ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಸಚಿವಾಲಯ
ಭಾರತ ಇಂಧನ ಸಪ್ತಾಹ 2026 ಗಾಗಿ ಮಾಧ್ಯಮ ನೋಂದಣಿಗಳು ಈಗ ಮುಕ್ತವಾಗಿವೆ
Posted On:
24 NOV 2025 6:00PM by PIB Bengaluru
ದಕ್ಷಿಣ ಗೋವಾದ ಬೇತುಲ್‌ ಬಳಿಯ ಒಎನ್‌ಜಿಸಿ - ಅಡ್ವಾನ್ಸ್ಡ್‌ ಟ್ರೈನಿಂಗ್‌ ಇನ್‌ಸ್ಟಿಟ್ಯೂಟ್‌ನಲ್ಲಿ ಜನವರಿ 27-30 ರವರೆಗೆ ನಡೆಯಲಿರುವ ಇಂಡಿಯಾ ಎನರ್ಜಿ ವೀಕ್‌ (ಐಇಡಬ್ಲ್ಯೂ) 2026ಕ್ಕೆ ಮಾಧ್ಯಮ ನೋಂದಣಿಗಳು ಈಗ ಮುಕ್ತವಾಗಿವೆ. ಮಾಧ್ಯಮ ಪ್ರತಿನಿಧಿಗಳು ಇಲ್ಲಿನೋಂದಾಯಿಸಿಕೊಳ್ಳಬಹುದು: https://www.indiaenergyweek.com/media-center/media-registration/
ಐಇಡಬ್ಲ್ಯೂ 2026 ವರ್ಷದ ಅತಿದೊಡ್ಡ ಇಂಧನ ಕೂಟವಾಗಲಿದೆ, ಇದು 75,000ಕ್ಕೂ ಹೆಚ್ಚು ಇಂಧನ ವೃತ್ತಿಪರರು, 550ಕ್ಕೂ ಜಾಗತಿಕ ಭಾಷಣಕಾರರು ಮತ್ತು 120ಕ್ಕೂ ಹೆಚ್ಚು ಸಮ್ಮೇಳನ ಅಧಿವೇಶನಗಳನ್ನು ಒಟ್ಟುಗೂಡಿಸುತ್ತದೆ. ಈ ಕಾರ್ಯಕ್ರಮವು ಜಾಗತಿಕ ಇಂಧನ ನಾಯಕರೊಂದಿಗೆ ಇಂಧನ ಸಹಯೋಗ, ಸಮಾನತೆ, ನಾಯಕತ್ವ, ಹೂಡಿಕೆ ಮತ್ತು ಡಿಜಿಟಲ್‌ ಗಡಿರೇಖೆಗಳ ಕುರಿತು ಕಾರ್ಯತಂತ್ರದ ಚರ್ಚೆಗಳನ್ನು ಒಳಗೊಂಡಿರುತ್ತದೆ.
ಪ್ರದರ್ಶನವು 700ಕ್ಕೂ ಅಧಿಕ ಅಂತಾರಾಷ್ಟ್ರೀಯ ಮತ್ತು ಸ್ಥಳೀಯ ಪ್ರದರ್ಶಕರು, 12ಕ್ಕೂ ಹೆಚ್ಚು ದೇಶದ ಪೆವಿಲಿಯನ್‌ಗಳು ಮತ್ತು 12 ವಿಷಯಾಧಾರಿತ ವಲಯಗಳನ್ನು ಪ್ರದರ್ಶಿಸುತ್ತದೆ. ಇದು ಇಂಧನ ಮೌಲ್ಯ ಸರಪಳಿಯಾದ್ಯಂತ ನಾವೀನ್ಯತೆಗಳ ಸಮಗ್ರ ನೋಟವನ್ನು ನೀಡುತ್ತದೆ.
ಮಾಧ್ಯಮದಲ್ಲಿ ಭಾಗವಹಿಸುವವರು 70ಕ್ಕೂ ಹೆಚ್ಚು ಕಾರ್ಯತಂತ್ರದ ಸಮ್ಮೇಳನ ಅಧಿವೇಶನಗಳು, ಸಂಪೂರ್ಣ ಪ್ರದರ್ಶನ, ಜಾಗತಿಕ ನಾಯಕರೊಂದಿಗೆ ಸಂದರ್ಶನ ಅವಕಾಶಗಳು, ದೈನಂದಿನ ಸಂಕ್ಷಿಪ್ತ ವಿವರಣೆಗಳು ಮತ್ತು ಮೀಸಲಾದ ಮಾಧ್ಯಮ ಕೇಂದ್ರಕ್ಕೆ ಪ್ರವೇಶವನ್ನು ಹೊಂದಿರುತ್ತಾರೆ.
*****
(Release ID: 2193886)
Visitor Counter : 2