প্রধান মন্ত্রী শ্রী নরেন্দ্র মোদীনা ঙসি নই দিল্লীগী রোহিনিদা পাংথোকপা ইন্তর্নেস্নেল আর্য় মহাসম্মেলন 2025দা ৱা ঙাংখ্রে। থৌরম অদুদা ৱা ঙাংলদুনা, শ্রী মোদীনা হায়খি মদুদি হৌজিক্তা তাখিবা মন্ত্রশিংগী ইনর্জী অসি হৌজিক ফাওবা মীপুম খুদিংমক্না ফাওবা ঙম্মি। মহাক্না ফোংদোকখি মদুদি মহাক্না মীয়ামগী মীতিন অমদা লাকপা মতম খুদিংদা, মসিগী এক্সপরিয়েন্স অসি অঙকপা অমসুং অখন্নবা ওই। মহাক্না মসিগী ৱাখল্লোন অসি স্বামী দয়ানন্দজীগী য়াইফ-মঙ্গোলদগীনি হায়খি। প্রধান মন্ত্রীনা স্বামী দয়ানন্দ জীগী ৱাখল্লোনশিংদা মহাক্না চাউথোকচবা ফোংদোকখি। মহাক্না মফম অসিদা তিল্লীবা লৌশিং লৈবা মীওই পুম্নমক্কা মহাক্না চহি কয়াদগী লৈনরিবা মরী অদু পনখি। মসিনা মহাকপু মখোয়গা লোয়ননা চৎমিন্নবগী খুদোংচাবা কয়া ফংহনখি। মহাক্না হায়খি মদুদি মহাক্না মখোয়গা উন্নবা অমসুং ৱারী শান্নবা মতম খুদিংদা, মহাকপু তোঙানবা ইনর্জী অমসুং তোপ তোপ্পা ইথিলনা থলহনখি।

শ্রী মোদীনা হৌখিবা চহিদা গুজরাতকী মহাঋষি দয়ানন্দ সরস্বতীজীগী পোক্নফম লমদমদা অখন্নবা থৌরম অমা পাংথোকখিবা অদু নীংশিংখি। মহাক্না ভিদিওগী খুত্থাংদা থৌরম অদুদা শরুক য়াখি। মদুগী মমাংদা মহাক্না দিল্লীদা মহাঋষি দয়ানন্দ সরস্বতীজীগী 200শুবা মপোক কুমওনগী থৌরম হৌদোকপগী খুদোংচাবা ফংখি। মহাক্না হায়খি মদুদি বেদিক্কী ঈশৈশিং অমসুং হাবানগী অশেংবা থৌরমশিংগী ইনর্জী অসি ঙরাং খক্তদা পাংথোকখিবগুম্না ফাওই।

মমাংগী থৌরম অদুদা শরুক য়ারিবা পুম্নমক্না মহাঋষি দয়ানন্দ সরস্বতীজীগী বাইসেন্তিনরী সেলেব্রেসনশিং চহি অনিগী ওইনা 'বিচার য়জ্ঞ' ওইনা মখা চত্থনবা ৱারেপ লৌখিবা অদুসু প্রধান মন্ত্রীনা নীংশিংখি। মহাক্না নুংঙাইবা ফোংদোকখি মদুদি ইন্তলেকচুএল ওফরিং অসি লেপ্পা লৈতনা চহি অসিগী ওইনা মখা চত্থখি। শ্রী মোদীনা হায়খি মদুদি মঙোন্দা মতম অসিদা পায়খৎলিবা থবকশিং অমসুং প্রোগ্রামশিংগী মতাংদা চাং নাইনা পাউ পীরকখি। মহাক্না হায়খি মদুদি ঙসি, আর্য় সমাজকী 150শুবা চহিগী থৌরমদা মহাক্না ইকাই খুম্নবা উৎপগী খুদোংচাবা অমুক হন্না ফংলে। মহাক্না স্বামী দয়ানন্দ সরস্বতীজীগী খুয়া খাদা খুরুমজখি অমসুং ইকায় খুম্নবা উৎখি। মহাক্না ইন্তর্নেস্নেল সম্মিত অসিদা শরুক য়ারিবা পুম্নমক্তা মহাক্কী য়াইফ পাউজেল পীখি। মহাক্না মসিসু পনখি মদুদি থৌরম অসিদা কোম্মেমোরেতিব কোইন অমসুং পোস্তেল স্তাম্প অসি রিলিজ তৌবা অসি মহাক্কীদমক লাইবক ফবা অমনি।

