Ka Sorkar, ka Reserve Bank of India (RBI) bad ka National Payment Corporation of India (NPCI) ki la shim ia ki sienjam bapher bapher ban kyntiew ia ka rukom siew pisa da ki lad digital. Kine napdeng kiwei kiwei, ki kynthup ïa ka skhim ai jingmyntoi na ka bynta ban kyntiew ïa ki RuPay Debit Card bad ki jingsiew BHIM-UPI kiba duna dor (P2M), ka Payments Infrastructure Development Fund (PIDF) ban kyrshan ïa ka jingpyntreikam ïa ki lad siew digital ha ki jaka ba duna ka jingshakri.

Shuh shuh, ban iada na ki jingleh thok kiba iadei bad ka jingsiew, la shim ia ki sienjam bapher bapher kum ka jingpyniasoh ia ka tiar bad u nombar mobile jong u nongthied, ka jingpynshisha ar tylli ki bynta lyngba u PIN, ki kyndon jong ka jingsiew man ka sngi, bad ki jingpyrkhing ha ki jingpyndonkam. Ka NPCI ka ai ruh ia ka lad ban peit bniah ia ka jingleh thok sha baroh ki bank ban pynmih ia ki jingpynbna bad ban pynduna ia ki jingsiew da kaba pyndonkam ia ki rukom ba la pynshong nongrim ha ka AI/ML. Ka RBI bad ki bank ki la pynlong ia ki jingpynsngewthuh lyngba ki SMS lyngkot, ki jingpynbna lyngba ki radio, bad ki jingpynbna paidbah halor ka jingiada na ki kam beain lyngba ka bor internet.

La shim ia ki sienjam bapher bapher na ka por sha ka por ban kyntiew ia ka jingpyniaid bad jingshai jong ki seng iatreilang bad ki jaka treikam ba rit kiba iadei bad ka pisa na ka bynta ka jingkynthup ia ki kam pisa tyngka.

Kine, nalor kiwei pat ki kynthup ia:

• Ka RBI ka la pynmih ia ka rukom pyniaid ia baroh ki jaka ba la pynbeit ban pdiang ia ka polisi ba la mynjur da ka board na ka bynta ban buh dor ia ki ram barit. Kane ka kynthup ia ka rukom siew sut kaba shai kaba kynthup ia ka jinglut jong ka pisa, ka jingsiew ban iada na ki jingma, bad ka jingiohnong.
• La pynsuk ia ka jingbatai ia ka ram microfinance bad la weng noh ia ki jingpyrkhing bapher bapher kiba iadei bad ka jingbun jong ki ram ba la ai da ki NBFC-MFI, kynthup ia ki pud halor ka ram ha kawei ka samoi bad ka por ba duna tam na ka bynta ki ram kiba palat ia kawei ka pud.
• La pyllait noh ia ka jingdonkam barim ban ai ram kaba duna eh 50% na ka bynta ki jingthmu ban kamai, da kaba pyrkhat ia ka jingdonkam ia ka ram na ka bynta ki jingsumar, jingpule bad ki kam ban pyniaid beit ryntih ia ka kamai kajih.

Ia kane ka jingtip la ai da u Myntri Khynnah ka Tnad Kam Pla Tyngka jong ka sorkar pdeng, u Pankaj Chaudhary ha ka jubab ba shu thoh ia ka jingkylli ha Lok Sabha mynta ka sngi.

******