ঙসি প্রধান মন্ত্রী শ্রী নরেন্দ্র মোদীনা তামিল নাদুগী কোয়েম্বতোরদা সাউথ ইন্দিয়া নেচরেল ফার্মিং সম্মিৎ ২০২৫ দা ৱা ঙাংখ্রে। থৌরম অদুদা ৱা ঙাংবদা, প্রধান মন্ত্রীনা কোয়েম্বতোরগী শেংলবা লমদমদা মরুধামালাইগী ভগবন মুরুগানগী মফমদা ইকায়খুম্নবা উৎলদুনা মহাক্না ৱা ঙাংবা হৌখি। মহাক্না হায়খি কোয়েম্বতোর অসি নাৎ, মীনুংশি অমসুং অনৌবা থবকশিংগী লমদম অমনি অমসুং মফম অসি খা ভারতকী ওন্ত্রেপ্রেন্যুরশিপকী মপাঙ্গলগী মফম অমনি। সহরগী তেক্সতাইলগী থবকশিংনা লৈবাক অসিগী শেন্মিৎলোন্দা য়াম্না চাউবা মতেং পাংলি। সহর অসিগী হান্নগী এম.পি শ্রী সি.পি রাধকৃষ্ণন হৌজিক লৈবাক অসিগী উপ-রাষ্ট্রপতি ওইদুনা হৌজিক কোয়েম্বতোর মখা তানা মশক খঙনরে।

মহৌশাগী লৌউ-শিংউগী থবক অসি মহাক্কী থম্মোয়গা য়াম্না নকশিন্নবা হিরম অমনি হায়না ফোঙদোক্লদুনা, প্রধান মন্ত্রীনা সাউথ ইন্দিয়া নেচরেল ফার্মিং সম্মিৎ শীনবগীদমক তামিল নাদুগী লৌমী ইনাওশিং অমসুং ইচলশিংদা মহাক্না য়াইফ পাউজেল পীখি। থৌরম অসিদা শরুক য়াখিবা লৌমীশিং, লৌউ-শিংউগী বিজ্ঞান্নিকশিং, উদ্যোগকী মীওইশিং, ষ্টার্দঅপশিং অমসুং ইন্নোবেতরশিংদা প্রধান মন্ত্রীনা থাগৎপা ফোঙদোকখি।

প্রধান মন্ত্রীনা হায়খি লাক্লিবা চহিশিংদা ভারতকী লৌউ-শিংউদা অচৌবা অওনবশিং পুরক্নবা মহাক্না পান্দম থম্লি। মহৌশাগী লৌউ-শিংউগী থবক্ত মালেমগী মফম অমা ওইরক্নবা লম্বীদা ভারত লৈরে। ভারতকী বাইওদাইভর্সিতি অসি অওনবা লাক্লি অমসুং ভারতকী নহারোলশিংনা লৌউ-শিংউ অসি অনৌবা মতমগী অমসুং লাইনা ফংবা ঙম্বা খুদোংচাবা অমা ওইনা মশক খঙবা হেনগৎলক্লি। অহোংবা অসিনা খুঙ্গংগী শেন্মিৎলোন মপুংফানা ফগৎহনগনি।

হৌখিবা চহি ১১ দা লৌউ-শিংউগী হিরমদা শিংথানিঙাই ওইনা অহোংবা লাকখিবা অদু পল্লদুনা, প্রধান মন্ত্রীনা হায়খি ভারতকী লৌউ-শিংউগী পোৎথোকশিং মপান্দা থাদোকপা শরুক অনি হেনগৎলে অমসুং লৌউ-শিংউগী থবক মতমগা চুন্না পায়খৎনবা লৌমশিং মতেং পাংনবা পীবা য়াবা খুদোংচাবশিং সরকারনা পীরে। চহি অসিদা কিষান ক্রেদিৎ কার্দ স্কিমনা লৌমীশিংদা লুপা করোর লাখ ১০ হেন্না ফংহনখ্রে। চহি ৭ গী মমাঙদা শা-ষন লোইবা লৌমীশিং অমসুং ঙামীশিংদা কিষান ক্রেদিৎ কার্দগী কান্নবশিং ফংহনখিবদগী, হিরমশিং অসিদা থবক তৌরিবা লৌমীশিং খুদোংচাবা মপুংফানা ফংলে। বাইও-ফর্তিলাইজরদা জি.এস.তি হন্থবা অসিনা মখা তানা লৌমীশিংদা কান্নবা ফংহল্লে।

