परिचय

१९५२ देखि भारतीय अन्तर्राष्ट्रिय फिल्म महोत्सव (आईएफएफआई) प्रतिस्पर्धी फीचर फिल्म श्रेणीमा दक्षिण एशियाको एकमात्र अन्तर्राष्ट्रिय फिल्म निर्माता संघ (एफआईएपीएफ) मान्यता प्राप्त महोत्सव रहेको छ, जसले वैश्विक सिनेमाआई मानचित्रमा यसको महत्वलाई दर्शाउँदछ। विश्वका राम्रो फिल्महरूलाई भारतीय दर्शकहरूसम्म पुऱ्याउने उद्देश्यका साथ शुरू भएको यो प्रयास, पछिल्लो केही दशकहरूमा विभिन्न महाद्वीपहरूको फिल्म निर्माताहरू, सिनेमा प्रेमीहरू र रचनात्मक पेशेवरहरूको लागि एउटा जीवन्त स्थलमा परिणत भएको छ।

यस वर्ष यो महोत्सव २० नोभम्बरदेखि २८ नोभेम्बरसम्म आयोजित गरिनेछ, जसले गोवाको तटहरूबिच अझ एउटा मनमोहक संस्करणलाई जीवन्त बनाउनेछ। 

मूलत, आईएफएफआईले यो विश्वास बोकेको छ कि महान चलचित्र तब फस्टाउँदछ जब संस्कृतिहरूको मिलन हुँदछ। प्रत्येक संस्करणमा सांस्कृतिक रूपले समृद्ध फिल्महरूको विविध चयन प्रस्तुत गरिन्छ तथा प्रतिष्ठित उद्योग विशेषज्ञहरूद्वारा सावधानीपूर्वक छनौट गरिएका विविधतापूर्ण फिल्महरूको संग्रह प्रस्तुत गरिन्छ, जसले महोत्सवलाई कलात्मक उत्कृष्टताको लागि एउटा भरोसायोग्य मञ्चको रूपमा कायम राख्दछ। विशेष गरी यसको अन्तर्राष्ट्रिय चलचित्र खण्डले परम्परागत धारणालाई चुनौति दिने र कथनशैलीको शब्दावलीलाई विस्तार गर्ने कृतिहरू प्रस्तुत गर्दछ, जसले आईएफएफआई-को वर्षका सबैभन्दा प्रभावशाली वैश्विक आवाजहरू दर्शकसम्म पुऱ्याउने प्रतिबद्धतालाई पुन:पुष्टि गर्दछ।  

यस महोत्सवलाई २००४ मा गोवामा आफ्नो स्थायी घर प्राप्त भयो, जहाँ यसलाई राष्ट्रिय फिल्म विकास निगम (एनएफडीसी), सूचना एवं प्रसारण मन्त्रालय, भारत सरकार अनि इन्टरटेनमेन्ट सोसाइटी अफ गोवा (ईएसजी) द्वारा संयुक्त रूपमा आयोजित गरिन्छ। गोवाका तटहरूको मनोरम पृष्ठभूमिमा, आईएफएफआईलाई जुन कुराले वास्तवमा विशिष्ट बनाउँछ, त्यो हो यसको समावेशी सांस्कृतिक भावना। यो महोत्सवले भारतको व्यापक लोकाचार, एक भारत श्रेष्ठ भारतलाई प्रतिविम्बित गर्दछ, जसले विविध रचनाकारहरू, दर्शकहरू र कलात्मक परम्पराहरूलाई एक साथ ल्याउँदछ। चाहे महिलाहरूद्वारा नेतृत्व प्रदान गरिएको रचनात्मक दलहरूको बढ़दो भागीदारी होस्, युवा पेशेवरहरूको बढ़दो उपस्थिति होस् वा जनजातीय अनि स्वदेशी कथाहरूको प्रतिनिधित्व होस्, आईएफएफआईले ती आवाजहरूलाई स्थान दिँदछ जसले देशको गहिराई अनि विविधतालाई दर्शाउँदछ। यस समावेशिताले केवल रचनात्मक इकोसिस्टमलाई बलियो बनाउँदैन तर संस्कृति अनि अवसरलाई सबैको लागि सुलभ बनाउन भारतको प्रतिबद्धतालाई पनि प्रतिनिधित्व गर्दछ।

