#IFFIWood, 22 नोव्‍हेंबर 2025

भारतीय आंतरराष्ट्रीय चित्रपट महोत्सव (IFFI) त  प्रेक्षकांनी सांजवेळार हृदयस्पर्शी चित्रपट आनी प्रेरणादायी कथानकाचो अणभव घेतलो. प्रसिद्ध चित्रपट निर्माते, अभिनेते आनी दिग्दर्शक अनुपम खेर हाणी ताचो नवीनतम दिग्दर्शित चित्रपट 'तन्वी द ग्रेट' सादर केलो. ही कथा ऑटिझम स्पेक्ट्रम चेर,  एक असाधारण चलयेची आसा,जी आपल्या बापायच्या पावलांचेर पावल दवरता आनी ऑटिझमा विशीं चुकीच्या समजुतींक तोंड दिवन लेगीत सैन्यांत भरती जावपाचें सपन पुराय करपाचो यत्न करता, खरी वीरता काळजा थावन येता हें सिद्ध करता. अभिनेत्री तन्वी वांगडा अनुपम खेर हांणी ह्या सिनेमाच्या महोत्सवातल्या प्रदर्शना उपरांत प्रसार माध्यमांक संबोधीत केलें. ह्या सिनेमाक प्रेक्षक आनी प्रतिनिधीं कडल्यान खूब उबदार आनी उत्साही प्रतिसाद मेळ्ळो.

प्रसार माध्यमां कडेन जाल्ले संवादांत अनुपम खेर, ह्या सिनेमाच्या वैयक्तीक म्हत्वाबद्दल सविस्तर उलयले. ताणें सांगलें, हो कथानक ताच्या स्वताच्या आनी कुटुंबाच्या जिवितांतल्या प्रसंगां कडेन गुंथिल्लो आशिल्ल्यान हो प्रकल्प ताका एक दिग्दर्शक म्हणून भावनिकदृष्ट्या खूब म्हत्वाचो थारलो. ऑटिझमाच्या विशयाचेर उलयतना अनुपम खेर हांणी सांगलें,  आमी चड करून “सामान्य” हाजे उरफाटें “असामान्य” अशे मानतात, पूण “सामान्य” हाजे  उरफाटें “अद्वितीय” अशेंय जावपाक शकता. मनशाची सहिश्णुताय, सहानुभूती आनी परिवर्तन हांचेर उजवाड घालपी कथानकांकडेन आपूण चड आकर्शीत जाता अशें तांणी भर दिवन सांगले. तशेंच "मनशाच्या भावनांक खोलायेन स्पर्श करपी आनी व्यक्तींक तांच्या जिवितांत सकारात्मक आनी अर्थपूर्ण बदल करपाक प्रेरणा दिवपी" चित्रपटांचेर काम चालू दवरपाची आपली बांधिलकी तांणी उक्तायली.

पत्रकार परिशदेची एक खाशेली गजाल म्हळ्यार फिल्माची मुखेल अभिनेत्री शुभांगी दत्त हिची हाजीरी, जी 'तन्वी द ग्रेट’ चित्रपटा वरवीं  सिनेमॅटिक पदार्पण करता. कॅमेऱ्यासमोरच्या तिच्या पयल्या अणभवाचेर उलयतना शुभांगीन, अनुपम खेराच्या शिस्तबद्ध आनी अंतर्दृष्टीपूर्ण दिग्दर्शन पद्धतीविशीं आपले कौतुक उक्तायले. शुभांगीन, खेर हांचे “कठोर शिक्षक” म्हणून वर्णन केले, सांगले की तांच्या मार्गदर्शनाक लागून फक्त तिचे अभिनय कौशल्युच बळकट जावंक ना, तर तिका स्वतःची कलात्मक क्षमता सोदपाकय मदत जाली.  

‘तन्वी द ग्रेट’ आपल्या प्रेरणादायी संदेशाखातीर, कुशलतेन रचिल्ल्या पात्रांखातीर आनी भावनिक प्रवासा खातीर सतत तॊखणाय मेळयता. IFFIत ताका मेळील्लो प्रतिसाद चित्रपटाच्या वाढत्या वाटचालीत आनीक एक वाटचिरो,जो सगळ्या पिरायेच्या आनी वेग वेगळ्या  संस्कृतीक फाटभूंय आशिल्ल्या प्रेक्षकां मदीं ताची लोकप्रियता अधोरेखित करता.

पत्रकार परिशदेचे लिंक:

🎬✨Team 'Tanvi The Great' at the PIB Media Centre press conference during #IFFI56!

🎥 Film: Tanvi The Great
🎬 Director: @AnupamPKher

A powerful story of a 21-year-old girl on the autism spectrum who navigates life with kindness as her strength and music as her language.… pic.twitter.com/v06HuX2QQc

— PIB in Goa 🇮🇳 (@PIB_Panaji) November 22, 2025

"तन्वी द ग्रेट" च्या ट्रेलरचे लिंक:

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, Click on:

https://www.pib.gov.in/PressReleasePage.aspx?PRID=2191742

https://www.pib.gov.in/PressReleasePage.aspx?PRID=2190381

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56new/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/मोनाली प्रभू/दर्शना राणे | IFFI 56