બેન્ચમાર્ક ડિસેબિલિટીઝ (PwBD) ધરાવતા વ્યક્તિઓ માટે પરીક્ષાની સુલભતા અને સરળતા વધારવા માટે એક મહત્વપૂર્ણ પગલામાં, યુનિયન પબ્લિક સર્વિસ કમિશન (UPSC) એ તમામ PwBD ઉમેદવારોને તેમની પરીક્ષાઓ માટે "પસંદગીના કેન્દ્ર" પ્રદાન કરવાનો નિર્ણય લીધો છે. આ ઉમેદવારો વારંવાર સામનો કરતા લોજિસ્ટિકલ પડકારો અને ખાસ જરૂરિયાતોને ધ્યાનમાં લેતા, કમિશને ખાતરી કરવાનો નિર્ણય લીધો છે કે દરેક PwBD અરજદારને તેમના અરજી ફોર્મમાં પસંદ કરેલ પરીક્ષા કેન્દ્ર આપવામાં આવે.

આ પહેલ વિશે બોલતા UPSCના ચેરમેન ડૉ. અજય કુમારે જણાવ્યું હતું કે, "છેલ્લા પાંચ વર્ષના પરીક્ષા કેન્દ્રના ડેટાનું વિશ્લેષણ કર્યા પછી, અમે જોયું કે દિલ્હી, કટક, પટના, લખનઉ અને કેટલાક અન્ય કેન્દ્રો અરજદારોની સંખ્યા વધુ હોવાને કારણે ઝડપથી તેમની ક્ષમતા મર્યાદા સુધી પહોંચી જાય છે. આ PwBD ઉમેદવારો માટે મુશ્કેલીઓ ઊભી કરે છે, જેમને પછી એવા કેન્દ્રો પસંદ કરવાની ફરજ પડે છે જે તેમના માટે અનુકૂળ નથી. મને ખુશી છે કે આ નિર્ણયથી દરેક PwBD ઉમેદવારને હવે તેમના પસંદગીના કેન્દ્રની ખાતરી મળશે, જેનાથી UPSC પરીક્ષામાં બેસવામાં વધુ સરળતા અને સુવિધા મળશે."

આ પહેલ શરૂ કરવા માટે, કમિશને નીચે મુજબનો અભિગમ અપનાવ્યો છે:

• દરેક કેન્દ્રની હાલની ક્ષમતા શરૂઆતમાં PwBD અને બિન-PwBD ઉમેદવારો બંને દ્વારા ઉપયોગમાં લેવામાં આવશે.
• એકવાર કોઈ કેન્દ્ર તેની સંપૂર્ણ ક્ષમતા પૂર્ણ કરી લે પછી તે બિન-PwBD ઉમેદવારો દ્વારા પસંદગી માટે ઉપલબ્ધ રહેશે નહીં; જોકે, PwBD ઉમેદવારો પાસે તે કેન્દ્ર પસંદ કરવાનો વિકલ્પ ચાલુ રહેશે.
• ત્યારબાદ UPSC વધારાની ક્ષમતાની વ્યવસ્થા કરશે જેથી કોઈપણ PwBD ઉમેદવારને તેમની પસંદગીનું કેન્દ્ર પસંદ કરવા બાબતે ઈનકાર કરવામાં ન આવે.

SM/IJ/BS/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com