ಉದ್ಯೋಗದಾತರ ಸಂಘಗಳು ಮತ್ತು ಕೇಂದ್ರ ಕಾರ್ಮಿಕ ಸಂಘಗಳ (ಸಿಟಿಯು) ಪ್ರತಿನಿಧಿಗಳೊಂದಿಗೆ ಶ್ರಮ ಶಕ್ತಿ ನೀತಿ-2025 (ಭಾರತದ ರಾಷ್ಟ್ರೀಯ ಕಾರ್ಮಿಕ ಮತ್ತು ಉದ್ಯೋಗ ನೀತಿ) ಕರಡಿನ ಕುರಿತು ಇಂದು ನವದೆಹಲಿಯಲ್ಲಿ ಜರುಗಿದ ತ್ರಿಪಕ್ಷೀಯ ಸಮಾಲೋಚನಾ ಸಭೆಯ ಅಧ್ಯಕ್ಷತೆಯನ್ನು ಕೇಂದ್ರ ಕಾರ್ಮಿಕ ಮತ್ತು ಉದ್ಯೋಗ ಮತ್ತು ಯುವ ವ್ಯವಹಾರಗಳು ಮತ್ತು ಕ್ರೀಡಾ ಸಚಿವರಾದ ಡಾ. ಮನ್ಸುಖ್ ಮಾಂಡವಿಯ ಅವರು ವಹಿಸಿದ್ದರು.

ಕೇಂದ್ರ ಕಾರ್ಮಿಕ ಮತ್ತು ಉದ್ಯೋಗ ಕಾರ್ಯದರ್ಶಿ ಶ್ರೀಮತಿ ವಂದನಾ ಗುರ್ನಾನಿ ಅವರು ಕರಡು ನೀತಿಯ ಅವಲೋಕನದೊಂದಿಗೆ ಸಮಾಲೋಚನೆಯ ಕಾರ್ಯಕ್ರಮವನ್ನು ಹಾಗೂ ಸಂದರ್ಭವನ್ನು ನಿಗದಿಪಡಿಸಿದರು. ಶ್ರಮ ಶಕ್ತಿ ನೀತಿ-2025, ಉತ್ಪಾದಕತೆ, ನಾವೀನ್ಯತೆ ಮತ್ತು ಸಾಮಾಜಿಕ ನ್ಯಾಯವನ್ನು ಪೋಷಿಸುವಾಗ ಪ್ರತಿಯೊಬ್ಬ ಕಾರ್ಮಿಕರ ಘನತೆಯನ್ನು ಎತ್ತಿಹಿಡಿಯುವ ನ್ಯಾಯಯುತ, ಎಲ್ಲರನ್ನೂ ಒಳಗೊಳ್ಳುವ ಮತ್ತು ಭವಿಷ್ಯಕ್ಕೆ ಸಿದ್ಧವಾದ ಕಾರ್ಮಿಕ ಪರಿಸರ ವ್ಯವಸ್ಥೆಗಾಗಿ ಭಾರತದ ನವೀಕೃತ ದೃಷ್ಟಿಕೋನವನ್ನು ಸ್ಪಷ್ಟಪಡಿಸುತ್ತದೆ ಎಂದು ಕೇಂದ್ರ ಕಾರ್ಮಿಕ ಮತ್ತು ಉದ್ಯೋಗ ಕಾರ್ಯದರ್ಶಿ  ಶ್ರೀಮತಿ ವಂದನಾ ಗುರ್ನಾನಿ ಅವರು ಹೇಳಿದರು.