প্রধান মন্ত্রীনা হায়খি, "আর্য় সমাজকী 150শুবা মপোক কুমওন অসি অখন্নবা ফুরুপ নত্ত্রগা কাঙলুপ অমগী থৌরম খক্তা নত্তে। মসি লৈবাক পুম্বগী বৈদিক মশক মওংগা য়াম্না মরী লৈনবা থৌরম অমনি।" মহাক্না হায়খি মদুদি মসি গঙ্গাগী ঈচেলগুম্না সেল্ফ-প্যুরিফিকেসনগী শক্তি লৈবা ভারতকী ফিলোসোফিকেল ত্রেদিসনগা মরী লৈনৈ। শ্রী মোদীনা হায়খি মদুদি থৌরম অসি আর্য় সমাজনা লেপ্পা লৈতনা মাংলোমদা চংশিল্লিবা সোসিএল রিফোর্মগী অচৌবা লিগেসিদা য়ুম্ফম ওইবনি। মহাক্না পনখি মদুদি খোঙজং অসিনা নীংতম লান্মী কয়াদা  আইদিওলোজীগী ওইবা শক্তি পীখি। মহাক্না আর্য় সমাজতগী ইথিল লৌখিবা অমসুং নীংতম লানফমদা মপুং ফানা থৱায় কৎখিবা রিভোলুস্নরী কয়াগী মরক্তা লালা লজপত রাই অমসুং শহিদ রামপ্রসাদ বিসমিলবু খুদম ওইনা পনখি। রাজনিতীগী ওইবা মরমশিংদগী নীংতম্বগী খোঙজংদা আর্য় সমাজনা লৌখিবা মরুওইবা থৌদাং অদু তশেংনা ফংফম থোকপা রিকগনিসন অদু ফংদ্রিবা অসিদা প্রধান মন্ত্রীনা অৱাবা ফোঙদোকখি।

হৌরকপা মতমদগী, আর্য় সমাজ অসি অচেৎপা লৈবাকনীংবা মীওইশিংগী ইন্সতিত্যুসন অমা ওইরি হায়না পল্লদুনা শ্রী মোদীনা হায়খি, "আর্য় সমাজনা ভারত মচা ওইবগী ৱাখল্লোন অদু অকিবা লৈতনা য়োকখৎলি অমসুং প্রমোৎ তৌরি।" মহাক্না হায়খি মদুদি ভারতকী মায়োক্তা লৈবা ৱাখল্লোনশিং, মপানগী ৱাখল্লোনশিং থাদোক্নবা হোৎনবা, তোখাই তানীংবগী ৱাখল্লোনশিং, নৎত্রগা কলচরেল ফেব্রিকপু লান্না লমজিংনবা হোৎনবা ওইরবসু, আর্য় সমাজনা মখোয়শিং অসি শিংননবা মতম পুম্নমক্তা লেপ্লি। আর্য় সমাজনা চহি 150 মপুং ফারকপদা, সমাজ অমসুং লৈবাক অনিমক্না দয়ানন্দ সরস্বতীজীগী অফাওবা ৱাখল্লোনশিংবু য়াম্না চাউনা অমসুং মগুন লৈনা ইকায় খুম্নবা উৎলিবা অসিদা প্রধান মন্ত্রীনা নুংঙাইবা ফোংদোকখি।

ধর্মগী ওইবা ৱাখল্লোন পোকহনবগী খুত্থাংদা পুৱারীগী খোঙচৎতা অনৌবা মায়কৈ অমা পীরম্বা স্বামি শ্রদ্ধাানন্দগুম্বা আর্য় সমাজকী স্কোলর কয়াদা শ্রদ্ধাঞ্জলি কৎলদুনা প্রধান মন্ত্রীনা হায়খি মদুদি অসিগুম্বা অচৌবা থৱায়শিংগী ইনর্জী অমসুং য়াইফ-মঙ্গোল অসি পুৱারীগী তাঙ্কক অসিদা লৈরি। মহাক্না প্লেৎফোর্ম অদুদগী মশীং থীঙমদ্রবা অফাওবা মীওইশিং অদুদা ইকায় খুম্নবা উৎখি অমসুং মখোয়না তৌরমখিবা অদু নীংশিংখি।