প্রধান মন্ত্রীনা হায়খি ঙাইহাক্কী মমাঙদা, মফম অসিদগী, লৈবাক শীনবা থুংবগী লৌমীশিংদা পি.এম-কিষান সম্মান নিধিগী ২১শুবা ইন্সতোলমেন্ত থাদোক্তুনা লৌমীশিংদা লুপা করোর ১৮,০০০ ফংহনখ্রে। তামিল নাদুদা লৌমী লাখ কয়া মখোয়গী একাউন্তশিংদা শেনফমশিং ফংলে। স্কিম অসিগী মখাদা হৌজিক ফাওবদা, লায়রবা লৌমীশিংগী বেঙ্ক একাউন্তশিংদা লুপা করোর লাখ ৪ হকথেংননা ফংহনখ্রে অমসুং লৌউ-শিংগী মখোয়গী দরকার ওইবশিং ফংহনখ্রে। থবক অসিগী কান্নবা ফংলবা লৌমী করোর কয়াদা প্রধান মন্ত্রীনা মহাক্কী য়াইফ পাউজেল পীখ্রে। 

মহৌশাগী লৌউ-শিংউগী থবক পাকথোক-চাউথোকহনবা অসি ২১শুবা চহিচাগী দরকার ওইবনি হায়না ফোঙদোক্লদুনা, প্রধান মন্ত্রীনা হায়খি দরকার ওইবা হেনগৎলকপদগী লৌবুকশিং অমসুং লৌউ-শিংউগা মরী লৈনবা হিরমশিংদা কেমিকেলশিং শীজিন্নবা অঙকপা ফংনা হেনগৎলক্লি। কা হেন্না কেমিকেলগী হারশিং অমসুং তিলহাৎ হিদাকশিং শীজিন্নবনা লৈবাক লৈহাও মাঙশিল্লকই, লৈবাক লৈহাওদা ইনিল লৈবা হন্থরকই অমসুং চহি কয়াগী মতুংদা লৌ উবদা শেন চঙবা হেনগৎলকই। মসি কোকহন্নবা পাম্বৈশিংদি মহৈ-মরোং মখল কয়া থোক্না থাবা অমসুং মহৌশাগী লৌউ-শিংউগী থবক পায়খৎপনি।

লৈবাক লৈহাওগী ফিবম অমুক হন্না ফগৎহনবা অমসুং মহৈ-মরোংশিংগী মহাও লৈবা হেনগৎহনবগী মতাংদা পল্লদুনা, প্রধান মন্ত্রীনা হায়খি লৈবাক অসি মহৌশাগী লৌউ-শিংউগী থবক্কী মাইকৈদা চঙশিনগদবনি। মসি মঙলান অমনি অমসুং দরকার ওইবা অমনি। মতম অদু খক্তদা তুংগী মীরোলশিংগীদমক ঐখোয়না ঐখোয়গী বাইওদাইভর্সিতি ঙাক-শেনবা ঙমগনি। অইং-অশাগী খল হোংলকপা অমসুং নোংজু-নুংশাগী শাথিরবা ফিবমশিং মায়োক্নবদা মহৌশাগী লৌউ-শিংউগী থবক্না ঐখোয়গী মতেং পাংলি, ঐখোয়গী লৈবাক লৈহাও ফগৎহল্লি অমসুং হকচাং শোকপা কেমিকেলশিংদগী মীওইশিং ঙাকথোকই। মরুওইবা মিসন অসি খুমাঙচাউশিনহনবদা ঙসিগী থৌরম অসিনা মরুওইবা থৌদাং অমা লৌগনি।