ಕರಡು ನೀತಿಯ ಕುರಿತು ಉದ್ಯೋಗದಾತರ ಸಂಘಗಳು ಮತ್ತು ಕಾರ್ಮಿಕ ಸಂಘಗಳ ಪ್ರತಿನಿಧಿಗಳಿಂದ ಸಲಹೆಗಳನ್ನು ಕೇಂದ್ರ ಕಾರ್ಮಿಕ ಮತ್ತು ಉದ್ಯೋಗ ಮತ್ತು ಯುವ ವ್ಯವಹಾರಗಳು ಮತ್ತು ಕ್ರೀಡಾ ಸಚಿವರಾದ ಡಾ. ಮನ್ಸುಖ್ ಮಾಂಡವಿಯ ಅವರು ಸ್ವಾಗತಿಸಿದರು. “ಸಮಾನ ಮತ್ತು ಸ್ಥಿತಿಸ್ಥಾಪಕ ಕೆಲಸದ ಜಗತ್ತಿಗೆ ಸಾಧ್ಯವಾದಷ್ಟು ಉತ್ತಮವಾದ ದೃಷ್ಟಿಕೋನ ದಾಖಲೆಯನ್ನು ರಚಿಸಲು ಪರಿಣಾಮಕಾರಿಯಾಗಿ ಸಹಕರಿಸುವುದು ಸಾಮೂಹಿಕ ಗುರಿಯಾಗಿದೆ. ಎಲ್ಲಾ ಪಾಲುದಾರರ ಹಂಚಿಕೆಯ ಉದ್ದೇಶವು ಕಾರ್ಮಿಕರ ಕಲ್ಯಾಣವನ್ನು ಖಚಿತಪಡಿಸುವುದು ಮತ್ತು ಅವರ ಹಿತಾಸಕ್ತಿಗಳನ್ನು ರಕ್ಷಿಸುವುದಾಗಿದೆ. ಆಯಾ ಕ್ಷೇತ್ರಗಳಲ್ಲಿ ಅವರ ವ್ಯಾಪಕ ಅನುಭವವನ್ನು ಪ್ರತಿಬಿಂಬಿಸುವ ಅವರ ಸಲಹೆಗಳು ನೀತಿಯನ್ನು ಶ್ರೀಮಂತಗೊಳಿಸುವಲ್ಲಿ ಬಹಳ ಸಹಾಯ ಮಾಡುತ್ತವೆ” ಎಂದು ಕೇಂದ್ರ ಸಚಿವರು ಈ ಸಂದರ್ಭದಲ್ಲಿ ಹೇಳಿದರು.

“ಪಾಲುದಾರರಿಂದ ಬಂದ ಮಾಹಿತಿ ಹಾಗೂ ಸಲಹೆಗಳ ಆಧಾರದ ಮೇಲೆ ಕರಡು ನೀತಿಯು ಮಾರ್ಪಾಡುಗಳಿಗೆ ಮುಕ್ತವಾಗಿದೆ. ಅಗತ್ಯವಿರುವಂತೆ ಹಲವಾರು ಸುತ್ತಿನ ಸಮಾಲೋಚನೆಯ ಮೂಲಕ ಸೂಚಿಸಲಾದ ಸೂಕ್ತ ಸುಧಾರಣೆಗಳನ್ನು ಸೇರಿಸಿದ ನಂತರವೇ ನೀತಿಯನ್ನು ಅಂತಿಮಗೊಳಿಸಲಾಗುತ್ತದೆ” ಎಂದು ಕೇಂದ್ರ ಸಚಿವ ಡಾ. ಮನ್ಸುಖ್ ಮಾಂಡವಿಯಾ ಅವರು ಹೇಳಿದರು.

