#IFFIWood, 27 नोव्‍हेंबर 2025

ओपन-एयर स्क्रीनिंग भारतीय अंतरराष्ट्रीय फिल्म महोत्सव (इफ्फी) चो अविभाज्य भाग. ह्या महोत्सवाचो मुखेल भाग नोंदणी करपी, शुल्क भरपी आनी खरे चित्रपट मोगी आशिल्ल्या प्रतिनिधीं खातीर डिजाइन केला. इफ्फी स्क्रीनिंग 18 वर्सां वयर पिरायेच्या लोकांपुरतेच मर्यादीत आसतात आनी आनी तीं परिपक्व, चित्रपट जागृत प्रेक्षकां खातीर तयार केल्लीं आसतात.

पूण थळाव्या समाजाक सहभागी करून घेवपाक आनी सगळेकडेन उत्सवाचें वातावरण तयार करपाक इफ्फी कटिबद्ध आसा. खास करून इफ्फी वेळार गोंयांत खूब उत्सवी वातावरण आसता आनी गोंयकारांक एकठांय येवन, उत्सवाचें वातावरण पळोवपाक, रुचीक जेवण खावपाक, दर्यादेगेर दर्याच्या वाऱ्याचो आस्वाद घेवपाक खूब आवडटा. ओपन-एयर स्क्रीनिंग खरें म्हणल्यार ह्या समुदाया खातीर आसतात.

इफ्फीचे कलासंचालक  पंकज सक्सेना हाणें म्हळें "हीं स्क्रीनिंग कुटुंबीक प्रेक्षकां खातीर डिजाइन केल्यात. चडशीं ओपन-एयर स्थळां दर्या देगेर आसून, सोबीत मळब, निवळ परिसर, बरो आवाज, सोयीस्कर बसपाची सुवात आनी उच्च दर्जाचें प्रक्षेपण आसता. चड करून सात दीस, दिसाक एक शो आसता आनी वेंचून काडिल्ले सिनेमा आंतरराष्ट्रीय आनी भारतीय अशे दोनूय प्रकारचे आसतात, पूण सदांच कुटुंबीक प्रेक्षकां खातीर योग्य आसतात."

ताणें विस्तारान सांगलें,"निवडीच्या बाबतीत, ह्या वसाां आमचे कडेन सुमार आठ सिनेमा आसात.सगळ्या पिरायेच्या गटांक योग्य आनी चड करून ल्हान संदेश वा सार्वत्रिक संकल्पना दिवपी आंतरराष्ट्रीय चित्रपटांचे मिश्रण सादर करप ही हे निवडी फाटली कल्पना. ते भायर आमी दाखयल्ले कांय सिनेमा आदल्या इफ्फी आवृत्त्यांनी भारतीय पॅनोरमा विभागांत दाखयल्यात वा पुरस्कारान सन्मानित जाल्यात."

अंदूंच्या ‘ओपन एअर स्क्रीनिंग’ खातीर फिल्मांची यादी:

1. होम अलोन/ दिग्दर्शक: ख्रिस कोलंबस
2. इफ (इमॅजिनरी फ्रेंड्स)/ दिग्दर्शक: जॉन क्रासिन्स्की
3. सोनिक द हेजहॉग/ दिग्दर्शक: जेफ फाउलर
4. द ट्रूमॅन शो/ दिग्दर्शक: पीटर वेयर
5. 12th फेल/ दिग्दर्शक: विधू विनोद चोप्रा
6. माय बॉस/ दिग्दर्शक: नंदिता रॉय, शिबोप्रसाद मुखर्जी
7. मंजुम्मेळ बॉईज/ दिग्दर्शक: चिदंबरम
8. श्यामची आई/ दिग्दर्शक: सुजय डहाके

थोडयाच उतरांनी सांगपाचें जाल्यार,ओपन एयर स्‍क्रीनिंग हे सुनिश्चित करता कि इफ्फी  गंभीर, प्रतिनिधी केंद्रीत महोत्सव उरता, तेच बरोबर सगळ्यां खातीर, खास करून उक्त्या मळबा खाला बऱ्या सिनेमाचो आस्वाद घेवपाक सोदपी कुटुंबां खातीरय एक उत्सव जाता.

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Post Link: https://x.com/PIB_Panaji/status/1991438887512850647?s=20

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/मोनाली प्रभू/दर्शना राणे | IFFI 56