ਕਰਮਚਾਰੀ ਭਵਿੱਖ ਫੰਡ ਸੰਗਠਨ (ਈਪੀਐੱਫਓ) ਨੇ ਪਹਿਲੀ ਵਾਰ ਭਾਰਤ ਮੰਡਪਮ, ਨਵੀਂ ਦਿੱਲੀ ਵਿਖੇ ਆਯੋਜਿਤ ਭਾਰਤ ਅੰਤਰਰਾਸ਼ਟਰੀ ਵਪਾਰ ਮੇਲਾ (ਆਈਆਈਟੀਐੱਫ ) 2025 ਵਿੱਚ ਆਪਣੇ ਅਤਿ-ਆਧੁਨਿਕ ਪਵੇਲੀਅਨ ਦਾ ਆਯੋਜਨ ਕੀਤਾ । ਇਸ ਪਵੇਲੀਅਨ ਦਾ ਰਸਮੀ ਉਦਘਾਟਨ ਕੇਂਦਰੀ ਕਿਰਤ ਅਤੇ ਰੁਜ਼ਗਾਰ ਮੰਤਰੀ ਡਾ. ਮਨਸੁਖ ਮਾਂਡਵੀਆ ਨੇ ਕੇਂਦਰੀ ਕਿਰਤ ਅਤੇ ਰੁਜ਼ਗਾਰ ਰਾਜ ਮੰਤਰੀ ਸ਼੍ਰੀਮਤੀ ਸ਼ੋਭਾ ਕਰੰਦਲਾਜੇ, ਕੇਂਦਰੀ ਭਵਿੱਖ ਫੰਡ ਕਮਿਸ਼ਨਰ ਸ਼੍ਰੀ ਰਮੇਸ਼ ਕ੍ਰਿਸ਼ਨਾਮੂਰਤੀ ਅਤੇ ਕਿਰਤ ਅਤੇ ਰੁਜ਼ਗਾਰ ਮੰਤਰਾਲੇ, ਈਪੀਐੱਫਓ ​​ਦੇ ਸੀਨੀਅਰ ਅਧਿਕਾਰੀਆਂ ਅਤੇ ਮੁੱਖ ਹਿਤਧਾਰਕਾਂ ਦੀ ਮੌਜੂਦਗੀ ਵਿੱਚ ਕੀਤਾ।

ਡਾ. ਮਨਸੁਖ ਮਾਂਡਵੀਆ ਨੇ ਇੰਡੀਆ ਇੰਟਰਨੈਸ਼ਨਲ ਟ੍ਰੇਡ ਫੇਅਰ (ਆਈਆਈਟੀਐੱਫ) 2025 ਵਿੱਚ ਈਪੀਐੱਫਓ ​​ਪੈਵੇਲੀਅਨ ਦਾ ਉਦਘਾਟਨ ਕਰਨ 'ਤੇ ਬਹੁਤ ਖੁਸ਼ੀ ਪ੍ਰਗਟ ਕੀਤੀ। ਉਨ੍ਹਾਂ ਕਿਹਾ ਕਿ ਆਈਆਈਟੀਐੱਫ ਹਮੇਸ਼ਾ ਭਾਰਤ ਦੀ ਵਿਕਾਸ ਯਾਤਰਾ ਨੂੰ ਪ੍ਰਦਰਸ਼ਿਤ ਕਰਨ ਲਈ ਇੱਕ ਮਹੱਤਵਪੂਰਨ ਪਲੈਟਫਾਰਮ ਵਜੋਂ ਕੰਮ ਕਰਦਾ ਰਿਹਾ ਹੈ ਅਤੇ ਇਸ ਸਾਲ, ਈਪੀਐੱਫਓ ​​ਨੇ ਆਈਆਈਟੀਐੱਫ ਵਿੱਚ ਆਪਣੀ ਸ਼ੁਰੂਆਤ ਕੀਤੀ ਹੈ। ਇਹ ਇੱਕ ਨਵੀਂ ਅਤੇ ਆਧੁਨਿਕ ਪਛਾਣ ਪੇਸ਼ ਕਰਦਾ ਹੈ, ਜੋ ਪਾਰਦਰਸ਼ਿਤਾ, ਕੁਸ਼ਲਤਾ ਅਤੇ ਵਿਆਪਕ ਸੇਵਾ ਪ੍ਰਦਾਨ ਕਰਨ ਦਾ ਪ੍ਰਤੀਕ ਹੈ। ਡਾ. ਮੰਡਾਵੀਆ ਨੇ ਭਾਰਤ ਦੇ ਸਮਾਜਿਕ ਸੁਰੱਖਿਆ ਢਾਂਚੇ ਨੂੰ ਮਜ਼ਬੂਤ ​​ਕਰਨ ਵਿੱਚ ਈਪੀਐੱਫਓ ​​ਦੀ ਨਿਰੰਤਰ ਪ੍ਰਗਤੀ ਦੀ ਸ਼ਲਾਘਾ ਕੀਤੀ ਅਤੇ ਕਾਰਜਬਲ ਲਈ ਵਿੱਤੀ ਸਨਮਾਨ ਨੂੰ ਯਕੀਨੀ ਬਣਾਉਣ ਵਿੱਚ ਸੰਗਠਨ ਦੀ ਮਹੱਤਵਪੂਰਨ ਭੂਮਿਕਾ 'ਤੇ ਜ਼ੋਰ ਦਿੱਤਾ।