आईएफएफआई २०२५: नवाचार, समावेशिता अनि एउटा वैश्विक सिनेमाई अभिनय

यस वर्ष २० नोभेम्बरदेखि २८ नोभेम्बरसम्म गोवामा आयोजित हुने ५६ औं अन्तर्राष्ट्रिय फिल्म महोत्सवमा एउटा विस्तृत कार्यक्रम प्रस्तुत गरिनेछ जसले आईएफएफआईको बढ़दो वैश्विक ऊँचाईलाई दर्शाउँदछ। यो संस्करणले केन्द्रित देशको रूपमा जापानसित महोत्सवको अन्तर्राष्ट्रिय भागीदारीलाई अझ गहिरो बनाउनका साथै विभिन्न शैलीहरू र रूपहरूमा छवटा समकालीन जापानी फिल्महरूको प्रदर्शन प्रस्तुत गरिनेछ। स्पेन साझेदार देशको रूपमा अनि अस्ट्रेलियाले स्पटलाइट कन्ट्रीको रूपमा यस महोत्सवमा सामेल भइरहेको छ, दुवै देश आफ्नो-आफ्नो क्यूरेटेड पैकेज, संस्थागत सहयोग र सांस्कृतिक कार्यक्रम लिएर आइरहेको छ, जसले वैश्विक संवादलाई समृद्ध बनाउनेछ।   

कार्यक्रमको विस्तार, प्रीमियर अनि चयन

आईएफएफआई २०२५ मा ८१ देशहरूको २४० भन्दा अधिक फिल्महरूको एउटा असाधारण श्रृंखला प्रस्तुत गरिनेछ, जसमा १३ विश्व प्रीमियर, ५ अन्तर्राष्ट्रिय प्रीमियर अनि ४४ एशियाई प्रीमियर सामेल छ। १२७ देशहरूबाट प्राप्त रिकार्ड २,३१४ प्रविष्टहरू यस महोत्सवले बढ़दो वैश्विक लोकप्रियतालाई दर्शाउँदछ।

आईएफएफआई २०२५ को उद्घाटन फिल्म ब्राजीलका लेखक गैब्रियल मस्कारीको “द ब्लू ट्रेल”, जसले बर्लिनाले २०२५ मा सिल्भर बेयर ग्रान्ड ज्युरी पुरस्कार जितेको थियो। यस संस्करणलाई साहसी कथनशैली र सिनेमाटिक महत्वाकांक्षाले परिभाषित गर्ने अवसर प्रदान गर्दछ।

गाला प्रीमियर सेगमेन्टमा १८ फिल्महरू प्रदर्शित हुनेछ, जसमा १३ वर्ल्ड प्रीमियर, २ एशिया प्रीमियर, १ इण्डिया प्रीमियर अनि २ स्पेशल शोकेस स्क्रीनिंग सामेल छ। रेड कार्पेटमा प्रतिष्ठित कलाकारहरू अनि फिल्म निर्माताहरूलाई स्वागत गरिनेछ।

अन्तर्राष्ट्रिय प्रतियोगिताहरू र पुरस्कार

तीन प्रमुख अन्तर्राष्ट्रिय प्रतियोगिहरूमा पाँच महाद्वीपहरूको ३२ फिल्महरू सामेल हुनेछ, जसमा वर्षको केही सर्वाधिक चर्चित फिल्महरू पहिलोपल्ट भारतीय दर्शकहरूको अघि प्रस्तुत गरिनेछ। आईएफएफआई काँस, बर्लिनले, वेनिस, लोकार्नो, टीआईएफएफ, बुसान अनि आईएफएफआरको पुरस्कार विजेता फिल्महरू पनि प्रदर्शित गरिनेछ जसले उत्कृष्ट समकालीन सिनेमाको लागि भारतको प्रवेशद्वारको रूपमा आफ्नो भूमिकालाई अझ बलियो बनाउनेछ।

