চহি অসিদা লৈখিদ্রবা ভারতকী সেনিমা, ঈশে, থিয়েতর অমসুং কলাশিংগী শক্নাইরবা মীওই কয়া ফেষ্টিবেল অসিনা ইকায়খুম্নবা উৎপগা লোয়ননা গৱাদা পাংথোক্লিবা ৫৬ শুবা ইন্তরনেসনেল ফিল্ম ফেষ্টিবেল ওফ ইন্দিয়া লোইশিনবগী থৌরম পাংথোকখ্রে। লৈবাক অসিগী নাৎ অমসুং চৎনবীদা মুৎপা নাইদ্রবা মমি অমা তাহল্লম্লবা মখোয়গী কলাগী থবকশিং ইকায়খুম্নবা উৎতুনা অখন্ননা শেম-শারবা ভিদিও অমা উৎখি।

৫৬ শুবা ইন্তরনেসনেল ফিল্ম ফেষ্টিবেল ওফ ইন্দিয়া পাংথোক্লিঙৈদা নবেম্বর ২৪ দা লৈখিদ্রবা শক্নাইরবা এক্তর ধর্মেন্দ্র ইকায়খুম্নবা উৎখি। ৫৬ শুবা ইন্তরনেসনেল ফিল্ম ফেষ্টিবেল ওফ ইন্দিয়ানা তোঙান তোঙানবা হিরমশিং: এক্তরশিং, দিরেক্তরশিং, ঈশৈগী মীওইশিং, থিয়েতরশিংগী মীওইশিং অমসুং কলাগী লমদা থবক তৌখিবা মীওই কয়া ইকায়খুম্নবা উৎখি, ভারতকী কলাগী পুক্কৈ মখল কয়া অমসুং ফজবশিং মমি তাখি। মীওই অমমমগী মমিংনা পুন্সি চুপ্পগী ঙাউজবা, কৎথোকপা অমসুং হৈথোই-শিংথোইবগী মহুৎশিল্লি।

In Fond Remembrance of the Artists we lost..

Their voices, their art, and their light continue to guide Indian cinema.

Forever woven into our collective memory.#IFFI2025 #IFFI56 #IFFIGoa pic.twitter.com/yQWH7HCa2I

— PIB in Goa 🇮🇳 (@PIB_Panaji) November 28, 2025

থৌরম মনুংদা মখাগী কলাকারশিং অসি ইকায়খুম্নবা উৎখি:

ধর্মেন্দ্র

ভারত সেনিমাগী শক্নাইরবা অমনি, রোমান্স, দ্রামা অমসুং এক্সনদগী হৌরগা মখল কয়াগী ফিল্মশিংদা ধর্মেন্দ্র মাইপাকখি। ফেষ্টিবেল মনুংদা মহাক লৈখিদবা অসিনা ভারতকী সেনিমাগী মীওইশিংদা অৱাবা ফাওহল্লে। 

কামিনি কাউসাল

হিন্দী ফিল্মগী শক্নাইরবা এক্ত্রেস অসি মহাক্কী রোল কয়াগীদমক মীয়াম্না পাম্নৈ। চহি ৭০ হেনবগী মহাক্কী শীনফম অসিনা মীরোল কয়াগী এক্তরশিংদা ইথিল পীখি।

সুলক্ষানা পন্দিৎ

নিংশিংদুনা লৈহৌরগদবা হিন্দী ফিল্মগী ঈশৈ কয়া শকখিবা শক্নাইরবী শৈশকপী অমনি। এক্তর অমা ওইনা, ১৯৭০ অমসুং ১৯৮০ গী মতমশিংদা নুংশিরবা রোল কয়া মহাক্না লৌখি।

সাতিস সাহ

সেনিমা অমসুং তেলিবিজন অনিমক্ত মীয়াম্না পাম্নবা এক্তর অমনি, মহাক্কী ফাগি অমসুং কাউবা ঙমদ্রবা পর্ফোমেন্সশিংগীদমক মহাক থাগৎনৈ। মীরোল কয়াগী ভাবকশিংনা মখা তানা মহাক পাম্নগনি।

পিয়ুস পান্দে

ভারতকী এদভরতাইজগী তাইবংগী শক্নাইরবা অমনি, মহাক্কী মমিং লৈরবা কেম্পেনশিং অমসুং অনৌবা খোঞ্জেলগী খুৎথাংদা মহাক্না ইন্দষ্ট্রি শেমখৎখি।