ਉਨ੍ਹਾਂ ਨੇ ਰੇਖਾਂਕਿਤ ਕੀਤਾ ਕਿ ਈਪੀਐੱਫਓ ​​ਲੰਬੇ ਸਮੇਂ ਤੋਂ ਦੇਸ਼ ਭਰ ਦੇ ਕਰੋੜਾਂ ਕਾਮਿਆਂ ਲਈ ਵਿੱਤੀ ਸੁਰੱਖਿਆ ਦੇ ਥੰਮ੍ਹ ਵਜੋਂ ਕੰਮ ਕਰਦਾ ਆ ਰਿਹਾ ਹੈ। ਪਿਛਲੇ ਕੁਝ ਸਾਲਾਂ ਦੌਰਾਨ, ਸੰਗਠਨ ਨੇ ਮੈਨੂਅਲ ਪ੍ਰਕਿਰਿਆਵਾਂ ਤੋਂ ਇੱਕ ਸਹਿਜ ਡਿਜੀਟਲ ਪਲੈਟਫਾਰਮ ਵੱਲ ਤਬਦੀਲੀ ਕੀਤੀ ਹੈ, ਇਹ ਯਕੀਨੀ ਬਣਾਉਂਦੇ ਹੋਏ ਕਿ ਪ੍ਰੌਵੀਡੈਂਟ ਫੰਡ ਸੇਵਾਵਾਂ ਹਰੇਕ ਕਾਮੇ - ਰਸਮੀ ਜਾਂ ਗਿਗ, ਸ਼ਹਿਰੀ ਜਾਂ ਗ੍ਰਾਮੀਣ - ਤੱਕ ਬਰਾਬਰ ਗਤੀ ਅਤੇ ਮਰਿਆਦਾ ਨਾਲ ਪਹੁੰਚਣ।