क्यूरेटेड सेक्शन

यस वर्षका कार्यक्रमहरूमा नौवटा क्यूरेटेड सेक्शन सामेल छ- डाक्यू-मोन्टेज, फेस्टिवल्स, राइजिङ स्टार्स, मिशन लाइफ, एक्सपेरीमेन्टल फिल्म्स, रिस्टोर्ड क्लासिक्स, मैकाब्रे ड्रीम्स, यूनिसेफ अनि सिनेमा अफ द वर्ल्ड/आईएफएफआईमा १५ प्रतिस्पर्धी अनि क्यूरेटेड सेगमेन्ट प्रस्तुत गरिनेछ, जसमा अन्तर्राष्ट्रिय प्रतियोगिता, कुनै निर्देशकको सर्वश्रेष्ठ पहिलो फीचर फिल्म अनि आईसीएफटी-यूनेस्को गान्धी पदक सामेल छ।

सेञ्चुरी ट्रीब्युट्स

भारतीय सिनेमाको केन्द्रिय विरासतहरूको उत्सव मनाउँदै, आईएफएफआई २०२५ मा गुरू दत्त, राज खोसला, ऋत्विक घटक, पी. भानुमति, भूपेन हजारिका अनि सलिल चौधरीको शताब्दीको सम्मान आयोजन गरिनेछ। मुसाफिर अनि सुवर्णरेखा जस्ता पुर्नस्थापित उत्कृष्ट कृतिहरूले दर्शकहरूलाई सिनेमाई विरासतको साथ दुर्लभ अनुभव प्रदान गर्नेछ।

रजनीकान्तको स्वर्ण जयन्ती 

आईएफएफआई २०२५ मा दिग्गज अभिनेता रजनीकान्तलाई सिनेमामा ५० वर्ष पूरा गरेकोमा सम्मानित गरिनेछ, जुन भारतीय फिल्म संस्कृतिमा उनको स्थायी प्रभावको उत्सव मनाउने एउटा महत्वपूर्ण अवसर हुनेछ। समापन समारोहमा उनलाई सम्मानित गरिनेछ, जसमा उनको प्रतिष्ठित कार्यहरू, व्यापक लोकप्रियता अनि दर्शकहरूसित भारतीय कथा सुनाउने कलालाई आकार दिनमा उनको योगदानलाई मान्यता दिइनेछ।

भारतीय पैनोरामा अनि न्यू हराइजन्स

भारतीय पैनोरामा २०२५ मा २५ फीचर फिल्महरू, २० गैर फीचर फिल्महरू अनि ५ पहिलो फीचर फिल्महरू प्रदर्शित गरिनेछ। उद्घाटन फीचर फिल्म अमरन (तमिल) हो, जबकि उद्घाटन गैर फीचर फिल्म कोकोरी हो।

एउटा विशेष न्यू हराइजन्स खण्डमा पाँच चयनित शिर्षकहरू प्रदर्शित गरिनेछ, जसलाई त्यसको नयाँ सिनेमाई दृष्टिकोणको लागि चुनिनेछ।

महिलाहरू, नवोदित आवाजहरू अनि उदीयमान प्रतिभाहरू

यस वर्ष आईएफएफआईको केन्द्रमा समावेशिता कायम छ, जसमा महिलाहरूद्वारा निर्देशित ५० भन्दा अधिक फिल्महरू तथा ५० भन्दा अधिक नयाँ कृतिहरू प्रदर्शित गरिनेछ। सर्वश्रेष्ठ नवोदित भारतीय निर्देशक पुरस्कारमा ५ लाख रूपियाँको नगद पुरस्कार प्रदान गरिनेछ, जबकि सर्वश्रेष्ठ वेब सीरीज पुरस्कारमा स्ट्रीमिंग सामग्रीमा उत्कृष्टताको लागि १० लाख रूपियाँको पुरस्कार प्रदान गरिनेछ।  

