വ്യവസ്ഥ 

വിശദാംശങ്ങള്‍ 

ചട്ടം 3(1)(b) പ്രകാരം നിയന്ത്രിതമായ വിവരങ്ങള്‍ 

താഴെ നല്‍കിയ തരം വിവരങ്ങളോ ഉള്ളടക്കങ്ങളോ പങ്കിടാന്‍ ഇന്റർനെറ്റിൽ അവസരം നല്‍കുന്നതും അവ  സൂക്ഷിക്കുന്നതും കൈമാറുന്നതും  പ്രദർശിപ്പിക്കുന്നതും പ്രസിദ്ധീകരിക്കുന്നതും ഈ നിയമം വിലക്കുന്നു:

·  അശ്ലീലമോ ലൈംഗികമോ മറ്റൊരാളുടെ സ്വകാര്യത ലംഘിക്കുന്നതോ ആയ ഉള്ളടക്കങ്ങളും ലിംഗഭേദത്തിന്റെ അടിസ്ഥാനത്തിൽ അപമാനിക്കുകയോ   ഉപദ്രവിക്കുകയോ ചെയ്യുന്നവയും വംശീയമായി ആക്ഷേപിക്കുന്നതോ   വിദ്വേഷവും അക്രമവും  പ്രോത്സാഹിപ്പിക്കുന്നതോ ആയവ.  

·  കുട്ടികളെ ദോഷകരമായി ബാധിക്കുന്ന ഉള്ളടക്കം.

·  ഡീപ്ഫേക്കുകൾ ഉൾപ്പെടെ തെറ്റായ വിവരങ്ങൾ നൽകുകയോ തെറ്റിദ്ധരിപ്പിക്കുകയോ ചെയ്യുന്ന ഉള്ളടക്കം   

·  നിർമിത ബുദ്ധി  ഉപയോഗിച്ചോ അല്ലാതെയോ ആള്‍മാറാട്ടം നടത്തുന്ന ഉള്ളടക്കം. 

·  രാജ്യസുരക്ഷയെയോ ക്രമസമാധാനത്തെയോ വെല്ലുവിളിക്കുന്ന ഉള്ളടക്കം.

·  നിലവിലെ ഏതെങ്കിലും നിയമങ്ങളെ ലംഘിക്കുന്ന ഉള്ളടക്കം.  

ഉപയോക്തൃ ബോധവൽക്കരണ ബാധ്യതകൾ

നിയമവിരുദ്ധ ഉള്ളടക്കം പങ്കുവെയ്ക്കുന്നതിന്റെ പ്രത്യാഘാതങ്ങളെക്കുറിച്ച് ഡിജിറ്റല്‍ മാധ്യമ പ്ലാറ്റ്ഫോമുകള്‍ സേവന നിബന്ധനകളിലൂടെയും  ഉപയോക്തൃ കരാറുകളിലൂടെയും  ഉപയോക്താക്കളെ വ്യക്തമായി അറിയിച്ചിരിക്കണം. ഉള്ളടക്കം നീക്കം ചെയ്യുന്നതും അക്കൗണ്ട് താല്‍ക്കാലികമായി വിലക്കുന്നതും അക്കൗണ്ട് റദ്ദാക്കുന്നതും   ഇതിലുള്‍പ്പെടുന്നു.

ഉള്ളടക്കം നീക്കം ചെയ്യുന്നതിലെ ഉത്തരവാദിത്തം

കോടതി ഉത്തരവുകൾ, സർക്കാരിന്റെ  കൃത്യമായ അറിയിപ്പുകൾ, ഉപയോക്താക്കളുടെ പരാതികൾ എന്നിവ ലഭിച്ചാൽ നിയമവിരുദ്ധ ഉള്ളടക്കം നിശ്ചിത സമയപരിധിയ്ക്കകം പെട്ടെന്ന്   നീക്കം ചെയ്യാൻ പ്ലാറ്റ്ഫോമുകല്‍  തയ്യാറാകണം.

പരാതി പരിഹാരം

·  ഇടനിലക്കാർ പരാതി പരിഹാര ഉദ്യോഗസ്ഥരെ  നിയമിക്കണം.

·  നിയമവിരുദ്ധ ഉള്ളടക്കം നീക്കം ചെയ്ത് 72 മണിക്കൂറിനകം പരാതികൾ പരിഹരിക്കണമെന്ന് നിഷ്കര്‍ശിക്കുന്നു.  

