কাশী তমিল সঙ্গমম (কে.তি.এস.) 4.0 অসি ঙসি উত্তর প্রদেশকী বনারসতা কেন্দ্রগী শিক্ষা মন্ত্রী শ্রী ধরমেন্দ্র প্রধান অমসুং উত্তর প্রদেশকী মুখ্যমন্ত্রী শ্রী য়োগী আদিত্যনাথনা ইকাইকুম্নবা মওংদা য়াওদুনা চাউনা হৌদোকখ্রে।  

থৌরম অসিবু লাওথোক্লদুনা শ্রী ধরমেন্দ্র প্রধাননা কাশী তমিল সঙ্গমম 4.0 গী মীহুৎ খুদিংমক অমসুং শরুক য়ারিবশিংবু তরাম্না ওকখি অমসুং মখোয়বু নুংঙাইনা লৈনবা হায়খি।  মহাক্না হায়খি মদুদি প্রধানমন্ত্রী শ্রী নরেন্দ্র মোদীগী ৱাখল্লোন্দগী হৌদোকখিবা কাশী তমিল সঙ্গমম অসি কাশী অমসুং  তমিল নাদুগী মরক্তা ভারতকী সভ্যতাগী মরুওইবা য়ুম্বী অনিগী মরক্তা চহী কয়া লিরবা মরি অসি অমুক্কা হেন্না চেৎশিলহনগদবা নিংথিরবা ৱাখল-লৌশিংগী থোং অমা শারি। শ্রী প্রধান্না মখা তানা ফোংদোকখি মদুদি  প্রধানমন্ত্রীগী অশানবা মীৎয়েংনা লুচিংবা অসিদা কাশী তমিল সঙ্গমম অসি মীয়াম্বু লুচিংগদবা ইহৌ অমসুং খং-হৈরবা মহৈ-মশিংগী কল্লবা পাম্বৈ ওইনা থোরক্লি।

শ্রী প্রধান্না ৱাফম অসিদা লুম্না লৌরদুনা ভারতকী তোঙান্না অমসুং  লোলগী পারী-পুরীশিং অসিগী খ্বাইদগী চাওবা পাঙ্গলনি অমদি মরম অসিনা লোলগী অপুনবা শক্তম অমসুং চাউথোক্নিংঙাই ওইরবা কে.তি.এস.কী মরুনি। মহাক্না হায়খি মদুদি তমিল করকলম – লাক্লো তমিল তম্লসি – অসিবু মহাক্কী চাউরবা হীরম ওইনা থম্লদুনা কাশী তমিল সঙ্গমম 4.0 অসি ৱাখল-লৌশিং অমসুং  লোলগী পীথোক-পীশিন তৌবগী থোংদা নহাশিংনা শরুক য়াবদা লুনা খল্লি, মসিগা লোয়ননা তমিলনাদুদা লৈরিবা তমিল লোল তম্বদা হেন্না চাওথোকহন্নবগীদমক্তসু থবক তৌই।

থৌরম অদুবু হৌদোক্লদুনা শ্রী য়োগী আদিত্যনাথনা হায়খি মদুদি  কাশী তমিল সঙ্গমম অসি কাশী অমসুং  তমিলনাদুগী মরক্তা নাৎ, শেলগী ফীভম অমসুং  খুন্নাইদা শরুক য়াবগী অনৌবা লম্বী লৈহল্লি। মহাক্না তমিলনাদুদগী লাকপা মীহুৎশিংদা থাজবা পীখি মদুদি কাশী, প্রয়াগরাজ অমসুং  অয়োধ্যাগী মখোয়গী খোংচৎ অদুদা তশেংনা তোপ-তোপ্পা অমসুং ৱাখলদা হেনগৎপা ফাওগনি।

মহাক্না মখা তানা হায়খি মদুদি হন্দক্কী চহী অসিগী থীম অসি অপুনবা লৈবাক অমগী ৱাখল্লোন অসি হেন্না কনশিলহনবদা মরুওইবা থৌদাং লৌগনি। মহাক্না হায়খি মদুদি সঙ্গমমগী নংথিজবা মতৌ অসি তেনকাশীদগী হৌগদবা কারগী রেল্লীদগী অমসুং  কিলোমিতর লিশিং অনিরোম লাক্তুনা কাশী য়োরক্কদবা অসিনসু হেনগৎহনগনি। শ্রী য়োগী আদিত্যনাথনা লুম্না লৌদুনা হায়খি মদুদি প্রধানমন্ত্রীগী অশানবা মীৎয়েংদা হৌদোক্লিবা মসিগী থৌরম অসিনা ভারতকী ৱাখল-লৌশিং, স্পীরিচুএল, কলা অমসুং সভ্যতাগী লৈরিবা থাক অসি হেন্না ৱাংখৎহল্লগনি।  