हिजका रचनात्मक प्रतिभाहरू

सीएमओटी कार्यक्रमको विस्तार जारी छ अनि यस वर्ष ७९९ प्रविष्टहरू प्राप्त भएको छ अनि १३ फिल्म निर्माण क्षेत्रहहरूको प्रतिनिधित्व गर्ने १२४ चयनित सहभागी सामेल छन्। शर्टसटीवीको सहयोगमा ४८ घण्टाको फिल्म निर्माण चुनौति यसको मुख्य आकर्षण बनेको छ।

मास्टरक्लास, पैनल अनि इन्टरैक्टिव कार्यक्रम ज्ञान श्रृंखला

महोत्सवमा आउने मानिसहरूले २१ मास्टरक्लास अनि पैनल चर्चाहरूको आनन्द लिन सक्नेछन्, जसमा विधु विनोद चोपड़ा, अनुपम खेर, क्रिस्टोफर चार्ल्स कार्बोल्ड ओबाई, बाबी देओल, आमिर खान, सुहासिनी मणिरत्नम, पीट ड्रेपर, श्रीकर प्रसाद जस्ता दिग्गज सामेल रहनेछन्। सत्र डिजिटल युगमा सम्पादन अनि अभिनयदेखि लिए स्थिरता, रंगमञ्च अभिनय, एआई अनि वीएफएक्स तक्नीकहरूसम्म विस्तृत हुनेछ। 

यस वर्षका मुख्य कुराहरू

वेब्स फिल्म बजार: भारतको रचनात्मक बजार वैश्विक भइरहेको छ

भारतको प्रमुख फिल्म बजार- जसलाई पहिला केवल फिल्म बजारको नामले जानिन्थ्यो अनि अहिले वेब्स फिल्म बजारको रूपमा पुनर्कल्पित गरिएको छ। २००७ देखि एशियाको सबैभन्दा प्रभावशाली सह-निर्माण अनि कन्टेन्ट-खोज प्लेटफार्महरूमध्ये एउटा बनेको छ। आईएफएफआईको साथ प्रतिवर्ष आयोजित हुने यो बजार एउटा यस्तो स्थल बनेको छ जहाँ भारतीय कथाकार, वैश्विक निर्माता, महोत्सव क्यूरेटर, प्रौद्योगिकी साझेदार अनि निवेशक भविष्यका फिल्महरूलाई आकार दिनका लागि एकत्रित हुँदछन्।

यस वर्ष के हुँदैछ

१९ औं संस्करण २० नोभेम्बर देखि २४ नोभेम्बर २०२५ सम्म एउटा महत्वपूर्ण रूपले विस्तारित अनि अधिक गतिशील बजाल लिएर आइरहेको छ। यस वर्षको बजार आफ्नो वैश्विक उपस्थितिलाई यी विशेषताहरूको साथ बलियो बनाइन्दैछ:

अन्तर्राष्ट्रिय वित्तपोषण अनि महोत्सव प्रसारको लागि चयनित क्यूरेटेड परियोजनाहरू सहित फीचर अनि वृत्तचित्रहरूको लागि एउटा बलियो सह-निर्माण बजार।

पटकथा लेखकहरूको प्रयोगशाला (स्क्रीनराइटर्स), कार्य-प्रगति प्रयोगशाला )वर्क-इन-प्रोग्रेस ल्याब) अनि तीव्र गतिमा बढ़दै गएको अवलोकन कक्ष (व्युइंग रूम), निर्माताहरू अनि बिक्री एजेन्टहरूको विविध भाषाहरू अनि शैलीहरूमा नयाँ आवाजहरू खोज्न सक्षम बनाउनेछ।

एउटा पुनर्जीवित ज्ञान श्रृंखला (नलेज सीरीज) जसमा पिचिंग सत्र, देश अनि राज्यको शोकेस अनि उत्पादन, वितरण अनि कथा सुनाउने उदीयमान साधनहरूमाथि व्यावहारिक कार्यशालाहरू सामेल छन्।