প্রধান মন্ত্রীনা হায়খি মদুদি ভারত অসি হীরম কয়াদা অখন্নবা ওই। মাগী লমদম, মাগী সিভিলাইজেসন অমসুং মাগী বেদিক ত্রেদিসন অসি চহি কয়াদগী লৈরক্লি। মহাক্না হায়খি মদুদি অনৌবা শিংনবশিং থোরকপা অমসুং মতমনা অনৌবা ৱাহংশিং থোরকপা খুদিংদা, অচৌবা মীশক অমনা পাউখুমগা লোয়ননা থোরকই। মহাক্না হায়খি মদুদি লৌশিং লৈবা মীওই, তুংদা থোরক্কদবা খঙবা মীওই, নৎত্রগা স্কোলর অমনা খুন্নাইবু লমজিংনবা মতম পুম্নমক্তা লাকই। স্বামী দয়ানন্দ সরস্বতীজী অসি অসিগুম্বা অথোইবা চৎনবী অসিগী মহাঋষি অমনি হায়না মহাক্না হায়খি। শ্রী মোদীনা নীংশিংখি মদুদি স্বামী দয়ানন্দজী অসি লৈবাক অমসুং খুন্নাই অসিবু চহি চা কয়া মীখা পোনবগী য়োৎলিং থাংখিবা কোলোনিএল সবজোগেসনগী মতম অদুদা পোকখি। মহাক্না উবা ফংখি মদুদি সুপরস্তিসন অমসুং খুন্নাইগী ফত্তবশিংনা ৱাখল খনবা অমসুং রিফ্লেক্সনগী মহুৎ শিনখ্রে, অমসুং বৃতিশশিংনা কোলোনিএল রুলিংবু চুম্মি তাক্নবগীদমক ভারতকী চৎনবী অমসুং থাজবশিংবু তুহৎখি। অসিগুম্বা ফিভমশিং অসিদা, খুন্নাই অসিনা অনৌবা, অশেংবা ৱাখল্লোনশিং ফোংদোক্নবগী থৌনা অদু মাংখি। অসিগুম্বা অরুবা মতম অসিদা হিমালয়গী অথাপ্পা অমসুং মনুং হঞ্জিনবা লমদমশিংদা মশাগী ৱাখল্লোনবু কন্না হোৎনদুনা চাংয়েং তৌদুনা অরুবা মতম অসিদা নহা ওইরিবা এস্তিক অমা থোরকখি। মহাক্না হল্লকপা মতমদা, মহাক্না ভারতকী খুন্নাইবু মশানা হন্থনা খল্লিবা ৱাখল্লোন অদুদা অওনবা পুরকখি। বৃতিশ এস্তাব্লিশমেন্ত পুম্নমক্না ভারত মচাগী আইদেন্তিতী অসি তুহৎনবা থবক তৌরকপা মতম অমদা, অমসুং খুন্নাইগী ৱাখল্লোন অমসুং লমচৎ শাজৎনা শোকলকপা অসি মোদর্নাইজেসন ওইনা উৎলিঙৈ মতম অদুদা, মশাদা থাজবা লৈরবা লৌশিং লৈবা মীওই অসিনা মহাক্কী খুন্নাইদা হায়জখি, "বেদতা হল্লো!" প্রধান মন্ত্রীনা স্বামী দয়ানন্দজীবু কোলোনিএল রুলগী মতমদা নীংথিনা ঙাক্না চৎলম্বা নেস্নেল কন্সিয়সনেস অদু অমুক হন্না হৌগৎহনখিবা মশক থোকপা মীওই অমনি হায়না ফোংদোকখি।

শ্রী মোদীনা হায়খি মদুদি স্বামী দয়ানন্দ সরস্বতীজীনা ভারতনা চাউখৎনবা, কোলোনিএল রুলগী য়োৎলিং থদৎপা অসি তঙাইফদে হায়বা খঙখি। ভারতনা খুন্নাই অসিবু ফাজিল্লিবা য়োৎলিং অদু থদৎপা মথৌ তাই। স্বামী দয়ানন্দজীনা কাংলুপকী মতুং ইন্না খেন্নবা থম্বা অমসুং শোক্না শম্নবা য়াদবগী ৱাখল্লোন অদু য়াখিদে হায়না মহাক্না অকনবা ৱাফম থমখি। মহাক্না লাইরিক ময়েক চত্তবগী মায়োক্তা কেম্পেন অমা হৌদোকখি অমসুং বেদ অমসুং লাইরিক লাইশুগী ৱাহন্থোকশিংবু লান্না তাকপা অমসুং শেমদোক-শাদোকপা মীওইশিংবু শিংনখি। মহাক্না মপানগী ৱারীশিংগা মুক্নখি অমসুং শাস্ত্রার্থকী চৎনবীগী মতেংনা অচুম্বা অদু শৌগৎখি। প্রধান মন্ত্রীনা স্বামী দয়ানন্দজীবু মীপুম খুদিংমক্কী অমসুং খুন্নাইগী চাউখৎ-থৌরাং অনিমক্তা নুপীগী মরুওইবা থৌদাংবু মশক খঙখি অমসুং নুপীশিংবু য়ুমদগী হেন্দোকহন্দবগী ৱাখল্লোন অদুবু শিংনখি। মহাক্কী ইথিলগী মখাদা, আর্য় সমাজ স্কুলশিংনা নুপীমচাশিংবু মহৈ তম্বা হৌখি অমসুং জলন্ধরদা হৌখিবা নুপীমচাশিংগী স্কুল অসি অথুবা মতমদা মপুং ফাবা নুপীগী কোলেজ অমা ওইখি। প্রধান মন্ত্রীনা হায়খি মদুদি অসিগুম্বা আর্য় সমাজ ইন্সতিত্যুসনশিংদা মহৈ তম্লিবা নুপীমচা লাখ কয়ানা লৈবাক অসিগী য়ুম্ফম মপাঙ্গল কনখৎহল্লি।

