জিলা অমা প্রদক্ত অমা(ও.দি.ও.পি.) হায়বদি জিলা অমা প্রদক্ত অমা হায়বদি জিলা অমা প্রদক্ত অমগী পায়খৎপা থবক্কী পান্দমদা মফম খুদিং পুন্না চাওখৎমিন্নবদা শৌগৎপা ওইনা লৈবাক অসিগী জিলা খুদিংদা য়ামদ্রবদা প্রদক্ত অমা(জিলা অমা-প্রদক্ত অমা) খন্দোকপা, ব্রান্দিং অমসুং মসিগী মতাংদা শন্দোক্তুনা খংহন্নবনি।

ও.দি.ও.পি.গী থৌরাং অসিদগী হৌজিক ফাওবদা লৈবাক শিনবা থুংবদা জিলা 775 দগী প্রদক্ত 1243 মশক খংদোক্তুনা ফীরোল, লৌউ-শিংউ, চান্ন-থক্নবা, হেন্দলুম্নচিংবা তোঙান-তোঙানবা লমশিং য়াওরি। অগস্ত 19, 2025 ফাওবদা ও.দি.ও.পি. গী পায়খৎপা থবক অসিদগী রাজ্যশিংদগী মশক খংদোক্লবা মরুওইবা প্রদক্তশিংগী মতাংদা মথং-মথং(জিলাগী ওইনা) লিঙ্ক অসিদা ক্লিক তৌদুনা য়েংবা য়াগনি: https://static.investindia.gov.in/s3fs-public/2025-08/20250819_v32_odop_product_list.pdf.

ও.দি.ও.পি. খুদিংমক্না প্রদকশিংগী মতাংদা ৱা শন্দোক্তুনা খংহন্নবা অমসুং এক্সপোর্ত তৌনবা খোংথাং কয়া পায়খৎখ্রে। মসিদা লৈবাক অসিগী খ্বাইদগী অফবা ও.দি.ও.পি. গী প্রদক্তশিং উৎপা অমদি স্তোক তৌবা দোমেস্তিক একজিবিসনশিংদা শরুক য়াবদা লায়থোকহনবা, তোঙান-তোঙানবা এজেন্সীশিংগী মতেংদগী কাংলোন নাইনা মঙম লৈহন্নবা তৌবা, সরকারগী ই-মার্কেৎপ্লেস(জি.ই.এম.)- ও.দি.ও.পি. মার্কেৎকীদমক্তা ই-কমর্স ওনবোর্দিং কেম্পেন য়াওরি। ইন্তর্নেস্নেলগী থাক্তা ও.দি.ও.পি. অসিবু শৌগৎনবগীদমক্তা মীরৈবাকশিংদা ভারতকী মিশনগা পাও-ফাওনবা, ভর্চুএল সেল্লর বাইয়র মীত অমসুং ইন্তর্নেস্নেল একজিবিসনশিংদা শরুক য়াবা য়াওরি। মসিদা নত্তনা হায়রিবা প্রদক্তশিং অসি অন্তর্রাস্ত্রীয়গী থাক্তা ময়াম্না পাম্ননবগীদমক্তা ভারত্তা জি.-20গী মীফমদা খুদোল ওইনা মখল-মখলগী ও.দি.ও.পি. প্রদক্তশিং য়াওহখি।

মসিদা নত্তনা দিরেক্তর জেনরেল ওফ ফোরেন ত্রেদ(দি.জি.এফ.তি.)গী দিস্ত্রিক্ত এক্সপোর্ত হব(দি.ই.ঐস.)গী মখাদা রাজ্যশিং/কেন্দ্রশিংনা পানবা লৈবাকশিং য়াওনা স্তেকহোল্দর খুদিংমক্কা ৱা খন্নদুনা জিলাশিংদা এক্সপোর্ত তৌবগী মঙম লৈবা প্রদক্তশিং অমসুং সর্ভিসশিং মশক খংদোকই। মসিগা লোয়ননা দি.ই.ঐস.কী খুত্থাংদা রাজ্য/কেন্দ্রনা পানবা লৈঙাকশিংদা জিলাগী থাক্তা স্তেত এক্সপোর্ত প্রমোসন কমিতী(এস.ই.পি.সি.) অমসুং দিস্ত্রিক্ত এক্সপোর্ত প্রমোসন কমিতী(দি.এ.পি.সি.) শেমদুনা ইন্সতিত্যুস্নেল ওইবা মেকানিজম শেমখ্রে।

মসিগী ই-পাও অসি অৱাং-নোংপোক লমশিং অসি চাউখৎহন্নবগীদমক্তা রাজ্য মন্ত্রী দা.সুকান্ত মজুমদারনা ঙসি লোকসভাগী ৱাহং অমদা অইবা পাওখুম ওইনা পীখি।

***