समर्पित मण्डपहरू, प्रतिनिधिमण्डलहरू अनि स्टलहरूको माध्यमबाट अन्तर्राष्ट्रिय सहभागितालाई बढ़ाइएको छ, जसमा दसदेखि अधिक भारतीय राज्यहरू अनि धेरै साझेदार देशहरूको प्रोत्साहनहरूको बारेमा बताइएको छ।

तक्निक, सहयोग अनि नयाँ प्रतिभाहरूमाथि बढ़दो जोरको साथ, वेब्स फिल्म बजार, आईएफएफआईमा रचनात्मक आदान-प्रदानको केन्द्र बनिएको छ-जहाँ परियोजनाहरूको खोजी हुँदछ, साझेदारीहरू बन्दछ अनि सिनेमाको अघिल्लो पिढ़ीले आफ्नो पहिलो समर्थकहरू पाउँदछन्।

आईएफएफआईईएसटीए (इफिएस्टा)

यस वर्ष आफ्नो शुरूवात गर्दै, इफिएस्टा आईएफएफआईको ५६ औं संस्करणमा एउटा जीवन्त सांस्कृतिक पटल पेश गरिंदैछ। इफिएस्टा २०२५, गोवामा २१ देखि २४ नोभेम्बरसम्म साँझको जीवन्त संगीत, भावपूर्ण प्रत्यक्ष प्रदर्शन अनि सांस्कृतिक कथा सुनाउने कुरासित सम्बन्धित कार्यक्रम आदि हुनेछ। ध्वनि अनि रंगमञ्चलाई उत्सवको रूपमा डिजाइन गरिएको छ, यो महोत्सवले दर्शकहरूको समकालीन स्वतन्त्र संगीतदेखि लिएर शास्त्रीय कला अनि जीवन्त नाट्य क्षणहरूसम्म, प्रत्येक कुराको अनुभव गर्ने अवसर प्रदान गर्नेछ। युवा प्रतिभाहरू, अनुभवी कलाकारहरू अनि विविध शैलीहरूको साथ, इफिएस्टाको लक्ष्य एउटा यस्तो माहौल बनाउनु हो जहाँ मानिसहरू आनन्द लिन सकून्, भाग लिन सकून् अनि एउटा साझा सांस्कृतिक अनुभवको हिस्सा बनेको अनुभव गर्न सकून्।

कार्यक्रम सूची

सिनेमएआई हैकाथन

राष्ट्रीय फिल्म विकास निगम (एएफडीसी) अनि एलटीआईमाइन्डट्रीको सहयागमा वेब्स फिल्म बजारद्वारा आयोजित, सिनेमएआई हैकाथन, भारतीय अन्तर्राष्ट्रिय फिल्म महोत्सव (आईएफएफआई) को ५६ औं संस्करण अन्तर्गत आयोजित हुने पहिलो एआई फिल्म हैकाथन हो। यसले कथा सुनाउने कला, तक्निक अनि नवाचारलाई एक साथ ल्याउँदछ।

यस वर्ष के हुँदैछ

यो हैकाथन संसारभरिका १८ वर्ष अनि त्यसभन्दा अधिक आयुका व्यक्तिहरू वा दलहरू (५ सदस्यीयसम्म) को लागि खुल्ला छ। १ नोभेम्बर २०२५ देखि प्रविष्टहरू जमा गर्न आरम्भ भइसकेको छ अनि अन्तिम मिति १० नोभेम्बर निर्धारित गरिएको छ। अन्तिम रूपमा चयनित दलहरूको घोषणा लगभग १६ नोभेम्बरमा गरिनेछ।

चयनित दसवटा दलहरूले आईएफएफआईको अवधि ४८ घण्टाको रचनात्मक स्प्रिन्टमा भाग लिनेछन् (विषय २० नोभेम्बरको दिन घोषणा गरिनेछ)। प्रत्येक दलले पूर्ण रूपले एआई उपकरणहरूको उपयोग गरेर १-२ मिनटको एउटा लघु फिल्मको अवधारणा, निर्माण अनि सम्पादन गर्नुपर्नेछ।