ಎಲ್ಲಾ ಸಿ.ಟಿ.ಯು.ಗಳು ಮತ್ತು ಉದ್ಯೋಗದಾತ ಗುಂಪುಗಳ ಪ್ರತಿನಿಧಿಗಳು, ಭವಿಷ್ಯದ ದೃಷ್ಟಿಯಿಂದ ನೋಡುವ, ಸಮಗ್ರ ನೀತಿ ಚೌಕಟ್ಟನ್ನು ರೂಪಿಸುವಲ್ಲಿ ಸಚಿವಾಲಯದ ಪ್ರಯತ್ನಗಳು ಮತ್ತು ಉಪಕ್ರಮವನ್ನು ಶ್ಲಾಘಿಸಿದರು. ನೀತಿಯ ದೃಷ್ಟಿಕೋನ ಮತ್ತು ಧ್ಯೇಯವನ್ನು, ಸಂವಿಧಾನದಲ್ಲಿ ಅದರ ಬಲವಾದ ಆಧಾರ ಮತ್ತು ಅಂತರರಾಷ್ಟ್ರೀಯ ಕಾರ್ಮಿಕ ಸಂಸ್ಥೆ (ಐ.ಎಲ್.ಒ) ಮಾನದಂಡಗಳು ಮತ್ತು ಸುಸ್ಥಿರ ಅಭಿವೃದ್ಧಿ ಗುರಿಗಳೊಂದಿಗೆ (ಎಸ್.ಡಿ.ಜಿ.ಗಳು) ಅದರ ಹೊಂದಾಣಿಕೆಯನ್ನು ಎಲ್ಲರೂ ಸ್ವಾಗತಿಸಿದರು. ಸಿ.ಟಿ.ಯು.ಗಳು ತಮ್ಮ ಹಿಂದಿನ ಸಲಹೆಗಳನ್ನು ಪುನರುಚ್ಚರಿಸಿದರು ಮತ್ತು ಕಾರ್ಮಿಕರ ರಕ್ಷಣೆ, ಸಾಮಾಜಿಕ ಭದ್ರತಾ ವಿತರಣೆ, ಕುಂದುಕೊರತೆ ಪರಿಹಾರ ಮತ್ತು ಉದ್ಯೋಗಾವಕಾಶಗಳನ್ನು ಮತ್ತಷ್ಟು ಬಲಪಡಿಸಲು ಹೆಚ್ಚುವರಿ ವಿಚಾರಗಳನ್ನು ನೀಡಿದರು. ಉದ್ಯೋಗದಾತ ಸಂಸ್ಥೆಗಳು ನಾವೀನ್ಯತೆಯನ್ನು ಉತ್ತೇಜಿಸುವುದು, ಉದ್ಯೋಗ ಸೃಷ್ಟಿಯನ್ನು ಸಕ್ರಿಯಗೊಳಿಸುವುದು, ಅನುಸರಣೆಯನ್ನು ಸರಳೀಕರಿಸುವುದು ಮತ್ತು ನ್ಯಾಯಯುತ ಕೆಲಸದ ಪರಿಸ್ಥಿತಿಗಳನ್ನು ಖಚಿತಪಡಿಸಿಕೊಳ್ಳುವಾಗ ವ್ಯವಹಾರ ಮಾಡುವ ಸುಲಭತೆಯನ್ನು ಸುಧಾರಿಸುವ ದೃಷ್ಟಿಕೋನಗಳನ್ನು ಕೊಡುಗೆಯಾಗಿ ನೀಡಿವೆ.

ಭಾರತೀಯ ಮಜ್ದೂರ್ ಸಂಘ (ಬಿ.ಎಂ.ಎಸ್.), ಅಖಿಲ ಭಾರತ ಟ್ರೇಡ್ ಯೂನಿಯನ್ ಕಾಂಗ್ರೆಸ್ (ಎ.ಐ.ಟಿ.ಯು.ಸಿ.), ಹಿಂದ್ ಮಜ್ದೂರ್ ಸಭಾ (ಹೆಚ್.ಎಂ.ಎಸ್.), ಭಾರತೀಯ ಟ್ರೇಡ್ ಯೂನಿಯನ್ಗಳ ಕೇಂದ್ರ (ಸಿ.ಐ.ಟಿ.ಯು.), ಅಖಿಲ ಭಾರತ ಯುನೈಟೆಡ್ ಟ್ರೇಡ್ ಯೂನಿಯನ್ ಕೇಂದ್ರ (ಎ.ಐ.ಟಿ.ಯು.ಸಿ.), ಟ್ರೇಡ್ ಯೂನಿಯನ್ ಸಮನ್ವಯ ಕೇಂದ್ರ (ಟಿ.ಯು.ಸಿ.ಸಿ.), ಸ್ವಯಂ ಉದ್ಯೋಗಿ ಮಹಿಳಾ ಸಂಘ (ಸೆವಾ), ಅಖಿಲ ಭಾರತ ಕೇಂದ್ರೀಯ ಟ್ರೇಡ್ ಯೂನಿಯನ್ಗಳ ಮಂಡಳಿ (ಎ.ಐ.ಸಿ.ಸಿ.ಟಿ.ಯು.), ಕಾರ್ಮಿಕ ಪ್ರಗತಿಪರ ಒಕ್ಕೂಟ (ಎಲ್.ಪಿ.ಎಫ್.), ಯುನೈಟೆಡ್ ಟ್ರೇಡ್ ಯೂನಿಯನ್ ಕಾಂಗ್ರೆಸ್ (ಎ.ಟಿ.ಯು.ಸಿ.), ಮತ್ತು ಭಾರತೀಯ ಕಾರ್ಮಿಕ ಸಂಘಗಳ ರಾಷ್ಟ್ರೀಯ ಮುಂಭಾಗ (ಡಿ.ಹೆಚ್.ಎನ್.) ಸೇರಿದಂತೆ ಹಲವು ಸಂಸ್ಥೆಗಳು ತ್ರಿಪಕ್ಷೀಯ ಸಮಾಲೋಚನಾ ಸಭೆಯಲ್ಲಿ ಭಾಗವಹಿಸಿದ್ದವು.