রিসাভ তন্দন

মহাক্কী অঙকপা খোঞ্জেল অমসুং মতমগী অনৌবা ষ্টাইলগীদমক মহাক মীয়াম্না খঙনৈ। খঙহৌদনা মহাক লৈখিদবা অসিদা মরনাই ঈশৈ পুথোকচবা কলাকারশিংদা অচৌবা অহোবা অমা লৈহৌরে।

গোবর্ধন অসরানি

মীয়াম্না অসরানি হায়না খঙনৈ, মহাক ভারত সেনিমাগী খ্বাইদগী মশক থোকপা কলাকারশিংগী মনুংদা অমনি, ইৱা ৱাদনা ফাগিদগী অরুবা রোলশিংদা লাকপা ঙমখি। মহাক্না দিরেক্সন পীখিবা ফিল্মশিং অদুনা মহাক্কী শিনফমগী অহেনবা ওইখি।

পঙ্কজ ধির

ভারতকী তেলিবিজন অমসুং ফিল্মদা মশক নাইরবা রোলশিংগীদমক মহাক মীয়াম্না খঙনৈ, মহাক্না লৌখিবা করেক্তর খুদিংমক্ত মহাক্না মিংচৎ পুরকখি।

বরিন্দর সিংহ ঘুমান

এক্তর ওইরকখিবা বোদিবিলদর অমনি, মহাক্না উৎখিবা পর্ফোমেন্স কয়াগীদমক মহাক মীয়াম্না পাম্নখি।

জুবিন গার্গ

শক্নাইরবা খোঞ্জেল অমনি, মহাক্কী তোপ-তোপ্পা ঈশৈ অমসুং রেঞ্জনা মহাক লৈবাক শীনবা থুংনা পাম্নখি। অসামগী অমসুং ভারতকী পোপ ঈশৈদা মহাক্না পীখিবা ইথিল লাম্বা লৈতে।

বাল কারবে

মরাথি থিয়েতর অমসুং সেনিমাগী ইকায়খুম্নরবা এক্তর অমনি, মহাক্কী এক্তিং ষ্টাইল অমসুং ষ্টেজ রোলশিংগীদমক মহাক মমিং চৎলি। লমদম অসিগী ৱারি লিবগী চৎনবীশিং ইনাকখুন্নবা মহাক্না হোৎনখি।

জসৱিন্দর ভাল্লা

পঞ্জাবী সেনিমাগী শক্নাইরবা অমনি, নোক্নিংবা পর্ফোমেন্সশিং অমসুং মরী লৈনবা করেক্তরশিংগীদমক মহাক ইকায়খুম্নৈ।

জয়তি চন্দেকার

মমিং লৈরবা ফিল্ম অমসুং থিয়েতর পর্ফোমর অমনি, মরাথি সেনিমাদা শরুক য়াবগীদমক মহাক মীয়াম্না পাম্নৈ।

রতন থিয়াম

মনিপুরী থিয়েতরদা মালেমদা শকখঙনরবা মীওই অমনি, মমাংঙৈগী ফোর্মশিংগা অনৌবা মতমগী খুফোঙদোকশিংগা য়ানশিন্নবগীদমক মহাক মীয়াম্না খঙনৈ।

বি. সরোজা দেবী

খা ভারত সেনিমাগী খ্বাইনা খঙনরবা ষ্টারশিংগী মনুংদা অমনি, মহাক্না কন্নরা, তামিল, তেলুগু অমসুং হিন্দী ফিল্মশিং শরুক য়াখি।

সেফালি জরিৱালা

মীয়াম্না পাম্নবা ম্যুজিক ভিদিওশিং অমসুং তেলিবিজনশিংদা শরুক য়াবগীদমক মহাক খঙনৈ, মহাক ভারতকী পোপ কলচরদা পাম্নবা মাইথোঙ অমা ওইরে।

পার্থো ঘোস

১৯৯০ অমসুং অঙনবা ২০০০ গী মতমদা মহাক্না মশক থোকপা হিন্দী ফিল্ম কয়া দিরেক্সন পীখি, কম্মর্সিএল ফিল্ম পুথোকপগী মহাক্কী হৈথোই-শিংথোইবগীদমক মহাক খঙনৈ।

বিভু রাগভে

নহা ওইরবা অমসুং অফবা তেলিবিজন এক্তর অমনি, মহাক্না স্ক্রিন্দা থোক্লকপা অমসুং পর্ফোমেন্সশিংদা মহাক থাগৎনৈ।