ਡਾ. ਮਾਂਡਵੀਆ ਨੇ ਕਿਹਾ ਕਿ ਪਿਛਲੇ ਸਾਲ, ਈਪੀਐਫਓ ਨੇ ਆਪਣੇ ਡਿਜੀਟਲ ਈਕੋਸਿਸਟਮ ਨੂੰ ਮਜ਼ਬੂਤ ​​ਕਰਨ ਲਈ ਫੈਸਲਾਕੁੰਨ ਕਦਮ ਚੁੱਕੇ ਹਨ। ਅੱਪਗ੍ਰੇਡ ਕੀਤਾ ਗਿਆ ਯੂਨੀਫਾਇਡ ਪੋਰਟਲ, ਈਪੀਐੱਫਓ ਵੈੱਬਸਾਈਟ ਦਾ ਨਵੀਨੀਕਰਣ, ਸਰਲ ਦਾਅਵਿਆਂ ਦੀ ਪ੍ਰਕਿਰਿਆ, ਅਸਲ-ਸਮੇਂ ਵਿੱਚ ਸ਼ਿਕਾਇਤ ਨਿਵਾਰਨ, ਪੇਪਰਲੈੱਸ ਔਨਬੋਰਡਿੰਗ, ਅਤੇ ਡਿਜੀਟਲ ਲਾਈਫ ਸਰਟੀਫਿਕੇਟ ਰਾਹੀਂ ਪੈਨਸ਼ਨਰਾਂ ਲਈ ਦਰਵਾਜ਼ੇ 'ਤੇ ਸਹਾਇਤਾ ਨੇ ਸਮੂਹਿਕ ਤੌਰ 'ਤੇ ਨਾਗਰਿਕ ਅਨੁਭਵ ਨੂੰ ਬਿਹਤਰ ਬਣਾਇਆ ਹੈ।

ਡਾ. ਮਾਂਡਵੀਆ ਨੇ ਕਿਹਾ ਕਿ ਇਹ ਪਵੇਲੀਅਨ ਸਿਰਫ਼ ਸੇਵਾਵਾਂ ਦਾ ਪ੍ਰਦਰਸ਼ਨ ਨਹੀਂ ਹੈ, ਸਗੋਂ "ਭਵਿੱਖ ਲਈ ਤਿਆਰ, ਮੈਂਬਰ-ਕੇਂਦ੍ਰਿਤ ਅਤੇ ਟੈਕਨੋਲੋਜੀ-ਸੰਚਾਲਿਤ" ਬਣਨ ਲਈ ਈਪੀਐੱਫਓ ​​ਦੀ ਵਚਨਬੱਧਤਾ ਦਾ ਪ੍ਰਤੀਕ ਹੈ। ਉਨ੍ਹਾਂ ਕਿਹਾ ਕਿ ਇਹ ਪਵੇਲੀਅਨ ਦਰਸਾਉਂਦਾ ਹੈ ਕਿ ਕਿਵੇਂ ਡਿਜੀਟਲ ਜਨਤਕ ਸੇਵਾਵਾਂ ਵਿਅਕਤੀਆਂ ਨੂੰ ਸਸ਼ਕਤ ਬਣਾ ਸਕਦੀਆਂ ਹਨ, ਉੱਦਮਾਂ ਦਾ ਸਮਰਥਨ ਕਰ ਸਕਦੀਆਂ ਹਨ, ਅਤੇ ਨਾਗਰਿਕਾਂ ਅਤੇ ਸੰਸਥਾਵਾਂ ਵਿਚਕਾਰ ਵਿਸ਼ਵਾਸ ਨੂੰ ਮਜ਼ਬੂਤ ​​ਕਰ ਸਕਦੀਆਂ ਹਨ। 

ਉਨ੍ਹਾਂ ਨੇ ਵਿਜ਼ਿਟਰਾਂ, ਮਾਲਕਾਂ ਅਤੇ ਨੌਜਵਾਨ ਨਾਗਰਿਕਾਂ ਨੂੰ ਪਵੇਲੀਅਨ ਦੀ ਪੜਚੋਲ ਕਰਨ, ਇਸ ਦੀਆਂ ਪੇਸ਼ਕਾਰੀਆਂ ਨਾਲ ਜੁੜਨ ਅਤੇ ਸਮਾਜਿਕ ਸੁਰੱਖਿਆ ਦੇ ਮਹੱਤਵ ਨੂੰ ਸਮਝਣ ਦਾ ਸੱਦਾ ਦਿੱਤਾ। ਉਨ੍ਹਾਂ ਨੇ ਈਪੀਐੱਫਓ ਟੀਮ ਨੂੰ ਇੱਕ ਜਾਣਕਾਰੀ ਭਰਪੂਰ, ਇੰਟਰਐਕਟਿਵ ਅਤੇ ਦੂਰਦਰਸ਼ੀ ਪਵੇਲੀਅਨ ਬਣਾਉਣ ਲਈ ਵੀ ਵਧਾਈ ਦਿੱਤੀ, ਜੋ ਸਾਰਿਆਂ ਲਈ ਸਮਾਜਿਕ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਦੇ ਰਾਸ਼ਟਰੀ ਦ੍ਰਿਸ਼ਟੀਕੋਣ ਦੇ ਅਨੁਸਾਰ ਹੈ।

