اھم نکات

• 15 نومبر کو قبائلی مجاہد آزادی  برسا منڈا کے یوم پیدائش کی یاد میں جنجاتیہ گورو دیوس (گورو دیوس )کے طور پر منایا جاتا ہے۔
• قبائلی امور کی وزارت برطانوی حکومت کے خلاف مختلف قبائلی تحریکوں اور بغاوتوں کی یاد میں اور ان کی ثقافتوں اور تاریخوں کو فروغ دینے کے لیے 11 میوزیم قائم کر رہی ہے۔
• قبائلی امور کی وزارت دیگر ڈیجیٹل اقدامات جیسے آدی سنسکرت اور آدی وانی کے ذریعے قبائلی فن، زبان اور روایات کو فروغ دیتی ہے۔

تعارف

 

ہندوستان ہر سال 15 نومبر کو جنجاتیہ گورَو دیوس (ٹرائبل پرائڈ ڈے) مناتا ہے تاکہ قبائلی مجاہد آزادی اورنوآبادیات مخالف رہنما بیرسا منڈا کے یوم پیدائش (1874 میں پیدا ہوئے) کو یاد کیا جا سکے۔ ان کی پیدائش کی 150 ویں سالگرہ کا جشن منانے کے لیے سال25-2024 کو جنجاتیہ گورَو ورش کے طور پر منایا جا رہا ہے ۔ ملک بھر میں سال بھر کے جشن کے حصے کے طور پر، 1 سے 15 نومبر کے پکھواڑہ خاص طور پر منائے جا رہے ہیں تاکہ بیرسا منڈا اور دیگر بھارتی قبائلی رہنماؤں کی قربانیوں اور جدوجہد کو خراج تحسین پیش کیا جا سکے اور ملک کی قبائلی ثقافتوں اور وراثت کی شاندار تنوع کاجشن منایا جا سکے۔

قبائلی امور کی وزارت مختلف اسکیمیں چلا رہی ہیں جو قبائلی تاریخ اور ثقافت کو فروغ دیتی ہیں۔ جاری جنجاتیہ گورَودیوس کے جشن کے حصے کے طور پر، ملک بھر میں متعدد ورکشاپس، تقریبات اور ثقافتی نمائشیں منعقد کی جارہی ہیں۔ حکومت کی ایک اہم پہل یہ بھی ہے کہ 11میوزیم قائم کیے جائیں تاکہ ہمارے تاریخی قبائلی رہنماؤں کی خدمات کو یاد کیا جا سکے۔

 

ٹرائبل فریڈم فائٹرز میوزیم انیشی ایٹو

 

ہندوستان کے قبائلی رہنماؤں نے ظالم برطانوی حکومت اور جاگیر دارانہ نظام کے خلاف مزاحمت میں اہم کردار ادا کیا۔ ان تحریکوں، بغاوتوں اورمظاہروں میں سے کئی کواب بھی مرکزی بھارتی تاریخ میں کم نمائندگی ملی ہے، حالانکہ ان تحریکوں نے آج کے ہندوستان کی تشکیل میں ایک طویل راستہ طے کیا ہے۔ حکومت نے فیصلہ کیا ہے کہ میوزیم قائم کیے جائیں گے تاکہ قبائلی رہنماؤں کی معلومات  کومحفوظ اور دستاویزی شکل دی جائےاور عام لوگوں تک پہنچائی جاسکیں اور عوام کو ان تحریکوں سے روشناس کیا جاسکے۔[1]

قبائلی امور کی وزارت،قبائلی تحقیقاتی اداروں کی معاونتی اسکیم کے تحت، قبائلی میوزیم قائم کرنے کے لیے ریاستی حکومتوں کو فنڈ فراہم کرتی ہے۔

میوزیم کی تفصیلات درج ذیل ہیں۔

 

 

چھتیس گڑھ، جھارکھنڈ اور مدھیہ پردیش میں پہلے ہی چار میوزیم کا افتتاح کیا جا چکا ہے۔

 

شہید ویر نارائن سنگھ میموریل- کم- ٹرائبل فریڈم فائٹرز میوزیم

 

چھتیس گڑھ کے رائے پور میں شہید ویر نارائن سنگھ میموریل-کم-ٹرائبل فریڈم فائٹرز میوزیم، جس کا حال ہی میں وزیر اعظم نریندر مودی نے یکم نومبر کو افتتاح کیا تھا، نوآبادیاتی حکمرانی کے خلاف چھتیس گڑھ کی قبائلی برادریوں کی جدوجہد کی عکاسی کرتا ہے۔

یہ میوزیم 50 کروڑ روپے کی لاگت سے تعمیر کیا گیا تھا اور اس میں 14 گیلریوں میں ڈیجیٹل تنصیبات کے ساتھ 650 مجسمے نصب کیے گئے ہیں۔

افتتاحی تقریب کے دوران، وزیر اعظم نریندر مودی نے ویر نارائن سنگھ کے مجسمے کی نقاب کشائی کی، آدی شوریہ کے عنوان سے ایک ای- کتابچہ جاری کیا اور شہید کی اولاوں  سے بات چیت کی۔

