অৱাং নোংপোক লমদমগী চাউখৎ-থৌরাং মন্ত্রালয়
অৱাং নোংপোক লমগীদমক্তা কন্সল্তেতিব কমিতীনা পি.এম.-দিভাইন য়োজনাগী কম্প্রিহেন্সিব প্রোগ্রেস রিভিয়ু তৌখ্রে
চাউখৎপগী প্রোজেক্তশিং হেন্না নিংথিনা য়েংশিন্নবা অমসুং মতম চানা থবক চত্থবদা থোইদোকপা মীৎয়েং থমখ্রে
অৱাং নোংপোক্কী লমগী রাজ্য খুদিংমক্তা ইন্তিগ্রেতেদ তুরিস্ত সর্ক্যুত শেমগৎনবগী য়োজনা অসিনা কমিতী অসিদগী তেংবাং ফংলি
কেন্দ্র মন্ত্রী জ্যোতিরাদিত্য এম. সিন্ধিয়ানা সাংসদকী কন্সল্তেতিব কমিতীগী মীফমদা থৌরম মপু ওইখ্রে
प्रविष्टि तिथि:
04 DEC 2025 11:17AM by PIB Imphal
মিনিস্ত্রী ওফ দিভেলপমেন্ত ওফ নোর্থ ইস্ত রিজন (এম.দি.ও.এন.ই.আর.) গী কন্সল্তেতিব কমিতীগী মীফম দিসেম্বর 3, 2025 দা য়ুনিয়ন মিনিস্তর ওফ কম্যুনিকেসন্স এন্দ দিভেলেপমেন্ত ওফ নোর্থ ইস্তকী কেন্দ্র মন্ত্রী শ্রী জ্যোতিরাদিত্য এম. সিন্ধিয়ানা থৌরম মপু ওইদুনা পার্লিয়ামেন্ত হাউস এনেক্সতা পাংথোকখি। মীফম অসিদা কেন্দ্রগী এজুকেসন অমসুং মিনিস্ত্রী ওফ দিভেলপমেন্ত ওফ নোর্থ ইস্ত রিজনগী রাজ্য মন্ত্রী সুকান্ত মজুমদারসু য়াওখি।
শ্রী সিন্ধিয়ানা লোকসভা অমসুং রাজ্যসভাগী কমিতীগী মীহুৎশিংবু তরাম্না ওকখি। মহাক্না হায়খি মদুদি কমিতী অসিগী মীফমশিংদা অৱাং নোংপোক লম রাজ্যশিংদা ইনভেস্ত অমসুং দিভেলপমেন্ততা খুমা চাওশিনবগী মতাংদা লেপ্তনা ৱারী-ৱাতাই শান্নবা অসি তৎন-থানবা য়াদ্রবা শরুক অমনি। মহাক্না কন্সল্তেতেতিব কমিতীগী মীফমশিংগী মতমদা মীহুৎশিংনা নিংথিনা শরুক য়াবা অমসুং মমল লৈরবা মীৎয়েংশিং থম্বগীদমক্তা মহাকপু থাগৎপা ফোংদোকখি।
পি.এম.-দিভাইন (অৱাং নোংপোক লমগীদমক্তা প্রধানমন্ত্রীগী চাউখৎ থৌরাং) অসি মন্ত্রালয়গী খ্বাইদগী মরুওইবা য়োজনানি হায়রদুনা, শ্রী সিন্ধিয়ানা হায়খি মদুদি মসিগী য়োজনা অসিগী ৱাখল্লোন শাগৎপা অসি কেন্দ্র বজেৎকী চহী 2022-2023 দা থমখি। য়োজনা অসিগী 2022-2023 দগী 2025-2026 গী মতমগী ওইনা পুন্না আউতলে করোর 6600 মুক সেঙ্কসন তৌখি। ওক্তোবর 31, 2025 ফাওবা লুপা করোর 5,700 রোমগী প্রোজেক্ত 44 অয়াবা পীখি। চাউরাক্না লুপা করোর 176 গী অয়াবা পীরবা প্রোজেক্তশিংগী মনুংদা অহুম লোইশিনখ্রে অমদি লুপা করোর 5,500 রোমগী প্রোজেক্তশিং 41 গী হৌজিক-হৌজিক থবক চত্থরি। মসিদা নত্তনা লুপা করোর গী প্রোজেক্ত 111 অসি চৎন-পথাপগী মতুং ইন্না অয়াবা পীখ্রে অমসুং লুপা করোর 625 গী প্রোজেক্তশিং পাইপলাইন্দা লৈরি। মন্ত্রালয়না য়োজনা অসিগী আওতলে মপুং ওইনা শীজিন্ননবগী মায়কৈরোমদা চংশিল্লি।