मान्यता अनि पुरस्कारहरू यस प्रकार छ:

विजेता फिल्महरूको प्रीमियर आईएफएफआई गोवामा हुनेछ अनि ती फिल्महरूलाई एनएफडीसी र एलटीआईमाइन्डट्री प्लेटफर्ममा प्रदर्शित गरिनेछ।

आईएफएफआईको यात्रा: सम्झना र विकास

आईएफएफआईको स्थापना १९५२ मा, भारतको स्वतन्त्रताको तुरन्तै पछि, राष्ट्रको स्वतन्त्रता संग्रामको मूल्यहरू- न्याय, स्वतन्त्रता, समानता, बन्धुत्व, अहिंसा, विविधतामा एकता अनि एकजुटताको प्रतिकको रूपमा भएको थियो। भारत सरकारको फिल्म प्रभागद्वारा आयोजित, यसले वसुधैव कुटुम्बकम (विश्व एउटा परिवार हो) को वैदिक दर्शनको मूर्त रूप दिंदछ। यो वाक्यांश अहिंसा अनि शान्तिपूर्ण सह-अस्तित्वको भारतीय अवधारणाको उदाहरण हो।

उद्घाटन संस्करण २४ जनवरीदेखि १ फरवरी, १९५२ सम्म मुम्बईमा आयोजित गरिएको थियो, जसमा लगभग ४० फीचर फिल्महरू अनि १०० लघु फिल्महरू प्रदर्शित गरिएको थियो। यसपछि यसले मद्रास, दिल्ली अनि कलकत्ताको यात्रा गऱ्यो, जसबाट दक्षिण एशियाका प्रमुख आयोजनको रूपमा वैश्विक फिल्म समारोह सर्किटमा भारतको प्रवेश भयो।

१९५२ मा आफ्नो स्थापनापछि, आईएफएफआई भारतमा आफ्नो प्रकारको सबैभन्दा ठूलो आयोजन रहेको छ। यसपछिको संस्करण नयाँ दिल्लीमा आयोजित गरिएको थियो। जनवरी १९६५ मा आफ्नो तेस्रो संस्करणपछि, आईएफएफआई प्रतिस्पर्धी भयो। १९७५ मा, फिल्मोत्सवको एउटा गैर-प्रतिस्पर्धी महोत्सवको रूपमा शुरू गरियो। जुन अलग-अलग फिल्म निर्माण शहरहरूमा दोस्रो वर्ष आयोजित गरिन्थ्यो। पछिबाट, फिल्मोत्सवहरूको आईएफएफआईमा विलय गरियो। २००४ मा, यस महोत्सवलाई गोवामा स्थायी रूपमा स्थापित गरियो अनि अहिले यो प्रत्येक वर्ष एउटा प्रतिस्पर्धी आयोजनको रूपमा त्यहाँ आयोजित गरिन्छ।   

आईएफएफआई का रणनीतिक प्रभाव: सिनेमा, संस्कृति  अनि वाणिज्यलाई बढ़ावा

आईएफएफआई, एशियाको सबैभन्दा पुरानो अनि भारतका प्रमुख सिनेमाई मञ्चको रूपमा विकसित भएको छ। सूचना एवं प्रसारण मन्त्रालय अनि गोवा सरकारद्वारा  समर्थित, यसले भारतीय सिनेमामा सफ्ट पावर डिप्लोमेसी, उद्योग विकास र नवाचारलाई बढ़ावा दिंदछ। यसैले, आईएफएफआई धेरै अर्थहरूमा महत्वपूर्ण छ।

