Mynta la plie ïa ki jingpynrung kyrteng ïa ki nongthoh khubor na ka bynta ka India Energy Week (IEW) 2026, ka ban long naduh ka 27-30 tarik Kyllalyngkot ha ONGC – Advanced Training Institute kaba don hajan Betul ha South Goa. Ki nongthoh khubor ki lah ban pynrung kyrteng ha: https://www.indiaenergyweek.com/media-center/media-registration/

Ka IEW 2026 kan long ka jingïalang kaba heh tam kaba iadei bad ka kam bording ha une u snem, kaba wanrah lang palat 75,000 ngut ki riew shemphang ha ka kam bording, palat 550 ngut ki nongkren na kylleng ka pyrthei bad palat 120 tylli ki jingïalang. Ha kane ka jingïalang yn don ki jingïakren ba kongsan bad ki nongïalam ha ka kam bording ha ka pyrthei halor ka jingïatreilang ha ka kam bording, ka jingryntih, ka jinglong nongïalam, ka jingbei tyngka bad ki lad digital.

Ka exhibition kan pyni ia palat 700 ngut ki nongpyni na ka pyrthei bad na ka ri, palat 12 tylli ki jaka kyrpang jong ki ri bad 12 tylli ki jaka ba don ki phang, kaba ai ka jingsngewthuh ba pura ia ki jingsaindur thymmai ha ki bynta bapher bapher jong ka kam bording.

Ki nongthoh khubor kiba iashim bynta kin ioh lad ban ioh ia palat 70 tylli ki Strategic Conference, ka jingpyni ba pura, ki lad ban iakynduh bad ki nongialam jong ka pyrthei, ki jingialang ba man ka sngi bad ka jaka ba kyrpang na ka bynta ki lad pathai khubor.

****