#IFFIWood, 21 नोव्‍हेंबर 2025

56 वों आंतरराष्ट्रीय चित्रपट महोत्सव (इफ्फी) यादीं, अभिमान आणि चित्रपटसृष्टीतल्या  उर्जेच्या ल्हारेन पेटून उठलो, दिग्दर्शक कमलेश के. मिश्रा हांची नव निर्मिती काकोरी चित्रपटान महोत्सवाच्या प्रेक्षकांमुखार प्रभावशाली  प्रवेश केला. हो फक्त एक चित्रपट न्हय  जाल्यार, 1925 च्या म्हान काकोरी रेल्वे ऍक्शनाक ही एक शतमानी सलामी- हो चित्रपट म्हळ्यार भारताच्या स्वातंत्र्य संघर्शाची नाडी तार करपी एक धडपडपी कृती.

आयज एका पत्रकार परिशदेक संबोधीत करतना कमलेश हांणी काकोरीचें वर्णन अशे केलें- “उजो आनी बलिदानांतल्यान कोरांतिल्लो चित्रपट. अठ्ठेचाळीस वरां भितर चार क्रांतीकारी शहादत जाले-अशी घडणूक कोण विसरू शकता? तांचे  शौर्य आनी बलिदान अजूनय पिळग्यांनी मनात उरतले. 9 ऑगस्ट 2025 दिसा शताब्दी आसताना इतिहासानूच ही काणी प्रामाणीकपणान, खरपणान आनी पुराय भावनेन.परतून सांगपाक आपल्याक प्रेरित केले -”

Team of the film 'Kakori' during the Press Conference at the PIB Media Centre #IFFI56

Set against the turbulent backdrop of 1920s British India, Kakori marks the centenary of the legendary Kakori Rail Action, honoring the fearless revolutionaries who challenged colonial rule.… pic.twitter.com/Ijm3yKdkCw

— PIB in Goa 🇮🇳 (@PIB_Panaji) November 21, 2025

कमलेश हाणें चित्रपटाचो कणो आशिल्ल्या बारीकसाणीन केल्ल्या संशोधनाचेर भर दिलो. संग्रहातली पुस्तकां आनी खबरपत्रानी खोलायेन वचप ते नामनेच्या इतिहासकारांचो सल्लो घेवप आनी शाहजहांपूर सारक्या सुवातींनी मार्मिक स्मारकांक भेट दिवप मेरेन ह्या फिल्माच्या पंगडान खरें सार जाणून घेवपाखातीर  अविरत समर्पणान दरेक दिशेन  फाटलाव केलो. दर एका तथ्याक प्रामाणीकपणान आनी अचूकतेन मान दिवप हो आमचो हेत आशिल्लो अशें तांणी स्पश्ट केलें. "सुरवेक जें एक डॉक्युमेंटरी म्हणून सुरू जालें, तें ल्हवू ल्हवू पुरायपणान  सिनेमा अणभवांत विकसीत जालें. इतिहासाच्या अशा स्मारकीय अध्यायाक दृश्टीक आकर्शक अश्या तीस मिनटांच्या कथनांत सादर करप -तेच बरोबर ताचो भावनीक अनुनाद आनी इतिहासीक गुरुत्व तिगोवन दवरप," हेच खरें आव्हान आसले अशे कमलेश हाणें सांगले.

निर्मातो जसविंदर सिंगान कलाकारांच्या वचनबद्धतेची तोखणाय केली. "आमच्या कलाकारांनी क्रांतीकारकांक जीवीत केला .  हो सिनेमा म्हळ्यार तांच्या अदम्य आत्म्यांक आमची आर्गा. हो सिनेमा फुडल्या पिळग्यांमदीं  देशभक्तीची नवी भावना प्रेरीत करतलो अशी आस्त बाळगता", अशें तांणी म्हळें .

फिल्मा विशीं

भारत | २०२४ | हिंदी | ३१' | रंगीत

1920 दशकाच्या ब्रिटीश भारताच्या अशांत फाटभूंयेर तयार जाल्लो काकोरी हो चित्रपट, काकोरी रेल्वे ऍक्शनाची शताब्दी मनयताना  वसाहतवादी सत्तेक आव्हान दिवपी निर्भय क्रांतीकारकांचो सन्मान करता.  रामप्रसाद बिस्मिल, अशफाकुल्ला खान, चंद्रशेखर आझाद आनी तांच्या वांगड्याच्या फुडारपणा खाला धाडसी रेल्वे धाड घालून ब्रिटीश खजिन्याचो निधी जप्त करपाची हिंदुस्तान रिपब्लिकन असोसिएशनाची धडपडपी येवजण ह्या चित्रपटांतल्यान पळोवपाक मेळटा. भारताच्या स्वातंत्र्य संघर्शांतल्या एका व्याख्यात्मक खिणाक मुखार हाडटाना ही कथा क्रांतीकारांच्या आदर्शांत, साथीदारपणांत आनी टिकपी बलिदानांत खोलायेन वता. विश्वासघात, बंदखण, शहादत ह्या माध्यमांतल्यान काकोरी तरणाट्यांच्या  धैर्याचे आनी अखंड देशभक्तीचें एक  उत्तेजक  चित्रण म्हणून उदेता.

कलाकार आनी वांगडी 

दिग्दर्शक- कमलेश के मिश्रा
निर्माता - के एस आर ब्रदर्स
पटकथा- कमलेश के मिश्रा
सिनेमॅटोग्राफर- देव अग्रवाल
संपादक- अभिषेक वत्स, एरोन राम
संगीत दिग्दर्शक- बापी भट्टाचार्य
कलाकार- पीयूष सुहाने, मानवेंद्र त्रिपाठी, विकास श्रीवास्तव, संतोष कुमार ओझा, रजनीश कौशिक, हिरदेजीत सिंग

Watch the trailer here: https://drive.google.com/file/d/1LZNbiwdQ6e33ag-CIXbSfsUpnUcPs7QE/view?usp=drive_link

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, Click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56new/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56