सांस्कृतिक महत्व: भारतीय अनि विश्व सिनेमाबिच सेतुको निर्माण

भारतीय अन्तर्राष्ट्रिय फिल्म महोत्सव केवल एउटा स्क्रीनिंग सथल भन्दा धेरै अधिक हो, यो एउटा सरकार समर्थित मञ्च हो जसले भारतीय सिनेमालाई वैश्विक संवादमा स्थान दिंदछ। आईएफएफआईले भारतीय सिनेमालाई विश्वसित जोड़ने अनि विश्व सिनेमालाई भारतमा ल्याउने उद्देश्यले विभिन्न शैलीहरू, संस्कृतिहरू अनि भाषाहरूका फिल्महरूको खोज, समर्थन अनि प्रचारको लागि काम गर्दछ। ‘वसुधैव कुटुम्बकम’ (विश्व एउटा परिवार हो) का आदर्श वाक्य अनुरूप अघि बढ़दै, यस महोत्सवले भारतीय सिनेमा अनि विश्व सिनेमाबिच संवादलाई सुगम बनाएको छ। 

विश्वभरि भारतको कूटनीतिक अनि व्यापारिक सम्बन्धहरूलाई मजबूत बनाउनमा फिल्महरू एउटा सफल माध्यम रहेको छ। अनि भारतको सौम्य शक्तिलाई प्रदर्शित गर्ने अनि नयाँ अवसरहरूको मार्ग प्रशस्त गर्नमा फिल्महरूको भूमिका महत्वपूर्ण रहेको छ। भारतले हरेक वर्ष २० भन्दा अधिक भाषाहरूमा २,००० भन्दा अधिक फिल्महरूको निर्माण गर्दछ, जुन विश्वमा सबैभन्दा अधिक हो।

फिल्म बजार अनि सह-निर्माणको अवसर

२००७ देखि आईएफएफआईको साथ आयोजित हुने वेब्स फिल्म बजारले, एउटा सह-निर्माण बजार, कार्य प्रगति प्रयोगशालाहरू, अवलोकन कक्ष अनि नेटवर्किंग कार्यक्रम आयोजित गर्दछ जसले महोत्सवको ध्यानलाई वित्तपोषण, वितरण अनि महोत्सव रणनीतिहरूमा परिवर्तित गर्दछ। फिल्म बजारको क्यूरेटेड कार्यक्रमहरूले भारतीय परियोजनाहरूको लागि सह-निर्माण, बिक्री, अनि अन्तर्राष्ट्रिय महोत्सव प्लेसमेन्टलाई सीधा सुगम बनाउँदछ, जसबाट फिल्म निर्देशक र निर्माताहरूको लागि ठोस करियर अनि राजस्वको मार्ग तयार भएको छ। भारतको प्रमुख फिल्म बजारको १९ औं संस्करण, वेब्स फिल्म बजार, सह-निर्माण अनि वितरणका अवसरहरूको लागि ३०० भन्दा अधिक फिल्म परियोजनाहरू प्रस्तुत गर्नेछ अनि विजेता प्रविष्टहरूलाई $२०,००० मूल्यको नगद पुरस्कार प्रदान गरिनेछ।    

एवीजीसी-एक्सआर उद्योग विकास

आईएफएफआईमा एउटा समर्पित तक्निकी मण्डप, वीएफएक्स, एनीमेशन अनि सीजीआईमा नवाचारहरूलाई प्रदर्शित गर्दछ, जुन महोत्सवको तक्निकी रचनात्मकताको थीम अनुरूप छ। सूचना एवं प्रसारण मन्त्रालयको वेब्स पहल अन्तर्गत वेबएक्स प्लेटफर्मले मीडिया, मनोरञ्जन, एभीजीसी (एनीमेशन,भिजुअल,इफेक्ट्स, गेमिंग, कमिक्स) अनि एक्सआर (एक्सटेन्डेड रियालिटी) क्षेत्रहरूमा  स्टार्टअप्सको समर्थन दिनको लागि इन्क्यूबेशन सेन्टर स्थापित गरिएको छ।

