لوک سبھا کے اسپیکر جناب اوم برلا نے آج تمام سیاسی جماعتوں سے پرزور اپیل کی کہ وہ قانون ساز اداروں کے ہموار اور منظم کارکردگی کو یقینی بناتے ہوئے ان کے وقار کو برقرار رکھیں۔ اسپیکر نے اس بات پر زور دیا کہ جمہوریت مسائل کو اٹھانے، تحفظات کا اظہار کرنے اور پرامن، منظم اور باخبر بات چیت کے ذریعے بحث کرنے کے لیے کافی راستے فراہم کرتی ہے۔ کوہیما میں ناگالینڈ قانون ساز اسمبلی میں منعقد ہونے والی دولت مشترکہ پارلیمانی ایسوسی ایشن (سی پی اے)، انڈیا ریجن، زون – III کی سالانہ کانفرنس کے موقع پر میڈیا کے نمائندوں سے بات کرتے ہوئے، انہوں نے خبردار کیا کہ منصوبہ بند رخنہ اندازیاں نہ صرف جمہوری عمل کو نقصان پہنچاتی ہیں بلکہ شہریوں کو بامعنی غور و فکر اور جوابدہی سے بھی محروم کر دیتی ہیں۔ یکم دسمبر 2025 کو شروع ہونے والے پارلیمنٹ کے آئندہ سرمائی اجلاس کا حوالہ دیتے ہوئے، اسپیکر نے تمام سیاسی جماعتوں پر زور دیا کہ وہ ایوان کی کارروائی کو بہتر طریقے سے چلانے کو یقینی بنائیں۔ انہوں نے مزید زور دیا کہ قانون ساز اداروں کو شفاف طرز حکمرانی اور فلاح و بہبود پر مبنی پالیسی سازی کے لیے زیادہ فعال اور تعمیری کردار ادا کرنا چاہیے۔

اس سے پہلے، دولت مشترکہ ایسوسی ایشن (سی پی اے) انڈیا ریجن، زون – III کانفرنس کا افتتاح کرتے ہوئے، اسپیکر نے اس بات پر زور دیا کہ قانون سازوں کو رائے عامہ کو پالیسی میں تبدیل کرنے میں اہم کردار ادا کرنا چاہیے۔ جناب  اوم برلا نے مشاہدہ کیا کہ مقننہ کی ذمہ داری قانون سازی سے کہیں زیادہ  ہے - یہ عوام کی امنگوں اور خدشات کو قابل عمل پالیسیوں میں تبدیل کرنا ہے۔ یہ واضح کرتے  ہوئے کہ حقیقی ترقی اسی وقت ہوتی ہے جب شہری جمہوری عمل میں براہ راست شامل ہوں، انہوں نے اس بات پر زور دیا کہ جامع ترقی صرف فعال عوامی شرکت سے ہی ممکن ہے،۔ انہوں نے کہا کہ عوامی نمائندوں کو اس بات کو یقینی بنانا چاہیے کہ پالیسی سازی میں شہریوں کی آوازیں بامعنی انداز میں ظاہر ہوں۔

اس سال کی کانفرنس کا  موضوع "پالیسی، پیش رفت، اور شہری: مقننہ تبدیلی کا محرک" ہے۔ جناب برلا نے امید ظاہر کی کہ کانفرنس کے دوران بامعنی غور و خوض سے شمال مشرقی قانون سازوں کو زیادہ بااختیار، جوابدہ اور موثر بنانے کے لیے ٹھوس  حکمت عملی  کی راہ ہموار کرے گا۔

اپنے خطاب میں، اس بات کی نشاندہی کرتے ہوئے کہ زیادہ تر مقننہ اب پیپر لیس اور ڈیجیٹل نظام کی طرف منتقل ہو چکی ہے ،اسپیکر نے شہریوں کو جمہوریت کے قریب لانے میں نئی ​​ٹیکنالوجیز اور اختراعات کے اثرات پر روشنی ڈالی ۔ انہوں نے اس بات کا اعادہ کیا کہ ہندوستانی جمہوریت کی بنیاد اس کے لوگوں میں ہے، ایک اصول جسے آئین کے بنانے والوں نے دل کی گہرائیوں سے پالا ہے، اور اس بات پر زور دیا کہ شفافیت اور جوابدہی کو جمہوری طرز حکمرانی میں مرکزی حیثیت حاصل ہونی چاہیے۔ جناب برلا نے مزید تمام قانون ساز اداروں پر زور دیا کہ وہ کارروائیوں کا براہ راست ٹیلی کاسٹ، شہریوں کے لیے دوستانہ ڈیجیٹل پلیٹ فارم، اور قانون سازی کے عمل میں وسیع تر عوامی شمولیت کو فروغ دینے کے لیے آؤٹ ریچ میکانزم جیسے اقدامات کو اپنائیں۔ انہوں نے مزید کہا کہ "جب عوامی رائے کسی بھی ریاست میں پالیسی کی بنیاد بنتی ہے، تو وہ ریاست مسلسل اور پائیدار ترقی حاصل کرتی ہے۔"