কমিতীগী মীহুৎশিংনা হংলকপা ৱাহংশিংগী পাউখুম পীরদুনা কেন্দ্র মন্ত্রীনা অসাম, নাগালেন্দ, মিজোরাম অমসুং ত্রিপুরাদা থবক চত্থরিবা প্রোজেক্তশিংগী মতাংদা মরিক চুম্না হায়খি। ত্রিপুরাদা তুরিজম সেক্তরগী প্রোজেক্তশিংগীদমক্তা পীরকপা সজেসন অমদা মন্ত্রীনা হায়খি মদুদি রাজ্য সরপকারশিংনা ৱা খন্নবদা খনগৎলবা মফমশিংদা অৱাং নোংপোক লমগী রাজ্যশিং খুদিংমক্তা মালেমগী থাক্কী খুদংচাবশিংগা লোয়ননা তুরিস্ত সর্ক্যুত শেমগৎলগনি। অহানবদা মেঘালয়দা সোহরা সর্কিযুত অমসুং ত্রিপুরাদা মাতাবারী সর্ক্যুত অসি পাইলোত্তা য়ুম্ফম ওইরগা তৌগদৌরি। মেঘালয়-সোহরা সর্ক্যুত অসিগী উরেপ-উয়ুং অসি হান্ননা তমখ্রবনি অদুগা ত্রিপুরা-মাতাবারী সর্ক্যুত অসি চাউরাক্না অরোইবা তাঙ্কক্তা লৈরি। মরুওইবা ইন্ফ্রাস্ত্রকচর অসি কলহনবদা নত্তনা তুরিস্ত সর্ক্যুত প্রোজেক্তা তুরিজমদা চাউখৎপা অমসুং হেন্না ফবা তুরিস্তকী এক্সপরিএন্স লৈহন্নবগীদমক্তা অফবা নিংথিনা হৈ-শিংলবা মেনপাৱর লৈহন্নবগীদমক্তা কেপাসিতী লৈনা শান্নবদা অকনবা মীৎয়েং চংলগনি।
শ্রী সিন্ধিয়ানা হায়খি মদুদি পি.এম.-দিভাইন প্রোজেক্তশিং অসি য়েংশিনবা অসি অকনবা অমসুং থাক মরোল-মরোলগী মেকানিজমগী থোংদা য়েংশিল্লি। মসিগী চয়োলগী ওইনা য়েংশিল্লি। প্রোজেক্ত খুদিংমক পানখিবা অমসুং চপ চাবা মতমগী পনখৈদা য়েংলগা য়েংশিল্লি। রিভিয়ুশিং অসিগী মতমদা মতম থারগা লৈবা ফোতোশিংগী থোংদগী অশেংবা ওইনা খুমাং চাউশিনবা অদু চাং ওল্লি। মিনিস্ত্রী ওফ দিভেলপমেন্ত ওফ নোর্থ ইস্ত রিজন অমসুং নোর্থ ইস্তর্ন কাওন্সিল(এন.ই.সি.) গী ওফিসরশিংনসু গ্রাউন্দ লেভেলদা ইন্সপেক্সন তৌরি অমসুং একাউন্তেবিলিতী শোয়দনা লৈহন্নবগীদমক্তা থার্দ-পার্তীগী এসেসমেন্ত মেকানিজম্না মসিগী সপ্লিমেন্ত তৌই।
মন্ত্রীনা অৱাং নোংপোক লমদা য়াংবা, নুং-পান শেংবা অমসুং আওতকম ওরিয়েন্তেদ ওইনা চাউখৎনবগীদমক্তা সরকারনা শকখিবা ৱাশক অদু নিংশিংদুনা পি.এম.-দিভাইনগী মরুওইবা ইনফ্রাস্ত্রকচর অমসুং সোসিও-ইকোনোমিক ত্রান্সফোরমেসনগীদমক্তা মরুওইবা কেতালিস্ত অমা ওইনা থবক তৌগনি।
***
(रिलीज़ आईडी: 2198798)
आगंतुक पटल : 9