#IFFIWood, 22 नोव्हेंबर 2025

भारतीय आंतरराष्ट्रीय चित्रपट महोत्सव (इफ्फी) 2025 च्या तिसऱ्या दिसा गोंयच्या पणजी शारांतल्या आयनोक्स स्थळाचें रुपांतर राष्ट्राच्या विंगड विंगड परफॉर्मेंस आर्ट्सच्या मांचीत जालें. रुपेरी पडद्या भायर वचून, ही सांज भारताच्या सांस्कृतीक मुळाचो एक अदभूत उत्सव आशिल्लो, तातूंत पारंपारीक लोकनाचांची माळ आनी नाट्यमय कथाकथनाची माळ आशिल्ली, जांणी पिळग्यांनी चलत आयिल्ल्या उर्जा, विविधताय आनी गिरेस्त दायजाचेर भर दिलो . सीबीसीच्या समर्पीत पीआरटीं सयत वेगवेगळ्या राज्यांचें प्रतिनिधित्व करपी कलाकारांनी सिनेमा मोगींक उपखंडांतल्या परंपरे कडेन जोडपा खातीर कला सादर केली.

सादरीकरण : पूराय भारताची एक विज़ुअल सफ़र

गुस्सड़ी (तेलंगना)

पद्मश्री कंकराजू गुस्सड़ी डान्स असोसिएशन, आदिलाबादच्या आदिवासी गोंड कलाकारांनी हो हाई-एनर्जी, लयबद्ध पंगड नृत्य सादर केले. पद्मश्री श्री गुस्सड़ी कंकराजू हांचो वारसो राखताना रंगीत, लांब वस्त्रां, विशिष्ट मोरपंखांच्यो पगडी, आनी झिंगलिंग घंटांनी कलाकारांनी सगळ्यांचे लक्ष वेधले.

महिषासुर मर्दिनी (अस्तंत बंगाल)

रॉयल छौ अकादेमीन एक नाट्यमय लोकनृत्य सादर केले , जांतूत बऱ्यान वायटाचेर जैत मेळोवपाचे शक्तिशाली चित्रण केल्लें. ह्या सादरीकरणांत देवी दुर्गा आनी महिषासुर राक्षस हांचेमदलें महाकाव्यात्मक झूज खरेखुरे दाखयलें , तातूंत हेर मुखेल देवतांचें दर्शन आनी छौ शैलींत आशिल्लें आकर्शक लश्करी नृत्य दिग्दर्शन आस्पावीत आशिल्ले.

संबलपुरी लोक नृत्य - चुटकुचुटा (ओडिशा)

हे नृत्य लोकशास्त्र कला परिशद, कटक हांणी तीव्र ताल आनी शक्ती सयत सादर केल्लें. हो उर्बेभरीत पंगड नाच हो दलखाई आनी रसेर केली ह्या नामनेच्या संबलपुरी प्रकारांचो एक गतीशील मेळ आसून, अस्तंत ओडिशाची घटमूट, उत्सवी पारंपारीक नृत्य संस्कृताय दाखयता.

तारपा नाच (दमन आनी दीव/महाराष्ट्र)

पीपल्स ऍक्शन फॉर सोशल डेव्हलपमेंट हांणी सादर केल्लो हो संमोहन पारंपारीक आदिवासी नाच, ‘तारपा’ ह्या दुदी, बांबू आनी मेणापसून तयार केल्ल्या खाशेल्या वाऱ्याच्या वाद्याच्या भोंवतणी केंद्रीत आसा. तारपा वाजोवपी मार्गदर्शक म्हूण वावुरता, पंगडाच्या समकेंद्री हालचालींची दिका आनी सामुहीक ताल नियंत्रीत करता.

