کانوں کی وزارت نے 2 مزید اداروں ، انڈین انسٹی ٹیوٹ آف سائنس (آئی آئی ایس سی) بنگلور اور سینٹر فار میٹریل فار الیکٹرانکس ٹیکنالوجی (سی-میٹ) حیدرآباد کے علاوہ 7 اداروں کو نیشنل کریٹیکل منرل مشن (این سی ایم ایم) کے تحت سینٹر آف ایکسی لینس (سی او ای) کے طور پر تسلیم کیا ہے ۔  وزارت کانکنی کے سکریٹری جناب پیوش گوئل اور سائنس و ٹیکنالوجی کے محکمے کے سکریٹری پروفیسر ابھے کرانڈیکر کی مشترکہ صدارت میں 24 اکتوبر2025کو منعقدہ میٹنگ میں پروجیکٹ کی منظوری اور ایڈوائزری کمیٹی (پی اے اے سی) کی طرف سے دی گئی منظوری کے بعد یہ منظوری دی گئی ہے ۔

ترقی یافتہ ٹیکنالوجی اور الیکٹرانکس، دفاع، خلاء وغیرہ جیسے اسٹریٹیجک شعبوں کے علاوہ، صاف توانائی اور نقل و حرکت میں تبدیلی کے ابھرتے ہوئے شعبوں کے لیے اہم خام معدنیات ایک نہایت اہم سپلائی چین تشکیل دیتے ہیں۔

ٹیکنالوجی کو جامع نظامی نقطہ نظر (اینڈ ٹو اینڈ سسٹم اپروچ) کے تحت تیار کرنے، مظاہرہ کرنے اور نافذ کرنے کے لیے تحقیق و ترقی ( آر اینڈ ڈی) کرنا ضروری ہے تاکہ ٹیکنالوجی کی تیاری کے اعلیٰ درجے، یعنی  7/8 ٹی آر ایل  پائلٹ پلانٹ اور تجارتی مظاہرے  سے پہلے(پری کمرشیل ڈیمونسٹریشن) تک پہنچا جا سکے۔یہ سینٹر آف ایکسیلنس اہم معدنیات کے شعبے میں ملک کی سائنسی اور تکنیکی صلاحیت کو مضبوط اور فروغ دینے کے لیے جدید اور انقلابی تحقیق انجام دیں گے۔

ہر سی او ای ایک کنسورشیم کی شکل میں ہب اینڈ اسپوک ماڈل پر کام کرے گا، تاکہ اہم معدنیات کے شعبے میں تحقیق و ترقی سے زیادہ سے زیادہ فائدہ اٹھایا جا سکے اور مختلف شعبوں کی بنیادی صلاحیتوں کو ایک ہی چھت تلے یکجا کیا جا سکے۔سی او ای (مرکزی ادارہ یا ہب انسٹی ٹیوٹ) کو رہنما اصولوں کے مطابق کم از کم دو صنعتی شراکت داروں اور کم از کم دو تحقیقی و تعلیمی شراکت داروں کو اپنے کنسورشیم میں شامل کرنا لازم ہوگا۔

اب تک تسلیم شدہ نو (9) سی او ایز نے مجموعی طور پر تقریباً 90 صنعتی اور تحقیقی/تعلیمی اداروں کے نمائندوں کو اپنے نیٹ ورک میں شامل کیا ہے۔

****

ش ح۔ ش ت ۔ ش ب ن

U.NO.324