#IFFIWood, 28 नोव्‍हेंबर 2025

गोंयांत जाल्ल्या 56व्या भारतीय आंतरराष्ट्रीय चित्रपट महोत्सवाच्या समारोप सुवाळो भावनीक आनी चिंतनशील थारलो, कारण ह्या महोत्सवांत फाटल्या वर्सा संवसाराक अंतरिल्ल्या भारतीय सिनेमा, संगीत, थिएटर आनी क्रिएटिव आर्ट्स कलेंतल्या जायत्या उंचेल्या पांवड्यावेल्या व्यक्तींक श्रद्धांजली दिली. हे वेळार ज्या कलाकारांच्या योगदानान राष्ट्राच्या सांस्कृतीक परिदृश्याचेर कायमची छाप सोडल्या तांचो भोवमान करून खास क्युरेट केल्लो व्हिडियो प्रदर्शित केलो.

56 वी इफ्फी चालू आसतना 24 नोव्हेंबराक संवसाराक अंतरिल्ले दिग्गज अभिनेते धर्मेंद्र हांका याद करताना ट्रिब्यूट सेगमेंटात चड मार्मिकता आयली. इफ्फीत अभिनेते, दिग्दर्शक, संगीतकार, नाट्यकर्मी, आनी सृजनशील वेवसायीक अश्या वेगवेगळ्या मळावेल्या दिग्गजांक श्रद्धांजली दिली जी  भारताच्या कला दायजाची खोलाय आनी विविधताय दाखयता. दरेक नांव आयुश्यभरांतल्या आवड, समर्पण आनी सृजनशील उत्कृश्टतायेचें प्रतिनिधित्व करतालें.

In Fond Remembrance of the Artists we lost..

Their voices, their art, and their light continue to guide Indian cinema.

Forever woven into our collective memory.#IFFI2025 #IFFI56 #IFFIGoa pic.twitter.com/yQWH7HCa2I

— PIB in Goa 🇮🇳 (@PIB_Panaji) November 28, 2025

सुवाळ्या वेळार भोवमान केल्ल्या कलाकारांची नांवा अशी आसात:

धर्मेंद्र

भारतीय सिनेमांतली उंचायेचे  व्यक्तीमत्व,  धर्मेंद्र रोमान्स आनी नाटका सावन ऍक्शन मेरेनच्या सगळ्या प्रकारांनी उत्कृश्ट कामगिरी केला . महोत्सवा वेळार ताच्या निधनाक लागून भारतीय चित्रपट भावपणाचेर दुख्खाची सावळी पडली.

कामिनी कौशल

हिंदी सिनेमाच्या भांगरायुगांतली एक नामनेची कलाकार, तिच्या बारीकसाणीचे किरदार आनी पडद्याचेर सदाच उरपी प्रेज़ेंसा खातीर तिची नामना आशिल्ली. तिची कारकीर्द सात दशकां परस चड काळ चलली आनी तातूंतल्यान अभिनेत्यांच्या पिळग्यांक प्रेरणा मेळ्ळी.

सुलक्षणा पंडित

ती एक  टैलेंटेड गायिका आशिल्ली, तिच्या सुरेल आवाजान जायत्या याद उरपी हिंदी फिल्म गितांक वळख दिली. एक अभिनेत्री म्हूण तिणें १९७० आनी १९८० च्या दशका भितर आपल्या भुमिकेंत भावनीक खोलाय हाडली.

सतीश शाह 

सिनेमा आनी भारतीय दूरचित्रवाणी ह्या दोनूय मळार प्रिय व्यक्ती, ताच्या शानदार कॉमिक टाईमिंग आनी अविस्मरणीय अभिनया खातीर ताची नामना जाली. ताच्या वावराचेर पिळग्यांनी प्रेक्षकांनी मोग केला.

पीयूष पांडे

भारतीय जायरात जगांतलो टायटन, ताणें प्रतिकात्मक मोहिमांनी आनी अनोख्या सृजनशील आवाजा वरवीं ह्या उद्देगाक आकार दिलो.

ऋषभ टंडन

एक उत्साही संगीत प्रतिभा, ताच्या आत्म्यान भरिल्ल्या आवाजा खातीर आनी समकालीन सृजनशील शैली खातीर ताची नामना आशिल्ली. ताच्या अचकीत निधनाक लागून स्वतंत्र संगीत समाजांत एक रिकामेपण उरलें.

गोवर्धन असरानी

असरानी ह्या नांवान सगळेकडेन वळखतात तो भारतीय सिनेमांतलो एक बहुमुखी कलाकार आशिल्लो, विनोदी आनी गंभीर भुमिका हांचेमदीं यत्न करिनासतना ते बदल घडयातले. ताच्या दिग्दर्शनाच्या उपक्रमांनीय ताच्या बहुआयामी कारकिर्दींत खोलाय वाडली.

