భారతదేశపు ప్రతిష్ఠాత్మక చలనచిత్ర మార్కెట్- వేవ్స్ ఫిల్మ్ బజార్‌ 19వ ఎడిషన్.. భారీ సహ-నిర్మాణ మార్కెట్టు అంశాలతో తిరిగి వస్తోంది. గతంలో ఫిల్మ్ బజార్‌ పేరుతో పిలిచిన ఈ ఉత్సవం నేడు వేవ్స్- ఫిలిం బజార్ అన్న కొత్తపేరుతో కొత్త రూపును సంతరించుకున్నది. అంతర్జాతీయ, చలనచిత్ర ఉత్సవాలలో ప్రదర్శనల కోసం ఎంపిక చేసిన పూర్తి నిడివి చిత్రాలతోనూ, డాక్యుమెంటరీలతోనూ సిద్ధంగా ఉంది. 56వ భారత అంతర్జాతీయ చలనచిత్రోత్సవం (ఐఎఫ్ఎఫ్ఐ) సందర్భంగా 2025 నవంబర్ 20 నుంచి 24 వరకు గోవాలోని మారియట్ రిసార్ట్‌లో వేవ్స్ ఫిల్మ్ బజార్‌ను నిర్వహించనున్నారు.

రాబోయే 19వ ఎడిషన్‌లో వేవ్స్ ఫిల్మ్ బజార్ ప్రపంచవ్యాప్త కథాంశాలను ప్రతిబింబించే 22 ఫీచర్ ఫిల్మ్ ప్రాజెక్టులను ప్రదర్శించనుంది. సహ-నిర్మాణ మార్కెట్‌ కోసం భారత్‌తో పాటు ఫ్రాన్స్, బ్రిటన్, కెనడా, అమెరికా, రష్యా, ఫిలిప్పీన్స్, సింగపూర్ దేశాల నుంచి వచ్చిన కళాత్మకమైన ప్రాజెక్టులను ఎంపికచేశారు. వైవిధ్యభరితమైన సినిమాల్లో హిందీ, ఉర్దూ, బెంగాలీ, మణిపురి, తంగ్‌ఖుల్, నేపాలీ, మలయాళం, హర్యాన్వీ, ఇంగ్లిష్, గుజరాతీ, లడఖీ, కొంకణి, కన్నడ, మరాఠీ, పంజాబీ, కాశ్మీరీ, రష్యన్, సంస్కృతం, ఒడియా భాషల కథలు ఉన్నాయి. ఎంపికైన చలనచిత్ర నిర్మాతలు 'ఓపెన్ పిచ్' సెషన్ సమయంలో అంతర్జాతీయ, భారతీయ నిర్మాతలు, పంపిణీదారులు, ఫెస్టివల్ నిర్వాహకులు, ఆర్థిక సహాయకులు, విక్రయ ఏజెంట్ల ముందు ప్రాజెక్టులను ప్రదర్శించే అవకాశం ఉంది. ఇది భవిష్యత్తులో పరస్పరం సమావేశమయ్యేందుకు, నిర్మాణ భాగస్వామ్యాలను ఏర్పాటు చేసుకునేందుకు పునాది వేస్తుంది.

ఈ విడతలోని సహ-నిర్మాణ మార్కెట్ లో భాగంగా అయిదు డాక్యుమెంటరీ చిత్రాలు కూడా ఉన్నాయి. ఎంపికైన ఈ అయిదు అద్భుతమైన డాక్యుమెంటరీ ప్రాజెక్టుల్లో కళలు, సంగీతం, సంస్కృతి, పర్యావరణం, సుస్థిరత, విద్య, మహిళా ఉద్యమాలు, లైంగికత, మానవ శాస్త్రం వంటి వివిధ అంశాలతో సహా అనేక విభాగాలకు సంబంధించినవి ఉన్నాయి.