দিল্লীগী মুখ্য মন্ত্রী শ্রীমতী রেখা গুপ্তা ময়াই তাংফম অদুদা লৈখিবগীদমক থাগৎপা ফোংদোক্লদুনা শ্রী মোদীনা হায়খি মদুদি নুমিৎ নিনিগী মমাংদা, ভারতকী রাস্ত্রপতি শ্রীমতী দ্রুপদী মর্মুনা রাফেল ফাইতর জেৎ অমদা স্ক্বাদ্রোন লিদর শিবাঙ্গি সিংহগা লোয়ননা পাইখি। প্রধান মন্ত্রীনা হায়খি মদুদি ঙসিদি ভারতকী মচানুপীশিংনা ফাইতর জেৎশিং পাইরি অমসুং মোদর্ন এগ্রিকলচরবু 'দ্রোন দিদিস' ওইনা প্রমোৎ তৌরি। মহাক্না চাউথোক্না হায়খি মদুদি ভারতনা হৌজিক মালেমদা STEM গ্রেজুএৎ নুপীগী মশিং খ্বাইদগী য়ামখ্রে। সাইন্স অমসুং তেক্নোলোজীগী লমশিংদা নুপীশিংনা লুচিংবগী থৌদাং লৌবগী চাং হেনগৎলক্লি হায়না মহাক্না পনখি। শ্রী মোদীনা হায়খি মদুদি ভারতকী মরুওইবা রিসর্চ ইন্সতিত্যুসনশিংদা লৈরিবা নুপী সাইন্তিস্তশিংনা মঙ্গলয়ান, চন্দ্রয়ান অমসুং গগনয়ানগুম্বা স্পেস মিসনশিংদা মরুওইবা থৌদাং লৌরি। মহাক্না হায়খি মদুদি অহোংবা লাক্লিবা অসি লৈবাক অসিনা অচুম্বা লম্বীদা চংশিল্লি অমসুং স্বামী দয়ানন্দ জীগী মঙলানশিং মপুং ফাহল্লি।

প্রধান মন্ত্রীনা হায়খি মদুদি মহাক্না তোইনা স্বামী দয়ানন্দ জীগী ৱাখল্লোন অমবু পন্দুনা লৈরি। মহাক্না মসি অতোপ্পশিংদা তোইনা হায়খি। স্বামি জীনা হায়খি, "খ্বাইদগী তানা শীজিন্নবা অমসুং খ্বাইদগী য়াম্না শরুক তম্বা মীশক অদু তশেংনা খ্বাইদগী ৱাখল মপুং ফারবনি"। মহাক্না হায়খি মদুদি ৱাহৈ খরসিদা অসিগুম্বা অঙকপা লৌশিং য়াওই মদুদি মখোয়বু শন্দোক্না তাক্নবগীদমক্তা লাইরিক মপুং ফানা ইবা য়াই। ৱাখল্লোন অমগী অশেংবা মপাঙ্গল অসি মসিগী ৱাহন্থোক্তা নত্তে, অদুবু মসিনা কয়া য়াম্না শাংদোকপা ঙম্বগে অমসুং মসিনা পুন্সি কয়াদা অহোংবা পুরকপা ঙম্বগে হায়বা অদুদা মীৎয়েং থম্লদুনা, শ্রী মোদীনা হায়খি মদুদি ঐখোয়না মহাঋষি দয়ানন্দজীগী ৱাখল্লোনশিং অসি মসিগী ক্রাইতেরিয়া অসিদা য়েংলুরবদি, অমসুং আর্য় সমাজগী তুংইল্লিবা মীওইশিংবু য়েংলুরবদি, মহাক্কী ৱাখল্লোনশিং অসি মতমগী মতুং ইন্না হেন্না মঙাল থোক্লকপা উবা ফংই।

স্বামী দয়ানন্দ সরস্বতী জীনা মহাক্কী পুন্সিগী মতমদা পরোপকারিনী সভা লিংখৎখিবগী মতাংদা পল্লদুনা প্রধান মন্ত্রীনা হায়খি মদুদি স্বামী জীনা থারকখিবা মহৈ অসি গুরুকুল কাংরি, গুরুকুল কুরুকশেত্রা, DAV অমসুং অতোপ্পা এজুকেস্নেল সেন্তরশিং য়াওনা মশাগী লমদা কন্না হোৎনরিবা পুম্নমক অসি মশা কয়াগা লোয়ননা অচৌবা উজাও অমা ওইনা হৌরক্লে। মহাক্না হায়খি মদুদি লৈবাক অসিনা খুদোংচাদবা অমা মায়োক্নরকপা মতমদা, আর্য় সমাজকী মীহুৎশিংনা লৈবাক মীয়ামগী সেবাদা মশাবু কত্থোক্লি। শ্রী মোদীনা আর্য় সমাজনা পার্তিসনগী মতমগী অৱাবা তারবা মতমদা মখোয়গী পোৎলম খুদিংমক মাংখ্রবা মতুংদা ভারত্তা লাকখিবা রিফ্যুজীশিংবু মতেং পাংনবা, হান্নগী ফিভমদা হঞ্জিনহন্নবা অমসুং মহৈ তম্বদা লৌরিবা অচৌবা থৌদাং অদুসু পনখি। মহাক্না মখা তাখি মদুদি ঙসিসু, আর্য় সমাজ অসি মহৌশাগী ওইবা খুদোংথীবশিংগী মতমদা ভিক্তিমশিংদা মতেং পাংবদা মাংজিল থানা লৈরি।