चरी डान्स (राजस्थान)

नवी दिल्लीच्या श्री नटराज कला केंद्राच्या बायलांच्या पंगडान चरी नाचाची सोबीतकाय आनी परंपरा दाखयली. गुर्जर समाजांत लोकप्रिय आशिल्ल्या ह्या कलाकारांनी तकलेचेर झिलमिलपी पितळेचे मडके (चरी) कुशळटायेन दवरून समतोल राखलो. हो नाच अजमेर आनी किशनगडांतल्या लग्न आनी उत्सवांत अविभाज्य आशिल्ल्या सोबीतकाय आनी मोहकसाणेचे प्रतीक आसा.

लावणी (महाराष्ट्र)

हमराज आर्ट नवी दिल्लीन लावणी हो महाराष्ट्राचो मनाक भावपी पारंपारीक संगीत आनी लोकनाच सादर केलो. सिग्नेचर नौवरी साडींत न्हेसून आयिल्ल्या बायल नर्तकांनी आपल्या उमेदीच्या, अभिव्यक्तीशील हालचालींनी आनी भावनीक कथा सांगून प्रेक्षकांक मोहित केले, हें सगळें ढोलकीच्या शक्तिशाली तालांचेर आदारीत आशिल्लें.

राम वंदना (असम)

सीबीसी, गुवाहाटीच्या विभागीय कलाकारांनी पंदराव्या शेंकड्यांतलो व्हड असमिया संत आनी सुदारक श्रीमंत शंकरदेव हाच्या "राम विजय" ह्या नाटकांतल्या एका ल्हान भागाचेर आदारिल्ली भक्ती आनी ललित कृती सादर केली. नाट्य आनी भक्ती हांचो मेळ घालून परिष्कृत शास्त्रीय सत्रिय नृत्यप्रकाराचो उपेग ह्या सादरीकरणांत केला.

बिहू (असम)

गुवाहाटीच्या असम शिल्पी समाजान बिहूच्या उत्साही, पारंपारीक लोकनाचान सांजेची सांगता केली. उत्सवाच्या भेसांत तरणाट्या पुरुष -बायलांनी सादर केल्ल्या ह्या वेगान चलपी, आनंदी हालचालींवांगडा धोल (ढोल), पेपा (म्हशीचें शिंगाचे वाद्य), गोगोना (बांबूचें वाद्य) ह्या पारंपारीक वाद्यांचो आस्पाव आशिल्लो, जे कृषी ऋतूंचे चैतन्य दाखयता.

सांजवेळाच्या स्पॉटलाइटान काश्मीर आनी हिमाचलच्या सादरीकरणाचेरूय उजवाड पडलो, तातूंत प्रेक्षकांक पहाड़ी उत्तरेक व्हरपी सोबीत प्रदर्शनां दिसून आयलीं. काश्मीरच्या लोक पारंपारीक नर्तकांनी आपल्या प्रादेशिक रुपांत आशिल्ल्या निश्चल सोबीतकाय आनी कथात्मक खोलायेन स्थळ मोहित केलें, जाल्यार हिमाचलांतल्या उमेदीच्या आनी जिवंत लोकनाचांनी हिमालय राज्याची वेगळी, उत्सवी संस्कृताय आनी रंगीत भेस दाखयलें, सांजवेळाच्या प्रदर्शनाची सांस्कृतीक टेपेस्ट्री आनीक समृध्द केली.

इफ्फीच्या तिसऱ्या दिसा सांस्कृतीक विभागान चित्रपट प्रदर्शनांक एक गिरेस्त, रचनात्मक विसव दिलो, जाका लागून हें सिद्ध जालें की हो महोत्सव फकत पडद्याचेर न्हय, तर भारताच्या गिरेस्त सृजनशील आनी सांस्कृतीक परिदृश्याक पोशण दिवपी विविध, जिवीत कला प्रकारांचे प्रदर्शन आसा. निमाण्या बिहूनृत्या उपरांत जाल्ल्या ताळयांचो गडगडाट हो सादरीकरण आनी परंपरेच्या शक्तीची गवाय आशिल्ली.

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56