ಎವಿಜಿಸಿ-ಎಕ್ಸ್.ಆರ್. ಗಾಗಿ ರಾಷ್ಟ್ರೀಯ ಶ್ರೇಷ್ಠತಾ ಕೇಂದ್ರವನ್ನು ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಕ್ರಿಯೇಟಿವ್ ಟೆಕ್ನಾಲಜೀಸ್ (ಐಐಸಿಟಿ) ಆಗಿ ಕಾರ್ಯನಿರ್ವಹಿಸಲಾಗುತ್ತಿದೆ. ಇದು ಮುಂಬೈನಲ್ಲಿರುವ ಸೃಜನಶೀಲ ತಂತ್ರಜ್ಞಾನಗಳಿಗೆ ಅನುಕೂಲ ಆಗುವ ಪ್ರಮುಖ ಸಂಸ್ಥೆಯಾಗಿದೆ.

ಐಐಸಿಟಿಯನ್ನು ₹391.15 ಕೋಟಿಗಳ ಒಟ್ಟು ಹಣ ಹಂಚಿಕೆಯೊಂದಿಗೆ ಅಭಿವೃದ್ಧಿಪಡಿಸಲಾಗುತ್ತಿದೆ ಮತ್ತು ಸೃಜನಶೀಲ ತಂತ್ರಜ್ಞಾನಗಳಿಗಾಗಿ (ಎವಿಜಿಸಿ-ಎಕ್ಸ್.ಆರ್. ಸೇರಿದಂತೆ) ಐಐಟಿ ಗಳು ಮತ್ತು ಐಐಎಂಗಳ ಮಾದರಿಯಲ್ಲಿ ರೂಪಿಸಲಾಗಿದೆ. ಇದು ಮುಂಬೈನ ಎನ್.ಎಫ್.ಡಿ.ಸಿ. ಕ್ಯಾಂಪಸ್‌ನಿಂದ ಕಾರ್ಯನಿರ್ವಹಿಸಲು ಪ್ರಾರಂಭಿಸಿದೆ.

ಇದು ಹಬ್-ಅಂಡ್-ಸ್ಪೋಕ್ ಚೌಕಟ್ಟಿನ ಅಡಿಯಲ್ಲಿ ರಾಷ್ಟ್ರೀಯ ಕೇಂದ್ರವಾಗಿ ಸಾರ್ವಜನಿಕ-ಖಾಸಗಿ ಸಹಭಾಗಿತ್ವ (ಪಿಪಿಪಿ) ಮಾದರಿಯಲ್ಲಿ ಜಾಗತಿಕ ಅತ್ಯುತ್ತಮ ಅಭ್ಯಾಸಗಳು ಮತ್ತು ಕಾರ್ಯಗಳೊಂದಿಗೆ ಹೊಂದಿಕೆಯಾಗುವ ಉದ್ಯಮ-ಆಧಾರಿತ ಪಠ್ಯಕ್ರಮವನ್ನು ಅನುಸರಿಸುತ್ತದೆ

ವಿಶೇಷ ತರಬೇತಿ ಕಾರ್ಯಕ್ರಮಗಳು, ಉದ್ಯಮ-ಸಂಯೋಜಿತ ಪಠ್ಯಕ್ರಮ ಮತ್ತು ಅನ್ವಯಿಕ ಸಂಶೋಧನೆ ಮತ್ತು ಅಭಿವೃದ್ಧಿಯ ಮೂಲಕ ವರ್ಚುವಲ್ ರಿಯಾಲಿಟಿ, ವರ್ಧಿತ ರಿಯಾಲಿಟಿ ಮತ್ತು 3D ಮಾಡೆಲಿಂಗ್‌ನಲ್ಲಿ ಕೌಶಲ್ಯ ಅಂತರವನ್ನು ಐಐಸಿಟಿ ಪರಿಹರಿಸುತ್ತಿದೆ.

ಈ ಸಂಸ್ಥೆಯು ಗೇಮಿಂಗ್, ಪೋಸ್ಟ್-ಪ್ರೊಡಕ್ಷನ್, ಅನಿಮೇಷನ್, ಕಾಮಿಕ್ಸ್ ಮತ್ತು ಎಕ್ಸ್ .ಆರ್. ಸೇರಿದಂತೆ 17 ವಿಶೇಷ ಶೈಕ್ಷಣಿಕ ಕಾರ್ಯಕ್ರಮಗಳನ್ನು ಪ್ರಾರಂಭಿಸಿದೆ. ಹೆಚ್ಚಿನ ವಿವರಗಳನ್ನು  https://iict.org/academics/programs ಕೊಂಡಿಯಿಂದ ಪಡೆಯಬಹುದು.

