صحت اور خاندانی فلاح و بہبود کی مرکزی وزیر مملکت محترمہ انوپریہ پٹیل نے آج راجیہ سبھا میں ایک تحریری جواب میں کہا کہ ٹی بی مکت بھارت ابھیان (  ٹی بی کے خاتمے کا قومی  پروگرام) ملک بھر میں قومی صحت مشن (این ایچ ایم) کے زیراہتمام نافذ کیا جاتا ہے ۔

ٹی بی مکت بھارت ابھیان کے تحت ، ٹی بی کے غیر تشخیص شدہ کیسوں کی نشاندہی کرنے ، ٹی بی سے متعلقہ اموات کو کم کرنے اور ملک بھر میں نئے انفیکشن کو روکنے کے لیے ایک نئے نقطہ نظر  اور طریقہ کارکو نافذ کیا گیا ہے ۔ اس میں آبادی کے کمزور طبقات کی شناخت ، چیسٹ ایکس رے کے ساتھ اسکریننگ ، ٹی بی کے تمام ممکنہ معاملات کے لیے نیوکلک ایسڈ ایمپلی فیکیشن ٹیسٹ (این اے اے ٹی)، فوری اور مناسب علاج کا آغاز ، زیادہ خطرے والے ٹی بی کے معاملات کے انتظام کے لیے مختلف ٹی بی کی دیکھ بھال ، غذائیت کی مدد اور گھریلو رابطوں اور اہل کمزور آبادی کو حفاظتی علاج کی فراہمی شامل ہیں ۔ نی-کشے پورٹل کا استعمال ملک بھر میں ٹی بی کے تمام مریضوں کی تفصیلات ریکارڈ کرنے کے لیے کیا جاتا ہے۔

آیوشمان آروگیہ مندر (اے اے ایم) کے ذریعہ فراہم کردہ خدمات کے جامع بنیادی نگہداشت پیکج کے ذریعے کمیونٹی کی شمولیت کو یقینی بنایا جاتا ہے ۔  ٹی بی کی علامات کی روک تھام اور ٹی بی کے بروقت علاج کی اہمیت کے بارے میں عوام کے درمیان  بیداری پیدا کرنے کے لیے گہری معلومات ، تعلیم اور مواصلات (آئی ای سی) کی سرگرمیاں انجام دی جاتی ہیں ۔ جن بھاگیداری سرگرمیاں اسکولوں ، پنچایتی راج اداروں ، سیلف ہیلپ گروپوں  یعنی اپنی مدد آپ گروپوں ، آنگن واڑیوں ، مقامی غیر سرکاری تنظیموں اور سول سوسائٹی تنظیموں کی شمولیت سے نافذ کی جاتی ہیں۔

غذائیت کی مدد کے لیے ، یکم نومبر 2024 سے ، حکومت نے ٹی بی کے مریضوں کے لیے نی-کشے پوشن یوجنا (این پی وائی) کے تحت مالی امداد کو علاج کی پوری مدت کے لیے 500 روپے سے بڑھا کر 1000 روپے ماہانہ کر دیا ہے ۔

نی-کشے پوشن یوجنا کے تحت اپریل 2018 سے اب تک ٹی بی کے 1.35 کروڑ مریضوں کو 4322 کروڑ روپے تقسیم کئے گئے ہیں ۔ اس کے علاوہ ، نی-کشے مترا پہل کے تحت ، ستمبر 2022 سے اب تک ، ٹی بی کے 20.3 لاکھ مریضوں میں کل 45.66 لاکھ کھانے کی ٹوکریاں تقسیم کی گئی ہیں ۔

******

ش ح۔  م م ع۔ م ذ

U.N. 2701

(रिलीज़ आईडी: 2200833) आगंतुक पटल : 10