पंकज धीर

भारतीय दूरचित्रवाणी आनी चित्रपटांतल्या प्रतिकात्मक भुमिके खातीर चड नामना मेळिली, ताणें आपल्या चित्रीत केल्ल्या दर एका पात्रात आकर्शण आनी स्वाभिमान हाडलो.

वरिंदर सिंह घुमन

एक वेवसायीक बॉडी बिल्डर ते अभिनेतो-  ताणें आपल्या दमदार स्क्रीन प्रेजेंसा खातीर आनी खाशेल्या व्यक्तिमत्वा खातीर तोखणाय मेळयली.

जुबीन गर्ग 

मनाक भुलोवपी आवाज आशिल्ल्यान ताणें आपल्या खाशेल्या गायन आनी संगीताच्या आवांठान राश्ट्रीय लोकप्रियता मेळयली. पुराय आसामी आनी भारतीय पॉप संगीतांत ताचो प्रभाव अतुलनीय उरला.

बाल कर्वे

मराठी रंगमाचयेचो आनी सिनेमाचो एक आदरणीय कलाकार, ताच्या सूक्ष्म अभिनयशैली खातीर आनी याद उरपी माचयेवयल्या भुमिके खातीर ताची नामना आशिल्ली. ताच्या योगदानाक लागून प्रादेशिक कथाकथन परंपरा समृध्द जाली.

जसविंदर भल्ला

पंजाबी सिनेमांतली  एक नामनेची  व्यक्ती, ताच्या बऱ्या कॉमिक परफॉर्मेंस आनी संबंदीत पात्रां खातीर ताचे कवतुक जातालें. 

ज्योती चंदेकर 

एक अणभवी चित्रपट आनी थिएटर परफॉर्मर, मराठी सिनेमांतल्या भावनीक आकर्शक अभिनयाक लागून तिणें तोखणाय मेळयली.

रतन थियम

मणिपुरी रंगमाचयेचो संवसारीक हस्ती, पारंपारीक रुपां आनी समकालीन अभिव्यक्ती हांचो मेळ घालपा खातीर ताची नामना आशिल्ली.

बी सरोजा देवी

दक्षिण भारतीय सिनेमांतली एक नामनेची अभिनेत्री , तिणें कन्नड, तमिळ, तेलुगू, आनी हिंदी फिल्मांनी काम केलें.

शेफाली जरीवाला

लोकप्रिय म्युझिक व्हिडियो आनी दूरचित्रवाणीचेर तिच्या उत्कृष्ट अभिनया खातीर नामना मेळिल्ली,  ती भारतीय पॉप संस्कृतायेंत एक वळखीचो चेहरो.

पार्थो घोष 

1990 च्या दशका मेरेन आनी 2000 च्या सुमाराक ताणें जायते म्हत्वाचे हिंदी चित्रपट दिग्दर्शीत केले, जे ताच्या वेवसायीक चित्रपट निर्मितीच्या संवेदनशीलते खातीर वळखतात.

विभू राघवे

एक तरणाटो आनी आशादायक दूरचित्रवाणी अभिनेतो, ताची उर्बेभरीत पडद्याचेर उपस्थिती खातीर आनी भरवशाच्या अभिनया खातीर तोखणाय जाली.

चंद्रकांत

तेलुगू दूरचित्रवाणींतलो वळखीचो चेहरो,  ताच्या विश्वासार्ह  अभिनया खातीर आनी आपल्या कलाकृतींवेल्या समर्पणाक लागून ताची नामना आशिल्ली.

शाजी एन. करुण

मलयाळम सिनेमांतलो एक आद्यप्रवर्तक आवाज, ताच्या काव्यात्मक दृश्य कथाकथनाखातीर ताका आंतरराश्ट्रीय पांवड्यार तोखणाय मेळ्ळी.

मनोज कुमार

देशभक्तीच्या भुमिके खातीर नामनेक पाविल्ल्या भारतीय राष्ट्रवादी सिनेमांतल्या योगदाना खातीर ताची नामना आशिल्ली. ताच्या चित्रपटांनी अभिमान आनी संस्कृतीक अस्मिताय निर्माण जाता.

आलोक चटर्जी 

भारतीय रंगमाचयेचो एक दिग्गज कलाकार, ताणें माचयेविशींच्या वचनबद्धतेवरवीं असंख्य कलाकारांक प्रशिक्षण आनी प्रेरणा दिली.

श्याम बेनेगल 

भारतीय समांतर सिनेमाचो टायटन, ताणें आपल्या अभूतपूर्व कथन आनी सिनेमा भाशेंतल्यान आर्विल्ल्या भारतीय चित्रपट निर्मितीक  आकार दिलो.

जाकिर हुसेन 

संवसारीक नामनेचो तालवादक, तबलाक संवसारीक मान्यताय मेळोवन दिल्ल्यान ताची नामना जाली. ताच्या कलात्मकतेन संस्कृतींक जोडले आनी आंतरराश्ट्रीय पांवड्यार भारतीय शास्त्रीय संगीताची नवी व्याख्या केली.

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56