ਕੇਂਦਰੀ ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਅਤੇ ਗ੍ਰਾਮੀਣ ਵਿਕਾਸ ਮੰਤਰੀ ਸ਼੍ਰੀ ਸ਼ਿਵਰਾਜ ਸਿੰਘ ਚੌਹਾਨ ਨੇ ਅੱਜ ਦਿੱਲੀ ਵਿੱਚ “ਰਾਸ਼ਟਰੀ ਐੱਫਪੀਓ ਸਮਾਗਮ 2025” ਦਾ ਉਦਘਾਟਨ ਕੀਤਾ। ਇਸ ਆਯੋਜਨ ਵਿੱਚ 24 ਰਾਜਾਂ ਅਤੇ 140 ਜਿਲ੍ਹਿਆਂ ਦੇ 500 ਤੋਂ ਵੱਧ ਪ੍ਰਗਤੀਸ਼ੀਲ ਕਿਸਾਨ, ਐੱਫਪੀਓ, ਲਾਗੂ ਕਰਨ ਏਜੰਸੀਆਂ (IA) ਅਤੇ ਕਲਸਟਰ-ਬੇਸਡ ਬਿਜਨੈਸ ਔਰਗੇਨਾਈਜ਼ੇਸ਼ਨ (CBBO) ਸ਼ਾਮਲ ਹੋਏ ਹਨ।

ਇਕੱਠ ਨੂੰ ਸਬੋਧਨ ਕਰਦੇ ਹੋਏ, ਕੇਂਦਰੀ ਮੰਤਰੀ ਨੇ ਕਿਸਾਨਾਂ, ਐੱਫਪੀਓ ਮੈਬਰਾਂ ਅਤੇ ਭਾਗੀਦਾਰ ਸੰਸਥਾਵਾਂ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ ਅਤੇ ਐੱਫਪੀਓ ਰਾਹੀਂ ਕਿਸਾਨਾਂ ਨੂੰ ਉਤਪਾਦਕ ਦੇ ਨਾਲ ਹੀ ਵਪਾਰੀ ਅਤੇ ਉੱਦਮੀ ਵਿੱਚ ਬਦਲਣ ਦਾ ਵੀ ਸੱਦਾ ਦਿੱਤਾ, ਤਾਂ ਜੋ ਪੂਰਾ ਲਾਭ ਸਿੱਧਾ ਕਿਸਾਨਾਂ ਨੂੰ ਮਿਲ ਸਕੇ।

ਕੇਂਦਰੀ ਮੰਤਰੀ ਨੇ ਦੇਸ਼ ਦੇ ਕਿਸਾਨ ਹਿਤਾਂ ਨਾਲ ਕੋਈ ਸਮਝੌਤਾ ਨਹੀਂ ਕਰਨ ਦੇ ਦਿੜ੍ਹ ਸੰਕਲਪ ‘ਤੇ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਜੀ ਦਾ ਕਿਸਾਨਾਂ ਵੱਲੋਂ ਆਭਾਰ ਵਿਅਕਤ ਕੀਤਾ ਅਤੇ ਜ਼ੋਰ ਦਿੱਤਾ ਕਿ ਖੇਤੀਬਾੜੀ ਰੋਜ਼ੀ-ਰੋਟੀ ਅਤੇ ਰਾਸ਼ਟਰੀ ਖੁਰਾਕ ਸੁਰੱਖਿਆ ਦੋਵਾਂ ਲਈ ਮਹੱਤਵਪੂਰਨ ਹੈ। ਉਨ੍ਹਾਂ ਕਿਹਾ ਕਿ ਕਿਸਾਨਾਂ ਦੇ ਫਾਇਦੇ ਲਈ ਇੰਟੀਗ੍ਰੇਟਿਡ ਫਾਰਮਿੰਗ ‘ਤੇ ਸਾਡਾ ਫੋਕਸ ਹੈ। ਸਿਰਫ਼ ਅਨਾਜ 'ਤੇ ਨਿਰਭਰ ਕਰਨਾ ਕਾਫ਼ੀ ਨਹੀਂ ਹੋਵੇਗਾ; ਕਿਸਾਨਾਂ ਦੀ ਆਮਦਨ ਵਧਾਉਣ ਲਈ ਸਹਾਇਕ ਗਤੀਵਿਧੀਆਂ ਨੂੰ ਉਤਸ਼ਾਹਿਤ ਕਰਨ ਲ਼ਈ ਹੋਰ ਕੰਮ ਵੀ ਕਰਨੇ ਹੋਣਗੇ। "