প্রধান মন্ত্রীনা হায়খি মহৌশাগী লৌউ-শিংউগী থবক পায়খৎনবা ভারত সরকারনা থৱায় য়াওনা লৌমীশিংগী পুক্নিং থৌগৎলি। চহি অমগী মমাঙদা, কেন্দ্র সরকারনা নেসনেল মিসন ওন নেচরেল ফার্মিং হৌদোক্তুনা লৌমী লাখ কয়াগা শম্নরে। হৌজিক তামিল নাদু খক্তদা লম হেক্তর ৩৫,০০০ রোমদা ওর্গনিক অমসুং মহৌশাগী লৌউ-শিংউগী থবক পায়খৎতুনা থবক অসিগী কান্নবা খা ভারত শীনবা থুংনা উরে।

প্রধান মন্ত্রীনা হায়খি মদুদি মহৌশাগী লৌউ-শিংউগী থবক্কী ৱাখল্লোন অসি মপান লৈবাকশিংদগী পুশিল্লকপা নত্তে-চৎনবীদগী পোক্লকখিবনি অমসুং মহৌশাগী অকোয়বগী ফিবমগা চুনরে। খা ভারতকী লৌমীশিংনা পঞ্চগাব্যা, জিবামরিত,বীজামরিত অমসুং মুলচিংগুম্বা মমাংঙৈদগী লৈরক্লবা মহৌশাগী লৌউ-শিংউগী থবক পায়খৎপদা হরাওই। হায়রিবা থবকশিং অসিনা লৈবাক লৈহাও ফগৎহল্লি, মহৈ-মরোশিং কেমিকেল য়াওহন্দে অমসুং লৌ উবদা চঙবা শেনফম হন্থহল্লি।

প্রধান মন্ত্রীনা হায়খি মহৌশাগী লৌউ-শিংউগী থবক অসিগা শ্রী অন্না-মিলেতশিং থাবগা পুনশিনবনা মালেম ইমা ঙাক-শেনবদা মরুওইবা থৌদাং অমা লৌরি। তামিল নাদুদা, খোইহি অমসুং শ্রী অন্নদগী শেম্বা তেনুম তিনাই মাভুম ভগবন মুরুগান্দা কৎলি। তামিল লমদমগী কাম্বু অমসুং সমাইগুম্বা মিলেতশিং, কেরলা অমসুং কর্নাতকাগী রাগী অমসুং তেলুগু ঙাংবা রাজ্যশিংগী সাজা অমসুং জোন্না মীরোল কয়াগী চীঞ্জাকশিংগী শরুক অমা ওইদুনা লাক্লি।

প্রধান মন্ত্রীনা হায়খি কান্নরবা চীঞ্জাক অসি মালেমগী কৈথেলশিংদা য়ৌহন্নবা সরকারনা থবক পায়খৎলে অমসুং মখোয় মালেমগী লৈবাকশিংদা য়ৌহনবদা মহৌশাগী লৌউ-শিংউগী থবক অমসুং কেমিকেল য়াওদবা লৌ উবগী থবক্না মরুওইবা থৌদাং অমা লৌগনি। পাংথোক্লিবা মীফম অসিদা অসিগুম্বা থবকশিংগী খন্ন-নৈনবশিং য়াওহনগদবনি।

মহৈ-মরোং মখল অমা খক থাবগী মহুত্ত তোঙান তোঙানবা মহৈ-মরোংশিং থাবগী থবক য়োকখৎনবা মহাক্না অপীল তৌরদুনা, প্রধান মন্ত্রীনা হায়খি হিরম অসিগী মতাংদা খা ভারতকী রাজ্য কয়া ইথিলগী হৌরকফম অমা ওইরি। কেরলা অমসুং কর্নাতকাগী চীঙগী শরুকশিংদা থাক-থাক নাইদুনা লৌউ-শিংউগী থবক পায়খৎপা উরে। লৌফম অমদা, য়ুবী, ক্বা অমসুং উহৈ পানবা পাম্বীশিং থারে অমসুং মদুগী মখাদা স্পাইসশিং অমসুং ব্লেক পেপর থারে। অপীকপা লৌবুক অমদা মহৈ-মরোংশিং পুন্না থাবা অসি মহৌশাগী লৌউ-শিংউগী থবক্কী নুঙগী ওইবা ৱাখল্লোন্নি। অসিগুম্বা লৌউ-শিংউগী নমুনা অসি ভারত শীনবা থুংবগী থাক্ত য়োকখৎকদবনি। লৈবাক অসিগী তোঙান তোঙানবা মফমশিংদা অসিগুম্বা থবকশিং কমদৌনা পায়খৎকদগে হায়বগী মতাংদা রাজ্য সরকারশিংনা খন্নগদবনি।