ఈ సంవత్సరం సహ-నిర్మాణ మార్కెట్టులో అనుభవజ్ఞులైన పరిశ్రమ దిగ్గజాలు, కొత్తగా వస్తున్న ప్రతిభావంతుల మధ్య ఆలోచనాత్మకమైన సమతుల్యత కనిపిస్తోంది. ఈ జాబితాలో కిరణ్ రావు, విక్రమాదిత్య మోత్వానే, శకున్ బాత్రా, దేవాశిష్ మఖిజా, ఇరా దూబే, సరితా పాటిల్, షౌనక్ సేన్, బాఫ్టా అవార్డు గ్రహీత బెన్ క్రైటన్ వంటి ప్రముఖ చలనచిత్ర దర్శకులు, సృజనకర్తలు ఉన్నారు.

వేవ్స్ ఫిల్మ్ బజార్‌లో పాల్గొంటున్నట్లు ఏషియా టీవీ ఫోరమ్ అండ్ మార్కెట్‌ (ఏటీఎఫ్) ప్రకటించింది. ప్రాజెక్ట్ క్రాస్-ఎక్స్ఛేంజ్ కార్యక్రమం‌లో భాగంగా సహ-నిర్మాణ మార్కెట్ ఫీచర్‌లో ‘గ్లోరియా’ అనే ప్రాజెక్ట్‌ను చేర్చనున్నారు.

‘ఎన్ఎఫ్‌డీసీ’కి (జాతీయ చలనచిత్ర అభివృద్ధి సంస్థ)‌ ప్రత్యేకంగా ఎంపింక చేసిన మూడు చిత్రాలను సహ-నిర్మాణ మార్కెట్ సినిమాల విభాగంలో చేర్చనున్నారు. ఇందులో ‘షేమ్డ్’, ‘స్మాష్’, ‘టైగర్ ఇన్ ది లయన్ డెన్’లను ఎంపిక చేశారు.

సహ-నిర్మాణ ప్రాజెక్టులు

1. ఉల్టా (మేడమ్) | భారత్, ఫ్రాన్స్, కెనడా | హిందీ

దర్శకులు - పరోమితా ధర్, నిర్మాతలు - హ్యాష్ తన్మోయ్

2. దోస్ హూ ఫ్ల్యూ | భారత్ | హిందీ, ఉర్దూ, బెంగాలీ

దర్శకులు - సౌమ్యక్ కాంతి డీ బిస్వాస్, నిర్మాతలు - ఇరా దూబే

3. ఖేయ్-హే (రాత్రి, పగలు) | భారత్ | పౌలా/మణిపురి/నేపాలీ/ఇంగ్లీష్

దర్శకులు - అశోక్ వైలౌ, నిర్మాతలు - షౌనక్ సూర్, ప్రతీక్ బాగి, అలెగ్జాండర్ లియో పౌ

4. ది మేనేజర్ | భారత్ | మలయాళం

దర్శకులు - సందీప్ శ్రీలేఖ, నిర్మాతలు - అనుజ్ త్యాగి, విపిన్ రాధాకృష్ణన్

5. వాట్ రిమెయిన్స్ అన్‌సెడ్ | భారత్ | హర్యాన్వీ, హిందీ, ఇంగ్లీష్

దర్శకులు - కల్లోల్ ముఖర్జీ, నిర్మాతలు - దేవాశిష్ మఖిజా, హర్ష్ గ్రోవర్, ఆదిత్య గ్రోవర్

6. కాందా (నో ఆనియన్స్) | భారత్ | గుజరాతీ, హిందీ

దర్శకులు - ఆర్తి నెహర్ష్, నిర్మాతలు - శకున్ బాత్రా, డింపీ అగర్వాల్

7. కాక్‌తేట్ (ఇడియట్) | భారత్, ఫ్రాన్స్ | లడఖీ

దర్శకులు - స్టెంజిన్ టాంకాంగ్, నిర్మాతలు - రితు సారిన్

8. ఎ డెత్ ఫోర్‌టోల్డ్ | భారత్ | హిందీ

దర్శకులు - కిస్లే కిస్లే, నిర్మాతలు - త్రిబేని రాయ్, హిమాన్షు కోహ్లీ, నేహా మాలిక్

