تجارت و صنعت کے مرکزی وزیر جناب پیوش گوئل نے 23 اکتوبر 2025 کو برلن میں جرمنی کی وفاقی وزیر برائے معیشت اور توانائی محترمہ کیتھرینا ریچے کے ساتھ ایک نتیجہ خیز میٹنگ کی ۔  یہ بات چیت 7 اگست 2025 کو ان کی ویڈیو کانفرنس کے بعد منعقد کی گئی ۔  بات چیت میں تجارت ، سرمایہ کاری ، ٹیکنالوجی ، ماحول دوست توانائی اور ہنر مندی میں تعاون بڑھانے پر توجہ مرکوز کی گئی ۔  جناب گوئل نے فیڈرل چانسلری میں اقتصادی اور مالیاتی پالیسی کے مشیر ڈاکٹر لیون ہولے اور جرمنی کے جی 7 اور جی 20 شیرپا سے بھی ملاقات کی اور دو طرفہ اقتصادی تعلقات کو مزید گہرا کرنے کے طریقوں پر تبادلہ خیال کیا ۔

بعدازاں ، جناب گوئل نے ہندوستانی سفارت خانے میں جرمن مٹل اسٹینڈ کمپنیوں کے سی ای اوز اور لیڈروں کے ساتھ ایک گول میز کانفرنس کی صدارت بھی کی ، جنہوں نے ہندوستان میں کاروبار کرنے اور موجودہ سرمایہ کاری کو بڑھانے کے لیے اپنی دلچسپی ظاہر کی ۔  وزیر موصوف نے ہندوستان کی طرف سے پیش کردہ مواقع اور سرمایہ کاری کو آسان بنانے اور کاروبار کرنے میں آسانی کے لیے حکومت ہند کی طرف سے کیے گئے اقدامات پر روشنی ڈالی ۔  انہوں نے خاص طور پر اختراع ، پائیداری اور جدید مینوفیکچرنگ کے شعبوں میں تال میل اور کاروبار سے کاروبار کے مضبوط روابط پر تبادلہ خیال کیا ۔

بعد ازاں ، جناب گوئل کا لگزمبرگ کے نائب وزیر اعظم اور امور خارجہ اور تجارت کے وزیر جناب زیویئر بیٹل سے ملاقات کرنے اور انفی نیون ٹیکنالوجیز ، شیفلر گروپ ، رینک ، ہیرینکنیچٹ اے جی ، اینرٹریگ ایس ای  اور مرسیڈیز بینز گروپ سمیت معروف جرمن کمپنیوں کے سی ای اوز کے ساتھ بات چیت کرنے کا پروگرام ہے ۔

وزیرموصوف کی مصروفیات 24 اکتوبر کو برلن گلوبل ڈائیلاگ میں پینل ڈسکشن اور جرمن صنعتی ایسو سی ایشنوں کے ساتھ مزید ملاقاتوں کے ساتھ جاری رہیں گی ۔

****

ش ح۔ م ش ۔ج ا

UR No-229