ਸ਼੍ਰੀ ਚੌਹਾਨ ਨੇ ਕੀਮਤਾਂ ਦੀ ਅਸਮਾਨਤਾ 'ਤੇ ਚਿੰਤਾ ਪ੍ਰਗਟ ਕਰਦੇ ਹੋਏ ਕਿਹਾ ਕਿ ਕਿਸਾਨਾਂ ਨੂੰ ਅਕਸਰ ਉਨ੍ਹਾਂ ਦੀ ਉਪਜ ਲਈ ਉਚਿਤ ਕੀਮਤ ਨਹੀਂ ਮਿਲਦੀ, ਜਦੋਂ ਕਿ ਖਪਤਕਾਰ ਵੱਧ ਕੀਮਤਾਂ ਅਦਾ ਕਰਦੇ ਹਨ। ਉਨ੍ਹਾਂ ਕਿਹਾ ਕਿ "ਇਸ ਪਾੜੇ ਨੂੰ ਘੱਟ ਕਰਨਾ ਹੋਵੇਗਾ।" ਕੇਂਦਰੀ ਮੰਤਰੀ ਨੇ ਐਲਾਨ ਕੀਤਾ ਕਿ ਸਰਕਾਰ ਜਲਦੀ ਹੀ ਇੱਕ ਬੀਜ ਐਕਟ ਪੇਸ਼ ਕਰੇਗੀ, ਜਿਸ ਵਿੱਚ ਪ੍ਰਾਵਧਾਨ ਹੋਵੇਗਾ ਕਿ ਕਿਸਾਨਾਂ ਨੂੰ ਚੰਗੀ ਗੁਣਵੱਤਾ ਵਾਲੇ ਬੀਜ ਮਿਲਣ। ਉਨ੍ਹਾਂ ਅੱਗੇ ਕਿਹਾ ਕਿ ਸਰਕਾਰ ਨਕਲੀ ਅਤੇ ਘਟੀਆ ਬੀਜਾਂ ਅਤੇ ਕੀਟਨਾਸ਼ਕਾਂ ਦੇ ਮਾਮਲੇ ਵਿੱਚ ਸਖ਼ਤ ਹੈ, ਅਸੀਂ ਸਖ਼ਤ ਕਾਨੂੰ ਲਿਆਵਾਂਗੇ ਅਤੇ ਸਾਡੇ ਕਿਸਾਨਾਂ ਦੀ ਸੁਰੱਖਿਆ ਯਕੀਨੀ ਬਣਾਵਾਂਗੇ।

ਕਿਸਾਨਾਂ ਨੂੰ ਵੈਲਿਉ ਐਡੀਸ਼ਨ ਵੱਲ ਵਧਣ ਦਾ ਸੱਦਾ ਦਿੰਦੇ ਹੋਏ, ਕੇਂਦਰੀ ਮੰਤਰੀ ਨੇ ਕਿਹਾ ਕਿ ਕਿਸਾਨਾਂ ਨੂੰ ਸਿਰਫ ਉਤਪਾਦਕ ਨਹੀਂ ਰਹਿਣਾ ਚਾਹੀਦਾ, ਸਗੋਂ ਖੇਤੀਬਾੜੀ ਰਾਹੀਂ ਉੱਦਮੀ ਬਣਨਾ ਚਾਹੀਦਾ ਹੈ। ਪ੍ਰੋਸੈੱਸਿਗ ਅਤੇ ਵੈਲਿਉ ਐਡੀਸ਼ਨ ਨਾਲ ਉਨ੍ਹਾਂ ਦੀ ਆਮਦਨ ਵਧੇਗੀ।"