9. టైర్స్ విల్ బి డిఫ్లేటెడ్ | భారత్ | హిందీ

దర్శకులు - రోహన్ రంగనాథన్, నిర్మాతలు - షౌనక్ సేన్, అమన్ మన్

10. మాయాపురి (మాయా నగరం) | భారత్ | హిందీ

దర్శకులు - అరణ్య సహాయ్, నిర్మాతలు - మతివనన్ రాజేంద్రన్

11. పుత్తెన్‌కచేరి (సచివాలయం) | భారత్, కెనడా | మలయాళం

దర్శకులు - రాజేష్ కె, నిర్మాతలు - జేమ్స్ జోసెఫ్ వలియాకులత్తిల్, వేద్ ప్రకాష్ కటారియా

12. సజ్దా | భారత్ | హిందీ

దర్శకులు - మొహమ్మద్ గని, నిర్మాతలు - సంజయ్ గులాటి

13. టీచర్స్ పెట్ | భారత్, అమెరికా | ఇంగ్లీష్

దర్శకులు - సింధు శ్రీనివాస మూర్తి, నిర్మాతలు - ఐశ్వర్య సోనార్, శుచి ద్వివేది, విక్రమాదిత్య మోట్వానే

14. 7 టూ 7 | భారత్ | గుజరాతీ, హిందీ

దర్శకులు - నెమిల్ షా, నిర్మాతలు - నెమిల్ షా, రాజేష్ షా

15. కటచువా (ది క్విల్) | భారత్ | బెంగాలీ, హిందీ

దర్శకులు - సంఖాజిత్ బిస్వాస్, నిర్మాతలు - స్వారలిపి లిపి

16. షాడో హిల్: ఆఫ్ స్పిరిట్స్ అండ్ మెన్ | భారత్ | కొంకణి, ఇంగ్లీష్, హిందీ

దర్శకులు - బోస్కో భాండార్కర్, నిర్మాతలు - కిరణ్ రావు, తానాజి దాస్‌గుప్తా

17. పుష్పవతి (ది ఫ్లవర్డ్ వన్) | భారత్ | కన్నడ

దర్శకులు - మనోజ్ కుమార్ వీ, నిర్మాతలు - నితిన్ కృష్ణమూర్తి

18. స్వర్ణపుచ్చ్రి | భారత్ | హిందీ, మరాఠీ, కాశ్మీరీ

దర్శకులు - రిత్విక్ గోస్వామి, నిర్మాతలు - నిధి సాలియన్

ఎన్‌డీఎఫ్‌సీ ప్రత్యేకంగా ఎంపిక చేసిన ప్రాజెక్టులు

19. షేమ్డ్ | భారత్ | హిందీ, పంజాబీ, ఇంగ్లీష్

దర్శకులు - దిక్షా జ్యోతి రౌత్రే, నిర్మాతలు - సరితా పాటిల్

20. స్మాష్ | రష్యా, భారత్ | రష్యన్, ఇంగ్లీష్, హిందీ

దర్శకులు - మాగ్జిమ్ కుజ్నెత్సోవ్, నిర్మాతలు - ఎకాట్రినా గోలుబేవా-పోల్డి

21. టైగర్ ఇన్ ది లయన్ డెన్ (ఫ్రీడమ్ ఫ్రెండ్స్) | భారత్, బ్రిటన్ | ఇంగ్లీష్

దర్శకులు - ఆర్ శరత్, నిర్మాతలు - జాలీ లోనప్పన్

ఏటీఎఫ్ భాగస్వామ్య ప్రాజెక్ట్

20. గ్లోరియా | ఫిలిప్పీన్స్, సింగపూర్ | ఇంగ్లీష్

దర్శకులు - అలారిక్ టే, నిర్మాతలు - డెరెక్ జడ్జ్, రెక్స్ లోపెజ్, అలారిక్ టే

సహ-నిర్మాణ మార్కెట్ డాక్యుమెంటరీ ప్రాజెక్టులు

1. కలర్స్ ఆఫ్ ది సీ | భారతదేశం | మలయాళం

దర్శకులు - జెఫిన్ థామస్, నిర్మాతలు - సంజు సురేంద్రన్

2. దేవి (దేవత) | భారత్ | ఒడియా

దర్శకులు - ప్రణబ్ కుమార్ ఐచ్, నిర్మాతలు - ప్రణబ్ కుమార్ ఐచ్

3. నుపి కీథెల్ (మహిళా మార్కెట్) | భారతదేశం | మణిపురి

దర్శకులు - హాబామ్ పబన్ కుమార్, నిర్మాతలు - హాబామ్ పబన్ కుమార్, అజిత్ యుమ్నం & రాజేష్ పుథన్‌పురాయిల్