চন্দ্রকান্থ

তেলুগু তেলিবিজনগী মীয়াম্না খঙনরবা মাইথোঙ অমনি, মহাক্কী পর্ফোমেন্সশিং অমসুং মহাক্কী ক্রাফতা কৎথোকপগীদমক মহাক মীয়াম্না খঙনৈ।

সাজি এন. কারুন

মালায়ালম সেনিমাগী শক্নাইরবা খোঞ্জেল অমনি, মহাক্কী শৈরেংগুম্বা শক্তমনা ৱারি লিবগীদমক মহাক মালেম শীনবা থুংনা থাগৎনৈ।

মনোজ কুমার

মহাক্কী মরৈবাক নুংশিবগী রোলশিংগীদমক মীয়াম্না খঙনৈ, ভারতকী মরৈবাক নুংশিবগী সেনিমাদা মহাক্না পাংথোকখিবা থবকশিংগীদমক মহাক খঙনৈ। মহাক্কী ফিল্মশিংনা মখা তানা চাউথোকচনবা অমসুং নাৎ মশক তাক্নবা ইথিল পীগনি।

অলোক চেত্তরজি

ভারতকী থিয়েতরগী লময়ানবা অমনি, মহাক্কী ফম্বাক্কী থবকশিংগী খুৎথাংদা মহাক্না মশিং থিঙমদ্রবা এক্তর কয়া ত্রেনিং পীখি অমসুং পুক্নিং থৌগৎখি।

শ্যাম বেনেগাল

ভারতকী পেরেলেল সেনিমাগী লময়ানবা অমনি, মহাক্কী অনৌবা ৱারিশিং অমসুং সেনিমাগী লোলশিংনা মহাক্না অনৌবা ভারতকী ফিল্ম নম্বগী থবক শেমগৎখি।

জকির হুসেন

মালেম্না খঙনরবা তব্লা য়ৈবা অমনি, মালেমগী থাক্ত তব্লা পুখৎপগীদমক মহাক ইকায়খুম্নখি। মহাক্কী কলাগী হৈথোই-শিংথোইবনা নাৎশিং পুনশিনখি অমসুং ভারতকী ক্লাসিকেল ঈশৈ মালেমদা অমুক হন্না মশক তাকখি।

ইফিগী মরমদা :

১৯৫২ দা হৌদোকখিবা ইন্তরনেসনেল ফিল্ম ফেষ্টিবেল ওফ ইন্দিয়া (ইফি) খা এসিয়াগী খ্বাইদগী লিরবা অমসুং খ্বাইদগী চাউবা সেনিমাগী থৌরমনি। নেসনেল ফিল্ম দিবলপমেন্ত কোর্পোরেসন (এন এফ দি সি), ভারত সরকারগী ইনফোর্মেসন অমসুং ব্রোদকাষ্টিং মিনিষ্ট্রি অমসুং গৱা সরকারগী ইন্তরতেনমেন্ত সোসাইতি ওফ গৱানা পুন্না শীন্নবা ফেষ্টিবেল অসিদা অমুক হন্না শেমজিল্লবা ক্লাসিকশিংগা অনৌবা চাংয়েংশিংগা উনফম অমসুং শক্নাইরবা গুরুশিংনা অকিবা লৈত্রবা অহানবা ওইনা ফিল্ম পুথোকপশিংগা উনফম অমনি। মালেমগী ফিল্মশিং চাংদম্নবা, নাৎকী থৌরমশিং উৎপা, মাষ্টরক্লাসশিং, ইকায়খুম্নবা উৎপা অমসুং অনৌবা ৱাখল্লোনশিং, য়ানবা পুরকপা অমসুং পুন্না থবক তৌমিন্নবগী থবক পায়খৎলিবা ৱেবস ফিল্ম বাজারনা তশেংনা ইন্তরনেসনেল ফিল্ম ফেষ্টিবেল ওফ ইন্দিয়া (ইফি) গী মশক তাক্লি। নবেম্বর ২০-নবেম্বর ২৮ ফাওবা গৱাগী ফজরবা সমুদ্র মপান্দা পাংথোক্লিবা ৫৬ শুবা ইদিসন অসিদা তোঙান তোঙানবা লোলশিং, ফিল্ম মখল কয়া, অনৌবা কয়া অমসুং খোঞ্জেল কয়ানা মালেমগী ফম্বাক্ত ভারতকী হৈথোই-শিংথোইবা হরাওবা ফোঙদোক্লি।

অহেনবা ই-পাউগীদমক, নম্বীয়ু:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

***