ਸੁਸ਼੍ਰੀ ਸ਼ੋਭਾ ਕਰੰਦਲਾਜੇ ਨੇ ਵੀ ਇਸ ਪਹਿਲਕਦਮੀ ਲਈ ਈਪੀਐੱਫਓ ਨੂੰ ਵਧਾਈ ਦਿੱਤੀ ਅਤੇ ਸੰਗਠਨ ਨੂੰ ਵਿਜ਼ਿਟਰਾਂ ਨੂੰ ਤੁਰੰਤ ਸੇਵਾਵਾਂ ਅਤੇ ਜਾਣਕਾਰੀ ਪ੍ਰਦਾਨ ਕਰਨ ਵਿੱਚ ਮਦਦ ਕਰਨ ਦੀ ਅਪੀਲ ਕੀਤੀ।

ਈਪੀਐੱਫਓ ਪਵੇਲੀਅਨ ਇੱਕ ਭਵਿੱਖ ਲਈ ਤਿਆਰ, ਨਾਗਰਿਕ-ਕੇਂਦ੍ਰਿਤ ਡਿਜੀਟਲ ਅਨੁਭਵ ਪ੍ਰਦਰਸ਼ਿਤ ਕਰਦਾ ਹੈ ਜੋ ਭਾਰਤ ਸਰਕਾਰ ਦੇ 'ਈਜ਼ ਆਫ ਲਿਵਿੰਗ' ਅਤੇ 'ਡਿਜੀਟਲ ਪਬਲਿਕ ਸਰਵਿਸਿਜ਼ ਫਾਰ ਆਲ' ਦੇ ਦ੍ਰਿਸ਼ਟੀਕੋਣ ਦੇ ਅਨੁਸਾਰ ਹੈ। ਵਿਜ਼ਿਟਰ ਪੈਨਸ਼ਨ ਸਹੂਲਤ ਜ਼ੋਨ, ਮਾਲਕ ਹੈਲਪਡੈਸਕ, ਈ-ਸਰਵਿਸਿਜ਼ ਡੈਮੋਸਟ੍ਰੇਸ਼ਨ ਅਤੇ ਈਪੀਐੱਫ, ਈਪੀਐੱਸ, ਈਡੀਐੱਲਆਈ, ਪੀਐੱਮ-ਵੀਬੀਆਰਵਾਈ ਵਰਗੀਆਂ ਸਮਾਜਿਕ ਸੁਰੱਖਿਆ ਯੋਜਨਾਵਾਂ ਅਤੇ ਨਵੀਂ ਐਲਾਨੀ ਗਈ ਕਰਮਚਾਰੀ ਨਾਮਾਂਕਣ ਯੋਜਨਾ 2025 'ਤੇ ਜਾਗਰੂਕਤਾ ਕੌਰਨਰ ਦਾ ਪਤਾ ਲਗਾ ਸਕਦੇ ਹਨ।