থৌরম অসিদাদা. এল. মুরুগন্না ফোংদোকখি মদুদি .প্রধানমন্ত্রীগী অশানবা মীৎয়েংনা লুচিংলিবা অসিদা ভারত, অথোইবা ভারত্তা ওন্থোক্নবগী ৱাখল্লোন অসিনা মওং শেমখ্রে অমসুং মীৎয়েং অসিদগী কাশী তমিল সঙ্গমম্না মচিন তুমখৎপা অমসুং চাউখৎপা হেনগৎহল্লি।  মহাক্না হায়খি মদুদি থৌরাং অসিনা নাৎকী অপুনবা শক্তম অসি হেন্না কনখৎহন্নবগীদমক্তা অমসুং অমসুং  ভারতকী সভ্যতাগী পারী-পুরী অসিগী নুংঙাইবা ফোংদোক্নবগীদমক্তা প্রধানমন্ত্রীগী ৱাশক অসিনা খুদম্নি।  

কে.তি.এস. 4.0 পাংথোকপা অসিনা তমিলনাদু অমসুং  কাশীগী মরক্তা নাৎকী অমসুং সভ্যতাগী মরিশিং অসি হেন্না চেৎশিলহল্লি। প্রধানমন্ত্রী শ্রী নরেন্দ্র মোদীগী মীৎয়েংখাদগী ইনোৎ হাপ্লিবা মসিগী থৌরাং অসি লম অনিমক্তা সভ্যতাগী, নাৎকী, লোলগী অমসুং  মী-মীগী মরিশিং অসি মান্নহন্দুনা অথোইবা ভারত অমা ওইহনবগী ৱাখল্লোন অসিগী মমি তাহল্লি।

হন্দক্কী চহীদা পাংথোকখিবা 'তমিল করকলম – লাক্লো তমিল তমসি' হায়রিবা হীরম অসিদা য়ুম্ফম ওই। মসিগী পান্দমদি ভারত পুম্বদা তমিলগী মহৈ-মশিং অসিবু ফগৎহনবনি। তমিলনাদুদগী তোঙান-তোঙানবা একাদমিসিয়নশিং অমসুং কাংলুপকী ওইবা কাংবুশিংগী মহুৎ শিনবা মীওই 1,400দগী হেনবনা থাক তরেত্তা শরুক য়াগদৌরি।

সেন্ত্রেল ইন্সতিত্যুত ওফ ক্লাসিকেল তমিল(সি.আই.সি.তি)নাথোকাপ্পিয়ার(খৃস্তগী মমাং চহী 8)দগী মরি লৈনরকখিবা খ্বাইদগী লিরবা তমিল ব্যাকরনগী লাইরিক ওইরিবা তোলকপ্পিয়ম্না ভারতকী লোল 4 অমসুং মীরমগী লোল 6 দা অর্থ হন্দোকখ্রে। হায়রিবা লাইরিকশিং অসি ঙসি ইকাইখুম্ননিংঙাই ওইরবা মীশিংনা ফোংখ্রে।

তমিলনাদুগী রাজ্যপাল শ্রী আর.এন. রবি; ইনফোর্মেসন অমসুং ব্রোদকাস্তিং অমদি সাংসদকী কেসশিংগী রাজ্য মন্ত্রী দা.এল. মুরুগন; উত্তর প্রদেশকী মেদিকেল এজুকেসন মন্ত্রী শ্রী ব্রজেশ পাথক; উত্তর প্রদেশকী লেবর অমসুং  এমপ্লোইমেন্ত মন্ত্রী, কো ওর্দিনেতর শ্রী অনিল রাজভর; উত্তর প্রদেশকী স্তাম্প, কোর্তকী ফী অমসুং  রেজিস্ত্রেসনগী রাজ্য মন্ত্রী মন্ত্রী (আই.সি.) শ্রী রবিন্দ্র জায়সৱাল; উত্তর প্রদেশকী রাজ্য মন্ত্রী দা. দয়া শঙ্কর মিশ্রা; পুদুচেরীগী উপ রাজ্যপাল শ্রী কে. কৈলাশনাথন; হায়র এজুকেসন বিভাগকী সেক্রতরী দা.বিনীত জোশী; বি.ঐচ.য়ু. গী ভাইস চাঞ্চেলর প্রোফেসর অজীত কে চতুরবেদী; আি.আি.তি. বি.ঐচ.য়ু. গী দিরেক্তর প্রোফেসর অমীত পাত্রা, আই.আি.তি. মদ্রাজগী দিরেক্তর প্রোফেসর বি. কামকোতী অমসুং সেনিয়র ওফিসরশিংসু থৌরম অসিদা য়াওখি।

***