প্রধানমন্ত্রীগী লোইশঙ
শেমগৎ-শাগৎলিবা বুল্লেত ত্রেন ষ্টেসন য়েংনবা নবেম্বর ১৫ দা প্রধান মন্ত্রী সুরত্ত চৎকনি
প্রধান মন্ত্রীনা মুম্বাই-অহমেদবাদ হায়-স্পিৎ রেল কোরিদোরগী ফিবম য়েংশিনগনি
বুল্লেত ত্রেনশিংনা মুম্বাই-অহমেদবাদগী মরক্ত চৎথোক-চৎশিনগী মতম পুং অনিদা হন্থহনগনি
Posted On:
14 NOV 2025 11:43AM by PIB Imphal
প্রধান মন্ত্রী শ্রী নরেন্দ্র মোদী নবেম্বর ১৫ দা গুজরাত্ত চৎকনি। লৈবাক অসি য়াংনা চৎথোক-চৎশিনগী যুগ অমা পুরক্নবা খুদম অমা ওইরিবা ভারতকী খ্বাইদগী চাউবা ইনফ্রাষ্ট্রকচর প্রোজেক অমা ওইরিবা মুম্বাই-অহমেদবাদ হায়-স্পিৎ রেল কোরিদোরগী শেমগৎ-শাগৎলিবগী ফিবম য়েংশিন্নবা অয়ুক পুং ১০ রোম তাবদা প্রধান মন্ত্রীনা সুরত্ত শেমগৎ-শাগৎলিবা বুল্লেত ত্রেন ষ্টেসন য়েংগনি।
গুজরাত অমসুং দাদ্রা অমসুং নাগর হাভেলিদা কিলোমিতর ৩৫২ অমসুং মহারাষ্ট্রাদা কিমি ১৫৬ য়াওনা মুম্বাই-অহমেদবাদ হায়-স্পিৎ রেল কোরিদোরগী অশাংবা অসি চাউরাক্না কিমি ৫০৮ নি। সবরমতি, অহমেদবাদ, অনন্দ, বদোদারা, ভরুচ, সুরত, বিলিমোরা, ভাপী, বোইসার, বিরার, থানে অমসুং মুম্বাই য়াওনা মরুওইবা সহরশিং কোরিদোর অসিনা শম্নহনগনি অমসুং ভারতকী চৎথোক-চৎশিনগী ইনফ্রাষ্ট্রকচরদা অওনবা অমা পুরক্লে।
মালেমগী থাকশিং য়ৌনা অৱাংবা থাক্কী ইঞ্জিনিয়ারিংগী তেক্নিকশিংগা লোয়ননা শেমগৎলি অমসুং প্রোজেক অসিদা কিমি ৪৬৫ গী ভাইয়াদকশিং য়াওরি, লমদা য়ারিবমখৈ অকায়বা পীদে অমসুং অশোই-অঙাম থোক্তবা হেনগৎহল্লে। হৌজিক ফাওবদা কিমি ৩২৬ গী ভাইয়াদক লোইশিনখ্রে অমসুং তুরেলগী থোঙ ২৫ গী মনুংদা থোঙ ১৭ শাবা লোইশিনখ্রে।
প্রোজেক অসি লোইশিল্লকপদা, বুল্লেত ত্রেনশিংনা মুম্বাই-অহমেদবাদগী মরক্ত চৎথোক-চৎশিনগী মতম পুং অনিদা হন্থহনগনি, য়াংনা, নুংঙাইনা অমসু লাইনা সহরশিংগী মরক্ত চৎথোক-চৎশিনগী অওনবা পুরক্লগনি। অপুনবা কোরিদোর পরিংদা প্রোজেক অসিনা ললোন-ইতিক, তুরিজম অমসুং শেন-থুমগী থবকশিং হেনগৎহনগনি, লমদম অসি চাউখৎপা য়াংশিনহনগনি।
সিবিল ৱার্কশিং অমসুং ত্রেক-বে থাবা মপুংফানা লোইশিন্দুনা, কিমি ৪৭ গী সুরত-বিলিমোরা সেক্সন মপুংফানা লোইশিনবগী তাঙ্কক য়ৌরে। সহর অসিগী মালেমদা মমিং চৎলবা দাইমন্দ ইন্দষ্ট্রিদগী ইথিল লৌদুনা সুরত ষ্টেসনগী দিজাইন য়েকপনি অমসুং মসিদা চিংলেম্বা অমসুং থবক ওইনা পাংথোকপা য়াবা অনিমক মমি তারে। ঙাইফমশিং, তোইলেতশিং অমসুং পোৎ-চৈ য়োনফমশিং য়াওহন্দুনা পেসেঞ্জরশিং নুংঙাইনবা অকনবা মীৎয়েং থমদুনা ষ্টেসন অসি দিজাইন তৌবনি। মসিনা সুরত মেত্রো, সিতি বসশিং অমসুং ভারত রেলৱে নেতৱাকশিংগা অপনবা লৈতনা শম্নবগী খুদোংচাবা পীগনি।
***
(Release ID: 2190127)
Visitor Counter : 7
Read this release in:
Bengali
,
Assamese
,
English
,
Urdu
,
Marathi
,
हिन्दी
,
Punjabi
,
Gujarati
,
Tamil
,
Telugu
,
Kannada