اسپیکر نے شمال مشرق کی قانون ساز اسمبلیوں میں ہونے والی قابل ذکر ڈیجیٹل تبدیلی کی تعریف کی اور اسے جدید اور شفاف حکمرانی کی طرف ایک اہم قدم قرار دیا۔ انہوں نے خاص طور پر ناگالینڈ قانون ساز اسمبلی کی مکمل طور پر کاغذ کے بغیر  کاروائی چلانے کے لیے تعریف کی اور اسے ہندوستان میں ڈیجیٹل گورننس کا ایک اہم ماڈل قرار دیا۔ جناب برلا نے مشاہدہ کیا کہ اس طرح کے ڈیجیٹل اقدامات نہ صرف کارکردگی اور شفافیت کو بڑھاتے ہیں بلکہ قانون سازی کے کام کو زیادہ قابل رسائی اور شہریوں  کے لئے بہتر بناتے ہیں۔

ایک ہی وقت میں، انہوں نے ابھرتی ہوئی ٹیکنالوجیز، خاص طور پر مصنوعی ذہانت (اے ٓئی) کے غیر ذمہ دارانہ استعمال کے خلاف خبردار کیا اور قانون سازوں پر زور دیا کہ وہ اے  آئی  کو ایسے طریقوں سے اپنائیں جس سے شفافیت کو فروغ ملے، جمہوری عمل کو تقویت ملے، اور قانون سازی کی کارروائیوں کی سالمیت کا تحفظ ہو۔

مرکز-ریاست کے تعلقات پر، اسپیکر نے مشاہدہ کیا کہ جب کہ حکومت کی ہر سطح واضح طور پر متعین آئینی فریم ورک کے اندر کام کرتی ہے، دونوں کے درمیان موثر تعاون ٹھوس نتائج کے حصول کے لیے ضروری ہے۔ انہوں نے اس بات پر زور دیا کہ مرکز اور ریاستوں کے درمیان تعمیری بات چیت نہ صرف حکمرانی کو مضبوط کرتی ہے بلکہ ایسی پالیسیوں کی طرف بھی لے جاتی ہے جو زیادہ ذمہ دار، جامع اور علاقائی ترجیحات سے ہم آہنگ ہوں۔ جناب برلا نے مزید کہا کہ حالیہ برسوں میں بڑھے ہوئے تعاون نے پہلے ہی شمال مشرقی خطے میں بنیادی ڈھانچے، رابطے اور عوامی خدمات کی فراہمی میں نمایاں پیش رفت کی ہے۔

شمال مشرقی ریاستوں کی ہمہ گیر ترقی کے لیے ایک جامع حکمت عملی کی ضرورت پر زور دیتے ہوئے جناب اوم برلا نے خطے کے منفرد جغرافیائی حالات اور آب و ہوا سے متعلق چیلنجوں میں فیکٹرنگ کی اہمیت کو اجاگر کیا۔ انہوں نے اس بات پر زور دیا کہ اس طرح کے منصوبے کو خاص طور پر ابھرتے ہوئے آب و ہوا کے خطرات سے نمٹنے کی ضرورت ہے،  جس میں قدرتی آفات بھی شامل ہیں، جن کا خطے کی معاش اور بنیادی ڈھانچے پر گہرا اثر پڑتا ہے۔ پائیدار اور جامع ترقی کی اہمیت پر زور دیتے ہوئے اسپیکر نے کہا کہ شمال مشرق کے لیے ترقیاتی حکمت عملیوں کو طویل مدتی پیشرفت کو یقینی بنانے کے لیے آب و ہوا   میں استحکام، سبز بنیادی ڈھانچے اور فعال سماجی شرکت کو ہم آہنگ کرنا چاہیے۔ انہوں نے مزید کہا کہ مرکز، ریاستی حکومتوں اور مقامی برادریوں کے درمیان باہمی تعاون کی کوششیں اس خطے کی بے پناہ صلاحیتوں کو بروئے کار لانے کے لیے ضروری ہیں جبکہ اس کے امیر حیاتیاتی تنوع اور ثقافتی ورثے کو محفوظ رکھا جائے۔

جناب اوم برلا نے مشاہدہ کیا کہ یہ فخر کی بات ہے کہ شمال مشرقی خطہ کی تمام مقننہ مقامی ضرورتوں اور امنگوں سے گہرا تعلق رکھتے ہوئے اجتماعی غور و فکر اور فیصلہ سازی کی روایت کو برقرار رکھے ہوئے ہیں۔ انہوں نے کہا کہ یہ قانون ساز ادارے احتساب اور حکمرانی میں شفافیت کو مضبوط بنانے کے لیے مسلسل کام کر رہے ہیں، جو  جمہوریت میں شراکت داری کی حقیقی روح کی عکاسی کرتی ہے۔ لوک سبھا اسپیکر نے مزید کہا کہ شمال مشرقی ریاستیں بنیادی ڈھانچے کی ترقی میں تیزی سے پیشرفت دیکھ رہی ہیں، خاص طور پر سڑک، ریل اور ہوائی رابطہ  کے شعبےمیں۔