ਈਪੀਐਫਓ ਮਾਹਰ ਹਰੇਕ ਡੈਸਕ 'ਤੇ ਮੌਜੂਦ ਹਨ ਅਤੇ ਸੇਵਾਵਾਂ ਤੱਕ ਸਿੱਧੀ ਪਹੁੰਚ ਪ੍ਰਦਾਨ ਕਰਦੇ ਹਨ। ਵਿਜ਼ਿਟਰ ਪਵੇਲੀਅਨ 'ਤੇ ਦਾਅਵੇ, ਸੰਯੁਕਤ ਘੋਸ਼ਣਾ ਪੱਤਰ, ਯੂਏਐੱਨ (ਯੂਨੀਫਾਇਡ ਅਕਾਊਂਟ ਨੰਬਰ) ਤਿਆਰ ਕਰ ਸਕਦੇ ਹਨ, ਅਤੇ ਡਿਜੀਟਲ ਲਾਈਫ ਸਰਟੀਫਿਕੇਟ  ਜਮ੍ਹਾਂ ਕਰ ਸਕਦੇ ਹਨ। ਈਪੀਐਫਓ ​​ ਪਵੇਲੀਅਨ ਵਿਜ਼ਿਟਰਾਂ ਲਈ ਇੱਕ ਇੰਟਰਐਕਟਿਵ ਅਤੇ ਦਿਲਚਸਪ ਅਨੁਭਵ ਪ੍ਰਦਾਨ ਕਰਦਾ ਹੈ। ਟਚ-ਸਕ੍ਰੀਨ ਕਿਓਸਕ ਉਪਭੋਗਤਾਵਾਂ ਨੂੰ ਇੱਕ ਜਾਣਕਾਰੀ ਭਰਪੂਰ ਕੁਇਜ਼ ਰਾਹੀਂ ਪ੍ਰਕਿਰਿਆ-ਸਿਖਲਾਈ ਵੀਡੀਓ ਦੇਖਣ, ਮੁੱਖ ਪ੍ਰਕਾਸ਼ਨਾਂ ਦਾ ਅਧਿਐਨ ਕਰਨ ਅਤੇ ਈਪੀਐੱਫਓ ​​ਸੇਵਾਵਾਂ ਨੂੰ ਸਮਝਣ ਦੇ ਯੋਗ ਬਣਾਉਂਦੇ ਹਨ। ਜਾਗਰੂਕਤਾ ਵਧਾਉਣ ਲਈ ਵੱਡੀਆਂ ਡਿਸਪਲੇ ਸਕ੍ਰੀਨਾਂ 'ਤੇ ਵਿਦਿਅਕ ਸਮੱਗਰੀ ਲਗਾਤਾਰ ਪ੍ਰਦਰਸ਼ਿਤ ਕੀਤੀ ਜਾਂਦੀ ਹੈ।

ਸਾਰੇ ਉਮਰ ਵਰਗ ਦੇ ਲੋਕਾਂ ਲਈ ਅਨੁਭਵ ਨੂੰ ਮਜ਼ੇਦਾਰ ਬਣਾਉਣ ਲਈ, ਪਵੇਲੀਅਨ ਵਿੱਚ ਬੱਚਿਆਂ ਦਾ ਖੇਡ ਖੇਤਰ, ਨੁੱਕੜ ਨਾਟਕ, ਕਠਪੁਤਲੀ ਸ਼ੋਅ ਅਤੇ ਇੱਕ ਸੈਲਫੀ ਬੂਥ ਹੈ। ਵਿਜ਼ਿਟਰ ਸੋਸ਼ਲ ਮੀਡੀਆ ਸੈਲਫੀ ਗਤੀਵਿਧੀਆਂ ਵਿੱਚ ਹਿੱਸਾ ਲੈ ਸਕਦੇ ਹਨ, ਜਦਕਿ ਬੱਚੇ ਪੇਂਟਿੰਗ ਮੁਕਾਬਲੇ ਵਿੱਚ ਹਿੱਸਾ ਲੈ ਸਕਦੇ ਹਨ। ਇਹ ਗਤੀਵਿਧੀਆਂ ਭਾਗੀਦਾਰਾਂ ਲਈ ਦਿਲਚਸਪ ਸਰਪ੍ਰਾਈਜ਼ ਤੋਹਫ਼ੇ ਪੇਸ਼ ਕਰਦੀਆਂ ਹਨ, ਜੋ ਪਵੇਲੀਅਨ ਨੂੰ ਜਾਣਕਾਰੀ ਭਰਪੂਰ ਅਤੇ ਮਨੋਰੰਜਕ ਬਣਾਉਂਦੀਆਂ ਹਨ।

****

ਰਿਣੀ ਚੌਧਰੀ/ਏਕੇ