আর্য় সমাজকী থৌদাং কয়াগী মরক্তা, খ্বাইদগী মরুওইবা অমা হায়রগদি ভারতকী গুরুকুলগী চৎনবী অসি ঙাক-শেন্দুনা থম্বা অসিনি হায়না পল্লদুনা শ্রী মোদীনা হায়খি মদুদি ভারত অসি মতম অমদা গুরুকুলশিংগী মপাঙ্গলনা মরম ওইদুনা লৌশিং অমসুং সাইন্সকী অৱাংবা থাক্তা লৈরম্মি। কোলোনিএল রুলগী মতমদা, মসিগী পথাপ অসিদা থওইনা লান্দাবা হৌখি, মসিনা লৌশিং মাংহল্লকখি, ভেল্যুশিং মাংহল্লকখি, অমসুং অনৌবা মীরোলশিংবু মপাঙ্গল হন্থহনখি। আর্য় সমাজনা মাঙশিল্লক্লিবা গুরুকুলগী চৎনবী অসি কোকহন্নবগীদমক মাংলোমদা চংশিনখি। মসিনা চৎনবী অসি ঙাকপতা নত্তনা মতমগী মতুং ইন্না মোদর্ন এজুকেসন য়াওহন্দুনা মসিবু ফগৎহনখি। প্রধান মন্ত্রীনা খঙখি মদুদি লৈবাক অসিনা হৌজিক নেস্নেল এজুকেসন পোলিসীগী খুত্থাংদা এজুকেসনবু ভেল্যুশিং অমসুং কেরেক্তর-বিল্দিংগা অমুক হন্না শম্নহল্লি। মহাক্না আর্য় সমাজবু ভারতকী অশেংবা লৌশিংগী চৎনবী অসি ঙাক-শেনবগীদমক থাগৎপা ফোংদোকখি।

শ্রী মোদীনা বেদিক্কী শ্লোক 'কৃনবন্তো বিশ্বাম অরিয়ম'গী ৱাহন্থোক পল্লদুনা হায়খি মদুদি 'ঐখোয়না মালেম পুম্ববু মগুন লৈহন্নবা হোৎনসি অমসুং মগুন লৈরবা ৱাখল্লোনগী মায়কৈদা লমজিংবীয়ু।" শ্রী মোদীনা হায়খি মদুদি স্বামি দয়ানন্দজীনা শ্লোক অসি আর্য় সমাজকী লমজিং-লমতাকপা মোত্তো ওইনা লৌখি। প্রধান মন্ত্রীনা অকনবা ৱাফম থমখি মদুদি হায়রিবা ৱাহৈ অসি হৌজিক ভারতকী চাউখৎপগী খোঙচৎকী য়ুম্ফম ওইবা মন্ত্র ওইনা ওইরে। ভারতকী চাউখৎপা অসিনা মালেমগী য়াইফনবা অমসুং মসিগী চাউখৎপা অসিনা মীওইবা খুন্নাইগীদমক মতেং পাংলি। মহাক্না হায়খি মদুদি ভারত অসি সস্তেনেবল দিবেলপমেন্তকী লমদা মালেমগী ওইবা মকোক থোংবা ভোইস অমা ওইরক্লি। বেদতা হল্লক্নবা স্বামী জীনা হায়খিবা অদুগা মান্নবা ৱাফম অমা পল্লদুনা প্রধান মন্ত্রীনা হায়খি মদুদি ভারতনা হৌজিক মালেমগী থাক্তা বেদিক্কী ৱাখল্লোন অমসুং পুন্সি মহিংবু শৌগৎলি। মহাক্না মালেমগী ওইবা তেংবাং ফংলবা মিসন লাইফ হৌদোকখিবগী মতাংদা পনখি। “ৱান সন, ৱান ৱার্ল্দ, ৱান গ্রিদ” ভিজনগী খুত্থাংদা ভারতনা ক্লিন ইনর্জীবু মালেমগী খোংজং অমদা ওন্থোক্লি। মহাক্না মখা তাখি মদুদি ইন্তর্নেস্নেল য়োগ নুমিৎকী খুত্থাংদা য়োগনা লৈবাক 190 হেনবদা য়ৌখ্রে। মসিনা য়োগগী পুন্সি মহিং অমসুং অকোয়বগী ফিভমগী মতাংদা খঙবা হেনগৎহল্লি।

