شہری ہوا بازی کی وزارت نے انڈیگو کو ہدایت دی ہے کہ مسافروں کے تمام زیر التواء رقم کی واپسی بلا تاخیر کلیئر کر دے۔ وزارت نے لازمی قرار دیا ہے کہ تمام منسوخ یا منقطع پروازوں کے لیے رقم کی واپسی کا عمل اتوار، 7 دسمبر 2025 کی شام 8:00 بجے تک مکمل ہونا چاہیے۔ ایئر لائنز کو یہ بھی ہدایت کی گئی ہے کہ وہ ایسے مسافروں سے کوئی ری شیڈولنگ فیس نہ لیں جن کے سفری منصوبے منسوخی سے متاثر ہوئے ہیں۔ وزارت نے واضح کیا ہے کہ رقم کی واپسی کے عمل میں کسی بھی طرح کی تاخیر یا ضابطوں کی عدم تعمیل کے نتیجے میں فوری طور پر ریگولیٹری کارروائی کی جائے گی۔

اسپیشل پیسنجر سپورٹ اینڈ ریفنڈ سیل

شکایات کے ہموار حل کو یقینی بنانے کے لیے، انڈیگو  کو مسافروں کی مدد اور رقم کی واپسی کی سہولت سیل بنانے کی ہدایت دی گئی ہے۔ ان سیلز کو متاثرہ مسافروں سے ذاتی طور پر رابطہ کرنے اور اس بات کو یقینی بنانے کا کام سونپا گیا ہے کہ بار بار فالو اپ کے بغیر رقم کی واپسی اور متبادل سفری انتظامات پر عملدرآمد کیا جائے۔ خودکار رقم کی واپسی کا نظام اس وقت تک فعال رہے گا جب تک کام مکمل طور پر مستحکم نہیں ہو جاتے۔

سامان کی ہینڈلنگ پر یقین دہانی

وزارت نے انڈیگو کو ہدایت کی ہے کہ وہ اس بات کو یقینی بنائے کہ منسوخی یا تاخیر کی وجہ سے مسافروں سے الگ کیے گئے تمام سامان کا پتہ لگایا جائے اور اگلے 48 گھنٹوں کے اندر مسافر کے رہائشی یا منتخب کردہ پتے پر پہنچایا جائے ۔ ایئر لائنز سے کہا گیا ہے کہ وہ ٹریکنگ اور ڈیلیوری ٹائم لائنز کے حوالے سے مسافروں کے ساتھ واضح رابطہ برقرار رکھیں اور مسافروں کے حقوق کے موجودہ ضوابط کے تحت جہاں ضرورت ہو وہاں معاوضہ فراہم کریں ۔ "

مسافروں کے لیے زیروعدم سہولت  کی پالیسی

شہری ہوا بازی کی وزارت ایئر لائنز، ہوائی اڈوں، سیکورٹی ایجنسیوں اور تمام آپریشنل اسٹیک ہولڈرز کے ساتھ مسلسل تال میل میں ہے تاکہ اس مشکل وقت میں مسافروں کے حقوق کا مکمل تحفظ کیا جا سکے۔ اس بات کو یقینی بنانے کے لیے نگرانی کے نظام کو مضبوط کیا گیا ہے کہ بزرگ شہریوں، معذور مسافروں، طالب علموں، مریضوں اور ان تمام لوگوں کو جنہیں فوری طور پر سفر کرنے کی ضرورت ہے مناسب طریقے سے جگہ دی جائے۔ وزارت بحالی کے عمل کی قریب سے نگرانی کر رہی ہے اور جلد از جلد مکمل آپریشنل معمول کو بحال کرنے کے لیے پوری طرح پرعزم ہے۔

*****

U.No: 2548

ش ح۔ح ن۔س ا