ಪಠ್ಯಕ್ರಮದ ಸಹ-ಅಭಿವೃದ್ಧಿ, ಸುಧಾರಿತ ಪರಿಕರಗಳಿಗೆ ಪ್ರವೇಶ, ಮಾರ್ಗದರ್ಶನ ಮತ್ತು ಉದ್ಯಮ ಸಹಯೋಗಕ್ಕಾಗಿ ಇದು ಗೂಗಲ್, ಮೆಟಾ, ನ್ವಿಡಿಯಾ, ಮೈಕ್ರೋಸಾಫ್ಟ್, ಆಪಲ್, ಎಡೋಬ್ ಮತ್ತು ಡಬ್ಲ್ಯೂಪಿಪಿ ಯಂತಹ ಪ್ರಮುಖ ಜಾಗತಿಕ ಕಂಪನಿಗಳೊಂದಿಗೆ ಪಾಲುದಾರಿಕೆಯನ್ನು ಹೊಂದಿದೆ.

ಐಐಸಿಟಿ ಸ್ಟಾರ್ಟ್‌ಅಪ್ ಇನ್‌ಕ್ಯುಬೇಶನ್ ಮತ್ತು ಐಪಿ ರಚನೆಯನ್ನು ಸಹ ಬೆಂಬಲಿಸುತ್ತದೆ, ಭಾರತದ ಸೃಜನಶೀಲ ತಂತ್ರಜ್ಞಾನ ಸ್ಟಾರ್ಟ್‌ಅಪ್‌ ಗಳು ಜಾಗತಿಕ ಸ್ಟುಡಿಯೋಗಳು, ಹೂಡಿಕೆದಾರರು ಮತ್ತು ಮಾರುಕಟ್ಟೆಗಳೊಂದಿಗೆ ಸಂಪರ್ಕ ಸಾಧಿಸಲು ಸಹಾಯ ಮಾಡುತ್ತದೆ, ಇದರಿಂದಾಗಿ ಕ್ರಿಯೇಟ್ ಇನ್ ಇಂಡಿಯಾ ಮತ್ತು ಬ್ರಾಂಡ್ ಇಂಡಿಯಾದ ಉದ್ದೇಶಗಳನ್ನು ಇದು ಮುಂದುವರಿಸುತ್ತದೆ.

ಎವಿಜಿಸಿ ರಫ್ತುಗಳು ಸೇರಿದಂತೆ ಸೃಜನಶೀಲ ತಂತ್ರಜ್ಞಾನಗಳ ಬೆಳವಣಿಗೆಗೆ ಸರ್ಕಾರವು ವಿವಿಧ ಕ್ರಮಗಳನ್ನು ತೆಗೆದುಕೊಂಡಿದೆ:

ಕೇಂದ್ರ ಬಜೆಟ್ ಘೋಷಣೆಯ ನಂತರ ಏಪ್ರಿಲ್ 2022 ರಲ್ಲಿ ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಸಚಿವಾಲಯವು ಎವಿಜಿಸಿ ಪ್ರಚಾರ ಕಾರ್ಯವ್ಯವಸ್ಥೆಯನ್ನು ಸ್ಥಾಪಿಸಿತು. ಭಾರತವು ಅನಿಮೇಷನ್, ಗೇಮಿಂಗ್ ಮತ್ತು ಕಾಮಿಕ್ಸ್‌ನಲ್ಲಿ ಕೌಶಲ್ಯಗಳು, ಉದ್ಯೋಗಗಳು ಮತ್ತು ಹೂಡಿಕೆಯನ್ನು ಹೇಗೆ ಅಳೆಯಬಹುದು ಎಂಬುದನ್ನು ವಿವರಿಸಲು ಇದು ಉದ್ಯಮ ಮತ್ತು ಸರ್ಕಾರಗಳನ್ನು ಒಟ್ಟುಗೂಡಿಸಿತು; ಮತ್ತು ದೇಶವನ್ನು ಎಂ&ಇ ಉದ್ಯಮ ಕ್ಷೇತ್ರಕ್ಕೆ  ಜಾಗತಿಕ ಕೇಂದ್ರವಾಗಿ ಇರಿಸುತ್ತದೆ.

ಟಾಸ್ಕ್ ಫೋರ್ಸ್ ಡಿಸೆಂಬರ್ 2022 ರಲ್ಲಿ ತನ್ನ ವರದಿಯನ್ನು ಸಲ್ಲಿಸಿತು, ರಾಷ್ಟ್ರೀಯ ಎವಿಜಿಸಿ ಮಿಷನ್, ಶ್ರೇಷ್ಠತೆಯ ಕೇಂದ್ರಗಳು, ಬಲವಾದ ಮೂಲಸೌಕರ್ಯ ಮತ್ತು ಭಾರತೀಯ ಐಪಿ ಮತ್ತು ರಫ್ತಿಗೆ ಸಮರ್ಪಿತ ಬೆಂಬಲವನ್ನು ಶಿಫಾರಸು ಮಾಡಿತು.