 

تصویر 1- چھتیس گڑھ میں شہید ویر نارائن سنگھ میموریل-کم-ٹرائبل فریڈم فائٹرز میوزیم کا افتتاح حال ہی میں وزیر اعظم نریندر مودی نے یکم نومبر کو کیا تھا۔

میوزیم ہندوستان کے قبائلی ورثے کے گمنام ہیروز کا اعزاز  ہے اور:

برطانوی ظلم اور زیادتی کے خلاف ویر نارائن سنگھ کی قیادت میں چلنے والی تحریک کی تاریخ

بڑی قبائلی بغاوتوں کا احاطہ جیسے کہ ہلبا کرانتی، سرگوجہ کرانتی، بھوپالپٹنم کرانتی، پرالکوٹ کرانتی، تارا پور کرانتی، میریا کرانتی، کوئی کرانتی، لنگاگیری کرانتی، موریہ کرانتی اور مشہور بھومکل کرانتی جس کی قیادت گندادھراورلال کالیندرا سنگھ نے کی تھی

رانی چو-رس کرانتی (1878) کواجاگر کیاگیا، جس نے خواتین کی قیادت میں احتجاج کا آغاز کیا

جھنڈا ستیہ گرہ اور جنگل ستیہ گرہ کی نمائش ،جس سے یہ ظاہر ہوتا ہے کہ کس طرح قبائلی برادریوں نے مہاتما گاندھی کی عدم تشدد کی تحریک میں حصہ لیا۔

بنجھوار قبیلے کے نارائن سنگھ چھتیس گڑھ کے رائے پور ضلع میں سوناخان کا زمیندار تھے۔ 1856 میں، جب انگریزوں کی طرف سے اناج کی ذخیرہ اندوزی کی وجہ سے اڈیشہ میں قحط پڑا، تو انہوں نے بھوکے لوگوں کو کھانا کھلانے کے لیے برطانوی اناج کی دکانوں کے تالے توڑ دئیے۔ انگریزوں نے انہیں گرفتار کر کے رائے پور جیل میں بند کر دیا۔ ویر نارائن سنگھ نے وہاں سے بھاگ کر اپنی فوج بنائی۔

29 نومبر 1856 کو برطانوی افواج کو نارائن سنگھ کی فوجوں نے شکست دی۔ تاہم، بعد میں انگریز بڑی طاقت کے ساتھ واپس آئے اور نارائن سنگھ کو پکڑ لیا گیا۔ 10 دسمبر 1857 کو انہیں ایک چوراہے پر بے دردی سے قتل کر دیا گیا۔[2]

 

بھگوان برسا منڈا ٹرائبل فریڈم فائٹر میوزیم

بھگوان برسا منڈا ٹرائبل فریڈم فائٹر میوزیم، رانچی، جھارکھنڈ، 15 نومبر 2021 کو وزیر اعظم نریندر مودی نے افتتاح کیا۔

بیرسا منڈا جھارکھنڈ کے اولیہاتو گاؤں میں پیدا ہوئے اور انہوں نے اولگولن یا "عظیم آندولن"(1900-1899) کی قیادت کی—یہ قبائلی مقامی حکمرانی اور کھونٹکاٹی (کمیونٹی زمین کے حقوق) کی بحالی کے لیے شدید تحریک تھی۔ ایک روحانی مصلح اور مجاہد آزادی کے طور پر، انہوں نے منڈا قبائل کو برطانوی زمین کے قوانین اور جاگیردارانہ استحصال کے خلاف متحد کیا۔ دھرتی آبا کے نام سے مشہور، برسا منڈا نے ایک اخلاقی، خود مختار معاشرے کا تصور پیش کیا جو نوآبادیاتی اثرات سے آزاد ہو۔ انہیں گرفتار کر کے رانچی جیل میں صرف25 سال کی عمر میں شہید کر دیا گیا۔

 

بادل بھوئی اسٹیٹ ٹرائبل فریڈم فائٹرز میوزیم

 

بادل بھوئی اسٹیٹ ٹرائبل فریڈم فائٹرز میوزیم کا افتتاح 15 نومبر 2024 کو مدھیہ پردیش کے چھندواڑہ میں ہوا۔

بادل بھوئی 1845 میں چھندواڑہ ضلع میں پیدا ہوئے۔ ان کی قیادت میں، ہزاروں قبائلیوں نے 1923 میں کلکٹر کے بنگلہ پر ایک مظاہرہ کیا، اس احتجاج پر لاٹھی چارج کیا گیا اوربادل بھوئی کو گرفتار کر لیا گیا۔ چند سال بعد، اگست 1930 میں، انہیں دوبارہ برطانوی حکام نے رامکونا میں جنگل کے قوانین کی خلاف ورزی کرنے پر گرفتار کر لیا۔ انہوں نے اپنے آخری سال جیل میں گزارے اور مبینہ طور پر انہیں 1940 میں انگریزوں نے زہر دے دیا تھا۔

 

