اگست 2019 سے، حکومت ہند راجستھان سمیت مختلف ریاستوں اور مرکز کے زیر انتظام علاقوں کے ساتھ شراکت داری میں جل جیون مشن (جے جے ایم) نافذ کر رہی ہے تاکہ ملک کے ہر دیہی گھرانے کو نل کے پانی کا کنکشن فراہم کیا جا سکے۔
چونکہ پینے کا پانی ریاستی معاملہ ہے، اس لیے جے جے ایم سمیت پینے کے پانی کی فراہمی کی اسکیموں کی منصوبہ بندی، منظوری، نفاذ، آپریشن اور دیکھ بھال (او اینڈ ایم) کی بنیادی ذمہ داری متعلقہ ریاستی اور مرکز کے زیر انتظام علاقوں کی حکومتوں پر عائد ہوتی ہے۔حکومت ہند تکنیکی اور مالی معاونت فراہم کر کے ریاستوں کی کوششوں کو تقویت دیتی ہے۔

جے جے ایم کے نفاذ کے لیے آپریشنل رہنما خطوط کے مطابق، ریاستوں اور مرکز کے زیر انتظام علاقوں کو فنڈ مختص کرتے وقت مشکل علاقوں کو 30 فیصد وزن دیا گیا ہے۔ ان میں دیگر عوامل کے ساتھ ساتھ ڈیزرٹ ڈیولپمنٹ پروگرام (ڈی ڈی پی) اور خشک سالی سے متاثرہ علاقوں کا پروگرام (ڈی پی اے پی) شامل ہیں تاکہ پائپ شدہ پانی کی فراہمی کی اسکیموں پر ترجیح دی جا سکے۔

بنیادی ڈھانچے کے معیار پر توجہ مرکوز کرتے ہوئے، مشن کے تسلسل کے ساتھ نفاذ کے ذریعے 100 فیصد کوریج حاصل کرنے اور دیہی پائپڈ واٹر سپلائی اسکیموں کی طویل مدتی پائیداری اور شہریوں پر مرکوز پانی کی خدمات کی فراہمی کو یقینی بنانے کے لیے، وزیر خزانہ نے اپنی بجٹ تقریر 2025 میں جے جے ایم کو 2028 تک بڑھانے کا اعلان کیا، جس میں مجموعی اخراجات میں اضافہ بھی شامل تھا۔

پورے ملک میں جے جے ایم کے تیز رفتار نفاذ کے لیے متعدد اقدامات کیے گئے ہیں، جن میں ریاستوں/مرکز کے زیر انتظام علاقوں کے سیچوریشن پلان اور سالانہ ایکشن پلان (اے اے پی) پر باہمی تبادلہ خیال اور انہیں حتمی شکل دینا، نفاذ کا باقاعدہ جائزہ لینا، ورکشاپس، کانفرنسز اور ویبینار کے ذریعے صلاحیت سازی، تربیت، علم کا اشتراک، تکنیکی مدد فراہم کرنے کے لیے کثیر شعبہ جاتی ٹیم کے فیلڈ وزٹ شامل ہیں۔

آن لائن نگرانی کے لیے جے جے ایم-انٹیگریٹڈ مینجمنٹ انفارمیشن سسٹم (آئی ایم آئی ایس) اور جے جے ایم-ڈیش بورڈ قائم کیے گئے ہیں۔ شفاف آن لائن مالیاتی انتظام کے لیے پبلک فنانشل مینجمنٹ سسٹم (پی ایف ایم ایس) کے ذریعے بھی انتظام کیا گیا ہے۔

محکمہ نے ملک بھر کے 729 ضلع کلکٹروں/ضلع مجسٹریٹوں کے ساتھ ملاقاتیں کیں تاکہ ضلع سطح پر جے جے ایم کے نفاذ کے مختلف پہلوؤں کا جائزہ لیا جا سکے۔ ڈی ایم/ڈی سی/کلکٹروں پر زور دیا گیا ہے کہ وہ ڈسٹرکٹ واٹر اینڈ سینی ٹیشن مشن (ڈی ڈبلیو ایس ایم) ڈیش بورڈ کے ذریعے جے جے ایم کی پیش رفت کی نگرانی میں قائدانہ کردار ادا کریں اور جے جے ایم کے مؤثر نفاذ کو یقینی بنانے کے لیے رکاوٹوں کو دور کریں۔ انہیں خاص طور پر کمزور قبائلی گروپ (پی وی ٹی جی) کی بستیوں، امنگ والے اضلاع، خشک سالی کے شکار علاقوں اور دیگر شناخت شدہ ترجیحی علاقوں میں کوریج کو ترجیح دینے کی ہدایت دی گئی ہے۔

یہ معلومات وزیر مملکت برائے جل شکتی، جناب وی سومننانے آج راجیہ سبھا میں ایک سوال کے تحریری جواب میں فراہم کیں۔

***

(ش ح۔اس ک  )

UR-2120

(रिलीज़ आईडी: 2197232) आगंतुक पटल : 5