धाडस आणि हृदयाचा प्रवास - तन्वी द ग्रेटने इफ्फीमध्ये प्रेक्षकांवर केले गारूड
“स्वाभाविकच्या विरुद्धार्थी अस्वाभाविक नसते, ते असाधारण असते”: अनुपम खेर
#IFFIWood, 22 नोव्हेंबर 2025
आंतरराष्ट्रीय चित्रपट महोत्सव (इफ्फी) मध्ये एक हृदयस्पर्शी चित्रपट आणि प्रेरणादायी कथाकथनाची संध्याकाळ आज अनुभवता आली. प्रसिद्ध चित्रपट निर्माते, अभिनेते आणि दिग्दर्शक अनुपम खेर यांनी त्यांचा नवीनतम दिग्दर्शनात्मक उपक्रम असलेला चित्रपट 'तन्वी द ग्रेट' सादर केला. ही कथा ऑटिझम स्पेक्ट्रममधील म्हणजेच स्वमग्नतेने ग्रासलेल्या एका असाधारण मुलीची आहे जी आपल्या वडिलांच्या पावलावर पाऊल ठेवून सैन्यात सामील होण्याचे स्वप्न पाहते, तिच्या स्वमग्नतेबद्दल गैरसमज असूनही खरी वीरता हृदयातून येते हे सिद्ध करते. महोत्सवातील चित्रपटाच्या प्रदर्शनानंतर अनुपम खेर यांनी चित्रपटातील तन्वी हिच्यासह माध्यमांशी संवाद साधला, ज्याला प्रेक्षक आणि प्रतिनिधींकडून असाधारणपणे उबदार आणि उत्साही प्रतिसाद मिळाला.
माध्यमांशी संवाद साधताना अनुपम खेर यांनी चित्रपटाच्या वैयक्तिक प्रासंगिकतेबद्दल सविस्तरपणे सांगितले. ते म्हणाले की ही कथा त्यांच्या वैयक्तिक आणि कौटुंबिक जीवनातील क्षणांशी अलवारपणे जोडलेली आहे, ज्यामुळे चित्रपट निर्माते म्हणून हा प्रकल्प त्यांच्यासाठी भावनिकदृष्ट्या महत्त्वाचा बनला आहे. ऑटिझम या विषयावर बोलताना अनुपम खेर म्हणाले की आपण अनेकदा "स्वाभाविक" च्या विरुद्धार्थीला "अस्वाभाविक" मानतो, परंतु सामान्यच्या विरुद्धार्थीला "असामान्य" देखील पाहिले जाऊ शकते. खेर यांनी यावर भर दिला की ते मानवी लवचिकता, सहानुभूती आणि परिवर्तनावर प्रकाश टाकणाऱ्या कथांकडे अधिकाधिक आकर्षित होत आहेत. "मानवी भावनांच्या गाभ्याला स्पर्श करणाऱ्या तसेच व्यक्तींना त्यांच्या जीवनात सकारात्मक आणि अर्थपूर्ण बदल घडवून आणण्यासाठी प्रेरित करणाऱ्या" चित्रपटांवर काम सुरू ठेवण्याची आपली वचनबद्धता त्यांनी व्यक्त केली.
पत्रकार परिषदेतील एक वलयांकित भाग म्हणजे चित्रपटातील मुख्य अभिनेत्री शुभांगी दत्तची उपस्थिती, जी तन्वी द ग्रेटमधून सिनेमॅटिक पदार्पण करत आहे. कॅमेऱ्यासमोरच्या आपल्या पहिल्या अनुभवाबद्दल बोलताना शुभांगीने अनुपम खेर यांच्या दिग्दर्शनाबद्दलच्या शिस्तबद्ध आणि अंतर्दृष्टीपूर्ण दृष्टिकोनाबद्दल कौतुकोद्गार काढले. तिने त्यांचे वर्णन "कठोर शिक्षक" असे केले, त्यांच्या मार्गदर्शनामुळे केवळ तिच्या अभिनयाला बळकटीच मिळाली नाही तर तिला स्वतःच्या कलात्मक क्षमतेचा शोध घेण्यास मदत झाली, असे आवर्जून सांगितले. शुभांगीने भविष्यात विविध प्रकारच्या चित्रपटांचा शोध घेण्यातील स्वारस्य व्यक्त केले, स्वतःच्या कलेला आव्हान देणाऱ्या आणि अर्थपूर्ण कथाकथनात योगदान देणाऱ्या भूमिका साकारण्याची आशा व्यक्त केली.