প্রধান মন্ত্রীনা হায়খি মদুদি মিসন লাইফগুম্বা মালেমগী ওইবা থৌরাংশিং অসিনা হৌজিক মালেম পুম্বদা পুক্নিং চিংশিন্দুনা লাক্লি। মতম কয়াগী মমাংদগী আর্য় সমাজগী মীহুৎশিংগী দিসিপ্লিন লৈরবা পুন্সিগী শরুক অমা ওইরক্লি। মহাক্না মখোয়গী অচম্বা পুন্সি মহিং, সর্ভিস ওরিয়েন্তেদ ভেল্যুশিং, ভারতকী চৎনবীগী ওইবা পোৎশকশিং, অকোইবগী ফিভমগী মতাংদা পুক্নিং চিংশিনবা অমসুং ভারতকী চৎনবীবু শৌগৎপীবগীদমক থাগৎপা ফোংদোকখি। মহাক্না হায়খি মদুদি ভারতনা "সর্ব ভবন্তু সুখিনা"গী ৱাখল্লোনগা লোয়ননা মালেমগী য়াইফ-থৌরাংগী মায়কৈদা খুমাং চাউশিল্লক্লি অমসুং মালেমগী মপাং অমা ওইনা মসিগী থৌদাং অদু মপাঙ্গল কনখৎহল্লি। আর্য় সমাজগী মীহুৎ খুদিংমক্না মসিগী মিসন অসিগা লোয়ননা চৎমিন্নরি। মহাক্না মখোয়বু থাগৎপা ফোংদোকখি অমসুং মখোয়গী থৌদাংবু থম্মোয় শেংনা থাগৎপা ফোংদোকখি।

স্বামি দয়ানন্দ সরস্বতীজীনা চুখৎখিবা মৈরা অসি হৌখিবা চহি 150 অসিদা আর্য় সমাজগী খুত্থাংদা খুন্নাইবু লমজিংদুনা লাক্লি হায়না পল্লদুনা প্রধান মন্ত্রীনা হায়খি মদুদি স্বামি জীনা ঐখোয় পুম্নমক্তা অনৌবা ৱাখল্লোনশিং পুখৎনবা অমসুং চাউখৎপদা অপনবা ওইহল্লিবা ফত্তবা চৎনবীশিং থুগাইনবা থৌনা অমসুং থৌদাং অদু পোকহনখি। মহাক্না আর্য় সমাজ কম্ম্যুনিতীদগী ফংলিবা নুংশিবা অমসুং তেংবাং অদু শকখঙখি অমসুং মহাক্না শরুক য়ানবা খক্তা লাকপদা নত্তনা রিক্বেস্ত খরা তৌনবা লাকখি হায়না ফোংদোকখি।

শ্রী মোদীনা ফোংদোকখি মদুদি আর্য় সমাজনা লৈবাক শেমগৎপদা চাউনা মতেং পাংলি। মহাক্না লৈবাক অসিগী হৌজিক্কী মরুওইবা খরা অমুক হন্না পনখি। মহাক্না স্বদেশী মুভমেন্তকী মতাংদা পনখি অমসুং মসিগা লোয়ননা আর্য় সমাজগী পুৱারীগী ওইবা মরী লৈনবগী মতাংদা পনখি। লৈবাক অসিনা লমদমসিগী পোৎলমশিং য়োকখৎপগী থৌদাং অমুক হন্না লৌরকপগা লোয়ননা লোকেলগীদমক ৱাশক লৌরকপগা লোয়ননা, প্রধান মন্ত্রীনা মিসন অসিদা আর্য় সমাজগী থৌদাং অসি হেন্না মরুওইরক্লগনি হায়না ফোংদোকখি।