ಐಐಸಿಟಿ ಮುಂಬೈಯನ್ನು ಸ್ಥಾಪಿಸಲಾಗಿದೆ ಮತ್ತು ಉನ್ನತ ಮಟ್ಟದ ತರಬೇತಿ ಮತ್ತು ಸಂಶೋಧನೆಯನ್ನು ಬಲಪಡಿಸಲು ವಿಶೇಷವಾದ ಶ್ರೇಷ್ಠತೆಯ ಕೇಂದ್ರವಾಗಿ ಅಭಿವೃದ್ಧಿಪಡಿಸಲಾಗುತ್ತಿದೆ.

ಉತ್ತಮ ಗುಣಮಟ್ಟದ ಉತ್ಪಾದನಾ ಸಾಮರ್ಥ್ಯವನ್ನು ವಿಸ್ತರಿಸುವುದು, ಪ್ರತಿಭೆಯನ್ನು ಅಭಿವೃದ್ಧಿಪಡಿಸುವುದು ಮತ್ತು ಅಂತರರಾಷ್ಟ್ರೀಯ ಮಾರುಕಟ್ಟೆಗಳಿಗೆ ಪ್ರವೇಶವನ್ನು ಸುಧಾರಿಸುವತ್ತ ಗಮನಹರಿಸಿ, ವೇವ್ಸ್ 2025 ಅನ್ನು ಮೇ 2025ರಲ್ಲಿ ಸಂಪೂರ್ಣ ಮಾಧ್ಯಮ ಮತ್ತು ಮನರಂಜನಾ ವಲಯಕ್ಕೆ ಜಾಗತಿಕ ವೇದಿಕೆಯಾಗಿ ನಡೆಸಲಾಯಿತು.

ಇದಲ್ಲದೆ, ವೈವ್ಸ್ ಈ ಕೆಳಗಿನ ಮೂರು ಉದ್ದೇಶಗಳ ಮೂಲಕ ಎವಿಜಿಸಿ ವಲಯ ಮತ್ತು ಸ್ಟಾರ್ಟ್‌ಅಪ್‌ ಗಳನ್ನು ಬೆಂಬಲಿಸುತ್ತದೆ:

1. ಎವಿಜಿಸಿ ಬಜಾರ್: ಭಾರತದ ಮಾಧ್ಯಮ ಮತ್ತು ಮನರಂಜನಾ ವಲಯಕ್ಕೆ ವರ್ಷಪೂರ್ತಿ ಹೈಬ್ರಿಡ್ ಜಾಗತಿಕ ಮಾರುಕಟ್ಟೆ. ಇದು ರಚನಾತ್ಮಕ ಬಿ2ಬಿ ಸಭೆಗಳು, ಸಹ-ನಿರ್ಮಾಣ ಅವಕಾಶಗಳನ್ನು ಸುಗಮಗೊಳಿಸುತ್ತದೆ ಮತ್ತು ಅಂತರರಾಷ್ಟ್ರೀಯ ಖರೀದಿದಾರರಿಗೆ ಭಾರತೀಯ ಚಲನಚಿತ್ರಗಳು, ಅನಿಮೇಷನ್, ಗೇಮಿಂಗ್,ವಿ.ಕ್ಸ್.ಎಫ್. ಮತ್ತು ಎಕ್ಸ್.ಆರ್ ವಿಷಯವನ್ನು ಪ್ರದರ್ಶಿಸುತ್ತದೆ.

2. ವೇವ್ ಎಕ್ಸ್ : ಇದು ಎವಿಜಿಸಿ-ಎಕ್ಸ್.ಆರ್ ಮತ್ತು ಉದಯೋನ್ಮುಖ ಮಾಧ್ಯಮ ತಂತ್ರಜ್ಞಾನಗಳಿಗೆ ಮೀಸಲಾದ ಸ್ಟಾರ್ಟ್‌ಅಪ್ ವೇಗವರ್ಧಕ ಮತ್ತು ಇನ್ಕ್ಯುಬೇಟರ್ ಆಗಿದೆ. ಇದು ಮಾರ್ಗದರ್ಶನ, ಮುಂದುವರಿದ ಉತ್ಪಾದನೆ ಮತ್ತು ತಲ್ಲೀನಗೊಳಿಸುವ-ತಂತ್ರಜ್ಞಾನ ಮೂಲಸೌಕರ್ಯಕ್ಕೆ ಪ್ರವೇಶ ಮತ್ತು ಕ್ಯುರೇಟೆಡ್ ಹೂಡಿಕೆದಾರರ ಸಂಪರ್ಕಗಳನ್ನು ಒದಗಿಸುತ್ತದೆ.