4. సింహస్థ కుంభ్ (అమృతం చుక్క) | భారతదేశం | హిందీ, సంస్కృతం

దర్శకులు - అమితాభ సింగ్, నిర్మాతలు - అమితాభ సింగ్

5. ది మహారాజా అండ్ మీ | భారతదేశం, యునైటెడ్ కింగ్‌డమ్ | ఇంగ్లీష్, హిందీ

దర్శకులు - బెన్ క్రైటన్, నిర్మాతలు - కార్ల్ హిల్‌బ్రిక్ & స్యూ గ్రాహం

19వ ఫిల్మ్ బజార్ సహ-నిర్మాణ మార్కెట్ కోసం ఎంపికైన 22 ఫీచర్‌ చిత్రాలు, 5 డాక్యుమెంటరీలకు సంబంధించిన వివరాల కోసం ఇక్కడ క్లిక్ చేయండి.

ప్రతి సంవత్సరం ఏఎఫ్ఎఫ్ఐ (భారత అంతర్జాతీయ చలనచిత్రోత్సవం) సందర్భంగా జరిగే ఈ ఫిల్మ్ బజార్.. భారతీయ కథా రచయితలు, ప్రపంచ నిర్మాతలు, ఫెస్టివల్ క్యూరేటర్లు, సాంకేతిక భాగస్వాములు, పెట్టుబడిదారులను అనుసంధానించే ప్రధాన వేదికగా తయారైంది. మరింత విస్తరించిన, డైనమిక్ మార్కెట్‌ప్లేస్‌తో ఉన్న ఈ సంవత్సరం ఫిల్మ్ బజార్‌.. ప్రపంచ ఉనికి బలోపేతం చేసుకుంది.

వేవ్స్ ఫిల్మ్ బజార్ గురించి:

‘వేవ్స్ ఫిల్మ్ బజార్’ (డబ్ల్యూఎఫ్‌బీ) గతంలో ఫిల్మ్ బజార్ పేరుతో పరిచితం. ప్రతి సంవత్సరం గోవాలో నిర్వహించే భారత అంతర్జాతీయ చలనచిత్రోత్సవంతో పాటుగా దీనిని నిర్వహిస్తున్నారు. 2007లో ప్రారంభమైనప్పటి నుంచి ఈ బజార్.. దక్షిణాసియా చలనచిత్రాలు, సినిమా నిర్మాణం, పంపిణీలో ఉన్న ప్రతిభావంతులను కనుగొనడం, వారికి సహయపడటం, చిత్రాలను ప్రదర్శించటంపై దృష్టి సారించింది. ఇది దక్షిణాసియా ప్రాంతంలో ప్రపంచ సినిమాకు సంబంధించిన క్రయవిక్రయాలను కూడా సులభతరం చేస్తోంది. దక్షిణాసియా- అంతర్జాతీయ చలనచిత్ర నిర్మాతలు… నిర్మాతలు, సేల్స్ ఏజెంట్లు, ఫెస్టివల్ ప్రోగ్రామర్‌లు సృజనాత్మక, ఆర్థికపరమైన అంశాల విషయంలో కలిసే ఒక కేంద్రంగా ఇది పనిచేస్తుంది. ఐదు రోజుల పాటు జరిగే ఈ చలనచిత్ర మార్కెట్.. దక్షిణాసియా కంటెంట్, సినిమా నిర్మాణం- పంపిణీ రంగాల్లోని ప్రతిభావంతులను కనుగొనడం, వారికి సహాయాన్ని అందించటం, చలన చిత్రాలను ప్రదర్శించడంపై దృష్టి పెడుతుంది.

మరింత సమాచారం కోసం ఈ వెబ్‌సైట్‌ను సందర్శించండి: https://films.wavesbazaar.com/

***