ভারতকী অরিবা লাইরিকশিং দিজিতেলাইজ তৌনবা অমসুং ঙাক-শেন্দুনা থম্নবগী পান্দমদা নৌনা হৌদোকখিবা জ্ঞান ভারতম মিসনবু নীংশিংলদুনা প্রধান মন্ত্রীনা হায়খি মদুদি লৌশিংগী অচৌবা রিপোজিসরী অসি নহা ওইরিবা মীরোলনা মসিগা শম্নবা অমসুং মসিগী মরুওইবা অদু খঙবা মতমদা খক্তনা ঙাক-শেন্দুনা থম্বা ঙমগনি। শ্রী মোদীনা আর্য় সমাজবু মিসন অসিদা এক্তিব ওইনা শরুক য়াবীনবা হায়খি। মহাক্না হায়খি মদুদি হৌখিবা চহি 150দগী আর্য় সমাজনা ভারতকী অরিবা লাইরিকশিং থিদোকপা অমসুং ঙাক-শেন্নবা হোৎনদুনা লাক্লি। লাইরিক লাইশুশিং অসিগী অশেংবা মশক অদু ঙাক্তুনা থম্নবগীদমক আর্য় সমাজগী মীহুৎশিংনা চহি কয়া হোৎনখিবা অদু মহাক্না থাগৎপা ফোংদোকখি। মহাক্না হায়খি মদুদি জ্ঞান ভারতম মিসননা হৌজিক্তি মসিগী খোঙথাং অসি নেস্নেল লেভেলদা য়ৌহনগনি অমসুং আর্য় সমাজনা মসি মখোয়গী কেম্পেন অমা ওইনা লৌনবা হায়খি। মহাক্না মখোয়বু মখোয়গী গুরুকুলশিং অমসুং ইন্সতিত্যুসনশিংগী খুত্থাংদা মেনুস্ক্রিপ্তশিং নৈনবদা অমসুং রিসর্চ তৌবদা নহাশিংবু শরুক য়াহন্নবা পুক্নিং থৌগৎখি।

প্রধান মন্ত্রী শ্রী মোদীনা মহাঋষি দয়ানন্দজীগী 200শুবা মপোক কুমওনগী থৌরমদা মহাক্না য়াজনাদা শীজিন্নরিবা মহৈ-মরোংশিংগী মতাংদা পনখিবা অদুসু নীংশিংখি। মহাক্না “শ্রী অন্ন”  অসি য়জ্ঞশিংদা চৎনবীগী মতুং ইন্না শীজিন্নরিবা অপৌবা মহৈ-মরোংশিং অদুগী অশেংবা মরুওইবা অদু ফোংদোকখি, অমসুং ভারতকী অরিবা মতমগী শ্রী অন্নগী চৎনবী অসি শৌগৎপগী তঙাই ফদবা অদুসু ফোংদোকখি। মহৈ-মরোংশিং অসিগী মরুওইবা মগুনশিংগী মরক্তগী অমা হায়রগদি মখোয় অসি মহৌশাদগী থাবা মহৈ-মরোংশিংনি। মহাক্না হায়খি, নেচরেল ফার্মিং অসি মতম অমদা ভারতকী শেন্মিৎলোনগী মরুওইবা য়ুম্বী অমা ওইরম্মি অমসুং মালেমনা অমুক হন্না মসিগী মরুওইবা অদু খঙবা হৌরে। নেচরেল ফার্মিংগী ইকনোমিক অমসুং স্পিরিচুএল দাইমেন্সন অনিমক্কী মতাংদা এৱারনেস হেনগৎহন্নবা প্রধান মন্ত্রীনা আর্য় সমাজদা হায়খি।

ঈশিং য়োকশিনবগী মতাংদা পল্লদুনা প্রধান মন্ত্রীনা হায়খি মদুদি লৈবাক অসিনা জল জীবন মিসনগী খুত্থাংদা খুঙ্গং খুদিংমক্তা থক্নবা ঈশিং ফংহন্নবা থবক পায়খৎলি। মসি মালেমগী খ্বাইদগী অখন্নবা কেম্পেন অমনি হায়না মহাক্না হায়খি। অদুম ওইনমক, মহাক্না হায়খি মদুদি ঈশিং পীনবগী সিস্তেমশিং অসি তুংগী চারোন-শুরোনগীদমক মতিক চানা ঈশিং য়োকশিল্লবদি ইফেক্তিব ওইগনি। মসিগীদমক সরকারনা দ্রিপ ইরিগেসন প্রমোৎ তৌরি অমসুং অমৃত সরোবর 60,000 হেন্না শেমগৎনবা থবক পায়খৎলি। প্রধান মন্ত্রীনা খুন্নাইবু সরকারগা লোয়ননা খোঙথাংশিং অসিদা থৌনা ফনা মতেং পাংনবা হায়খি।

মতমগী মতুং ইন্না মীৎয়েং চংবিদনা লৈরক্লবা অমসুং কাংদুনা মাংলবা খুঙ্গং খুদিংমক্তা চৎনবীগী মতুং ইন্না লৈরিবা পুখ্রিশিং, পাৎশিং অমসুং গুহা অমসুং স্তেপৱেলশিং অদুগী মতাংদা পল্লদুনা, শ্রী মোদীনা মহৌশাগী রিসোর্সশিং অসি ঙাক্নবা মীয়ামদা লেপ্পা লৈতনা এৱেরনেস পীবগী তঙাইফদবা অদুদা অকনবা ৱাফম থমখি। প্রধান মন্ত্রীনা "এক পের মা কে নাম" কেম্পেনগী মায় পাকপগী মতাংদা পনখি। মসি অতেনবা মতমগী খোঙথাং নত্তে, মসি এফোরেস্তেসনগী লেপ্পা লৈতনা চংশিল্লিবা খোঙথাং অমনি হায়না মহাক্না ফোংদোকখি। মহাক্না আর্য় সমাজকী মীহুৎশিংবু য়ারিবমখৈ মশিং য়াম্লবা মীওইশিংবু কেম্পেন অসিগা শম্নহন্নবা পুক্নিং থৌগৎখি।

