজ হোল্দরশিং অমসুং সিবিল সোসাইতীগী মীহুৎশিংনা ইক্বুইতেবল, সস্তেনেবল অমসুং ইভিদেন্স-দ্রিভেন হেল্থ সিস্তেমশিং চাওখৎহন্নবগী মতাংদা কুপ্না খন্ন-নৈনখি।

***