ವೈವ್ಸ್ ಶೃಂಗಸಭೆ 2025ರಲ್ಲಿ, ಇದು ಮೈಕ್ರೋಸಾಫ್ಟ್ ಮತ್ತು ಯೂನಿಕಾರ್ನ್ ಇಂಡಿಯಾ ವೆಂಚರ್ಸ್‌ನಂತಹ ಹೂಡಿಕೆದಾರರಿಗೆ 30 ಸ್ಟಾರ್ಟ್‌ಅಪ್‌ಗಳಿಂದ ಪಿಚಿಂಗ್ ಅನ್ನು ಸಕ್ರಿಯಗೊಳಿಸಿತು ಮತ್ತು 100 ಕ್ಕೂ ಹೆಚ್ಚು ಸ್ಟಾರ್ಟ್‌ಅಪ್‌ಗಳಿಗೆ ಪ್ರದರ್ಶನ ಸ್ಥಳವನ್ನು ಒದಗಿಸಿತು.

ಟಿ-ಹಬ್ ಮತ್ತು ಐಐಸಿಟಿಯೊಂದಿಗಿನ ಪಾಲುದಾರಿಕೆಯ ಮೂಲಕ, ವೇವ್ ಎಕ್ಸ್ ಇನ್‌ಕ್ಯುಬೇಶನ್, ಸರ್ಕಾರಿ ಪೈಲಟ್‌ಗಳು, ಭಾಷಾಸೇತುವಿನಂತಹ ನಾವೀನ್ಯತೆ ಸವಾಲುಗಳು ಮತ್ತು ಐ.ಎಫ್.ಎಫ್.ಐ.ಯಂತಹ ವೇದಿಕೆಗಳ ಮೂಲಕ ಜಾಗತಿಕ ಮಾನ್ಯತೆಯನ್ನು ಬೆಂಬಲಿಸುತ್ತದೆ, ಸ್ಟಾರ್ಟ್‌ಅಪ್‌ ಗಳು ವಿದೇಶಿ ಹೂಡಿಕೆಯನ್ನು ಸುರಕ್ಷಿತಗೊಳಿಸಲು ಮತ್ತು ಭಾರತೀಯ ಐಪಿಗಳನ್ನು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಮೌಲ್ಯೀಕರಿಸಲು ಸಹಾಯ ಮಾಡುತ್ತದೆ.

3. ಕ್ರಿಯೇಟೋಸ್ಪಿಯರ್: ಅನಿಮೇಷನ್, ಗೇಮಿಂಗ್, ವೆಬ್‌ಟೂನ್‌ಗಳು ಮತ್ತು ಡಿಜಿಟಲ್ ಕಥೆ ಹೇಳುವಿಕೆಯಾದ್ಯಂತ ವಾರ್ಷಿಕವಾಗಿ 30–35 ರಾಷ್ಟ್ರೀಯ ಸ್ಪರ್ಧೆಗಳನ್ನು ನಡೆಸುವ ಭಾರತದಲ್ಲಿ ರಚಿಸಿ ಪ್ರತಿಭಾ-ಅನ್ವೇಷಣೆ ಉಪಕ್ರಮ. ಇದು ಮಾರ್ಗದರ್ಶನ, ಇನ್‌ಕ್ಯುಬೇಶನ್ ಮತ್ತು ಉದ್ಯಮ ಅವಕಾಶಗಳೊಂದಿಗೆ ಅವರನ್ನು ಸಂಪರ್ಕಿಸುವ ಮೂಲಕ ಹೊಸ ಸೃಷ್ಟಿಕರ್ತರನ್ನು ಪೋಷಿಸುತ್ತದೆ.

ಡಾ. ಪರ್ಮಾರ್ ಜಶ್ವಂತ್ಸ ಸಿನ್ಹಾ ಸಲಾಂಸಿನ್ಹಾ ಮತ್ತು ಶ್ರೀ ಕೇಶ್ರೀದೇವ್ಸಿನ್ಹಾ ಝಾಲಾ ಅವರು ಕೇಳಿದ ಪ್ರಶ್ನೆಗಳಿಗೆ ಉತ್ತರಿಸುವ ಸಲುವಾಗಿ ಕೇಂದ್ರ ವಾರ್ತಾ ಮತ್ತು ಪ್ರಸಾರ ಖಾತೆಯ ರಾಜ್ಯ ಸಚಿವರಾದ ಡಾ. ಎಲ್. ಮುರುಗನ್ ಅವರು ಇಂದು ರಾಜ್ಯಸಭೆಯಲ್ಲಿ ಈ ಮಾಹಿತಿಯನ್ನು ಸಲ್ಲಿಸಿದ್ದಾರೆ.

*****