·  സ്വകാര്യത ലംഘിക്കുന്നതോ ആൾമാറാട്ടം നടത്തുന്നതോ നഗ്നത പ്രദർശിപ്പിക്കുന്നതോ ആയ ഉള്ളടക്കങ്ങൾ  പരാതി ലഭിച്ച് 24 മണിക്കൂറിനകം നീക്കം ചെയ്യണം.‌

പരാതി പരിഹാര അപ്പീൽ സമിതി (ജിഎസി) സംവിധാനം

ഡിജിറ്റല്‍ മാധ്യമ പ്ലാറ്റ്ഫോമുകളുടെ പരാതി പരിഹാര ഉദ്യോഗസ്ഥർ  പരാതികളിൽ നടപടിയെടുക്കാത്ത സാഹചര്യത്തില്‍ ഉപയോക്താക്കൾക്ക് www.gac.gov.in  എന്ന വെബ്സൈറ്റിൽ ഓൺലൈനായി അപ്പീൽ നൽകാം. ഉള്ളടക്ക നിയന്ത്രണവുമായി  ബന്ധപ്പെട്ട തീരുമാനങ്ങളിലെ ഉത്തരവാദിത്തവും സുതാര്യതയും ഈ സമിതികൾ ഉറപ്പാക്കുന്നു.

സർക്കാർ ഏജൻസികൾക്ക് പ്ലാറ്റ്ഫോമുകള്‍ നൽകേണ്ട സഹായം

തിരിച്ചറിയൽ രേഖകൾ പരിശോധിക്കാനോ  സൈബർ സുരക്ഷയുമായി ബന്ധപ്പെട്ടതടക്കം  കുറ്റകൃത്യങ്ങൾ തടയാനോ കണ്ടെത്താനോ അന്വേഷിക്കാനോ   വിചാരണ നടത്താനോ  ആവശ്യമായ വിവരങ്ങള്‍ പ്ലാറ്റ്ഫോമുകള്‍ കൈമാറുകയും അംഗീകൃത സർക്കാർ ഏജൻസികൾക്ക് ആവശ്യമായ സഹായങ്ങള്‍  നൽകുകയും വേണം.  

പ്രധാന സമൂഹമാധ്യമ  പ്ലാറ്റ്ഫോമുകളുടെ  (ഇന്ത്യയിൽ 50 ലക്ഷമോ അതിൽ കൂടുതലോ രജിസ്റ്റർ ചെയ്ത ഉപയോക്താക്കളുള്ള സമൂഹമാധ്യമ പ്ലാറ്റ്ഫോമുകള്‍) അധിക ബാധ്യതകൾ

·  മെസ്സേജിങ്  സേവനങ്ങൾ  നൽകുന്ന പ്രധാന സമൂഹമാധ്യമ  പ്ലാറ്റ്ഫോമുകള്‍   ഗുരുതരമോ വൈകാരികമോ ആയ ഉള്ളടക്കത്തിന്റെ ഉറവിടം കണ്ടെത്താൻ നിയമപാലകരെ സഹായിക്കണം.

·  ചില നിയമവിരുദ്ധ ഉള്ളടക്കങ്ങൾ കണ്ടെത്താനും  വ്യാപനം നിയന്ത്രിക്കാനും  സ്വയം നിയന്ത്രിത സംവിധാനങ്ങള്‍  ഉപയോഗിക്കണം.

·  നിയമപാലന റിപ്പോർട്ടുകൾ  പ്രസിദ്ധീകരിക്കുകയും പ്രാദേശിക ഉദ്യോഗസ്ഥരെ നിയമിക്കുകയും നിയമപാലകരുമായി ഏകോപിച്ച് പ്രവര്‍ത്തിക്കാനും  നിയമപാലനം  ഉറപ്പാക്കാനും ഇന്ത്യയിലെ ഓഫീസ് വിലാസം പങ്കുവെയ്ക്കുകയും വേണം. 

·  സ്വമേധയാ ഉപയോക്തൃ  സ്ഥിരീകരണത്തിനും ആഭ്യന്തര അപ്പീലുകൾക്കും സമൂഹമാധ്യമ പ്ലാറ്റ്ഫോമുകള്‍ അവസരം  നൽകണം. കൂടാതെ സ്വമേധയാ  നടപടിയെടുക്കുന്നതിന് മുന്‍പ് ഉപയോക്താവിന് പറയാനുള്ളത് കേൾക്കാനും അവസരം നൽകണം.