صحت اور خاندانی فلاح و بہبود کے مرکزی وزیر جناب جگت پرکاش نڈا نے آج ویجیلنس بیداری ہفتہ 2025 کے موقع پر وزارت کے سینئر افسران اور عملے کے ساتھ دیانتداری کا عہد لیا  او ر دلوایا۔

پورے ملک میں انسدادِ بدعنوانی ہفتہ 27 اکتوبر سے 2 نومبر 2025 تک “بیداری: ہماری مشترکہ ذمہ داری”کے موضوع کے ساتھ منایا جا رہا ہے۔اس کا مقصد عوامی زندگی میں دیانت داری، شفافیت اور جوابدہی کو فروغ دینا ہے، جیسا کہ مرکزی کمیشن برائے انسدادِ بدعنوانی(سی وی سی) کی ہدایات میں بیان کیا گیا ہے۔

عہد دلاتے ہوئے جناب نڈا نے اخلاقی طریقوں کو ادارہ جاتی بنانے اور حکمرانی کی ہر سطح پر چوکسی کے ثقافت  کو فروغ دینے کی اہمیت پر زور دیا ۔ انہوں نے کہا ، ‘‘ضروری ہے کہ ایک سادہ اور عام فہم چیک لسٹ تیار کی جائےتاکہ تاکہ لوگ خیر خواہی یا ہمدردی کے تحت کوئی غلط کام نہ کریں۔ تربیت اور صلاحیت سازی ایک باقاعدہ مشق ہونی چاہیے تاکہ ہر کوئی باخبر اور چوکس رہے ۔

انسدادِ بدعنوانی ہفتہ 2025 سے قبل، مرکزی کمیشن برائے انسدادِ بدعنوانی (سی وی سی) نے رواں سال اگست میں ایک سرکلر جاری کیا تھا، جس میں تمام اداروں کو ہدایت دی گئی  تھی کہ وہ 18 اگست سے 17 نومبر 2025 تک پریوینٹو ویجیلنس کے  سلسلے میں تین ماہ تک مہم چلائیں ، جس  میں پانچ کلیدی نکات یعنی (i) زیر التواء شکایات کا تصفیہ (ii) زیر التواء مقدمات کا ازالہ (iii) صلاحیت سازی کے پروگرام (iv) اثاثہ جات کا انتظام اور (v) ڈیجیٹل اقدامات  پر توجہ دی جائے۔

وزارت صحت اور خاندانی بہبود کے سینئر افسران ، عہدیداروں اور عملے کے ارکان نے حلف برداری کی تقریب میں شرکت کی اور عوامی خدمت میں اخلاقی اقدار ، شفافیت اور جواب دہی کو برقرار رکھنے کے لئے اپنے عزم کا اعادہ کیا ۔

***

ش ح۔ ک ا۔ م ش

U.NO.341