‘ওপন এয়র স্ক্রীনিংশিং’না লোকেল মীয়ামগীদমক IFFIগী থোং হাংদোকখ্রে
“স্ক্রীনিংশিং অসি ফেমিলী ওদিয়ন্সশিংগীদমক দিজাইন তৌই”: পঙ্কজ সক্সেনা
#IFFIWood, নবেম্বর 27, 2025
ওপন-এয়র স্ক্রীনিং অসি ইন্তর্নেস্নেল ফিল্ম ফেস্তিবেল ওফ ইন্দিয়া (IFFI) গী তঙাইফদবা শরুক অমনি। কোর ফেস্তিবেল অসি রেজিস্তার তৌবা, ফি অমা থীবা অমসুং অশেংবা ফিল্ম পামজবা দেলিগেৎশিংগীদমক্তা দিজাইন তৌবনি। IFFIগী স্ক্রীনিংশিংদা শরুক য়াবা অসি চহি 18গী মথক্তা লৈবা মীওইশিং খক্তদা য়ুম্ফম ওই অমসুং মসি মপুং ফারবা, ফিল্মদা হৈরবা মীয়ামগীদমক্তা শেম্মী।
অদুম ওইনমক, IFFIনা লোকেল কম্ম্যুনিতীবু শরুক য়াহন্নবা অমসুং মফম পুম্নমক্তা কুমহৈগী ফিভম অমা শেম্নবা ৱাশক্লি। গোৱা, মরু ওইনা IFFIগী মতমদা, য়াম্না ফেস্তিব ওই অমসুং মফম অদুগী গোৱাগী মীশিংদগী লাকপা ইমুংশিংনা পুনবা, থৌরমগী অকোয়বগী ফিভমদা নুংঙাইবা ফংবা, অফবা চাবা থকপা, অমসুং সমুদ্রগী নুংশিৎনা থল্লবা সমুদ্র তোর্বানদা এক্সপরিয়েন্স তৌবা পাম্মি। ওপন-এয়র স্ক্রীনিং অসি হায়রিবা কন্সতিত্যুসন্সী অসিবু চপ চানা অপাম্বা ফংহন্নবা পান্দম থম্লি।
IFFIগী আর্তিস্তিক দাইরেক্তর শ্রী পঙ্কজ সক্সেন্না হায়খি, "মসিগী স্ক্রীনিংশিং অসি ইমুং মনুংগী মীওইশিংগীদমক্তা দিজাইন তৌবনি। অয়াম্বা ওপন-এয়র ভেন্যুশিং অসি সমুদ্রগী মনাক্তা লৈ। মসিগী মফমশিং অসি য়াম্না ফজবা অতিয়া, লুনানবা অকোয়বগী ফিভম, অফবা সাউন্দ, নুংঙাইবা সীৎশিং, অমসুং হায়-ক্বালিতী প্রোজেক্সন লৈ। নুমিৎ তরেৎ খুদিংগী শো অমা লৈ অমসুং খনগৎলবা ফিল্মশিং অসি ইন্তর্নেস্নেল অমসুং ভারতকী ওই; অদুবু মতম পুম্নমক্তা ইমুং মনুংনা য়েংবদা মতিক চাবা ওই।”
মহাক্না মখা তারদুনা হায়খি, “সেলেক্সনগী মতাংদা, চহি অসিদা ঐখোয়না ফিল্ম 8 রোম লৈরি। সেলেক্সন অসিগী ৱাখল্লোনদি চহি খুদিংগী মতিক চাবা অমসুং অয়াম্বা মতমদা অপীকপা পাউজেল নত্ত্রগা য়ুনিভর্সেল থীম অমগা লোয়নবা ইন্তর্নেস্নেল সিনেমাগী মিক্স অমা উৎপনি। মসিগী মথক্তা, ঐখোয়না উৎলিবা ফিল্ম খরদি IFFI গী ইন্দিয়ন পেনোরামা সেক্সনদা মমাংগী ইদিসনশিংদা উৎখ্রে নৎত্রগা এৱার্দ ফংখ্রে”।
চহি অসিগী ‘ওপন এয়র স্ক্রীনিংশিং’গী ফিল্মশিংদা য়াওরিবা অদুদি:
- হোম এলোন/ দিরেক্তর খৃস কোলমবস/
- ইফ (ইমেজিনরী ফ্রেন্দস)/ দিরেক্ততর জোন ক্রাসিনস্কি
- সোনিক দি হেদজদোগ/দিরেক্তর জেফ ফোলর
- ফি ত্রুমেন শো/দিরেক্তর পিতর ৱিয়র
- 12th ফেল/দিরেক্তর বিধু বিনোদ চোপ্রা
- মাই বোস/দিরেক্তর নন্দিতা রোই, শিবোপ্রোসাদ মুখর্জী
- মঞ্জুম্মেল বোইস/দিরেক্তর চিদমবরম
- শ্যামস মোদত/দিরেক্তর সুজয় দাহাকে
মরুওইনা, ওপন-এয়র স্ক্রীনিং অসিনা IFFI অসি য়াম্না মরু ওইবা, দেলিগেৎ-দ্রিভন ফেস্তিবেল অমা ওইহন্দুনা, মসি মীপুম খুদিংমক্কী কুমহৈ অমা ওইহন্নবা হোৎনরি। অখন্ননা অপুনবা সিনেমা অসি ওপন-এয়রগী মখাদা য়েংবা পাম্বা ইমুং মনুংশিংগীদমক্তা।
https://www.pib.gov.in/PressReleasePage.aspx?PRID=2191742
https://www.pib.gov.in/PressReleasePage.aspx?PRID=2190381
IFFI ৱেবসাইৎ: https://www.iffigoa.org/
PIBগী IFFI মাইক্রোসাইৎ: https://www.pib.gov.in/iffi/56/
PIB IFFIWood ব্রোদকাস্ত চেনেল: https://whatsapp.com/channel/0029VaEiBaML2AU6gnzWOm3F
X হেন্দলশিং: @IFFIGoa, @PIB_India, @PIB_Panaji
* * *
रिलीज़ आईडी:
2195680
| Visitor Counter:
7