ಅಖಿಲ ಭಾರತ ಕೈಗಾರಿಕಾ ಸಂಘ (ಎ.ಐ.ಎ.ಐ.), ಭಾರತೀಯ ಸಣ್ಣ ಕೈಗಾರಿಕೆಗಳ ಒಕ್ಕೂಟ (ಎ.ಎ.ಎಸ್.ಐ.ಐ), ಭಾರತೀಯ ಉದ್ಯೋಗದಾತರ ಮಂಡಳಿ (ಸಿಐಇ) - ಅಖಿಲ ಭಾರತ ಉದ್ಯೋಗದಾತರ ಸಂಘಟನೆ (ಎ.ಐ.ಒ.ಇ), ಭಾರತೀಯ ಉದ್ಯೋಗದಾತರ ಮಂಡಳಿ (ಸಿಐಇ) - ಸಾರ್ವಜನಿಕ ಉದ್ಯಮಗಳ ಸ್ಥಾಯಿ ಸಮ್ಮೇಳನ (ಸ್ಕೋಪ್), ಭಾರತೀಯ ಉದ್ಯೋಗದಾತರ ಮಂಡಳಿ (ಸಿಐಇ) - ಭಾರತೀಯ ಉದ್ಯೋಗದಾತರ ಒಕ್ಕೂಟ (ಇ.ಎಫ್.ಐ), ಅಖಿಲ ಭಾರತ ತಯಾರಕರ ಸಂಸ್ಥೆ (ಎ.ಐ.ಎಂ.ಒ), ಭಾರತೀಯ ಸಣ್ಣ ಕೈಗಾರಿಕೆಗಳ ಮಂಡಳಿ (ಐ.ಸಿ.ಎಸ್.ಐ), ಲಘು ಉದ್ಯೋಗ ಭಾರತಿ (ಎಲ್.ಯು.ಬಿ), ಭಾರತೀಯ ವಾಣಿಜ್ಯ ಮತ್ತು ಕೈಗಾರಿಕಾ ಮಂಡಳಿ (ಎಸ್ಸೋಕ್ಹಾಮ್), ಭಾರತೀಯ ಕೈಗಾರಿಕೆಗಳ ಒಕ್ಕೂಟ (ಸಿಐಐ), ಭಾರತೀಯ ವಾಣಿಜ್ಯ ಮತ್ತು ಕೈಗಾರಿಕಾ ಮಂಡಳಿ (ಎಫ್.ಐ.ಸಿ.ಸಿ.ಐ), ಪಿ.ಹೆಚ್.ಡಿ ವಾಣಿಜ್ಯ ಮತ್ತು ಕೈಗಾರಿಕಾ ಮಂಡಳಿಗಳು (ಪಿ.ಹೆಚ್.ಡಿ.ಸಿ.ಸಿ.ಐ.) ಸೇರಿದಂತೆ ಹಲವು ಉದ್ಯೋಗದಾತರ ಸಂಘಗಳು ಸಮಾಲೋಚನೆಯಲ್ಲಿ ಭಾಗವಹಿಸಿದ್ದವು.

ಮುಂದಿನ ವರ್ಷಗಳಲ್ಲಿ ಭಾರತದ ಕಾರ್ಮಿಕ ಆಡಳಿತವನ್ನು ಮಾರ್ಗದರ್ಶನಕ್ಕಾಗಿ ಅಂತಿಮ ಶ್ರಮ ಶಕ್ತಿ ನೀತಿ-2025 ದೃಢವಾದ, ಭವಿಷ್ಯ-ದೃಷ್ಟಿಕೋನ ಮತ್ತು ಅಂತರ್ಗತ ಚೌಕಟ್ಟಿನಂತೆ ಹೊರಹೊಮ್ಮುತ್ತದೆ ಎಂಬ ವಿಶಾಲ ವಿಶ್ವಾಸದೊಂದಿಗೆ ಸಮಾಲೋಚನಾ ಸಭೆಯು ಸಕಾರಾತ್ಮಕ ಮತ್ತು ಸಹಯೋಗದ ಉತ್ತಮ ಟಿಪ್ಪಣಿಯೊಂದಿಗೆ ಮುಕ್ತಾಯವಾಯಿತು.

 

*****

(Release ID: 2189869) Visitor Counter : 2