প্রধান মন্ত্রীনা হায়খি খা ভারত লৌউ-শিংউগী অহিংবা য়ুনিভর্সিতি অমনি। লমদম অসিদা মালেমদা খ্বাইদগী লিরবা মথৌ পাংথোক্লিবা দাম খর লৈরি অমসুং কালিঙ্গরায়ান কেনেল ১৩ শুবা চহিচাদা শাখিবনি। লমদম অসিগী লাইশঙদা লৈরিবা ইকোনশিংনা তোঙান তোঙানবা মফমশিংদা ঈশিং তুংশিন্দুনা থম্বগী থবকশিংগী নমুনাশিং ওইরে। লৌ-শিংউগী থবকশিংগীদমক তুরেলগী ঈশিং শীজিন্নদুনা চহি লিশিং কয়াগী মমাঙদা লমদম অসিনা সাইন্তিফিক ওইনা ঈশিং শীজিন্নবগী থবকশিংদা মাঙজিল থাখি। মহৌশাগী লৌউ-শিংউগী থবক্ত লমদম অসিনা লৈবাক অসি লমজিংগনি হায়না থাজৈ।

বিকসিত ভারত অমগীদমক তুংগী লৌউ-শিংউগী থবক অমা শেমগৎনবা অপুনবগী থবকশিং দরকার ওইরে হায়না পল্লদুনা, প্রধান মন্ত্রীনা হায়খি লৌমীশিংনা “একর অমা, কুম অমা” পাংথোকপা হৌগদবনি অমসুং ফলশিংদা য়ুম্ফম ওইদুনা মাঙলোমদা চঙশিনগদবনি। বিজ্ঞান্নিকশিং অমসুং রিছার্স ইন্সতিতুসনশিংনা মহৌশাগী লৌউ-শিংউগী থবক অসি এগ্রিকচরল করিকুলমগী মরুওইবা শরুক অমা ওইহনগদবনি, লৌমীশিংগী লৌবুকশিং অহিংবা লেবোরেতোরিশিং ওইনা লৌনবা মখোয়গী পুক্নিং থৌগৎকদবনি। ঐখোয়গী পান্দমদি মহৌশাগী লৌউ-শিংউগী থবক অসি বিজ্ঞান্না মপুংফানা শৌগৎপা খোঙজং অমা ওইহনবনি

প্রধান মন্ত্রীনা মখা তানা হায়খি মদুদি খোঙজং অসিদা রাজ্য সরকারশিং অমসুং ফার্মর প্রদুসর ওর্গনাইজেসনশিংগী মরুওইবা থৌদাং অমা লৈরি। হৌখিবা চহি খরদা লৈবাক অসিদা ফার্মর প্রদুসর ওর্গনাইজেসন ১০,০০০ শেমখ্রে। মখোয়না শৌগৎতুনা, লায়রবা লৌমীশিংগী ক্লষ্টরশিং শেম্লে, চামথোক্নবা, য়োম্নবা অমসুং শেম-শানবা খুদোংচাবশিং ফংহল্লে অমসুং ই-নামগুম্বা ওনলাইন কৈথেলশিংগা হকথেংননা শম্নরে। মমাংঙৈগী লৌশিং, সাইন্সকী মপাঙ্গল অমসুং সরকারগী মতেং পুন্না চৎমিন্নবা মতমদা, লৌমীশিং নুংঙাই য়াইফগনি অমসুং মালেম ইমা মশা ফনা লৈগনি।