तन्वी द ग्रेट हा आपल्या प्रेरणादायी संदेशासाठी, परिपूर्णतेने रचलेल्या पात्रांसाठी आणि संबंधित भावनिक प्रवासासाठी प्रशंसा मिळवत आहे. इफ्फीमधील त्याचे स्वागत हा चित्रपटाच्या वाढत्या वाटचालीतील आणखी एक मैलाचा दगड आहे, ज्यामुळे सर्व वयोगटातील तसेच सांस्कृतिक पार्श्वभूमीतील प्रेक्षकांना वाटणारे त्याचे आकर्षण अधोरेखित होते.
पत्रकार परिषदेची लिंक:
Trailer link of “Tanvi The Great”:
इफ्फीविषयी
वर्ष 1952 मध्ये सुरु झालेला भारतीय आंतरराष्ट्रीय चित्रपट महोत्सव (इफ्फी) हा दक्षिण आशियात सर्वप्रथम सुरु झालेला आणि चित्रपटांशी संबंधित असा सर्वात मोठा उत्सव समजला जातो. राष्ट्रीय चित्रपट विकास महामंडळ (एनएफडीसी), केंद्रीय माहिती आणि प्रसारण मंत्रालय, एन्टरटेनमेंट सोसायटी ऑफ गोवा (ईएसजी) ही संस्था तसेच गोवा राज्य सरकार यांच्या संयुक्त विद्यमाने आयोजित होत असलेला हा महोत्सव आता, जेथे पुनर्संचयित अभिजात कलाकृती धाडसी प्रयोगांना सामोऱ्या जातात आणि दिग्गज कलाकार निर्भय नव-कलाकारांसोबत एकत्र येऊन काम करतात, अशा जागतिक चित्रपटीय शक्तीकेंद्राच्या रुपात उदयाला आला आहे. इफ्फीला खऱ्या अर्थाने चमकदार स्वरूप देणारे घटक म्हणजे त्यातील विजेसारख्या तळपणाऱ्या मिश्र आंतरराष्ट्रीय स्पर्धा, सांस्कृतिक सादरीकरणे, मास्टर क्लासेस,श्रद्धांजलीपर उपक्रम तसेच कल्पना, व्यवहार आणि सहयोगी संबंधांना झेप घेऊ देणारा, चैतन्याने भारलेला वेव्हज चित्रपट बाजार. गोव्यातील जबरदस्त आकर्षक समुद्रकिनाऱ्याच्या पार्श्वभूमीवर, 20 ते 28 नोव्हेंबर दरम्यान होत असलेला महोत्सवाचा 56 वा भाग भाषा, शैली, नवोन्मेष आणि आवाजांचा झळाळता पिसारा घेऊन जागतिक मंचावर भारताच्या सर्जक प्रतिभेचा गुंगवून टाकणारा सोहळा सादर करत आहे.
For more information, Click on:
https://www.pib.gov.in/PressReleasePage.aspx?PRID=2191742
https://www.pib.gov.in/PressReleasePage.aspx?PRID=2190381
IFFI Website: https://www.iffigoa.org/
PIB’s IFFI Microsite: https://www.pib.gov.in/iffi/56new/
PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F
X Handles: @IFFIGoa, @PIB_India, @PIB_Panaji
* * *
PIB IFFI CAST AND CREW | गोपाळ चिप्पलकट्टी/नंदिनी मथुरे/दर्शना राणे | IFFI 56
रिलीज़ आईडी:
2193003
| Visitor Counter:
5