ਸ਼੍ਰੀ ਚੌਹਾਨ ਨੇ ਐੱਫਪੀਓਜ਼ ਨੂੰ ਛੋਟੇ ਕਿਸਾਨਾਂ ਦੀ ਭਲਾਈ ਲਈ ਗੰਭੀਰਤਾ ਨਾਲ ਕੰਮ ਕਰਨ ਅਤੇ ਮੰਤਰਾਲੇ ਨਾਲ ਵਿਹਾਰਕ ਸੁਝਾਅ ਸਾਂਝੇ ਕਰਨ ਦੀ ਅਪੀਲ ਕੀਤੀ, ਉਨ੍ਹਾਂ ਨੂੰ ਭਰੋਸਾ ਦਿੱਤਾ ਕਿ ਢੁਕਵੀਂ ਕਾਰਵਾਈ ਕੀਤੀ ਜਾਵੇਗੀ। ਉਨ੍ਹਾਂ ਨੇ ਐੱਫਪੀਓਜ਼ ਨੂੰ ਇੱਕ ਸਾਲ ਦੇ ਅੰਦਰ ਟਰਨਓਵਰ ਵਧਾਉਣ, ਮੈਂਬਰਸ਼ਿਪ ਵਧਾਉਣ ਅਤੇ ਮੈਂਬਰ ਕਿਸਾਨਾਂ ਨੂੰ ਵੱਧ ਤੋਂ ਵੱਧ ਲਾਭ ਯਕੀਨੀ ਬਣਾਉਣ ਲਈ ਭਰੋਸੇਯੋਗਤਾ ਅਤੇ ਗੁਣਵੱਤਾ ਵਧਾਉਣ ਦੀ ਅਪੀਲ ਕੀਤੀ।   

ਕੇਂਦਰੀ ਮੰਤਰੀ ਨੇ ਐੱਨਸੀਡੀਸੀ ਅਤੇ ਐੱਨਸੀਯੂਆਈ ਕੰਪਲੈਕਸ ਦਿੱਲੀ ਦੇ ਹੌਜ਼ ਖਾਸ ਵਿਖੇ ਆਯੋਜਿਤ ਉਦਘਾਟਨੀ ਸਮਾਰੋਹ ਵਿੱਚ ਸੰਗਠਨ, ਕਾਰੋਬਾਰ ਅਤੇ ਡਿਜੀਟਲ ਨਵੀਨਤਾ ਵਿੱਚ ਉੱਤਮਤਾ ਲਈ ਸ਼ਾਨਦਾਰ ਐੱਫਪੀਓ, ਸੀਬੀਬੀਓ ਅਤੇ ਲਾਗੂ ਕਰਨ ਵਾਲੀਆਂ ਏਜੰਸੀਆਂ ਨੂੰ ਸਨਮਾਨਿਤ ਵੀ ਕੀਤਾ।

ਵੱਖ-ਵੱਖ ਖੇਤੀਬਾੜੀ ਉਤਪਾਦਾਂ ਦੀ ਸ਼ਾਨਦਾਰ ਪ੍ਰਦਰਸ਼ਨੀ

ਐੱਨਸੀਡੀਸੀ ਕੈਂਪਸ ਵਿੱਚ ਆਯੋਜਿਤ ਪ੍ਰਦਰਸ਼ਨੀ ਵਿੱਚ ਕੁੱਲ 267 ਐੱਫਪੀਓਜ਼ ਨੇ ਅਨਾਜ, ਦਾਲਾਂ, ਤੇਲ ਬੀਜਾਂ, ਫਲਾਂ, ਸਬਜ਼ੀਆਂ, ਜੈਵਿਕ, ਪ੍ਰੋਸੈੱਸਡ ਅਤੇ ਪਰੰਪਰਾਗਤ ਉਤਪਾਦਾਂ ਦੀ ਪ੍ਰਦਰਸ਼ਨੀ ਲਗਾਈ। ਕੇਂਦਰੀ ਖੇਤੀਬਾੜੀ ਮੰਤਰੀ ਨੇ 57 ਸਟਾਲਾਂ ਦਾ ਦੌਰਾ ਕੀਤਾ, ਕਿਸਾਨਾਂ ਨਾਲ ਸਿੱਧੇ ਤੌਰ 'ਤੇ ਗੱਲਬਾਤ ਕੀਤੀ, ਉਨ੍ਹਾਂ ਦੀਆਂ ਨਵੀਨਤਾ ਦੀ ਸ਼ਲਾਘਾ ਕੀਤੀ, ਅਤੇ ਉਨ੍ਹਾਂ ਨੂੰ ਤਕਨਾਲੋਜੀ, ਬਾਜ਼ਾਰਾਂ ਅਤੇ ਨਵੇਂ ਵਿਚਾਰਾਂ ਨੂੰ ਅਪਣਾਉਣ ਲਈ ਉਤਸ਼ਾਹਿਤ ਕੀਤਾ।