راجہ شنکر شاہ اور کنور رگھوناتھ شاہ ٹرائبل فریڈم فائٹرز میوزیم

 

راجہ شنکر شاہ اور کنور رگھوناتھ شاہ قبائلی فریڈم فائٹرز میوزیم کا افتتاح 15 نومبر 2024 کو مدھیہ پردیش کے ضلع  جبل پور میں ہوا۔

راجہ شنکر شاہ اور کنور رگھوناتھ شاہ، گونڈ بادشاہی کے بادشاہ نظام شاہ کی اولاد ہیں ،نے 1857 کے واقعات کے دوران برطانوی حکومت کی سرگرمی سے مخالفت کی۔ عدم تشدد سے وابستگی کے باوجود ان  کہنہ مشق شاعروں نے اپنی نظموں کو برطانوی اثر و رسوخ کا مقابلہ کرنے کے لیے ایک طاقتور ذریعہ کے طور پر استعمال کیا۔ راجہ شاہ،  اور ان صاحبزادے  کنور رگھوناتھ شاہ کے ساتھ 18 ستمبر 1858 کو انگریزوں نے پکڑ کر پھانسی دے دی۔

جنجاتیہ گورو ورش کا جشن

‘جنجاتیہ گورو ورشیش’ کا یہ خصوصی پکھواڑا قبائلی شناخت، مقامی علمی نظام کو ظاہر کرنے اور قبائلیوں کو  بااختیار بنانے کے حکومتی اقدامات کے بارے میں بیداری پیدا کرنے کے لیے ملک بھر میں منایا جا رہا ہے۔

اس پندرہ دن کے دوران ملک بھر میں ثقافتی، تعلیمی اور کمیونٹی پر مبنی پروگرام منعقد کیے گئے۔ ان میں شامل ہیں:

 

قبائلی تاریخوں اور ثقافتوں کو فروغ دینے والے دیگر اقدامات

حکومت ہند مختلف اسکیموں اور اقدامات کے ذریعہ شیڈولڈ ٹرائب کمیونٹیز کی بھرپور ثقافتوں اور ورثے کو بھی فروغ دیتی ہے، جس کا مقصد ان کی منفرد شناخت کو برقرار رکھنا اور انہیں مرکزی دھارے میں ہندوستانی شعور اور تاریخ میں شامل کرنا ہے۔

ان میں شامل ہیں:

 

 

خلاصہ

جنجاتیہ گورو دیوس معاشرے کے ایک بڑے پسماندہ طبقے —  درج فہرست قبائل کی شراکت، تاریخ، ثقافت اور روایات پر روشنی ڈالتا ہے۔ اس دن اور قبائلی فخر کے سال کے ذریعے برسا منڈا کی وراثت کی یاد مناتے ہوئے، اور دیگر اقدامات کے ساتھ ساتھ گیارہ قبائلی فریڈم فائٹرز کے عجائب گھر قائم کرکے، حکومت ہند کمیونٹی کی جدوجہد اور کامیابیوں کو  ملک کے اجتماعی شعور میں شامل کرنے کی کوشش کرتا ہے۔ ایک ساتھ، یہ کوششیں ‘ایک بھارت، شریشٹھ بھارت’ کے ویژن کی توثیق کرتی ہیں- ایک متحدہ ملک  جو اپنی تمام برادریوں کی طاقت اور جذبے کا احترام کرتا ہے۔

حوالہ جات

پریس انفارمیشن بیورو:

· Tribal Pride Year Fortnight (1-15 November 2025) begins across the country: https://www.pib.gov.in/PressReleaseIframePage.aspx?PRID=2185585

· Hon’ble Prime Minister inaugurates Shaheed Veer Narayan Singh Memorial-cum-Tribal Freedom Fighters Museum in Chhattisgarh: https://www.pib.gov.in/PressReleasePage.aspx?PRID=2185350

· Museums for Tribal Freedom Fighters: https://www.pib.gov.in/Pressreleaseshare.aspx?PRID=1576031

· ESTABLISHMENT OF TRIBAL MUSEUMS IN KARNATAKA: https://www.pib.gov.in/PressReleasePage.aspx?PRID=2158290

· Hon’ble Prime Minister inaugurates Shaheed Veer Narayan Singh Memorial-cum-Tribal Freedom Fighters Museum in Chhattisgarh: https://www.pib.gov.in/PressReleasePage.aspx?PRID=2185350

· Union Home Minister and Minister of Cooperation Shri Amit Shah unveils a grand statue of Bhagwan Birsa Munda in New Delhi on the occasion of his 150th birth anniversary: https://www.pib.gov.in/PressReleasePage.aspx?PRID=2073620

· Others:

· District Chhindwara:  https://chhindwara.nic.in/en/cultural-tourism/

· Raja Shankar Shah Museum, Jabalpur, Madhya Pradesh: http://architecturalheritage.intach.org/?p=2761

 

*********

ش ح-  م  ش ع-ظ ا –ج ا-ش ت  ز

UR- No. 1254

(Release ID: 2189983) Visitor Counter : 6