সম্মিৎ অসিনা লৈবাক অসিদা মহৌশাগী লৌউ-শিংউগী থবক্ত অনৌবা মাইকৈ অমা তাক্কনি অমসুং মফম অসিদগী অনৌবা ৱাখল্লোনশিং অমসুং পাম্বৈশিং থোক্লক্কনি হায়বগী থাজবা ফোঙদোক্লদুনা প্রধান মন্ত্রীগী ৱারোল লোইশিনখি।

থৌরম অদুদা শরুক য়াখিবা অতোপ্পা শক্নাইরবা মীওইশিংগী মনুংদা তামিল নাদুগী রাজ্যপাল শ্রী আর.এন রবি, য়ুনিয়ন মিনিষ্টর দোক্তর এল. মুরুগান য়াওখি।

নুঙগীৱারোল

নবেম্বর ১৯-২১, ২০২৫ ফাওবা পাংথোক্লিবা সাউথ ইন্দিয়া নেচরেল ফার্মিং সম্মিৎ অসি তমিল নাদু নেচরেল ফার্মিং স্তেক হোলদর্স ফোরমনা শীনবনি। সম্মিৎ অসিনা সস্তেনেবল, ইকো-ফ্রেন্দলী অমসুং কেমিকেল ফ্রী ওইবা লৌউ-শিংউগী থবকশিং ফগৎহন্নবা অমসুং নেচরেল অমসুং ভারত্তা লৌউ-শিংউবগী তুংলমচৎকীদমক্তা তৌবা য়াবা, নিংথিবা অইং-অশা অমসুং শেল য়াম্না চংদবা মোদেলগী মওংদা মহৌশাগী ওইবা অমসুং অমুক হন্না শেমগৎপা য়াবা লৌউ-শিংউদা অহোংবা পুরকপদা খোংজেল য়াংখৎহনবদা পান্দম থম্মি।

ওর্গানিক ইনপুৎশিং, এগ্রো-প্রোসেসিং, ইকো-ফ্রেন্দলী পেকেজিং অমসুং ইরমগী ওইবা তেক্নোলোজীশিংদা ইনোভেতিব ওইবা ময়ামদা উৎপগী তাল্লক অসিদা সম্মিৎ অসিনা লৌমীগী পোত্থোক পুথোকপগী লুপশিং অমদি খুঙ্গংগী ওন্তর্প্রিন্যুরশিংগীদমক্তা মার্কেৎকী লিঙ্ক লৈহনবদসু ফোকস তৌগনি। থৌরম অসিদা তমিল নাদু, পুদুচেরী, কেরলা, তেলঙ্গনা, কর্নাতকা অমসুং অন্ধ্র প্রদেশকী লৌমী, নেচরেল ফার্মিং তৌবশিং, বৈজ্ঞানিকশিং, ওর্গানিক ইনপুৎ সপ্লাই তৌবশিং, য়োল্লিবশিং অমসুং স্তেকহোলদর ৫০,০০০ দগী হেনবনা শরুক য়াগনি।

Addressing the South India Natural Farming Summit in Coimbatore.
https://t.co/HdaKob48Gx

— Narendra Modi (@narendramodi) November 19, 2025

India is on the path to becoming the global hub of natural farming. pic.twitter.com/7rsJEXtojO

— PMO India (@PMOIndia) November 19, 2025

The youth of India are increasingly recognising agriculture as a modern and scalable opportunity.

This will greatly empower the rural economy. pic.twitter.com/kv4NGRmYrr

— PMO India (@PMOIndia) November 19, 2025

Natural farming is India’s own indigenous idea. It is rooted in our traditions and suited to our environment. pic.twitter.com/BV3gEHVE7n

— PMO India (@PMOIndia) November 19, 2025

One Acre, One Season...

PM @narendramodi’s request to farmers to practice natural farming on one acre of land for one season. pic.twitter.com/mOqgeaKxiI

— PMO India (@PMOIndia) November 19, 2025

Our goal must be to make natural farming a fully science-backed movement. pic.twitter.com/rKypedTdqP

— PMO India (@PMOIndia) November 19, 2025

***