وزیر اعظم جناب نریندر مودی کے نظریہ کے مطابق، انہوں نے کہا، شمال مشرق کو ترقی کے مرکز کے طور پر قائم کرنے اور ہندوستان کی ایکٹ ایسٹ پالیسی کے محور کے طور پر ٹھوس کوششیں کی جا رہی ہیں۔ خطے کی ترقی کی بے پناہ صلاحیت کو اجاگر کرتے ہوئے، شری برلا نے کہا کہ اس کی متحرک ثقافت، بھرپور روایات اور قدرتی خوبصورتی اسے واقعی منفرد بناتی ہے۔ انہوں نے اس بات پر زور دیا کہ مقامی مصنوعات، فنون لطیفہ، ثقافت اور روایتی دستکاری کو فروغ دینا خود انحصار ہندوستان (آتمنیر بھر بھارت) کے مقصد کو آگے بڑھانے میں اہم کردار ادا کر سکتا ہے۔ اسپیکر نے زور دیا کہ مقننہ ایسی پالیسیاں اپنائیں جو صنعت اور انٹرپرینیورشپ کو فروغ دیتی ہیں، اس طرح مقامی کمیونٹیز کے لیے زیادہ مواقع پیدا کرتی ہیں اور وسیع البنیاد اقتصادی بااختیار بنانے کے قابل ہوتی ہیں۔

جناب اوم برلا نے اس اعتماد کا اظہار کیا کہ دو روزہ سی پی اے انڈیا ریجن، زون – III کانفرنس پورے خطے میں جمہوری اداروں کو مضبوط کرنے، قانون سازی کے طریقوں کو بہتر بنانے اور حکمرانی میں عوام کے اعتماد کو بڑھانے کے لیے اہم سفارشات پیش کرے گی۔ انہوں نے آنے والے ہارن بل فیسٹیول سے پہلے تمام مندوبین کو اپنی پرتپاک مبارکباد پیش کی، اسے ناگالینڈ کی ثقافت، لچک، فنکارانہ اور کمیونٹی کے جذبے کے عالمی جشن کے طور پر بیان کیا۔

ناگالینڈ کی غیر معمولی مہمان نوازی کی تعریف کرتے ہوئے، اسپیکر نے نوٹ کیا کہ اس طرح کے واقعات شمال مشرقی قانون سازوں کے درمیان قریبی تعلقات کو فروغ دیتے ہیں، جو علاقائی امنگوں اور ترقیاتی ترجیحات پر اجتماعی عکاسی کے لیے ایک قابل قدر پلیٹ فارم فراہم کرتے ہیں۔ انہوں نے ناگالینڈ کے لوگوں کو دسمبر میں ہونے والے ہارن بل فیسٹیول کے لیے اپنی نیک تمنائیں بھی پیش کیں اور اسے خطے کے بھرپور ثقافتی ورثے اور متحرک لوک روایات کی علامت قرار دیا۔

تقریب کے دوران ، ناگالینڈ کے وزیر اعلیٰ، جناب نیفیو ریو؛ راجیہ سبھا کے ڈپٹی چیئرمین، جناب  ہری ونش، اسپیکر، ناگالینڈ قانون ساز اسمبلی کے اسپیکر،  جناب شرینگین لونگکمر، اور پارلیمانی امور کے وزیر، حکومت ناگالینڈ، جناب کے جی کینی نے بھی اجتماع سے خطاب کیا۔ ہندوستان کی آٹھ شمال مشرقی ریاستوں کی مقننہ سی پی اے زون 3  کی بھی رکن ہیں۔ اس کانفرنس میں اس زون کے 8 ممبر ممالک میں سے 7 کے قانون سازوں نے شرکت کی۔ کانفرنس میں کل 12 پریزائیڈنگ افسران نے شرکت کی جن میں 7 اسپیکر اور 5 ڈپٹی اسپیکر شامل تھے۔ اس کانفرنس میں اس خطے کے اراکین پارلیمنٹ اور قانون ساز اسمبلیوں کے اراکین نے بھی شرکت کی۔

کانفرنس کا موضوع ہے "پالیسی، ترقی اور لوگ: قانون ساز ادارے تبدیلی کے محرک"۔ ذیلی موضوعات یہ ہیں: (i) وکست بھارت @ 2047 کے حصول میں مقننہ کا کردار؛ اور (ii) موسمیاتی تبدیلی - شمال مشرقی خطے کے کچھ حصوں میں حالیہ بادل پھٹنے اور  زمین کے تودے کھسکنے کی روشنی میں۔

ش ح۔ع و۔ ع د

(U-No. 1038)