ਤਕਨੀਕੀ ਸੈਸ਼ਨ ਅਤੇ ਪੈਨਲ ਡਿਸਕਸ਼ਨ

ਇਸ ਪ੍ਰੋਗਰਾਮ ਵਿੱਚ ਤੇਲ ਬੀਜ ਉਤਪਾਦਨ, ਜਲ ਦੀ ਵਰਤੋਂ ਕੁਸ਼ਲਤਾ, ਕੁਦਰਤੀ ਖੇਤੀ, ਖੇਤੀਬਾੜੀ ਬੁਨਿਆਦੀ ਢਾਂਚਾ ਫੰਡ, ਸ਼ਹਿਦ ਉਤਪਾਦਨ, ਡਿਜੀਟਲ ਮਾਰਕੀਟਿੰਗ, ਐਗਮਾਰਕ ਪ੍ਰਮਾਣੀਕਰਣ, ਅਤੇ ਬੀਜ ਉਤਪਾਦਨ ਵਰਗੇ ਵਿਸ਼ਿਆਂ 'ਤੇ ਕਈ ਤਕਨੀਕੀ ਸੈਸ਼ਨ ਅਤੇ ਪੈਨਲ ਚਰਚਾਵਾਂ ਦਾ ਆਯੋਜਨ ਕੀਤਾ ਗਿਆ। ਇਸ ਸੈਸ਼ਨ ਵਿੱਚ ਖੇਤੀਬਾੜੀ ਮਾਹਿਰਾਂ, ਉਦਯੋਗ ਪ੍ਰਤੀਨਿਧੀਆਂ ਅਤੇ ਕਿਸਾਨਾਂ ਨੇ ਹਿੱਸਾ ਲਿਆ।

ਕਿਸਾਨ ਉੱਦਮਤਾ ਅਤੇ ਬਾਜ਼ਾਰ ਸਬੰਧਾਂ ਨੂੰ ਉਤਸ਼ਾਹਿਤ ਕਰਨਾ

ਕਿਸਾਨ ਉਤਪਾਦਕ ਸੰਗਠਨਾਂ (FPOs), ਕਿਸਾਨਾਂ, ਖਰੀਦਦਾਰਾਂ ਅਤੇ ਵਿਕਰੇਤਾਵਾਂ ਵਿਚਕਾਰ ਗੱਲਬਾਤ ਲਈ ਇੱਕ ਸਮਰਪਿਤ ਪਲੈਟਫਾਰਮ ਤਿਆਰ ਕੀਤਾ ਗਿਆ, ਜਿਸ ਨਾਲ ਗ੍ਰਾਮੀਣ ਉੱਦਮੀਆਂ ਲਈ ਨਵੇਂ ਬਜ਼ਾਰ ਮੌਕਿਆਂ ਦਾ ਰਾਹ ਖੁੱਲਿਆ। ਕਾਨਫਰੰਸ ਦਾ ਉਦੇਸ਼ ਕਿਸਾਨਾਂ ਨੂੰ ਉਤਪਾਦਕਾਂ, ਪ੍ਰੋਵਾਈਡਰਾਂ ਅਤੇ ਭਾਗੀਦਾਰਾਂ ਵਜੋਂ ਸਸ਼ਕਤ ਬਣਾਉਣਾ ਹੈ, ਜੋ ਕਿ ਸਮਾਵੇਸ਼ੀ ਅਤੇ ਨਵੀਨਤਾਕਾਰੀ ਖੇਤੀਬਾੜੀ ਵਿਕਾਸ ਵੱਲ ਇੱਕ ਇਤਿਹਾਸਕ ਕਦਮ ਹੈ।

ਇਹ ਮਹੱਤਵਪੂਰਨ ਆਯੋਜਨ ਮੰਤਰੀ-ਕਿਸਾਨ ਸੰਵਾਦ ਦਾ ਸਸ਼ਕਤ ਉਦਾਹਰਣ ਬਣਿਆ ਹੈ, ਜਿਸ ਨਾਲ ਨਾ ਸਿਰਫ ਐੱਫਪੀਓ ਉਤਪਾਦਾਂ ਨੂੰ ਹੁਲਾਰਾ ਮਿਲੇਗਾ ਸਗੋਂ ਨਵੇਂ ਵਿਚਾਰਾਂ ਦਾ ਆਦਾਨ-ਪ੍ਰਦਾਨ ਹੋਣ ਨਾਲ ਸਾਡੇ ਕਿਸਾਨਾਂ ਨੂੰ ਵਿਆਪਕ ਲਾਭ ਹੋਵੇਗਾ।

***

ਆਰਸੀ/ਏਆਰ/ਐੱਮਕੇ/ਬਲਜੀਤ