مرکزی حکومت نے آسام میں دیہی مقامی اداروں کے لیے مالی سال26-2025 کے دوران پندرہویں مالیاتی کمیشن (15ویں مالیاتی کمیشن) گرانٹس جاری کی ہیں۔ اس میں مالی سال 25-2024 کے غیر منسلک گرانٹس کی دوسری قسط شامل ہے جس کی رقم 219.24 کروڑ روپے ہے۔ یہ فنڈز ریاست کی تمام اہل 27 ضلع پنچایتوں (ڈی پی) ، تمام اہل 182 بلاک پنچایتوں (بی پی) اور تمام اہل 2192 گرام پنچایتوں (جی پی) کے لیے ہیں۔ مزید برآں، مالی سال25-2024کے لیے غیر اعلانیہ گرانٹ کی پہلی قسط کے رکے ہوئے 4.698 کروڑ روپے بھی اضافی اہل 26 بلاک پنچایتوں کو جاری کیے گئے ہیں۔

پنچایتی راج کی وزارت اور جل شکتی کی وزارت (محکمہ پینے کے پانی اور صفائی ستھرائی کا محکمہ) کے ذریعے حکومت ہند نے پنچایتی راج اداروں/ دیہی مقامی اداروں کے لیےپندرہویں مالیاتی کمیشن گرانٹس جاری کرنے کی سفارش کی ہے، جو پھر وزارت خزانہ کے ذریعے جاری کی جاتی ہیں۔ مختص کردہ گرانٹس کی سفارش کی جاتی ہے اور ایک مالی سال میں دو قسطوں میں جاری کی جاتی ہے۔

آئین کے گیارہویں شیڈول میں شامل انتیس (29) سبجیکٹس کے تحت پنچایتی راج اداروں/دیہی مقامی اداروں کے ذریعے غیر منسلک گرانٹس کا استعمال تنخواہوں اور دیگر ادارہ جاتی اخراجات کو چھوڑ کرمخصوص ضروریات کے لیے کیا جائے گا، ۔  ٹائیڈ گرانٹس کا استعمال (الف) صفائی ستھرائی اوراو ڈی ایف کی حیثیت کی دیکھ بھال کے لیے کیا جا سکتا ہے، اور اس میں گھریلو فضلے کا انتظام اور علاج، اور خاص طور پر انسانی اخراج اور فضلہ کا انتظام اور (ب) پینے کے پانی کی فراہمی، بارش کے پانی کی ذخیرہ اندوزی اور پانی کی ری سائیکلنگ شامل ہونی چاہیے۔

***

ش ح۔ک ا۔ ج ا

U.NO.1251