প্রধান মন্ত্রীনা বেদিক্কী শ্লোক “সঙ্গাচছাধ্বাম সমবদাধ্বাম সাম ভো মানসী জনতম' অসি পনখি। মসিদা ঐখোয়বু পুন্না চৎমিন্নবা, পুন্না ৱারী শাননবা অমসুং অমনা অমগী ৱাখল্লোন খঙমিন্নবা তম্বীরি। মহাক্না হায়খি মদুদি বেদিক ইনভোকেসন অসি লৈবাক পুম্বনা থবক পায়খৎনবা হায়রকপনি হায়না লৌগদবনি। শ্রী মোদীনা মীপুম খুদিংমক্তা লৈবাক অসিগী ৱারেপশিং অসি মখোয় মশাগীনি হায়না লৌনবা অমসুং মীয়ামগী শরুক য়াবগী ৱাখল্লোনগী খুত্থাংদা পুন্না হোৎনমিন্ননবা হায়খি। মহাক্না হায়খি মদুদি আর্য় সমাজনা হৌখিবা চহি 150 অসিদা মসিগী স্পিরিৎ অসিবু লেপ্পা লৈতনা উৎলি অমসুং মসিবু মখা তানা মপাঙ্গল কনখৎহন্নবা হায়খি। প্রধান মন্ত্রীনা মহাঋষি দয়ানন্দ সরস্বতীজীগী ৱাখল্লোনশিংনা মীওইবা খুন্নাইগী য়াইফনবা লম্বীদা মঙাল পীদুনা চৎকনি হায়না থাজবা থম্লদুনা ৱারোইশিন পীখি। আর্য় সমাজগী চহি 150 মপুং ফারকপগী থৌরমদা মহাক্না অমুক্কা হন্না ময়াম পুম্নমকপু নুংঙাইবা ফোংদোকখি।

থৌরম অদুদা গুজরাত অমসুং মহারাস্ত্রাগী গভর্নর শ্রী আচার্য় দেবব্রত, দিল্লীগী মুখ্য মন্ত্রী শ্রীমতী রেখা গুপ্তা অমসুং অতোপ্পা শক্নাইরবশিংসু শরুক য়াখি।

বেকগ্রাউন্দ

ইন্তর্নেস্নেল আর্য় সম্মিৎ 2025গী থৌরম অসি মহাঋষি দয়ানন্দ সরস্বতিজীগী 200শুবা মপোক কুমওন অমসুং আর্য় সমাজনা খুন্নাইগী সেবা তৌরকপা চহি 150শুবগী থৌরম ওইনা পাংথোকপা জ্ঞান জ্যোতি উৎসবকী মরুওইবা শরুক অমনি।

সম্মিৎ অসিদা ভারত অমসুং মপান লৈবাক্কী আর্য় সমাজকী য়ুনিৎশিংগী মীহুৎশিং শরুক য়াগনি। মসিনা মহার্ষি দয়ানন্দগী রিফোর্ম পুরক্নবা ৱাখল্লোনশিংগী মালেমগী ওইনা মরু ওইবা অমসুং ওর্গনাইজেসন অসিগী গ্লোবেল আউতরীচ অদু উৎলি। মসিদা আর্য় সমাজগী ত্রেন্সফোর্মেতিব জর্নী অসি এজুকেসন, সোসিএল রিফোর্ম অমসুং স্পিরিচুএল অপলিফমেন্তদা শরুক তম্বগী খুত্থাংদা উৎলিবা '150 গোল্দন ইয়র্স ওফ সর্বিস' হায়না মিংথোনবা একজিবিসন অমসু য়াওগনি।

সম্মিৎ অসিগী পান্দমদি মহার্ষি দয়ানন্দ সরস্বতীগী রিফোর্মিস্ত অমসুং এজুকেস্নেল লিগেসীবু ইকায় খুম্নবা, এজুকেসন, সোসিএল রিফোর্ম অমসুং নেসন বিল্দিংদা আর্য় সমাজনা চহি 150 সর্বিস তৌরকপা অদু পালন তৌবা অমসুং ভিক্সিৎ ভারত 2047গী পরিং মখাদা বেদিক প্রিন্সিপলশিং অমসুং স্বদেশী ভেল্যুশিংগী মালেমগী ওইবা এৱারনেস পুক্নিং থৌগৎপা অসিনি।

***