وزارت خزانہ
اٹل پنشن یوجنا میں اندراجات کی تعداد 8.34 کروڑسے تجاوز ؛ خواتین کا حصہ 48 فیصد
بیداری کی مہمات ، علاقائی زبان میں رسائی ، صلاحیت سازی کے اقدامات اور ڈیجیٹل آن بورڈنگ چینل سے ملک بھر میں اے پی وائی کو اپنانے میں اضافہ ہورہا ہے
प्रविष्टि तिथि:
01 DEC 2025 8:14PM by PIB Delhi
مرکزی وزیر خزانہ محترمہ نرملا سیتا رمن نے آج لوک سبھا میں پوچھے گئے ایک سوال کے جواب میں بتایا کہ اٹل پنشن یوجنا (اے پی وائی) کا آغاز 09 مئی2025. کو کیا گیا تھا ، جس کا مقصد تمام ہندوستانیوں ، خاص طور پر غریبوں ، پسماندہ افراد اور غیر منظم شعبے کے کارکنوں کے لیے یکساں سماجی تحفظ کا نظام بنانا ہے ۔ یہ بینک یا پوسٹ آفس میں بچت کھاتہ رکھنے والے 18-40 سال کی عمر کے درمیان ہندوستان کے تمام شہریوں کے لیےہے ۔ اسکیم کے مطابق سبسکرائبر کو 60 سال کی عمر ہونے پر پنشن کا فائدہ ملے گا ۔ اس لیے اے پی وائی کے تحت پنشن کا فائدہ 2035 سے شروع ہونے کی امید ہے ۔ تاہم ، 31 اکتوبر 2025 تک اٹل پنشن یوجنا کے تحت مجموعی اندراجات کی تعداد 8,34,13,738 ہوگئی ہے ۔
حکومت اور پنشن فنڈ ریگولیٹری اینڈ ڈیولپمنٹ اتھارٹی (پی ایف آر ڈی اے) نے دیہی اور دور دراز علاقوں سمیت ملک بھر میں اے پی وائی کے بارے میں بیداری اور کوریج بڑھانے کے لیے مندرجہ ذیل اقدامات کیے ہیں:
- آگاہی پیدا کرنے کے لیے وقتاً فوقتاً پرنٹ، الیکٹرانک اور سوشل میڈیا پر اشتہارات شائع کیے جاتے ہیں۔
- 13 مقامی زبانوں میں اے پی وائی سبسکرائبرز انفارمیشن بروشرکی اشاعت۔
- III. اہل استفادہ کنندگان میں اے پی وائی کی تشہیر کرنے کے لیے بینکنگ کرسپانڈنٹ (بی سی) اور بینکوں کے فیلڈ اسٹاف، سیلف ہیلپ گروپ (ایس ایچ جی) کے اراکین، اسٹیٹ رورل لائیولی ہڈس مشنز( ایس آر ایل ایم ایس) کے بینک سخیوں کے لیے صلاحیت سازی کے ورچوئل پروگرام منعقد کیے جارہے ہیں۔
- حکومت ہند کی مختلف وزارتیں، نیشنل سینٹر فار فنانشل ایجوکیشن(این سی ایف ای) ، نیشنل بینک فار ایگریکلچر اینڈ رورل ڈیولپمنٹ (نابارڈ)، نیشنل رورل لائیولی ہڈ مشن(این آر ایل ایم) اور ایس آر ایل ایم اے پی وائی کی بیداری اور کوریج پھیلانے میں مصروف ہیں۔
- آسانی سے آن بورڈنگ کے لیے آن لائن چینل جیسے ای- اے پی وائی، نیٹ بینکنگ، موبائل ایپ اور بینک کے ویب پورٹل کو فعال کیا گیا ہے۔
- اے پی وائی آؤٹ ریچ پروگرام ملک گیر سطح پر بینکوں اور ایس ایل بی سیز7 ایل ڈی ایمس کے ساتھ تال میل میں باقاعدگی سے منعقد کیے جاتے ہیں۔
- حال ہی میں، پنشن سیچوریشن کے لیے مالی شمولیت کی مہم پورے ہندوستان میں منعقد کی گئی۔
31 اکتوبر 2025 تک ، اے پی وائی کے تحت خواتین کا مجموعی اندراج 4,04,41,135 ہے جو کل اندراجات کا 48 فیصد ہے ۔ اے پی وائی کو محکمہ ڈاک (ڈی او پی) اور بینکنگ اداروں بشمول پبلک سیکٹر بینکوں ، پرائیویٹ سیکٹر بینکوں ، علاقائی دیہی بینکوں ، چھوٹے مالیاتی بینکوں ، پیمنٹ بینکوں ، کوآپریٹو بینکوں کے ذریعے نافذ کیا جا رہا ہے ۔ یہ ادارے پی ایف آر ڈی اے کے ساتھ پوائنٹس آف پریزننس-اے پی وائی (پی او پی-اے پی وائی) کے طور پر رجسٹرڈ ہیں اور اے پی وائی کی تقسیم اور اے پی وائی صارفین کو خدمات فراہم کرنے کے لیے ذمہ دار ہیں ۔
********
( ش ح ۔م ش ع۔رض)
2174U. No.
(रिलीज़ आईडी: 2197507)
आगंतुक पटल : 3