சிறப்பு பிரச்சாரம் 5.0-ன் கீழ் செயல்திறன், வெளிப்படைத்தன்மை மற்றும் டிஜிட்டல் நிர்வாகத்தில் மத்திய அரசு கவனம் செலுத்துவதற்கேற்ப, சட்டம் மற்றும் நீதி அமைச்சகத்தின் சட்ட விவகாரங்கள் துறை, சட்டத் தகவல் மேலாண்மை மற்றும் சுருக்க முறைமையை பொது நிதி மேலாண்மை அமைப்புடன்  ஒருங்கிணைப்பதன் மூலம் நடைமுறைகளை எளிமைப்படுத்தலில் ஒரு முக்கிய மைல்கல்லை வெற்றிகரமாக அடைந்து வருகிறது. இந்தச் சீர்திருத்தம் வழக்கறிஞர் கட்டண விநியோகத்தின் முழு செயல்முறையையும் டிஜிட்டல்மயமாக்க உதவுகிறது. வணிகம் செய்வதை எளிதாக்குதல் மற்றும் டிஜிட்டல் இந்தியா ஆகிய அரசின் பரந்த முயற்சிகளின் ஒரு முக்கிய அங்கமாக அமைகிறது.

முன்னதாக, வழக்கறிஞர்களுக்கான கட்டணங்களைச் செலுத்துவதில்  செயலாக்கம், கையேடு சரிபார்ப்பு மற்றும் ஊதியம் மற்றும் கணக்கு அலுவலகத்திற்கு அச்சிடப்பட்ட நகல்களை சமர்ப்பித்தல் ஆகியவை அடங்கும். இது பெரும்பாலும் தாமதத்துக்கு  வழிவகுக்கிறது. மேம்படுத்தப்பட்ட மின்னணு முறையில் கட்டண தொகுதி, இப்போது சட்ட அதிகாரிகள் மற்றும் குழு வழக்கறிஞர்களுக்கான கட்டண விநியோகங்களை மின்னணு முறையில் செயலாக்க உதவுகிறது. இது முந்தைய தாமதங்களை நீக்குகிறது. இந்த முயற்சி, அமைச்சகங்கள் மற்றும் துறைகள் முழுவதும் சீரான தன்மை, சரியான நேரத்தில் செயலாக்கம் மற்றும் பணம் செலுத்துதல் ஆகியவற்றை உறுதி செய்வதோடு, டிஜிட்டல் பதிவு பராமரிப்பையும் வலுப்படுத்துகிறது.

இந்த ஒருங்கிணைப்பு டிஜிட்டல் நிர்வாகத்தை வலுப்படுத்துகிறது, வேகம் மற்றும் செயல்திறனை மேம்படுத்துகிறது, வெளிப்படைத்தன்மை மற்றும் பொறுப்புணர்வை உறுதி செய்கிறது. சுற்றுச்சூழல் நிலைத்தன்மையை ஊக்குவிக்கிறது. டிஜிட்டல் மாற்றத்தை ஊக்குவிப்பது மற்றும் மேம்பட்ட செயல்திறன் மூலம் மக்களை மையமாகக் கொண்ட சேவை வழங்கலை மேம்படுத்துகிறது. இதன் மூலம் சிறப்பு பிரச்சாரம் 5.0-ன் நோக்கங்களுக்கு நேரடியாகப் பங்களிக்கிறது.

***

AD/PKV/RJ