एभीजीसी-एक्सआरको लागि एउटा राष्ट्रीय उत्कृष्टता केन्द्र, भारतीय रचनात्मक प्रौद्योगिकी संस्थान (आईआईसीटी) को उद्देश्य एनभीडिया, गुगल, एडोब, मेटा अनि माइक्रोसफ्ट सहित वैश्विक उद्योग दिग्गजहरूको साथ साझेदारी गरेर एनीमेश, भिजुअल इफेक्ट्स, गेमिङ, कमिक्स, फिल्म अनि एक्सटेन्डेड रियलिटीमा नवाचार, अनुसन्धान अनि विकासलाई बढ़ावा दिनु हो।   

गोवामा पर्यटन अनि आर्थिक प्रभाव

गोवाको स्थायी आतिथ्यको रूपमा, आईएफएफआईले पर्यटलाई बढ़ावा दिंदछ अनि विश्वभरिका पर्यटकहरूलाई आकर्षित गर्दछ अनि स्थानीय अर्थव्यवस्थालाई पनि प्रोत्साहित गर्दछ। इन्टरटेनमेन्ट सोसाइटी अफ गोवा, एकल खिड़की प्रणालीको माध्यमबाट गोवामा फिल्म शूटिंगको लागि सबै प्रक्रियाहरू अनि अनुमतिहरूलाई सुगम बनाउँदछ, अनि प्रत्येक वर्ष गोवामा आयोजित हुने अन्तर्राष्ट्रिय फिल्म महोत्सवले फिल्म पर्यटनलाई महत्वपूर्ण रूपले बढ़ावा दिंदछ। गोवाका मुख्यमन्त्री प्रमोद सावन्तले भने कि आईएफएफआई अनि गोवा आपसमा राम्री जोड़िएको छ, जसको कारण यो महोत्सव कैलेण्डरको एउटा प्रमुख आयोजन बनेको छ, अनि यसलाई विश्वस्तरीय अनुभव बनाउनको लागि प्रत्येक वर्ष आधारभूत ढाँचाको सुधार गरिंदैछ।  

निष्कर्ष

जसो-जसो ५६ औं आईएफएफआई महोत्सवको शुरूवात भइरहेको छ, यो महोत्सव विरासत अनि नवाचारको एउटा आकर्षक मोड़मा उभिएको छ। सिनेमाई दिग्गजहरूलाई खुशी मनाउनदेखि  लिएर आवाजहरूलाई अघि बढ़ाउनसम्म, पुनर्स्थापित क्लासिक्सको प्रदर्शनदेखि लिएर एआई-सञ्चालित रचनात्मकताको सम्भावनाहरूलाई अपनाउनसम्म, आईएफएफआईले एउटा यस्तो मञ्चको रूपमा आफ्नो भूमिकाको पुष्टि गर्दै आइरहेको छ जहाँ कथा सुनाउने अतीत, वर्तमान र भविष्यलाई एकै साथ आउँदछ। आफ्नो विस्तारित कार्यक्रमहरू, वैश्विक साझेदारीहरू अनि पहिले आईएफएफआईईएसटीए-को माध्यमबाट एउटा नयाँ सांस्कृतिक आयामको साथ, यस वर्षको महोत्सव दर्शकहरूलाई केवल हेर्ने अनुभव भन्दा केही अधिक प्रदान गर्ने वाचा गर्दछ- यसले एउटा जीवन्त, विकसित हुँदै गरेको सांस्कृतिक यात्रामा भागीदारीको अवसर प्रदान गर्दछ। 

कलाकारहरू, दर्शकहरू, रचनाकारहरू अनि समुदायहरूलाई एकै साथ लिएर, आईएफएफआई सिनेमाका सीमाहरू, भाषाहरू अनि कल्पनाहरूदेखि टाड़ाका मानिसहरूलाई जोड़ने अमेट शक्तिको प्रमाण बनेको छ। गोवाले एउटा स्मरणीय आयोजनको तैयारी गरिरहेको छ, अनि यो महोत्सव आशावाद, रचनात्मकता अनि आउने कथाहरूमा अटुट विश्वासको साथ अघि बढ़ी रहेको छ।

***************

एमपीएस/टीडब्ल्यूबी